Јубилејниот филм за Бигорскиот манастир „1000 години сведок на светлината“ е со три номинации во три категории на православниот фестивал за филмска уметност „Byzanfest“.

Со особена радост ја примивме веста дека во рамките на православниот фестивал за филмска уметност „Byzanfest“, јубилејниот филм за Бигорскиот манастир „1000 години сведок на светлината“ беше номиниран во три категории: најдобар документарен филм, најдобар кинематографер и најдобар режисер - вели сестра Ефимија за МИА.

Таа додава дека за првпат во македонската кинематографија независен филмски проект бележи ваков меѓународен успех.

Интересно е и тоа што режисерот на овој документарен филм, Илија Ико Каров, е номиниран во една од главните номинации „најдобар режисер“, заедно со режисерите од програмата на играните филмови.

Инаку, според програмата на „Byzanfest 2022“, кој ќе трае од 27 октомври до 6 ноември во Мелбурн, Австралија, проекцијата на филмот „1000 години сведок на светлината“ е предвидена за 4 ноември.

https://www.youtube.com/watch?v=QrWZaxe3Qp0

The post Филмот за Бигорскиот манастир „1000 години сведок на светлината“ со три номинации на православниот фестивал „Byzanfest“ appeared first on Република.