Вчера во 18.00 часот во Полициско одделение Маврово Д.Ѓ. (55) пријавила дека нејзиниот малолетен син се здобил со повреди и починал откако врз него паднал бојлер во куќата во нас. Маврови Анови.

Од СВР Тетово велат дека за настанот бил известен јавен обвинител, а увид на местото извршила екипа од ОВР Гостивар.

The post Болјер падна врз момче и го уби: Трагедија во Маврово appeared first on Република.

Со цел да се постигне намалување за најмалку пет отсто на потрошувачката на електрична енергија во шпицот, министерот за животна средина и енергетика на Грција Костас Скрекас, препорача да се прават напори во периодот од 18 до 21 часот да се ограничи употребата на уреди кои трошат многу струја и доколку е можно, да се користат во друг период од денот, јави дописничката на МИА од Атина.

-Основен приоритет останува заштедата на енергија. Грција има цел во следните месеци да ја намали потрошувачката на енергија во шпицот за најмалку пет отсто. Затоа, напорите на сите нас се да ја ограничиме употребата на уреди што трошат многу струја во периодот од 18 до 21 часот, кои можат да се користат во останатите часови од денот, рече Скрекас.

Министерот за животна средина и енергетика на Грција денеска ги претстави владините мерки за поддршка на граѓаните и бизнисите за месец ноември во однос на сметките за електрична енергија и природен гас, кои се однесуваат на сите, без никакви критериуми.

Планирани се субвенции за електрична енергија во висина од 430 милиони евра за домаќинствата и бизнисите.

Поконкретно, за потрошувачка до 500 киловат часови за домаќинствата предвидена е субвенција од 238 евра за мегават час; за потрошувачка меѓу 501 и 1.000 киловат часови е 188 евра за мегават час, додека пак за месечна потрошувачка од над 1.001 киловат часови, владината субвенција е 98 евра за мегават час.

За корисниците на природен гас субвенцијата е 25 евра по термички мегават час за сите потрошувачи.

-Владата продолжува да ја спроведува својата политика на два паралелни фронта: прво во Европа, обидувајќи се да убеди за потребата од заеднички и решителни политики и второ, на национално ниво, заштита на потрошувачите од последиците на енергетската војна што Русија ѝ ја објави на Европа, рече Скрекас.

Истакна дека и покрај големите тешкотии, грчката Влада ќе продолжи да ги поддржува домаќинствата и бизнисите, „така што никој и оваа зима нема да остане незаштитен

The post Нема пуштање машини за алишта и болјери во Грција од 18 до 21 часот appeared first on Република.

Вези Елези од Тетово вели дека поради недостиг на вода во градот му се расипал бојлерот, поради што неговото семејство било ставено во опасност.

В понеделник наутро се разбудив да наполнам вода и видов дека бојлерот не пушта вода, бидејќи вода имаме два часа и потоа ја снемува. Потоа пак доаѓа час и пол, потоа еден час, и не можам да знам кога доаѓа, а кога ја снемува. Бојлерот повлекувајќи ја водата прегорел. Повикав мајстор, кој ми рече да го фрлам бидејќи веќе не работи и дека Господ нѐ сочувал, вели Вези Елези.

Неговата поплака му ја пренесе на градоначалникот Биљал Касами преку Фејсбук порака:

-Што велиш, ќе ми купиш нов?

-Оваа штета е поради водата, сега прегоре…

Но, Елези не добил никаков одговор од градоначалникот.

-Да, му ја пратив фотографијата на г.Биљал, тој ја видел, но не ми врати никаков одговор.

-Што му порача ти?

-Го замолив да го регулира прашањето со водата, бидејќи без вода не може да се направи ништо.

Тетово со недели мака мачи со недостиг на вода, како резултат на дефект на водоводната мрежа во Лешница. Од општината велат дека водоводната мрежа ќе почне да се санира кога ќе се подобрат климатските услови.

извор: ТВ21

The post Тетовец бара Касами да му купи нов бојлер: Му прегорел поради недостиг на вода appeared first on Република.