Реваншот од полуфиналето во Лигата на шампионите (ЛШ) меѓу Пари Сен Жермен и Борусија Дортмунд е закажан за вечерва од 21:00 часот.

Борусија во Париз брани предност од 1:0 од првиот дуел, но францускиот домаќин е фаворит и се надева дека ќе стигне до своето второ финале во клупската историја, откако во 2020 година загубија од Баерн.

„Нашата цел е да влеземе во финалето. Свесни сме дека на овој натпревар можеме брзо да постигнеме два гола, но и да примиме“, изјави тренерот на ПСЖ, Луис Енрике.

„Нашата цел не е да победиме со два гола, нашата цел е да победиме. Ако почнеме да размислуваме за два гола, ќе изгледа дека целта ни бега. Мора да постигнеме еден гол, а потоа е изедначено полуфиналето“, додаде стратегот на ПСЖ.

Тренерот на Борусија, Един Терзиќ, истакна на официјалната прес – конференција дека неговите фудбалери се свесни за квалитетот на противникот, но оти пласманот во финалето е голем мотив за бундеслигашот од Дортмунд.

„Знаеме за нивната сила. Веќе кажавме дека нашиот настап од првиот натпревар нема да биде доволен за финале, но можеме да извадиме многу позитивни работи од него. Во текот на сите 90 минути треба да бидеме целосно будни, ако треба ќе трчаме и 20 километри повеќе од нив! Имаме голема цел и голем сон“, истакна Терзиќ

The post ЛШ: Ќе издржи ли Борусија вечерва на „Паркот на принцовите“? appeared first on Република.

Легендарниот фудбалер и долгогодишен капитен на Борусија Дортмунд, Марко Ројс, официјално објави дека го напушта клубот по завршувањето на сезоната. Договорот на 34-годишниот играч истекува на лето и двете страни се договориле тој да не биде обновен.

Ројс е роден во Дортмунд и бил младински играч на клубот, играјќи и за Рот Вајс Ален и Борусија Менхенгладбах. Со „жолто-црниот“ клуб потпиша во 2012 година. Заедно со периодот во младинците, тој помина над 21 година со Борусија Дортмунд. Тој го зазема второто место по голови во историјата на тимот од „Вестфален“ и четвртото место на вечната листа на натпревари за клубот.

https://republika.mk/sport/fudbal/milionerite-toa-go-zasluzhuvaat-borusija-na-eden-chekor-do-finaleto-na-lsh/

Марко Ројс досега одигра 424 натпревари за Дортмунд, постигна 168 гола и асистираше на уште 128. Со клубот освои два Купа на Германија и два германски Суперкупа, а во 2013 година стигна и до финалето на Лигата на шампионите, каде загуби од Баерн Минхен со 1:2. Три пати беше избран за „Најдобар фудбалер во Бундеслигата“ (двапати со тимот на Дортмунд и еднаш со Гладбах) и двапати за „Фудбалер на годината во Германија“.

Неверојатно сум благодарен и горд на овој посебен момент во мојот клуб Борусија Дортмунд. Поминав повеќе од половина од мојот живот во овој клуб и уживав во секој ден, иако секако имаше тешки моменти. Веќе знам дека ќе ми биде тешко да се збогувам на крајот од сезоната. Сепак, мило ми е што сега има јасност и што можеме целосно да се концентрираме на последните натпревари, кои се толку важни пред нас. За ова ни треба секој од нашите неверојатни навивачи, на кои сакам да им изразам искрена благодарност за нивната неверојатна поддршка низ годините, изјави Ројс за клупската веб-страница.

https://republika.mk/sport/fudbal/edin-terzik-e-hitot-vo-evropa-zhivee-za-borusija-dortmund-obozhuva-da-letuva-vo-hrvatska/

Шефот на Борусија Дортмунд, Ханс-Јоаким Ватцке, истакна дека Ројс е еден од најголемите играчи во историјата на клубот.

Тој е роден во Дортмунд, играше речиси десет години во нашата младинска програма, дванаесет години во професионалците и долго време беше капитен. Неговата врска со Борусија Дортмунд е исклучителна. На Марко му посакуваме се најдобро во неговата иднина. Силно се надеваме дека по завршувањето на професионалната кариера ќе се врати во Борусија, бидејќи тука во Дортмунд го чекаат доволно возбудливи задачи“, изјави Ројс.

The post Ќе има ли среќа да замине со шампионска титула: Марко Ројс ја напушта Борусија Дортмунд на крајот од сезоната appeared first on Република.

Тренерот на Борусија Дортмунд, Един Терзиќ е задоволен од победата над ПСЖ синоќа со 1:0 во првиот натпревар од полуфиналето на Лигата на шампионите, иако смета дека разликата можеше да биде и поголема.

https://republika.mk/sport/fudbal/edin-terzik-e-hitot-vo-evropa-zhivee-za-borusija-dortmund-obozhuva-da-letuva-vo-hrvatska/

- Ова е заслужена победа, добра тимска игра. Можевме да постигнеме повеќе голови, исто како и тие. Затоа, од моја гледна точка, резултатот не е лош. Многу се движевме, но тоа е неопходно во ваков натпревар. Мора да се стекнеме со право да играме на „Вембли“. За тоа ни треба само реми во реваншот, но секако дека сакаме и да победиме следната недела. Имаме мала предност и добра можност, изјави Терзиќ за сајтот на УЕФА.

Реваншот ќе се игра на 7 мај во Париз.

Другата полуфинална двојка во елитното фудбалско натпреварување е Реал Мадрид – Баерн Минхен (2:2 прв натпревар)

Пет екипи од германскиот шампионат ќе учествуваат во групната фаза од фудбалската Лига на шампионите за сезоната 2024/25.

Ова стана возможно откако Борусија Дортмунд го победи ПСЖ (1:0) во првиот полуфинален натпревар и и донесе дополнителни бодови на Германија на табелата со коефициенти на УЕФА.

Претходно се дозна дека пет италијански екипи ќе учествуваат во следната сезона од Лигата на шампионите.

Во моментов, првите пет во Бундеслигата се Баер Леверкузен, Баерн Минхен, Штутгарт, Лајпциг и Борусија Дортмунд

The post Терзиќ смета дека можеле да му дадат уште еден гол на ПСЖ, успехот на Борусија донесе пет германски екипи во ЛШ appeared first on Република.

Един Терзиќ е хит во Европа и е на прагот да ја донесе Борусија во финалето на Лигата на шампионите.Тој е роден во Германија од мајка Хрватица и татко Бошњак. Има само 42 години.

Тој летува во Макарска, знае хрватски песни, дете е на Дортмунд кој го обликуваше.

Терзиќ поради тешка повреда мораше предвреме да ја заврши играчката кариера. Класична приказна за талент кој го оневозможија повредите, но веднаш се фрли во тренерските води.

Неверојатно! Роден сум на 30 километри од тука и првпат дојдов на стадион како деветгодишно дете. Оттогаш е јасно за кого е моето срце. Но, никогаш не се осмелив ниту да сонувам дека ќе се најдам во оваа улога.

Сопругата Кора Волм ја запознал на игралиште бидејќи и таа била фудбалерка, играла за Бохум во втора лига. Тие се венчаа во 2013 година и имаат две ќерки.

The post Един Терзиќ е хитот во Европа, живее за Борусија Дортмунд, обожува да летува во Хрватска appeared first on Република.

Борусија Дортмунд е на еден чекор до финалето во Лондон откако вечерва го совлада ПСЖ со 1-0.Со ова „милионерите“ ќе ја исполнат желбата на фановите за ново финале во Лигата на шампионите.

Стрелец на единствениот гол беше Никлас Филкруг во 36. минута.

Се чини дека голманот  Кобел ги чуваше Милионерите и од нападите на Мбапе.Посед на топка: Борусија Дортмунд: 45%, ПСЖ: 55%..

Реваншот е следната недела на Паркот на Принцовите.

The post „Милионерите“ тоа го заслужуваат: Борусија на еден чекор до финалето на ЛШ appeared first on Република.

Борусија Дортмунд се пласираше во четвртфиналето на Лигата на шампионите откако на „Сигнал Идуна Парк“ го совлада ПСВ Ајндховен со 2:0.

Двата тима ја завршија пресметката во Холандија со резултат 1:1.

„Жолто-црните“ тргнаа многу силно и поведоа во третата минута по голот на Џејден Санчо, кој бележи втор натпревар по ред. До одморот избраниците на Един Терзиќ не успеаја да го зголемат водството и во вториот дел имаше доста тешки моменти откако ПСВ ја презеде иницијативата.

Ударот на Ирвинг Лосано ја погоди гредата, а Кобел неколкупати интервенираше за да го зачува водството на својот тим.

Голот на Фулкруг беше поништен поради офсајд, а во продолжението Де Јонг направи огромно промашување со кое можеше да израмни.

Неколку секунди подоцна Марко Ројс казни грешка во одбраната на холандскиот тим за да го обликува конечниот резултат

The post Разиграниот Санчо ја однесе Борусија во четвртфиналето на ЛШ appeared first on Република.

Тренерот на Милан, Стефано Пиоли го сподели своето мислење за поддршката од навивачите на натпреварот од 5. коло од групната фаза на Лигата на шампионите со Борусија Дортмунд.

- Ќе кажам само едно, Во Дортмунд, Борусија го имаше „Жолтиот ѕид“, но тие не знаат што ги чека на „Сан Сиро“. Сигурен сум дека нашите навивачи ќе ни помогнат да дојдеме до целта. Што се однесува до Милан, сакам да видам тим кој ја покажува својата уникатност и се што може да направи. Секогаш играме на победа и мислам дека тимот го докажа тоа, изјави Пиоли на прес-конференција.

Натпреварот помеѓу Милан и Борусија Дортмунд ќе се одигра во Милано вечер со почеток во 21 часот.

The post Не пропуштајте: Каков меч вечерва во Милано appeared first on Република.

Тренерот на Милан, Стефано Пиоли го коментираше претстојниот натпревар на тимот со Борусија Дортмунд во 2. коло од групната фаза на Лигата на шампионите.

- Тоа дефинитивно ќе биде важен натпревар од турнирски аспект. Но, по ова остануваат уште четири кола, па сите четири селекции се уште ќе имаат надеж за пласман од групата. Натпреварот нема да биде решавачки, но ќе биде важен. Борусија нема пораз на домашен терен во Лигата на шампионите речиси две години, па знаеме каков тежок натпревар ни претстои, изјави Пиоли за сајтот на УЕФА.

Натпреварот ќе се одигра вечер од 21 часот на стадионот „Сигнал Идуна Парк“ во Дортмунд

The post Вечерва супер дерби во Дортмунд appeared first on Република.