Центарот за управување со кризи (ЦУК) информираше дека повторно, втор ден по ред, активирана е и воздухопловна поддршка за противпожарните тимови за пожарот на планината Сува Гора во шумата над селото Милетино во Општина Брвеница. Денеска дејствуваат два противпожарни авиони „Ер-трактори“ и еден полициски хеликоптер.

Имаме активно горење на неколку краци. Пожарот гори ниско по тревата низ зимзелена шума, борова шума, предизвикува штета. Се надевам дека дрвјата ќе преживеат и нема да бидат исушени. Рано утрово почнавме со гасење со два „Ер-трактори“ на ДЗС, а дополнително ќе биде ангажиран и еден полициски хеликоптер, изјави директорот на ЦУК, Стојанче Ангелов.

Пожарот изби вчера во текот на пладнето, попладне беше изгаснат од пожарникари, но и три „Ер трактори“ и хеликоптер, но ноќта повторно се разгоре.

И покрај обидите за контрола врз овој пожар, тоа остана неуспешно. Ветрот, кој постојано дува, го менува својот правец, како и поради и сува вегетација, како овие шишарки на земја, дополнително го отежнува гаснењето на овој пожар, изјави Ангелов.

Од разденување се работи на гаснење на пожарот, а интервенираат и вработени во ЈП „Македонски Шуми“ подружница „Лешница“.

The post Втор ден пожарот на боровата шума во Тетовско покрај пожарникарите се гасне и со воздухопловна поддршка appeared first on Република.

Веднаш да се сопре сечењето на боровата шума во месноста Крушино!, бараат од ВМРО-ДПМНЕ ОК Кичево.

После сите алармирања, апели, пријави до сите можни надлежни институции, прашуваме зошто истите тие молчат. Зошто сите се глуви и неми за ова злосторство од невидени размери што и се случува на природата, прашуваат од ВМРО-ДПМНЕ ОК Кичево.

The post Од ВМРО-ДПМНЕ ОК Кичево апелираат веднаш да се сопре сечењето на боровата шума во Крушино appeared first on Република.