Државниот здравствен и санитарен инспекторат најавува дека ќе изврши вонреден инспекциски надзор во Детската Клиника и во ЈЗУ УК за респираторни заболувања кај децата Козле, поради тоа што таму почина бебе за кое родителите тврдат дека било одбивано да биде хоспитализирано иако неколку пати го носеле во Детската Клиника.

Од ДСЗИ велат дека надзорот ќе го прават во присуство на докторите.

Со цел да се утврди вистинитоста за евентуалните пропусти во лекувањето, надзорот ќе се изврши во присуство на одговорните лица во здравствените установи како и лекарите кои учествувале во претходното пружање на здравствена заштита. Обезбедената медицинска документација и изјавите на здравствените работници ќе бидат проследени до министерот за здравство и ќе се иницира формирање комисија за стручен надзор, велат од Државниот здравствен и санитарен инспекторат.

Најавата да ДЗСИ доаѓа откако еано утринава на Клиниката за детски болести во Клинички центар „Мајка Тереза” во Скопје, починало 14-месечно женско бебе. МВР денеска потврди дека има починатот дете, а неговиот татко, според информациите од полицијата, по добиената информација кршел низ болницата.

„Слободен печат” објави дека бебето било неколку пати одбивано за хоспитализација, иако родителите го носеле во болницата. Секогаш било пуштано дома, без да биде хоспитализирано. Гледајќи дека се одбивани за хоспитален третман, родителите го однеле во Клиниката Козле, од каде состојбата му се влошила и дури тогаш било примено во одделението за интензивна нега на Детската Клиника.

https://republika.mk/zivot/zdravje/14-mesechno-bebe-pochinalo-na-detska-klinika-tatkoto-tvrdi-deka-nekolku-pati-bilo-vrakano-doma-pred-da-bide-hospitalizirano/

The post По починатотот бебе, ДСЗИ најавува вонреден инспекциски надзор во Детската Клиника и Козле appeared first on Република.

На Фејсбук групата „Здравство“, се споделува фотографија со реакција за оброк составен од печени или пржени пиперки со парче сирење, кој бил даден за двегодишно дете кое лежи во детската болница Козле.

„Тотална негрижа.
Веќе не тонеме, ПОТОНАТИ сме на дното.
КАТАСТРОФА!“, пишува на групата, над фотографијата.

Родителите кои се придружба на децата кои се хоспитализирани во Козле реагираат на условите во болницата.

Лебот го носат незапакован, парчиња леб во послужавник. Храната исто незапакувана, ти ја носат во чинија, приборот за јадење тотално нехигиенски ти го даваат. Сепак тоа се деца кои се болни, со слаб имунитет. Топла вода буквално ловев за да можам да се истуширам и да го истуширам детето за мојот десетдневен престој во болниците. Чаршафите се стари, искинати, со дуоки, огромни флеки. За викенд обично доктор не влегува, чест на исклучоци, односно ретки се оние доктори кои за викенд ќе влезат да поразговараат со родителот и да го видат детето. Хигиеничарка за викенд тоалет нема шанси да исчисти. И сето тоа родителот го чини 1 000 денари од вечер. За 10 дена поминати во болница со своето дете плаќаш 10 000 денари за родителот, плус партиципација за детето - под 14 000 денари нема шанси. Е тоа е бесплатното здравство. Ако немаш пари ќе си седиш со болно дете дома. А никој кога те хоспитализира не ти кажува дека тоа скапо ќе те чини. Може да се најдеш во непријатна ситуација да вртиш телефони денот кога те пуштаат дома за да позејмиш пари да платиш - вели мајка на детенце кое неодамна било хоспитализирано во Козле.

The post Реакција на родител чие дете лежи во болницата Козле: Веќе не тонеме, потонати сме appeared first on Република.