Директорот на Царинска управа Бобан Николовски, информира дека на состанок со генералниот извршен директор на компанијата „Лидл македонија“, Рубријан Хаџиев, истакнал дека Царинската управа е целосно транспарентна и отворена кон бизнис заедницата се со цел побрзо отпочнување на планираните инвестиции во државата и зголемување на вработеноста.

Во Куманово во тек е изградба на логистички центар во чии рамки планираат да имаат локално царинење при што ние како Царинска управа ќе им помогнеме во процесот.

 

Со Хаџиев и неговиот тим имавме одлична дискусија за нивните тековни активности и спроведување македонски недели во други земји во рамки на кои во маркетите на Лидл се продаваат македонски производи. Ми пренесоа дека одат кон остварување на целта во нивните маркети овде голем дел од производите што ќе се продаваат да бидат македонски производи.

 

Воедно во однос на извозот нивната интенција како што ми пренесоа е поголем редовен пласман на македонски производи во маркетите на Лидл, со што за нашите компании ќе се отворат нови пазари, вели Николовски.

The post Ќе има локално царињене во рамки на логистичкиот центар на компанијата: Директорот на Царина на средба со „Лидл Македонија“ appeared first on Република.

Македонија е сојузник со САД во НАТО при што Царинската управа има значајна улога во процесот на олеснување на увоз на опрема за потребите на македонската Армија, напиша Директорот на Царинска управа Бобан Николовски во објава на „Фејсбук“.

Целосно посветени во исполнување на нашите заложби и обврските согласно Договорот на земјите членки, Царинската управа на дневна основа ќе се координира и ќе комуницира со службите на Армијата се со цел олеснување на увозот и побрз прием на оклопните возила Stryker што на Армијата и се потребни се со цел зајакнување на капацитетите и исполнување на обврските во рамки на НАТО, истакна Николовски.

Денеска во касарната „Страшо Пинџур“ во Петровец заедно со амбасадорката на САД во нашата земја, Ангела Агелер, министерот за одбрана Владо Мисајловски и началникот на Генералштабот на Армијата, генерал-мајор Сашко Лафчиски, присуствувавме на брифинг на кој од страна на заменик командантот на Прва пешадиска бригада, полковник Стеван Наумоски беше презентиран процесот за воведување во оперативна употреба на лесните оклопни возила „Stryker“ во рамките на Армијата. По брифингот остваривме посета на објектите каде се одржуваат и чуваат JLTV и Stryker возилата, информираше Николовски.

Денешниот настан е организиран во рамки на посетата на тимот за одбранбена стратегија на САД од ISG (Institute for security governance).

The post Николовски: Македонија е сојузник со САД во НАТО при што Царинската управа има значајна улога appeared first on Република.

Бројот на случаи на заплени во изминатите четири месеци е зголемен за 48 проценти, а соработката на национално и меѓународно ниво е значително унапредена. Изготвен е нов протокол со Бирото за јавна безбедност, а со поддршка на ОБСЕ, се со цел унапредување на меѓуинституционалното делување и жестока борба со сериозен криминал.

Ова е јасен показател за нашата посветеност во борбата против пролиферација на мало и лесно оружје, истакна директорот Бобан Николовски, на Конференција на високо ниво за соработка меѓу полицијата и царината за мало и лесно оружје и за криумчарење мигранти во Југоисточна Европа во организација на ОБСЕ.

На маргините на конференцијата директорот оствари средби и со претставници на CIVIPOL на којашто беше дискутирано за отпочнување на активности за вклучување на Царинската управа во заедничките центри за соработка со полицијата.

Директорот при обраќањето ја истакна и посветеноста за развој на К9 единицата како исклучителна важна за спречување на нелегалната трговија на мало и лесно оружје, при што ги поздрави активностите на ОБСЕ и донаторите за изградба на регионален К9 тренинг центар на МВР.

Од аспект на преземените активности во борбата со сериозен криминал директорот истакна дека зајакнати се и капацитетите на мобилните тимови.

Од први јули до 31 октомври мобилните тимови оствариле 85 заплени, споредбено со само 59 заплени во претходните седум месеци.

Доставен е и извештај за сериозен организиран криминал што ќе биде основа за анализа и изготвување нова Национална проценка за закани од областа на сериозен криминал.

Активностите што се преземаат за спречување на пролиферација на оружје, се согласно и со Стратегијата на Царинската управа за спречување на недозволена трговија со огнено оружје и муниција, како и Акциониот план во надлежност на Секторот за контрола и истраги.

Директорот на конференцијата го истакна значењето во спроведување ефикасни контроли како и континуираното вложување во развојот на човечкиот капитал како клучно во заложбите за жестока борба со сериозен криминал.

The post Николовски: Заплените се зголемени за 48 проценти, изготвен е и нов Протокол со БЈБ за заедничко делување appeared first on Република.

Царинската управа и Централниот регистер ги интензивираат активностите потребни за  надградба на едношалтерскиот систем на Централниот регистар при што Царинската управа ќе им овозможи електронски пристап до базата на податоци за платени увозни давачки. Ова беше главната тема на денешниот состанок меѓу директорот на Царинска управа Бобан Николовски и директорката на Централен регистар Анита Стамнова.

Како што информира Царинската управа, интенцијата е граѓаните и фирмите да не мораат да доаѓаат во Царинска управа да вадат потврди дека немаат доспеан неплатен долг по основ на царина и други увозни давачки коишто им се потребни при уписи во Централниот регистар.

- Директорите истакнаа дека ваквите активности се во насока на подобрување на условите за водење бизнис при што и двете институции ќе работат на унапредување и олеснување на постапките преку нивна целосна дигитализација, стои во соопштението.

The post Николовски-Стамнова: Со еден клик Централниот регистар ќе има евиденција за царински долг, се интензивираат активностите за електронска размена на податоци appeared first on Република.

Зголемените контроли на Царинската управа резултираа со повисока наплата на приходи во износ од 35,4 милијарди денари остварени во 100 дена, што е за 9,2 проценти или 3 милијарди повеќе од минатата година. Преку засилување на контролите е евидентиран зголемен пријавен увоз на цигари, возила и облека - истакна директорот на Царинска управа, Бобан Николовски, на првата трибина од Платформата „100 проценти посветени за тебе“.

Во однос на затекнатата состојба директорот потенцира дека истата била крајно разочарувачка односно имало слаби контроли, а откривачките функции биле сведени на минимум.

Воспоставуваме ред при што во јули, како што рече, е остварена историски рекордна наплата на приходи во еден месец во износ од 12 милијарди денари или 16,6 проценти повеќе од лани.

Тенденцијата вели Николовски е задржана и во наредниот период за што е доказ и зголемената наплата на приходи во 100те дена во износ од 35,4 милијарди денари.

The post Зголемените контроли резултираа со повисоки приходи и зголемен пријавен увоз на возила и цигари appeared first on Република.

Директорот на Царинската управа, Бобан Николовски, денеска истакна дека внатрешните контроли во рамки на службата се тековни активности, дека тоа е секојдневна работа на Царинската управа.

-Внатрешната контрола е тековна работа. Од како сме дојдени како ново раководство на Управата од 1 јули оваа година, само во текот на месец август се покренати 18 дисципински постапки, што значи дека Секторот за внатрешна контрола во Управата функционира, рече тој.

Николовски додаде дека неодамнешните активности и апсењата во рамки на Царинската управа се спроведени од страна на МВР по налог на Јавното обвинителство.

-Бидете убедени дека новото раководство многу внимание посветува на внатрешната контрола. Управата е обемна институција со 1200 вработени, со многу внатрешни испостави и многу гранични премини. Насоката е дадена, редот, работата и дисциплината се единствените критериуми според кои ќе се цени, за се друго ќе има санкционирање како што и се случи, рече Николовски.

The post Николовски: Новото раководство многу внимание посветува на внатрешната контрола appeared first on Република.

Со директорот на Царинска агенција на Република Бугарија Георги Димов одржав билатерална средба во Софија, информираше Директорот на Царинската управа на Република Македонија Бобан Николовски преку објава на „Фејсбук“.

Разговаравме за добрата меѓуинституционална соработка како и за развојот на граничните премини долж граничната линија. За исполнување на важната улога која ја имаат за заштита на граѓаните и бизнисите денес, царинските управи работат со современи методи на контрола и анализа на ризик базирани на интегрирани модели.
Договоривме активирање на соработката во различни области од специфичната царинска дејност.
Воедно во блиска иднина ќе одржиме средба на највисоко ниво со поддршка на секторски работни групи.
Билатералната средба беше во рамките на посетата на Софија по повод состанокот на високо ниво за зајакнување на регионалната соработка во борбата против трговијата со дрога по воздушен пат во Југоисточна Европа, стои во објавата.

The post Директорите на царинските управи на Македонија и Бугарија се сретнаа во Софија appeared first on Република.

Директорот на Царинската управа, Бобан Николовски, на денешниот настан за реконструкција на граничниот премин Деве Баир, објави дека пред два дена Царинската управа запленила 36.4 килограми опојна дрога марихуана на граничниот премин Блаце, додека вчера на Jажинце бил спречен шверц на голема количина лекови.

- Од 1 јули до 30 септември годинава или за последното тримесечје, за 70 отсто е зголемен бројот на случаи на заплени, споредено со истиот период 2023 година, лани во тој период биле 54, со 73.631 запленето парче, додека годинава бележат 92 заплени, со 396.592 парчиња. Тоа значи дека за она што се бориме, а тоа е професионално врешење на работата на царинските службеници, тоа и се забележува, резултатите се видливи и мерливи, и од аспект на финансии, полнење на буџетот, но и од аспект на нашето оперативно работење. Со реконструкцијата на управната зграда ќе добиеме нови помодерни услови, современи услови за работа на царинските но и на полициските службеници, но се создаваат и услови за подобро оперативно работење, што за нас како службеници е многу битно, со фокус на квалитет, што значи откривање и спречување на недозволената трговија со забранети стоки, рече Николовски, објавувајќи ја големата заплена од пред два дена на Блаце.

За оваа заплена говореше и премиерот Мицкоски порачувајќи дека сите криминалци ќе одговараат за стореното.

Пред два дена е спречена нелегална трговија на 36 килограми опојна дрога, марихуана, а во текот на вчерашниот ден имаше нелегална трговија на лекарства, исто така, во огромна количина. Ќе продолжиме во периодот којшто следи да работиме на спречување на вакви појави, а криминалците нема да бидат повеќе безбедни. Со заминување на власта на претходната Влада на СДСМ и ДУИ пораката којашто сакаме да ја упатиме е дека секој оној што ги почитува законите и Уставот ја има и нашата почит, но секој оној криминалец без разлика дали е тоа политички или поинаков ќе биде фатен, спроведен и однесен да одговара за тоа што го прави, рече Мицкоски.

The post Царинската управа запленила 36 килограми марихуана и голема количина лекови appeared first on Република.

Вложувањето во инфраструктурата на граничните премини, зајакнувањето на надзорот преку воведување интелигентен систем за видео надзор и препознавање на регистарските таблички, како и проектот за автоматизација на терминалите што треба да се имплементира во наредниот период, очекуваме значително да придонесе во подобрување на резултатите и од аспект на прибирање приходи и од аспект на сузбивање на криминалот, истакна директорот Бобан Николовски при работната посета на граничниот премин Ќафасан.

Николовски уште еднаш пред царинските службеници потенцира дека е многу важно да се работи на менување на свеста во насока на поголема професионализација на службата, бидејќи нивното секојдневно вложување значи вложување во подобрување на условите за живот на сите граѓани.

Во моментов на Ќафасан во тек се градежни активности за реконструкција и надградба на преминот, а како дел од Проектот за олеснување на трговијата и транспортот во Западен Балкан на Светска банка.

The post На границите се воведува систем за препознавање на регистарските таблички appeared first on Република.

Државниот завод за статистика електронски ќе ги презема податоците за надворешна трговија од Царинската управа. Ова е утврдено со Меморандумот за соработка, што беше потпишан од страна на директорот на Државниот завод за статистика, Дејан Станков и директорот на Царинската управа, Бобан Николовски.

Преземањето на податоците од Царинската управа преку веб-сервиси е особено важно за обезбедување навременост и заштита на податоците како и понатамошно хармонизирање, модернизирање и унапредување на системите, истакна Станков.

Директорот Станков, на денешното потпишување на Меморандумот, потенцираше дека институцијата вложува напори за дигитализација на процесите и зголемено користење на административните извори при продукција на официјалните статистички податоци, информира ДЗС.

Меморандумот е во насока на унапредување на меѓуинституционалната соработка преку размена на податоци и повисок степен на дигитализација.

Царинската управа е посветена на процесот на унапредување на меѓуинституционалната соработка, што крајно треба да ни овозможи креирање одржлив економски раст. Ваквиот чекор е само дел од нашите заложби за заедничко делување во насока на подобрување на условите за водење бизнис. Сетовите на податоци што ги обезбедуваме во делот на надворешно трговската размена овозможуваат компаниите да направат истражување на пазарот и дефинирање на нивните стратегии, за економски студии, но и за унапредување на трговските политики на државно ниво, истакна директорот на Царинската управа, Бобан Николовски.

И двете страни, се посочува во соопштението, ја искажаа својата заложба за натамошно продлабочување на соработката, а потпишувањето на Меморандумот ги зајакнува и унапредува веќе воспоставените практики на размена на информации и податоци.

The post Склучен Меморандум за соработка помеѓу Државниот завод за статистика и Царинската управа appeared first on Република.

Директорот на Царинска управа, Бобан Николовски, вели дека приходите што ги наплатила Царинската управа веќе трет месец се повисоки во однос на лани, што покажува дека дисциплината е на високо ниво.

Како што информира Николовски, наскоро ќе биде ставен во функција и системот за видео надзор и препознавање на регистарски таблички, кој ќе препознава лица, возила, ќе алармира за сомнителни движења, но и кога има оптовареност на лентите на граничните премини. Воедно, за многу скоро време се очекува и царинските службеници на пет гранични премини да бидат опремени со боди камери.

Николовски, во Дневникот на Македонска Радио Телевизија, потенцираше дека во Царинската управа работат врвни професионалци, а за оние што нема да покажат резултати како што рече нема да има простување.

Во август се отпочнати 18 дисциплински постапки. Царинската политика согласно приоритетите на Владата, под водство на премиерот Христијан Мицкоски, се темели на два столба - економска трансформација и сузбивање на криминалот и корупцијата. Согласно поставените приоритети во моментов интензивно се работи на повеќе проекти и реформски политики, изјави Николовски.

Покрај системот за видео надзор Николовски вели дека интензивно се работи на отпочнување на проектот за автоматизација на терминалите со грант од ЕУ којшто значително ќе придонесе за забрзување на транспортот и олеснување на трговијата. Проектот подразбира замена на постоечките ваги со дигитални, како и дигитални рампи. Воедно, веќе се работи на усогласување на смените со Агенција за храна и ветеринарство. Во делот на сузбивање на криминалот унапредена е соработката со Бирото за јавна безбедност, а со УЈП е договорено размена на податоци и уште поважно нивно мечирање.

Електронска размена на податоци е договорена и со Државниот завод за статистика и со Народната банка на што исто така интензивно се работи.

За зајакнување на партнерските односи со бизнис заедницата по пауза од две години е реактивирано и Советодавното тело каде членови покрај Царинската управа се стопанските комори и асоцијациите. Ова се само дел од отпочнатите активности, при што директорот Николовски рече дека ќе бара конкретни резултати кои ќе бидат видливи и мерливи преку зголемување на конкурентноста на македонската економија и сузбивање на криминалот и корупцијата.

The post Царинската управа трет месец со повисоки приходи, на сите граници стартува интелигентен систем за препознавање на регистарски таблички и видео надзор appeared first on Република.

Подобрување на условите за водење бизнис преку испорачување на највисок степен на квалитет во имплементација на клучните проекти што ги спроведува Царинската управа со финансиски средства од Светска банка.

Ова беше клучната порака на директорот Бобан Николовски на состанокот со тимот на Мисијата на Светска банка за Проектот за олеснување на трговијата и транспортот во Западен Балкан.

На состанокот беше истакнато дека имплементацијата на новиот систем за видео надзор и препознавање на регистарски таблички што треба да придонесе за сузбивање на криминалот и олеснување на легалната трговија е во завршна фаза и наскоро ќе биде ставен во функција. Воедно интензивно се работи на проектите за реконструкција и надградба на граничните премини Деве Баир и Ќафасан.

Царинската управа под мое раководство ќе биде посветена на начин што проектите ќе се имплементираат со највисок степен на квалитет, при што пред спроведување на истите ќе се пристапува кон целосна анализа се со цел истите да резултираат со испорачување на ветените и очекуваните резултати“, вели Николовски.

The post Николовски на средба со Светска банка: Посветени сме на испорачување највисок степен на квалитет во имплементација на стратешките проекти за олеснување и забрзување на трговијата appeared first on Република.

Царинската управа е важна алка којашто треба да овозможи економска трансформација и остварување повисоки стапки на раст преку подобрување на условите за водење бизнис и зголемување на конкурентноста на економијата. Ова се суштинските заклучоци од денешната средба на директорот на Царинска управа, Бобан Николовски и претседателот на Советот на странски инвеститори при Стопанската комора, Виктор Мизо.

Како што сооштија од царинската управа, на средбата од двете страни било истакнато дека Царинската управа преку спроведување на реформски мерки и политики треба да придонесе кон привлекување на нови странски инвестиции, проширување на производството и зголемен извоз на производи со поголема додадена вредност.

Директорот Николовски истакнал дека континуираниот дијалог со компаниите е многу важен се со цел креирање мерки и политики чијашто цел ќе биде видлива и мерлива со зголемена конкурентност на компаниите.

На состанокот било договорено Царинската управа да има редовни средби со компаниите се со цел навремено решавање на клучните прашања, но и унапредување на мерките со економски ефект.

The post Николовски – Мизо: Царинската управа важна алка за подобрување на условите за водење бизнис и привлекување нови странски инвестиции appeared first on Република.

Гарип Каба е новиот в.д. заменик на директорот на Царинска управа. По предлог на министерот за финансии, на седница на Влада, е донесена одлука Каба да биде именуван за в.д. заменик на директорот на оваа Управа, која е во состав на министерството за финансии.

Арбен Таравари од коалицијата ВЛЕН пред еден месец посочи дека Каба ќе биде нов заменик директор на Царина. Каба е роден 1964 година во Велешта, Струга. Тој, според неговата биографија, е професор.

The post Гарип Каба поставен за в.д. заменик на директорот на Царинска управа appeared first on Република.

Од голем интерес за Царинската управа е проектите поддржани од ИПА фондовите успешно да се имплементираат и да завршат во предвидените рокови, како би се испорачале видливи резултати во интерес на македонското стопанство и граѓаните, истакна директорот Бобан Николовски на денешната работна средба со високи претставници на Делегацијата на Европската Унија во Скопје, предводени од Марија Канелопулу раководител на Одделот за економски прашања.

На средбата се разговараше за реализацијата на тековни и идни проекти поддржани од ИПА фондовите, како и вклученоста на Царинската управа во Реформската агенда 2024-2027 во рамки на Планот за раст за земјите од Западен Балкан. Делегацијата на Европската Унија е еден од најзначајните стратешки партнери на Царинската управа, со фокус на подобрување на институционалните капацитети Проектите финансирани со средства од ИПА фондовите, ќе резултираат со усогласување на нашето со законодавството на ЕУ, надградување на капацитетите на знаења на царинските службеници и употреба на софистицирана опрема за подобрување на техничкиот капацитет на службите за контрола во Царинската управа. Преку тековните проекти за реконструкција, модернизација и автоматизација на граничните премини се очекува да се забрза протокот на стоки, а активностите во насока на ЕУ поддршка во борбата против организираниот криминал да придонесат за подобрување на безбедноста на границите.

Двете страни изразија посветеност кон приоритетите за ЕУ интеграција, продолжување на блиската комуникација и соработка со засилен интензитет, во насока на приближување на државата кон ЕУ.

The post Навремена и успешна реализација на ИПА проекти ќе придонесе за видливи резултати во интерес на Македонија appeared first on Република.

Директорот на Царинската управа, Стефан Богоев и директорот на Интернационалната Агенција при Царинската служба на Република Кореја, Јун-Шик Ким, остварија средба во рамки на проектот Имплементација на систем за управување со ризици и податочен склад што е финансиран со грант вреден 4,8 милиони долари од Корејската Влада, соопшти Царинската управа.

Воспоставување на овој систем што ќе користи вештачка интелигенција ќе ја унапреди анализата на ризик во работењето на Царинската управа. Користењето на вештачка интелигенција за селекција на сомнителни декларации за контрола е во насока на прибирање повеќе приходи во Буџетот, како и сузбивање на криминалот и корупцијата. Воспоставувањето на овој систем ќе овозможи подобро таргетирање декларации во коишто постои ризик за плаќање давачки во помал износ, ризик од погрешно царинско распоредување или ризик од неточно пријавување на потеклото на стоката, истакнал Богоев.

Одлуката за доделување на грантот од Владата на Кореја следел по тригодишна анализа на македонската Царина по што е одлучено дека како лидери во регионот, овој грант треба да биде доделен на Царинската управа. Во оваа насока, од страна на директорот на Интернационалната агенција при Царинската служба на Република Кореја, Јун Шик Ким биле поздравени заложбите што ги презема македонската Царина со цел зголемување на ефективноста на Царината и создавање услови за поголема конкурентност на македонската економија.

Од страна на експертите од Кореја, се додава во соопштението, бил презентиран и информатичкиот систем за обработка на царинските декларации, како и софтверските решенија за обработка на увозот и извозот на мали пратки во е-трговијата.

Размената на искуства во делот на е-трговијата е значајна во креирањето политики со цел унапредување на царинскиот третман во овој дел, како и поголема заштита на финансиските интереси, но и зајакнување на безбедноста на малите пратки, потенцирал Богоев.

The post Богоев со вештачка интелигенција ќе ја унапредува анализата на ризик во Царината appeared first on Република.

Македонски увозник се обидел меѓу пријавена стока за царинење да криумчари стока во вкупна вредност од 473.632 денари, соопштија од Церинската управа.

Меѓу непријавената стока се четири употребувани моторцикли со вредност од 392.285 денари, како и брусалка, бор машина, гуми за крос мотори, гуми со алуминиумски бандажи, метален сеф, пневматски пиштол, скара и котури гумени црева во вредност од 81.347 денари. Обидот за криумчарење е откриен од страна на царинските инспектори од мобилниот тим на Царинска управа при детална контрола на камионот кој се пријавил за увозно царинење на царинската испостава Тетово.

Стоката не е декларирана во царинската увозна декларација, ниту е пријавена во приложената фактура од страна на увозникот.

Непријавена стока е одземена, а против увозникот ќе биде поднесена пријава за кривично дело криумчарење согласно член 278 од кривичниот законик.

The post Спречен обид за криумчарење моторцикли и друга стока која македонски увозник се обидел да ја внесе без да ја пријави appeared first on Република.

По вчерашната заплена на обврзници вредни 92 милиони долари, директорот на Царина Стефан Богоев за ТВ21 открива дека тие не биле на име на лицето кое ги пренесувало. Тој рече дека Царинската управа води финансиска истрага за да докаже дали станува збор за обид за измама или за перење пари, како и тоа дека имаат соработка со многу странски партнери за овој случај. Лицето, кое било турски државјанин на претрес на скенер на скопскиот аеродром а кој доаѓал од аеродромот во Истанбул, му биле откриени папки, за кои тој давал конфузни изјави.

„Дополнително, има разлика помеѓу името и податоците лични на патникот и името и податоците на сопственикот на обврзниците. Практично не се работи за исто лице. Практично досега ништо не се поврзува со Македонија ниту со македонски граѓани. Горе-доле се е поврзано со странски банки, странска фирма, странски државјани, единствено што се лоцираат и што пристигаат тука на наше тло, односно на скопскиот аеродром“, вели Стефан Богоев.

Вчера судот донесе одлука да ги одземе обврзниците за кои директорот на Агенцијата за управување со одземен имот Дритон Небиу вели дека досега се уште не се предадени запленетите обврзници.

„Агенцијата, согласно законските прописи, зависно од видот и карактерот на обврзницата и согласно материјалните закони по кои постапуваме и по законите кои го регулираат пршањето на обврзниците ќе ги преземе правните дејствија во насока на законитото спроведување на конфискација, а сето тоа во насока на преземени дејствија за располагање, управување и продажба на обврзниците“, посочи Дритон Небиу.

Богоев истакна дека обврзниците во последно време се повеќе се злоупотребуваат за пренесување и перење пари.

The post Обврзниците не биле на име на патникот – Богоев открива како биле откриени обврзниците appeared first on Република.

Усогласување на Колективниот договор со законот и со општиот колективен договор што ќе значи и зголемување на платите на царинските службеници, како и изготвување на заеднички План за борба против корупцијата со Синдикатите - најавува директорот на Царинската управа Стефан Богоев во гостување на ТВ 21.

Царинските службеници треба да добиваат 30 проценти додаток поради посебните одговорности кои произлегуваат од нивната работа. Поддршка има и од Министерството за финансии, каде се свесни за тоа колку е круцијална работата на царинските службеници кои полнат скоро половина од Буџетот на државата.

„Практично сега сме во фаза, летово, на усогласување на нашиот колективен договор со законот и општиот колективен договор и мислам дека тоа на крај ќе биде на огромно задоволство на вработените во Царинската управа. Целиот тој тим во Министерството е навистина кооперативен. Свесни се важноста на нашата работа, за важноста на царинските службеници и ќе излезат комплетно во пресрет“, нагласи Богоев.

Во врска со новите смени на кадри во Царинската управа, Богоев вели дека се направени повеќе промени во инспекторските места, како и пополнување на испразнети позиции. Од превентивни причини се направени промени на позиции на коишто поради специфичноста на работата е пожелно после одредено време да се направи промена.

The post Богоев: Ќе растат платите, но ќе расте и продуктивноста во Царината appeared first on Република.

Обврзници со вкупна вредност од 92 милиони долари се откриени и запленети од царински службеници на царинската испостава Аеродром Скопје по извршена контрола на странски патник кој на 28 јули годинава пристигнал во државава со лет од Истанбул. Денеска со пресуда на Основниот суд Скопје обврзниците се одземени, а на лицето му е изречена парична казна – глоба врз основа на Законот за девизно работење.

Ова го истакна директорот на Царинската управа, Стефан Богоев, на денешната вонредна прес-конференција на која информираше за случајот.

„Царинските службеници од царинската испостава Аеродром Скопје, на ден 28.7.2023 година, на влез во државата, запленија 184 физички преносливи средства за плаќање – обврзници, со поединечна номинална вредност од 500 илјади долари или со вкупна вредност од 92 милиони долари. Обврзниците се пронајдени кај патник – турски државјанин кој пристигнал со редовен лет од Истанбул и се определил да помине на зелен канал, односно дека нема стока за пријавување, а при контрола со скенер и дополнителна детална контрола, истите се пронајдени во 4 папки во црна рачна торба“, истакна Богоев.

Секторот за контрола и истраги, информира Богоев, веднаш започнал со истражни дејствија, односно извршени се службени разговори, прибирање на дополнителни докази, како и известување и консултации со релевантни национални и меѓународни институции, вклучително Интерпол и СЕЛЕК. Обврзниците, согласно пресудата на Основниот суд Скопје се одземени и ќе бидат предадени на Агенцијата за управување со одземен имот.
Царинската управа отвора финансиска истрага во соработка со сите релевантни тела и институции на национално и меѓународно ниво, со цел расветлување на случајот во насока на: докажување на евентуален обид за измама или спречување на перење на пари.

„На случајот пристапуваме со особено внимание и посветеност, земајќи го предвид постоечкиот тренд во светот на злоупотреба на обврзниците како инструмент за перење пари. Царинската управа во рамки на своите приоритети за заштита на општеството и безбедноста на граѓаните е цврсто посветена на борбата против криминалот и спречувањето на нелегалната трговија“, нагласи Богоев, изразувајќи голема благодарност до царинските службеници за нивната професионалност и посветеност на овој случај кој резултираше со ваква рекордна заплена.

The post Царинската управа заплени обврзници во вредност од 92 милиони долари appeared first on Република.