„Буџетот за 2025 година е многу повеќе од финансиски документ. Тој е план за иднината на нашата држава. Со овој буџет, ние инвестираме во подобра иднина за сите граѓани, иднина во која секој ќе има шанса за успех и благосостојба. Овој буџет е резултат на темелно планирање и претставува наш стратешки одговор на економските и социјалните предизвици со кои се соочува Република Македонија. Но, пред да ги истакнам клучните елементи на овој предлог Буџет, дозволете ми да направам краток осврт на буџетските политики од претходните години, особено од времето на претходната влада“, истакна пратеникот од ВМРО-ДПМНЕ Бране Петрушевски на денешната собраниска комисиска расправа по предлог буџетот за 2025 година.

Тој продолжи и додаде:

„Овие собраниски клупи од страна на опозицијата комплетно се пополнети од страна на поранешните министри и функционери на Владата на ДУИ и СДСМ. Ќе истакнам само дека нивните стотици амандмани на овој Буџет се уште еден еклатантен доказ дека изминатите 7 години ја имавме најнеспособната влада во историјата на Република Македонија. Замислете да потрошите над 30 милијарди евра пари на граѓаните во 7 буџети и денес да поднесувате амандмани за изградба на улички, канализации и водоводи е повеќе од лицемерно. Сакам јасно да истакнам дека за овие нивни амандмани Владата и премиерот Мицкоски обезбедија рекордни 250 милиони евра годишно и нивната реализација сега е во рацете на градоначалниците“, рече Петрушевски.

Тој истакна дека пратениците од опозицијата најпрвин треба да ја наведнат главата, а потоа да кренат рака за поддршка на овој буџет

„Во минатите 7 години, претходните буџети беа обременети со нереални прогнози и слабо планирање, што резултираше со неисполнување на целите, но и значителни финансиски дупки. За жал, сведоци бевме на неефикасно управување со јавните средства, голема корупција и криминал на власта, а најголем дел од капиталните инвестиции останаа само на хартија, со никаква имплементација и реализација“, вели Петрушевски.

The post Петрушевски: Колеги од опозицијата, најпрвин треба да ја наведнете главата, а потоа да ја кренете раката за поддршка на овој буџет appeared first on Република.

Власта на СДС и ДУИ систематски го уништувала здравството, што поради неспособност, што поради криминал, рече пратеникот Бране Петрушевски на денешната прес-конференција, на која откри како „заради неспособноста на власта на СДС и ДУИ“ граѓаните чекаат секој месец за магнетна резонанца, иако за тоа нема потреба.

Според Извештајот на ДЗР и покрај удвојување на бројот на апарати за магнетна резонанца во период од 2017 до 2022 година, бројот на прегледи не е зголемен, и истите се неискористени. Според ДЗР еден апарат кој е донација воопшто не е ниту ставен во функција. Бројот на снимања по апарат во Македонија е далеку под европскиот просек. Имено еден апарат во просек има 2800 снимања годишно, а европскиот просек е од 4 до 9 илјади. Кога има ваков мал број на снимања ќе се очекува барем истите да бидат брзи и без поголеми чекања, но реалноста изминативе години беше сосема поинаква. Што работеле СДС и ДУИ во здравството? Во системот за термини, со години се внесувале помалку термини, што како последица на дефект на апаратите, што како последица на недоволно обучен кадар. А пациентите се тие кои страдале и не добивале услуга. Извештајот на ДЗР ни ја предочува целосната неспособност на СДС и ДУИ во менаџирање со здравствените установи, и зошто здравството колабира, порача Петрушевски.

The post Во системот за закажување за магнетна резонанца со години се внесувале помалку термини appeared first on Република.

ДЗР констатирал нерегуларности во финансиското работење и на Клиниката за очни болести во време на СДС и ДУИ, рече на денешната прес-конференција пратеникот Бране Петрушевски.

Според ревизијата на ДЗР на Клиниката за 2022 година, по основ на неуплатена партиципација за лекување буџетот на истата е оштетен за 3.9 милиони денари. 3.9 милиони денари се пари кои требале да легнат на сметката на Клиниката за очни болести по основ на партиципација за лекување. По детален увид во документацијата на Клиниката од ДЗР се констатирало дека за 2.4 милиони денари со задоцнување се доставени потврди за ослободување од партиципација, но за истите не е доставена поткрепувачка документација. Раководството на СДС и ДУИ на Клиниката за очни болести работело надвор од законските процедури, оштетувајќи ја Клиниката. Ако знаеме дека за период од една година, за која е правена Ревизијата буџетот на Клиниката е оштетен за 3.9 милиони денари, тогаш што е направено за 7 години колку што СДС и ДУИ раководеле со истата - праша пратеникот Петрушевски.

Го повикуваме ЈО да го земе Извештајот од Ревизијата на ДЗР за Клиниката за очни болести и да отвори постапки. Одговорност мора да има, додава Петрушевски.

The post Петрушевски: Клиниката за очни болести оштетена за 3.9 милиони од раководството од СДС и ДУИ appeared first on Република.

ДЗР во ревизија на работењето на АД ЕСМ за период од 2019 до 2022 утврдил низа нерегуларности. Раководството на претпријатието од СДС не ги спроведувало јавните набавки согласно закон. ДЗР констатира дека при набавката на мазут за потребите на ТЕЦ Неготино, АД ЕСМ раководството толерирало низа пропусти на доставувачот, кој ги немал секогаш задолжителните залихи, доцнел со испораката и не ја почитувал динамиката, изјави Бране Петрушевски, пратеник на ВМРО-ДПМНЕ на денешната прес-конференција.

АД ЕСМ и покрај тоа што не добивала мазут како што било предвидено во договорот, во два наврати склучува анекси со истиот добавувач, со што ја зголемува вредноста на договорот. Раководството на АД ЕСМ толерирало испорака на мазут со примеси на голем број нечистотии, со што се предизвикале дефекти во мазутната станица, нагласи Петрушевски и постави прашања:

-Зошто раководството на АД ЕСМ толерирало неквалитетен мазут и лоша испорака? И зошто згора на тоа два пати анексирале договор?

-Дали поранешното раководство на АД ЕСМ работело за нечиј приватен интерес наместо за државниот?

Го повикуваме ЈО да го испита случајот со набавка на мазут за потребите на ТЕЦ Неготино, а како појдовна точка да ја имаат Ревизијата од ДЗР. Одговорност мора да има, изјави Петрушевски.

The post Петрушевски: Мазут со многу нечистотии доставуван во ТЕЦ Неготино, а раководството на АД ЕСМ од СДС и ДУИ му правеле и анекси на добавувачот appeared first on Република.

Според Извештајот на ДЗР за 2023 година, а кој се однесува за управување на јавните финансии и исплатите кои ги вршеле од Министерството за финансии управувано од СДС и ДУИ се утврдени нерегуларности, изјави на денешната прес-конференција пратеникот на ВМРО-ДПМНЕ, Бране Петрушевски.

„Средствата кои Република Македонија ги вратила кон ЕК, поради злоупотреба со ИПА средства, а како последица на контрола од ОЛАФ, власта на СДС и ДУИ не успеала да ги наплати од правното лице кај кое е утврдена злоупотребата.

Имено во Изваштајот се наведува дека се вратени над 600 илјади евра, тоа се пари кои се исплатени од буџетот на државата кон ЕК, затоа што државата има обврска да ги врати парите за кое ќе се утврди злоупотреба, а истата потоа тие средства ќе ги побарува од правното лице кое ја направило злоупотребата.

Владата на СДС и ДУИ не успеала да ги наплати парите кои ги исплатила за злоупотребата кон ЕК.

Неспособноста на СДС и ДУИ ја чини државата народни пари, кои наместо за нови училишта, градинки или болници одат за покривање на криминалното работење.

Важно е да се напомене дека ДЗР констатира дека договорите кои се прават за техничка помош мора да бидат со извршна клаузула со сила на нотарски акт, со цел забрзан поврат на средствата во буџетот. Државата мора да има заштитен механизам.

Со СДС и ДУИ штетите по државата во изминатите години се огромни. Неспособноста завршува со нив“, вели Петрушевски.

The post Петрушевски: ДЗР утврдила нерегуларности при исплати од власта на СДС и ДУИ, средствата кои се вратени кон ЕУ за ИПА, не успеале да ги наплатат од правните лица appeared first on Република.

Судскиот совет и Советот на јавни обвинители со упадот во Академијата за судии и јавни обвинители уште еднаш покажаа зошто народот нема доверба во правосудството, рече на денешната прес-конференција пратеникот Бране Петрушевски.

Наместо да назначат за членови на УО на Академијата судии и јавни обвинители, тие назначија свои членови. Судскиот совет и Советот на јавни обвинители го прекршија законот, а притоа назначија и луѓе блиски до СДС. Како од стотици судии Советот на јавни обвинители и Судскиот совет за членови на УО на Академијата избраа свои членови, кои патем се и сестра на пратеничка од СДС, мајка на советничка од СДС и братучетка на полициски началник од времето на СДС? Ги повикуваме и Судскиот совет и Советот на јавни обвинители да ги преиспитаат своите одлуки, зошто во спротивно ќе бидат директно одговорни за нарушување на кредибилитетот на правосудните органи - истакна Петрушевски.

Овие незаконски и партиски назначувања се доказ зошто се потребни реформи во правосудството, додава Петрушевски.

The post Петрушевски од ВМРО-ДПМНЕ бара Судскиот совет да ја преиспита својата одлука appeared first on Република.

Денес “големите команданти” Муса Џафери и Садула Дураки стоеја мирно пред премиерот Христијан Мицкоски, држејќи банерчиња во раце, пишува на ФБ пратеникот Бране Петрушевски од редовите на ВМРО-ДПМНЕ, откако претходно денеска пратениците од ДУИ излегоа со транспаренти додека Мицкоски беше на говорница.

„ДУИ е демонтирано и од нив повеќе ништо не зависи“, дополнува Петрушевски во објавата на ФБ.

The post Петрушевски: ДУИ демонтирана – командантите стојат мирно пред Мицкоски appeared first on Република.

СДС и ДУИ ги злоупотребувале енергетските претпријатија за да испумпаат милиони евра народни пари на сметки на фирми блиски до нив, вели Бране Петрушевски, пратеник на ВМРО-ДПМНЕ.

Тој денес презентираше фрапантни докази за милионски криминал во МЕПСО, за кој очекува ЈО да отвори случај.

МЕПСО под водство на Зуди Енуз, од фронтот на ДУИ, а поставен од СДС, на 26.06.2024 година склучил договор со албанската фирма Шанси Инвест за набавка на уред за корекција на напонски профил на 400kV во трансформаторска станица Дуброво во висина од 576 милиони денари, односно близу 10 милиони евра. Буџетот за уредот за корекција во Планот за развој на електропреносниот систем на МЕПСО 2021-2030 година изнесува 2.8 милиони евра, истиот уред во договорот склучен со Албанската Шанси Инвест изнесува 5.864 милиони евра. Тоа се цели 3 милиони евра повеќе од предвиденото. Дополнителнк загрижува фактот што Албанската Шанси Инвест на овој тендер учествува со Далековод АД Загреб, фирма за производство на таквиот вид на опрема, која се јавува како поголем партнер во конзорциумот - посочи тој.

Петрушевски вели дека се поставува прашањето: Која е улогата на Албанската фирма кога опремата доаѓа и е произведена и може да биде монтирана од фирмата производител?

Дали Албанската Шанси инвест е тампон фирма за вадење на профитот од над 3 милиони евра повеќе од планираното? Каде завршиле 3 милиони евра разлика? Го повикуваме ЈО веднаш да отвори случај и да реагира - посочува пратеникот.

The post Петрушевски откри фрапантни докази за милионски криминал на СДСМ и ДУИ во МЕПСО appeared first on Република.

Трошоците за храна и пијалоци се намалени за 1000 денари, мерките на владата за намалување на цените даваат резултат. Синдикалната минимална кошница, која ја пресметува Сојузот на синдикати на Македонија јасно покажува дека трошоците за храна и пијалоци за едно четири члено семејство во октомври во споредба со септември оваа година се намалени за 1000 денари. Поголем доказ од ова дека мерките на владата даваат плод нема, вели Бране Петрушевски, пратеник на ВМРО-ДПМНЕ.

Граѓаните не се оставени на цедило. Владата презема реални мерки за зачувување и зголемување на животниот стандард. Растат пензиите, платите, се подобрува бизнис климата. Народот има партнер во владата, која работи за него, а не против него. Инфлацијата е помеѓу 2 и 2.5%, за време на СДС таа беше двоцифрена - рече тој.

Петрушевски порача дека Македонија се движи забрзано напред.

Економската трансформација која е наша цел почнува. Куповната моќ на народот се зголемува и економијата расте. Неспособноста заврши со СДС и ДУИ - рече тој.

The post Петрушевски: Трошоците за храна и пијалоци се намалени за 1000 денари, мерките на владата за намалување на цените даваат резултат appeared first on Република.

СДС и ДУИ 7 години не направија ниту еден автопат. Се што правеа беа само калкулации за криминал и профит на поединци. Автопатот од Скопје до Блаце во должина од само 10 километри е испроектиран по траса која ќе ја чини државата 300 милиони евра, посочи Бране Петрушевски, пратеник на ВМРО-ДПМНЕ.

-Каде е проблемот? Избрана е траса по која одредени луѓе непосредно пред да почне проектот купувале имоти. Очигледно е дека врвот на ДУИ и СДС сакал сериозно да профитира од експропријацијата и траса со многу тунели. За ова е информирано ЈО и очекуваме постапки. Народот очекува одговори дали претходната власт сакала да инкасира милиони преку блиски лица, рече тој.

Петрушевски побара ЈО да покрене постапка и даде одговори.

-Македонија нема 300 милиони евра за фрлање на автопат од само 10 километри. Трасата треба да се препроектира и да се добие автопат по далеку помала цена. Загуба за државата нема да има никаква, ќе има само за луѓето блиски до поранешната власт кои сакале да инкасираат милиони. Недозволиво е да се трошат стотици милиони евра за проекти кои може да чинат многу помалку. СДС и ДУИ не работеле за да направат автопат туку за да профитираат. Неодговорното и неспособното однесување заврши со нив, посочи пратеникот.

The post Петрушевски: СДС и ДУИ испроектирале траса кон Блаце на која потоа се купувани имоти, дали некој преку експропријација сакал да инкасира милиони? appeared first on Република.

СДС нема кредибилитет да зборува за безбедносните служби. СДС ги партизираше АНБ и АР додека беа на власт. На чело на АНБ го поставија партискиот кадар Виктор Димовски, кој беше партиски функционер на СДС, изјави пратеникот на ВМРО-ДПМНЕ, Бране Петрушевски.

Виктор Димовски беше член на ИО на СДС, највисоко тело во опозициската партија, и член на нивните комисии. Во АР СДС го има поставено Еролд Муслиу, кој во ек на најголема власт на СДС ги следеше функционерите на ВМРО-ДПМНЕ злоупотребувајќи ја службата.

Муслиу правеше хајки против ВМРО-ДПМНЕ, а од Агенцијата за разузнавање направи партиски штаб на СДС.

Да потсетиме само дека СДС за директор на УБК своевремено го имаше и Миле Зечевиќ, партиски функционер, кој потоа стана и генерален секретар. За разлика од кадрите на СДС како Виктор Димовски, Еролд Муслиу и Миле Зечевиќ, ВМРО-ДПМНЕ на чело на службите поставува професионалци.

Изборот на Бојан Христовски на чело на АНБ е професионален избор, станува збор за лице кое повеќе од деценија е вработено во безбедносните служби и и служело на државата. Бојан Христовски е лице кое како професионалец бил подлежен на хајка и мобинг од партиските кадри на СДС, исто како и сите останати професионалци во службите.

Времето на шиканирање на професионалците во безбедносните служби заврши, порача Петрушевски.

The post Петрушевски: СДС на чело на АНБ постави член на ИО на партијата како Виктор Димовски, а АР ја партизираше со Муслиу appeared first on Република.

Додека ДУИ беа дел од власта се согласија да се укине балансерот, сега само бараат причина за дестабилизација, прочитани се.

ДУИ како власт во 2023 година учествуваше во изготвување на Стратегија за реформи во администрацијата 2023 - 2030 во која се нотира дека балансерот има бројни злоупотреби и истиот треба да се укине, вели Бране Петрушевски.

ДУИ прифатија укинување на балансерот од позиција на власт, и тогаш не повикуваа на протести, затоа што беа насочени на матни тендери и играње фудбал по канцеларии.

Според Петрушевски, од позиција на опозиција, сега корумпираните функционери од ДУИ не може да местат тендери и тогаш почнуваат да злоупотребуваат етнички прашања со цел дестабилизација.

ДУИ само бараат причини за дестабилизација затоа што се плашат дека нивните функционери кои 20 години ја крадеа државата ќе се соочат со одговорност.

И додека функционерите на ДУИ 20 години ја ограбуваа државата, јавајќи на бранот на етнички теми, стотици илјади наши сограѓани ја напуштија државата, токму заради тие лоши политики.

https://www.youtube.com/watch?v=Bv7EEL14pV8

ДУИ се прочитана книга и никој повеќе не им верува.

И Европската Комисија нотираше дека  балансерот се злоупотребува и дека истиот треба да се укине. Тогаш ДУИ молчеше, за да краде.

Македонија сега оди напред, кон економска трансформација, владеење на правото и држава во која младите ќе ја гледаат својата иднина.

The post Кога ДУИ беше на власт ДУИ се согласи Балансерот да се укине, во опозиција прават театар appeared first on Република.

Владата на СДС и ДУИ и нивните кадри во Национални шуми го уништиле ова претпријатие, рече на денешната прес-конференција пратеникот Бране Петрушевски.

Седум години Национални шуми тоне во долгови, а е прептријатие кое продуцира вредност и може да биде не само себе одржливо, туку и да генерира извесен приход за буџетот. Државниот Завод за Ревизија во извештајот за работата на МЗШВ за 2021 година изготвен во 2023 година констатира дека се вршело издавање на испратници за исечено дрво без воспоставен регистар, сметководствена евиденција и контрола. ДЗР практично кажува дека не се знаело кој сече, колку и кога, ниту кој плаќа. Со СДС и ДУИ во Национални шуми ова претпријатие дошло до состојба да нема плати да се поделат на вработените - истакна Петрушевски.

Неспособноста заврши со нив. 100% одговорно за твојата иднина, додаде Петрушевски.

The post Со СДС и ДУИ во Национални шуми се издавани испратници за исечено дрво без воспоставен регистар, сметководствена евиденција и контрола appeared first on Република.

Владата на СДС и ДУИ и нивните кадри во Национални шуми го уништиле ова претпријатие, рече на денешната прес-конференција пратеникот Бране Петрушевски.

Седум години Национални шуми тоне во долгови, а е прептријатие кое продуцира вредност и може да биде не само себе одржливо, туку и да генерира извесен приход за буџетот. Државниот Завод за Ревизија во извештајот за работата на МЗШВ за 2021 година изготвен во 2023 година констатира дека се вршело издавање на испратници за исечено дрво без воспоставен регистар, сметководствена евиденција и контрола. ДЗР практично кажува дека не се знаело кој сече, колку и кога, ниту кој плаќа. Со СДС и ДУИ во Национални шуми ова претпријатие дошло до состојба да нема плати да се поделат на вработените, истакна Петрушевски.

Неспособноста заврши со нив. 100% одговорно за твојата иднина, додаде Петрушевски.

https://www.youtube.com/watch?v=8RKuXJ-OpWI

The post Петрушевски: Со СДС и ДУИ во Национални шуми не се знаело кој сече, колку и кога, ниту кој плаќа appeared first on Република.

Владата на СДС и ДУИ преку МЗШВ, конкретно Љупчо Дон Николовски работела со голем број нерегуларности, сомнежи за криминал и надвор од закон. Постои основано сомневање дека во 2021 година е пуштено во промет брашно во вредност од над 2 милиони евра без за истото уредно да биле платени контролните марки во МЗШВ, обвинува Бране Петрушевски, пратеник на ВМРО-ДПМНЕ.

-Според Извештајот на ДЗР за МЗШВ за 2021 година, изготвен во 2023 година јасно се нотира МЗШВ, со кое раководел Љупчо Дон Николовски не воспоставило евиденција на набавените и издадените контролни марки за ставање во промет на брашното, ниту пак контроли во тој процес. Постои основан сомнеж дека Љупчо Дон Николовски и владата на СДС и ДУИ дозволиле во промет да циркулира брашно кое имало контролни марки кои не биле уредно платени во МЗШВ, вели тој.

Имено, посочи дека Ревизорот констатирал дека за 2021 година МЗШВ набавило контролни марки во вкупна вредност од 3 милиона 305 илјади денари, а издало контролни марки во вредност од 2 милиона 242 илјади денари.

-Разликата во вредност која се јавува, и не е евидентирана во МЗШВ дали се работи за издадени контролни марки без да се наплатат изнесува 1 милион 63 илјади денари, односно тоа се 5 милиони 315 илјади контролни марки. Дали Љупчо Дон Николовски дозволил пуштање на промет на брашно во вредност од над 2 милион евра без да има уредно наплатени контролни марки? Кому му дал Љупчо Дон Николовски контролни марки за увоз на брашно без истите да ги платат? Што презело ЈО по однос на ова прашање и зошто повеќе од година дена се молчи? – рече пратеникот.

The post Петрушевски: Дали Љупчо Дон Николовски дозволил пуштање во промет на брашно од над 2 милиони евра без уредно платени контролни марки? appeared first on Република.

Во изминативе денови презентиравме како Љупчо Дон Николовски се однесувал со народните пари, расфрлајќи државни средства за лични уживања, кога во исто време можел да биде поекономичен и да заштеди, истакна на денешната прес конференција пратеникот од редовите на ВМРО-ДПМНЕ Бране Петрушевски.

Дон Николовски за времето додека бил министер во МЗШВ потрошил 16.000 евра за кафеани и ресторани, а во истовреме земјоделските производи на нашите земјоделци скапувале по нивите затоа што нема пласман.

Од сите сознанија кои ги имаме се доаѓа до заклучок дека Дон Николовски поголем дел од времето го поминувал на патувања и репрезентации во кафеани, отколку да биде на терен и да ги решава проблемите на земјоделците.

И наместо да најде начин како да исплати над 50 милиони евра заостанати субвенции на земјоделците, тој се шетал низ Европа и САД.

И на ниту едно патување не избрал економичен хотел, карти се плаќани по неколку стотина евра, а во исто време се трупале долгови кон земјоделците.

Дон Николовски и СДС раскалашено се однесувале со парите на граѓаните, неодговорното трошење резултираше со ограбена држава и голем број нерешени проблеми.

Ваквото однесување веќе никогаш нема да биде пракса, а за Дон Николовски ќе има одговорност за сите злоупотреби, рече Петрушевски.

The post Петрушевски: Додека владата на СДС должела 50 милиони за субвенции на земјоделците, Дон Николовски плаќал хотелски соби од неколку стотина евра appeared first on Република.

Љупчо Дон Николовски наместо за земјоделците се борел за себе. Наместо да планира како да ги подобри условите во земјоделието, да најде пласман и да помогне на 100.000 земјоделци, тој мислел како и каде следно да патува, и колку поскап хотел да плати, рече на денешната прес-конференција пратеникот Бране Петрушевски.

Љупчо Дон Николовски кога престојувал во странство, веројатно сакал да престојува и патува со стил. Со народни пари плаќал скапи хотели и по неколку стотина евра од вечер. Се е полесно кога си министер од СДС, пред камери зборуваш за народот и социјална правда, а зад камери јадеш скапи јадења со државни пари и спиеш по хотели со пет звезди кои чинат неколку стотина евра за вечер. Љупчо Дон Николовски за 6 ноќевања во САД потрошил 2850 евра само за хотели. Љупчо Дон Николовски плаќал хотелска соба по 500 евра во Њу Јорк и Вермонт, а 450 евра во Чикаго. Во Италија во Рим Дон Николовски плаќал 300 евра за хотел од вечер. По примерот на Бисера Антоанета и Дон Николовски се луксузирал во Виена, за две ноќевања со државни пари се платени 670 евра. И кога патувал во соседството, како во Бугарија, Дон Николовски исто патувал луксузно, за хотел во Софија за една ноќ платил 150 евра - истакна Петрушевски.

Ова се министрите од СДС. Ова е Дон Николовски кој имаше десетици милиони неисплатени субвенции. Заради ова велиме дека државата е ограбена, додава Петрушевски.

The post Петрушевски: Љупчо Дон Николовски плаќал и по 500 евра за хотел од вечер, додека земјоделците чекале на него да ги подобри работите appeared first on Република.

Денес и во наредните неколку дена ќе обелодениме како Љупчо Дон Николовски покрај тоа што исплаќал милионски субвенции на фирми блиски до СДС без основ, и раскалашено трошел народни пари на лични задоволства и нему блиски луѓе, вели Бране Петрушевски, пратеник на ВМРО-ДПМНЕ.

Љупчо Дон Николовски за три ипол години колку што бил министер за земјоделство потрошил 976.199 денари во кафеани и ресторани. Раскалашеноста е заштитен знак на СДС. 976.199 денари кога ќе го поделиме на 42 месеци, доаѓаме до сума од 23.400 денари, пари кои Дон Николовски ги трошел на кафеани. Ова го презентираме вака за и самиот Дон Николовски да сфати дека месечно во кафеани трошел по една плата, со која во државава живеат цели семејства - вели тој.

Понатаму посочува: Првата година од своето министерување Дон Николовски потрошил 294.780 денари народни пари на кафеани и ресторани, а последната предизборната 2023 година цели 377.700 денари. На масата на Дон Николовски често се наоѓале јадења како телешки мускул, чаден лосос, ракчиња и разни морски плодови, а се пиеле и скапи вина како Алшар од по 3500 денари шише“.

Дон Николовски се однесувал како Бисера Антоанета и без пардон трошел народни пари на кафанско седенки, додека од друга страна лицемерно зборувале дека работат за народот. Ова е таа раскалашеност и лицемерие на СДС. Утре и во наредните неколку дена целосно ќе го разоткриеме Дон Николовски и неговиот раскошен начин на живеење и патување - рече Петрушевски.

The post Ракчиња, телешки мускул, чаден лосос: Љупчо Дон Николовски потрошил 976.199 денари во кафеани како министер за земјоделие, обвини Петрушевски appeared first on Република.

Љупчо Дон Николовски толерирал лица блиски до власта на СДС со огромни количини земја под закуп во нивните нерегуларности и со години дозволил штета врз буџетот.Фирмата ДЗС Илинден на која и бил раскинат договорот за закуп на околу 1000 хектари земја со години земала субвенции, иако земјиштето веќе не било под нејзин закуп,oбвинува Бране Петрушевски.

Да почнеме од почеток, во 2019 година е поведен судски спор за неплатен закуп за 2017, 2018 и 2019 година. Период во кој министер во МЗШВ е Љупчо Дон Николовски, кој со години го толерирал должникот. Дури во септември 2021 година, по извршениот увид  во списокот на должници и увидот на лице место од Државниот инспекторат за користење на земјоделското земјиште министерството констатира дека закупецот не ги испочитувал обврските кои произлегуваат од договорот за плаќање на закупнина и користење на земјиштето, поради што носи изјава за еднострано раскинување на договорот  за закуп на земјоделско земјиште, која е потврдена со правосилна пресуда на Апелациониот суд - Скопје.

Иако самото министерство носи изјава за еднострано раскинување на договорот за закуп, истото не го испочитувало членот 41-а став 5 Законот за земјоделско земјиште и не доставило примерок од изјавата за раскинување на договорот за закуп, по електронски пат до Агенцијата за катастар на недвижности заради бришење на прибележувањето на договорот за закуп, односно плодоуживање на недвижностите.

Поради неизвршување на законските надлежности и обврски од страна на Министерството да спроведе постапка најнапред за бришење од единствениот регистер на земјоделски стопанства, и некоординација со Агенцијата за финансиска поддршка на земјоделството и руралниот развој, му овозможил на закупецот и по раскинувањето на договорот за закуп закупецот да може да продолжил да аплицира за субвенции.

https://www.youtube.com/watch?v=5_W-P33ddRE&embeds_referring_euri=https%3A%2F%2Fmia.mk%2F&source_ve_path=MjM4NTE

Во моментот на недејствување на МЗШВ, Љупчо Николовски е вицепремиер во владата, и тоа со задачи за борба против корупција и добро владеење, а корупцијата му се случувала пред нос.

Во период од 2021, кога Николовски е вицепремиер и не е во министерството за земјоделство, преку 2022 до 2023 година кога Љупчо Дон Николовски е министер во МЗШВ, на ДЗС Илинден без основа и се исплатени 13 милиони денари.

Спротивно на член 14-а од Закон за земјоделство и рурален развој ДЗС Илинден не е евидентиран на листите за должници додека имал право да го користи договорот од страна на МЗШВ, во време кога Љупчо Дон Николовски е министер.

Спротивно на член 15 од истиот закон министерството не го избришало договорот за закуп од единствениот регистер на земјоделски стопанства чија база е основа за поднесување на апликација за субвенции и овозможило закупецот неосновано да се стекне со 13 милиони денари, во време кога Љупчо Дон Николовски е првин вицепремиер, а потоа и министер. Институциите не направиле контрола согласно член 48 од овој закон и преку агенцијата за финансиска поддршка на земјоделството се исплатени финансиски средства спротивно на одредбите од член 50, 51, 52 и 61.

The post Николовски толерирал нерегуларности на фирми блиски до СДСM, без основа се исплаќани илјадници евра за субвенции appeared first on Република.

Пратеникот од редовите на ВМРО-ДПМНЕ, Бране Петрушевски денеска на прес конференција обвини дека Љупчо Дон Николовски, наместо како министер во влада, додека бил на позиција се однесувал како мафијашки дон.

Како што вели, за Дон Николовски не важеле законите, туку партиската припадност.

„Љупчо Дон Николовски ја злоупотребил својата позиција континуирано во период од неколку години и на фирма блиска до СДС исплаќал милионски субвенции без основ. Имено Љупчо Дон Николовски склучил низа договори со фирмата Арекспорт од Струмица за давање под закуп на државно земјоделско земјиште со површина од 1.416 хектари. Да, 1.416 хектари за фирма од Струмица, зад истата таа фирма стои Митра Лазарова, мајка на Кирил Лазаров, газда на НИКОБ, главен тендераџија на СДС, од ЕВН, преку град Скопје и до Влада до приватни лаборатории во време на Ковид пандемијата кои ги отвори во време на Венко Филипче“, вели Петрушевски.

Тој додава дека семејството Лазарови се најблиски пријатели со Зоран Заев и Венко Филипче односно главни стожери на СДС.

„Тоа било доволна причина за Љупчо Дон Николовски да испумпува милиони на сметката на Арекспорт без никаков основ, но да почнеме со ред. Фирмата Арекспорт склучила долгогодишен договор за закуп со МЗШВ под превезот дека земјиштето ќе го насади со лозов насад. Наместо лозов насад стотици хектари се користеле за сеење на едногодишни култури, спротивно на договорот за закуп, а уште толку се давале на други лица да ги работат, односно не биле обработувани од фирмата закупец. Неискористувањето на земјиштето за намената за која што е склучен договорот е основ за раскинување, но до тоа не дошло затоа што наместо по закон Дон Николовски работел по партискиот кодекс“, порача Петрушевски

Како што вели, фирмата на семејството газди на НИКОБ заради тоа што Дон Николовски не им го раскинал договорот, иако за тоа бил должен да го направи, инкасирале 485.000 евра за субвенции, кои немале право да ги земаат.

„485.000 евра воопшто не требало да бидат исплатени затоа што фирмата на семејството газди на НИКОБ не само што не го испочитувале договорот во делот на насадот кој се обврзале да го засадат, туку и не платиле закупнина за земјиштето 2 години по ред. Арескпорт не платиле закупнина во висина од 30.000 евра, за 2022 и 2023 година. Љупчо Дон Николовски, и покрај тоа што неплаќањето на закупнина е основ за раскинување на договорот, тоа не го направил и со тоа овозможил нелегална исплата на субвенции. Презентиравме два основа според кои Љупчо Дон Николовски имал право и обврска да го раскине договорот, и тоа не го направил. Зошто Дон Николовски не го раскинал договорот и дали и каков интерес имал? Дон Николовски е фатен инфлагранти во криминал. Дон Николовски треба да одговара“, вели Петрушевски.

Тој најавува нови докази за во текот на утрешниот ден, а се однесувааѕ на тоа дека Дон Николовски можел да го раскине договорот со фирмата на семејството газди на НИКОБ и тоа не го сторил, а овозможил исплата на субвенции и го оштетил буџетот.

The post Љупчо Николовски овозможил незаконска исплата од 485.000 евра на мајката на газдата на НИКОБ! appeared first on Република.