Додека пратеничката Тренчевска држеше прес-конференција оквалификувајќи ги мерките на владата како мерки што не дале резултат, излезе соопштение во која што синдикалната кошничка на синдикатот ССМ укажа на тоа дека мерките на владата кој што се во моментот на сила дале резултати и цената на храната за еден месец е намалена за 935 денари. Она што е важно да се нагласи е дека економијата е суштинско сериозна тема која што бара систематски пристап, а никако пристап на технички така наречени грешки во кој што се промашуваат процентите за покачување на минимална плата и веднаш по тоа се аплицира тоа кој што е кажано во Собранието.

Ова го истакна денес Бојан Стојаноски, пратеник од ВМРО-ДПМНЕ.

Целокупната синдикална кошничка се има намалена за 57 денари, но доколку ги видите контрибуторите во синдикалната кошничка, ќе видите дека поскапувањето односно драстичното не намалување не доаѓа заради мерките кои што се од владата току заради поскапување на цената на облеката, додека оние мерки кои што се превземаа со проширувањето на позитивната листа на лекови имаат дадено резултат.Исто и мерката за ограничување на бруто марша како и стапување на сила законот за нефер трговски практики и за симнување на капацитетите кои што тие закони ке треба да ги контролираат апелираме до пратеничката група на СДСМ да станат посериозни да не се случуваат повеќе технички грешки, бидејќи еднаш беше таков случај со амандманите за ребаланс на буџетот, сега е по нив и втората техничка грешка заради тоа што во Собранието е потребна сериозна опозиција, а не опозиција која што за дневно политички теми исфрла памфлет закони кој што нема да го подобрат животот на работниците - истакна Стојаноски.

Тоа што е нашата порака до нив е исто дека во наредниот период ќе пристигне и текстот на новиот буџет за 2025 година, таму има многу позитивни изненадувања за сите работници во Р. Македонија, без разлика дали се од приватниот или од јавниот сектор и нека припремат Амандмани на начин на кој што може сериозно да го подобрат тој текст,а не да се пишуваат вакви закони кои што повторно ќе кажам немаат врска со реалноста, порача тој.

The post Стојаноски: Во новиот буџет има многу позитивни изненадувања за сите работници во Македонија appeared first on Република.

Во денешната емисија ,,Dailyclick“ на Телевизија 21, гостуваше пратеникот Бојан Стојаноски од ВМРО-ДПМНЕ и изрази јасен став дека не може некој кој речиси две децении бил дел од власта и имал безброј прилики да го промени механизмот што самиот го критикува, сега да се појавува каков негов бранител.

Стојаноски посочи на фактот дека претходната власт не покажува интерес за конструктивни предлози, туку, откако замина во опозиција, единствено се фокусира на заканите за дестабилизација. Според него, овие потези служат за заштита на криминалот.

Механизмот кој моментално постои не само што не дава резултати, туку и ги надмина своите можности. Сите права на граѓаните се загрозени. Ние предложивме нов механизам кој ќе биде транспарентен и ги вклучува сите заинтересирани страни, рече Стојаноски, нагласувајќи дека новиот систем мора да биде донесен со консензус во парламентот и со поддршка од Венецијанската комисија.

Стојаноски посочи на конкретни примери на злоупотреба и недостапност на информации, истакнувајќи дека некои од членовите на ДУИ имаат кривични пријави. „Заврши времето на недопирливите“, додаде тој.

Тој обвини дека СДСМ ги политизираше законите,а моментално се бори за опстанок на политичката сцена, додека ВМРО-ДПМНЕ продолжува да се фокусира на антикорупциските мерки.

Граѓаните очекуваат од нас да расчистиме со криминалот и корупцијата. Сите доказите ги доставуваме до јавниот обвинител, и ако нема намера да делува, ќе видиме какви ќе бидат последиците, заклучи Стојаноски.

The post Стојаноски: Реакциите од ДУИ се комични, намерата им е прочитана, а институциите се спремни за секој обид за дестабилизација appeared first on Република.

Јас ги разбирам комплетно граѓаните, особено синдикатите во нивните стравувања дека цените нема да се намалат, бидејќи во претходните периоди тоа беше беше присутно, затоа што немаше систем кој што функционира. Тука не е надлежен само Државниот пазарен инспекторат, туку тука има и една подзаборавена институција која што има пошироки надлежности, а тоа е Комисијата за заштина на конкуренцијата, вели партеникот на ВМРО-ДПМНЕ, Бојан Стојаноски во вечерашното гостување на Телевизија 24.

Тој посочи дека тоа што клучно се разликува помеѓу оваа мерка и помеѓу мерките од претходната влата, е што тогаш се замрзнуваа цените за да веднаш откако ќе помине мерката цените почнуваа да растат, додека тука се ограничува профитната бруто маржа.

„Заради тоа што кога наметнувате одредено замрзнување, без при тоа да интервенирате во стоковите резерви, вие наметнувате нешто што учесниците на мазарот не го прифаќаат. Ние се одлучивме на ваков еден поинаков пристап каде што ќе седниме и ќе разговараме со сите вклучени на пазарот за да можеме да најдеме едно решение кое што ќе биде компромисно и што ќе даде резултати. Овие производи кои што беа избрани, се избрани по пат на анкета но и во работна група во која беше вклучено министерството за економија, министерството за земјоделие и министерството за финансии“, рече Стојаноски.

Додаде, нашиот план е, покрај тоа што ќе има засилени контроли на Државниот пазарен инспекторат, веќе во текот на вчерашниот стигна и новото предлог законско решение за рефомрирање на Комисијата за заштита на конкуренцијата, со што ќе и се прошират надлежностите, а тоатоа и со влегувањето на сила на Законот за нефер трговски практики, едноставно некои практики од минатото да престанат да се случуваат.

„Точно е дека имаше синџири на маркети кои што се штитеа, точно е дека имаше и добавувачи и трговци кои беа заштитувани, сега во овој момент тоа така нем ада биде. Доволно е само да видите во царина и да ги видите фактурите на влез на производите кои што се увозни, не е само 100 проценти и со маржа од 150 и 200 проценти. Тоа е безобразно тоа повеќе нема да биде присутно. Ако ние сме направиле систем кој што функционира и ако ние сакаме да се покачат платите, да се покачат пензиите, паралелно со тоа ние мора да ја зголемиме вредноста на парите. Ако не ја зголемиме, тогаш едносноставно не сметам дека ќе можеме да го зголемиме зивотниот стандард на граѓаните“, истакна Стојаноски.

The post Стојаноски: Владините мерки за ограничување на маржата ќе дадат резултати, ќе има засилени контроли на ДПИ како и проширување на надлежностите на КЗК appeared first on Република.

Контролите кои се спроведени од страна на институциите во ЈЗУ и клиниките ставаат на површина факти дека СДС и ДУИ во здравството гледале бизнис. Злоупотребувани се јавните набавки во ЈЗУ и клиниките. Покрај матните тендери на Филипче на централно ниво, за кои јавноста е запознаена, злоупотреби се правени низ поголемиот број на ЈЗУ, обвинува Бојан Стојаноски, пратеник на ВМРО-ДПМНЕ.

Од извршените целосни финансиски контроли во 24 ЈЗУ за 2023 година, кај 19 ЈЗУ се утврдени неправилности во делот на контролата на спроведувањето на постапките за јавни набавки.

Лоцираните неправилности се во следните ЈЗУ: УК за максилофацијална хирургија – Скопје, Здравствен дом – Гостивар, Здравствен дом – Ресен, Здравствен дом – Струга, УК за урологија – Скопје, УИ за радиологија – Скопје, УК за нефрологија – Скопје, УК за психијатрија – Скопје, Клиничка болница – Тетово, Здравствен дом – Делчево, Здравствен дом – Демир Хисар, Институт за јавно здравје – Скопје, Општа болница – Струга, Здравствен дом – Велес, Општа болница – Струмица, Општа болница со проширена дејност – Дебар, Центар за јавно здравје – Скопје, Специјализирана болница за ортопедија и трауматологија ,,Св.Еразмо“ – Охрид, Здравствен дом – Пробиштип - откри тој.

Стојаноски порача дека неправилностите во здравството, го метастазирале системот – злоупотребите излегуваат на површина, одговорност ќе има.

The post Стојаноски: Контролите констатирале голем број нерегуларности при јавни набавки на многу клиники и здравствени домови, одговорност ќе има appeared first on Република.

Денеска на дневен ред пред пратениците во Собранието на Република Македонија ќе се најде Предлог на закон за изменување и дополнување на Законот за пензиското и инвалидското осигурување. Ова е Закон кој ќе овозможи линеарно зголемување на пензиите на сите пензионери за 2.500 денари линеарно, почнувајќи од септемвриската пензија, изјави денеска Бојан Стојаноски, пратеник на Пратеничката група на ВМРО-ДПМНЕ .

Апелираме за соработка од сите пратенички групи кога се работи за доброто на нашите граѓани. Ги повикуваме сите пратеници за поддршка и веднаш уште денеска во согласност со Собранискиот деловник да се закаже Комисијата за социјална политика, демографија и млади.

Со овој закон ќе се оствари право на повисока пензија на 300.000 наши пензионери. 300.000 пензионери добиваат повисоки пензии, подобар животен стандард и подобри услови за живот.

Ова е само почеток на она што го ветивме.

Дополнително покрај ова покачување, во месец март ќе има зголемување од уште 2.500 денари линеарно за сите пензионери. Тоа значи реализација на едно од клучните ветувања во предизборниот период на ВМРО – ДПМНЕ и Коалицијата “Твоја Македонија” за линеарно зголемување на пензиите од 5.000 денари.

Како ВМРО – ДПМНЕ и Коалицијата ќе продолжиме да се бориме за нашите граѓани да имаат подобри услови за живот. Животниот стандард на нашите сограѓани е еден од врвните приоритети на ова парламентарно мнозинство.

Упатуваме апел до сите ппратеници и пратенички групи уште денеска да го изгласаме овој Закон и да се излезе во пресрет на 300.000 пензионери во Република Македонија, повика Стојаноски

The post Законот за линеарно покачување на пензиите во Собрание: Со овој закон ќе се оствари право на повисока пензија на 300.000 пензионери appeared first on Република.

ВМРО-ДПМНЕ нема да ја поддржи интерпелацијата против претседателот на Собранието Африм Гаши, изјави пратеникот од ВМРО-ДПМНЕ, Бојан Стојаноски на денешната собраниска седница.

Според Стојаноски, интерпелацијата нема никаква допирна точка со реалноста и прекршувањето на собраниските процедури, туку, како што вели е „очајнички коалициски производ на новата коалиција која што ја сочинуваат СДС, Левица и ДУИ“.

ВМРО-ДПМНЕ нема да ја поддржи оваа иницијатива најмалку од три причини. Првата е бидејќи нема прекршување во рамките на надлежностите претседател на Собранието водејќи ја институцијата Собрание на Република Македонија. Второ, кога ќе ги видите оние седум причини сите сторители на дела кои што одат во насока на непочитување на законите во МВР како прв пат досега се пронајдени и санкционирани и има за нив постапка. Трето, заради тоа што е несериозна и глупава, затоа што во точка седум и под точките в, г, д има напишано замислете и основ за интерпелација за паркинг, изјави Стојаноски.

Интерпелацијата, Стојаноски ја спореди со, како што рече, „базен пол со кал каде неколкумина меѓусебе се фрлаат со кал и се исфлекани до гуша и тие имаат заеднички интерес, за единствениот што не е во тој базен, да го извалкаат“.

Стојаноски, меѓу другото, порача дека нема да биде како досега, бидејќи како што нагласи „ВМРО-ДПМНЕ не е должно кон никого“ и дека како Коалиција се должни само на граѓаните кои ги гласале.

Не е важно дали некој се вика Африм Гаши, дали е претседател на Собрание, дали се вика Бојан Стојаноски и е пратеник, дали се вика Никола Мицевски, Дафина Стојаноска, Драган Ковачки, Изет Меџити, Борислав Крмов, Димитар Апасиев, Димитар Ковачевски, Оливер Спасовски, Христијан Мицкоски, ако се огрешил ќе одговара. Ако направил грешка ќе одговара, затоа што на секој поединец може да му се случи да згреши, ама системот не смее да згреши. Системот нема да затаи. Во оваа држава веќе има систем и тој ќе функционира и во оваа држава ќе има правда за сите, изјави Стојаноски.

Пратеникот Миле Талевски од СДСМ, кој беше прв пријавен за збор на денешната собраниска седница, рече дека пратениците на СДСМ и коалицијата ќе гласаат за интерпелацијата на претседателот на Собранието, Африм Гаши.

Парламентарната група на коалицијата на ДУИ нема да ја поддржат интерпелацијата за претседателот на Собранието Африм Гаши, бидејќи како што кажа пратеникот на ДУИ Талат Џафери на денешната седница „мотивацијата на подносителите од Левица е неговата етничка припадност“.

Пратениците денеска, во рамки на 13. седница на Собранието расправаат по интерпелацијата на Африм Гаши, поднесена од пратеничката група на Левица. Претресот по интерпелацијата на работата на претседателот на Собранието трае еден работен ден, до исцрпување на пријавените за збор – вкупно 21 пратеник.

The post ВМРО-ДПМНЕ нема да ја поддржи интерпелацијата за претседателот на Собранието, Африм Гаши appeared first on Република.

Кадрите на СДС и ДУИ во судството го пуштија Блерим Рамадани да избега, неопходни се итни реформи во судството, вели на денешната прес-конференција пратеникот Бојан Стојаноски.

Тој истакнува дека Пајазит Пајазити, судија близок до ДУИ и СДС го пуштил Блерим Рамадани во куќен притвор, за лесно да избега.

Пајазит Пајазити е истиот судија кој одлучуваше и за упадот во кулата за летање на аеродромот, и за условната пресуда на Иџет Мемети во случајот со поткуп. Секогаш кога СДС и ДУИ имаат интерес тука е Пајазит Пајазити - вели Стојаноски.

Од ВМРО-ДПМНЕ бараат институциите веднаш да отворат постапки и Пајазит Пајазити да биде разрешен од функцијата судија.

Инсталациите на СДС и ДУИ во судството мора да го ослободат системот, за тој да може да функционира. Одговорност за Пајазити веднаш - нагласува Стојаноски.

The post Стојаноски: Го пушти Рамадани да избега, Пајазит Пајазити да биде разрешен веднаш appeared first on Република.

Нема повеќе обвинители и судии кои се на услуга на бизнис криминалните елити, истакна пратеникот од ВМРО-ДПМНЕ Бојан Стојаноски на денешната прес конференција запрашан за тоа каков е планот на ВМРО-ДПМНЕ со 40-те препораки од Оценската мисија на ЕУ за реформи во Судскиот совет, дали ќе се имплементираат сега или ќе се чека евентуално распуштање на Советот?

Тој продолжи и додаде:

Распуштањето на советот е мерка од која не се откажуваме впрочем тоа беше и наше ветување пред граѓаните кое доби поддршка. Во меѓувреме треба да се има во предвид дека отпорот за ваквиот чекор е најголем од тие на кои им служи трулиот судско обвинителски систем и на кои им одговараат институциите под 2 проценти доверба - посочи Стојаноски.

Тој потенцираше дека секој предлог и идеја која ќе значи промена е добредојден, но воедно тоа не значи и откажување од заложбата да се променат и подобрат работите.

The post Стојаноски: Распуштањето на Судскиот совет е мерка од која не се откажуваме, тоа е наше ветување пред граѓаните кое доби поддршка appeared first on Република.

6 милиони евра во неколку тендери поделило раководството на РЕК Битола и ЕСМ од СДС за 10 дена на Марковски компани, истакна на денешната прес конференција пратеникот од редовите на ВМРО-ДПМНЕ Бојан Стојаноски.

Сите тендери кои ги добиле Марковски компани се за ремонтни работи, т.е. ангажман на специјализирана работна рака.

Како што веќе објавивме, цените за час работа се за 150% поскапи од лани.

Договорите се јавно објавени и достапни на јавноста и обвинителството. Очекуваме од ЈО да реагираат и отворат постапка.

Фактот што Филипче молчи за овие тендери на неговите сопартијци говори дека очигледно истиот има интерес од тоа.

Јавно го прашуваме Филипче да каже дали разликата во цени на тендерите од 6 милиони евра, што е околу 3.5 милиони евра треба да заврши во СДС?

Филипче да каже дали начинот на испумпување на парите е преку фирмите на Заеви и ним блиски кои до сега се јавуваа како подизведувачи на Марковски компани или како изнајмувачи на механизација?

ЈО да не чека и да отвори постапка. СДС ја ограби државата. Одговорност едноставно мора да има, рече Стојаноски.

The post Филипче да каже дали 3.5 милиони евра од тендерите на Марковски компани преку фирмите блиски до Заеви ќе завршат во СДС appeared first on Република.

Новото парламентарно мнозинство продолжува со исполнување на предизборните ветувања, рече на денешната прес-конференција пратеникот Бојан Стојаноски.

На денешната пленарна седница ќе бидат разгледувани 10 закони од областа на енергетиката, рударството и минералните суровини со кои новото Министерство станува оперативно, а и се укинуваат одредени институции што беше и наше предизборно ветување. Имено, со овие измени Агенцијата за енергетика нема повеќе да постои. Надлежностите и вработените ќе бидат преземени од Министерството, а нема повеќе да има директор и управен одбор. Во оваа насока во Агенцијата за задолжителни нафтени резерви се разрешува постојниот управен одбор и повеќе нема да постои овој орган. Надлежностите на управниот одбор преминуваат кај Министерството и Директорот. Накратко, укинуваме два Управни одбори, еден директор и една институција. Со останатите закони надлежностите од досегашното Министерство за економија од областа на енергетиката, минералните суровини и рударството преминуваат во новото Министерство согласно Законот за организација и работа на органите на државната управа кој се донесе со двотретинско мнозинство - истакна Стојаноски.

Овие законски измени се предуслов за исполнување на стратешката определба на Владата за енергетска независност на државата, а тоа ќе значи и пониски сметки за струја за домаќинствата, додаде тој.

The post Стојаноски: Укинуваме два Управни одбори, еден директор и една институција appeared first on Република.

ВМРО-ДПМНЕ им честита на над 300.000 пензионери, тие конечно можат да бидат спокојни, премиерот Христијан Мицкоски и владата донесоа одлука за линеарно зголемување на пензиите за 5.000 денари, истакна на денешната прес-конференција пратеникот од редовите на ВМРО-ДПМНЕ Бојан Стојаноски.

Тој нагласи дека покачувањето на пензиите за 5000 денари било едно од главните ветувања на ВМРО-ДПМНЕ во изборната кампања, и тоа е остварено веќе во првата недела од мандатот на владата.

Покачувањето ќе се реализира во два наврати. Првото покачување од 2.500 денари пензионерите ќе го добијат во септември. Тоа ќе биде трајно и линеарно, додека второто ќе го добијат во март идната година, кое исто така е трајно и линеарно.

Пензионерите никогаш повеќе нема да бидат лажени со еднократна помош која се продаваше како покачување од страна на СДС и ДУИ, ниту пак со ситни покачувања.

Пензионерите се работната генерација од пред 60, 50 или 40 години, тоа се луѓето кои ја граделе државата каква што е денес и тие ја заслужуваат нашата почит и мора да имаат достоинствен живот.

ВМРО-ДПМНЕ вети и оствари.

За тебе. Почнуваме, рече Стојаноски.

The post Стојаноски: ВМРО-ДПМНЕ вети и оствари, 5000 денари покачување на пензиите – Почнуваме appeared first on Република.

Пратеничката група на ВМРО-ДПМНЕ ја поздравува одлуката на Регулаторната комисија за енергетика (РКЕ) за минималното покачување на цената на електричната енергија и велат дека оваа одлука доаѓа откога се создадоа услови, по усвојувањето на Предлог законот за дополнување на Законот за енергетика што беше поднесен од тогашниот пратеник, а сегашен премиер, Христијан Мицкоски и од нивната пратеничка група.

-Со тие измени кои беа усвоени со 84 гласа „за“, прво се создаде услов за продолжување на лиценцата на универзалниот снабдувач, со што се заштеди и на средства кои што се потребни за да се формира ново правно лице, но и на роковите кои што беа потребни за формирање на истото правно лице со што, пак, се создаде можност маржата која што е клучна за пресметување на цената на електричната енергија да биде намалена од 11,5 на 9,9 отсто, рече пратеникот Бојан Стојаноски од ВМРО-ДПМНЕ на денешната прес-конференција во Собранието.

Нагласи дека и претседателот на РКЕ  укажал дека по усвојувањето на овој Закон се создале услови за да нема ценовен шок на граѓаните и потсети дека Мицкоски упати апел до универзалниот снабдувач за оптимизација на енергетскиот систем, за остаток од 15 отсто од потребната електрична енергија што треба да се набави од слободниот пазар по цени од 90-100 евра мегават час, наместо по 60 што ги понуди ЕСМ на домашниот тендер, да успеат да се надополнат од домашниот пазар и на тој начин цената на електрична енергија да остане скоро иста како што е сега.

-Ова е максимум што можеше новото парламентарно мнозинство и новата владејачка коалиција да го направи со оглед на тоа што се уште во клучните институции не е преземено владеењето. Она што планираме да го направиме во наредниот регулациски период тоа е од 1 јануари до јуни 2025 година, да го оптимизираме енергетскиот систем со што ќе ги намалиме трошоците кои се нудат на универзалниот снабдувач. Ќе успееме подомаќински да работиме и на тој начин доколку надворешните влијанија во енергетскиот сектор не бидат на некое подруго ниво, ќе успееме дополнително да ја намалиме цената на електричната енергија, потенцира Стојаноски и додаде дека ВМРО-ДПМНЕ и во иднина ќе продолжи да ги користи сите можни инструменти за да нема ценовни шокови и за да го подобри животот на граѓаните.

Посочи дека државава во изминатите седум години мака мачи со покачувањето на потрошувачката кошничка и со инфлацијата, а токму, како што кажа, цената на електричната енергија и на горивата се двата клучни фактори кои ја подгреваат инфлацијата.

The post Стојаноски: Ја поздравуваме одлуката на РКЕ за минимално поскапување на струјата, ова е максимумот што можевме сега да го направиме appeared first on Република.

Комисијата за економски прашања, труд и енергетска политика на денешната седница одлучи Предлог законот за дополнување на Законот  за енергетика, по скратена постапка,  да го проследи на натамошна постапка во Собранието.

Претседателот на Комисијата, Бојан Стојаноски од ВМРО-ДПМНЕ, кој е и еден од предлагачите на законското решение, посочи дека измените се многу суштински, но се прилично едноставни поради што законот е поднесен по скратена постапка.

Со измените бараме две работи да се инкорпорираат во постојното законско решение. Првата е да се продолжи лиценцата на правното лице во наредните шест месеци. Тоа треба да се направи за да се скокнат сите процедури со кои се бара во сегашното законско решение да се оформи ново правно лице што всушност е истото правно лице. Тоа се прави за да не се губи време за други пропратни елементи за новоформираното правно лице. Втората работа е да се утврди износот на маржата која наместо 11,5 ќе биде 9,9 проценти. Тоа е особено важно бидејќи четирите контрибутори кои ја дефинираат цената на електричната енергија се множат со овој коефициент, рече Стојаноски.

Тој додаде дека на овој начин цената на електричната енергија за домаќинствата и на малите потрошувачи кои се на регулираниот пазар ќе остане иста без да се мешаме во работата на независните регулаторни тела. Воедно би можело да се избегнат на некој начин и преостанатите 15 проценти од потребите на регулираниот пазар за кои универзалниот снабдувач даде изјава дека ќе ги набавува на слободниот пазар и комплетниот конзум да се испорача од нашата држава што поволно ќе влијае на наредниот регулациски рок по 1 јануари, кога Регулаторната комисија за енергетика ја утврдува цената на електричната енергија.

Пратеникот Димитар Ковачевски од СДСМ рече дека предложеното законско решение претставува потврда  и продолжување на добрите политики што ги водеше претходната влада во делот на обезбедување на електрична енергија по цени со кои не се дозволи ценовен шок за граѓаните во време на енергетската и економската криза.

На овој начин се прави потврда дека со правилни политики во енергетскиот сектор маржата која беше 11,5 се намалува на 9,9 проценти што значи  дека граѓаните ќе можат да добијат електрична енергија која нема да претставува оптоварување на нивниот буџет повеќе од она што значи  инфлаторни текови во делот на енергетскиот сектор, рече Ковачевски и додаде дека пратеничката група на СДСМ и коалицијата За европска иднина ќе ги поддржи измените на законот.

Иста одлука донесе и Законодавно-правната комисија.

Со дополнувањата на Законот во членот 1 се врши дополнување на членот 101 односно се додава став (10) кој има за цел утврдување на исклучок од ставот (9), односно доколку назначениот универзален снабдувач ја обезбедувал универзалната услуга до завршување на утврдената тендерска постапка да не е должен да основа ново друштво за обезбедување на услугата. Со ваквата одредба освен сигурно и безбедно се обезбедува и континуитет во снабдувањето со електрична енергија. Со членот 2 се врши дополнување во членот 237 преку додавање на став (14) кој е усогласување со членот 1 од овој закон односно има иста цел обезбедување на сигурно, безбедно и континуирано снабдување со електрична енергија.

Со предложеното решение ќе се обезбеди сигурно, безбедно и континуирано снабдување со електрична енергија на домаќинствата и малите потрошувачи.

Предлог законот за дополнување на Законот  за енергетика, по скратена постапка, ќе биде разгледан и на продолжение на осмата седница на Собранието.

The post Предлог-законот за дополнување на Законот за енергетика, по скратена постапка, проследен на натамошна постапка во Собранието appeared first on Република.

Да ја вратиме Македонија на народот – Македонија е твоја и промените зависат од секој од вас, напиша на Фејсбук, пратеникот од редовите на ВМРО-ДПМНЕ, Бојан Стојаноски.

Конвенција за претставување на кандидатите за пратеници на ВМРО-ДПМНЕ и Коалицијата “Твоја Македонија” за парламентарните избори 2024 година. Да живее Македонија!, порача Стојаноски.

The post Стојаноски: Македонија е твоја и промените зависат од секој од вас appeared first on Република.

Пратеникот од ВМРО-ДПМНЕ, Бојан Стојаноски, го праша дополнителен заменик министер за внатрешни работи, Митко Бојмацалиев, дали со законот за откуп на станови кој го предлага, и тој ќе се стекне со такво право и уште 30-ина лица.

Стојаноски вели дека Бојмацалиев наместо да работи и да размислува за решение на проблемот со пасошите или со организирање на фер и демократски избори, се занимава со Закон за кој што, како што вели, тој и свитата околу Оливер Спасовски има личен интерес.

Ова е само уште еден ваш очајнички обид во заминување со кој што покажувате дека примарна цел и приоритет ви е лична корист, а не решавање на реалните проблеми на сите припадници на МВР.

Како и за многу работи досега, криејќи се зад чесните полициски службеници кои навистина заслужуваат да им биде решен статусот е вашиот личен интерес и интересот на малкумина на кои изминатите години лично Спасовски како министер без никаков услов им доделил службени станови.
Господине Бојмацалиев, неколку прашања до Вас на кои се надевам дека ќе имате доблест да одговорите:

Во МВР има 12.000 вработени. Со Вашиот Предлог на Закон ќе се решат околу 30-мина од нив.
– Може ли да ги објавите имињата на тие кои со овој Закон ќе добијат можност да ги откупат становите?
– Колкумина од овие ‘’повластени добитници’’ се полициски функционери кои извршувале високи полициски функции во времето на Оливер Спасовски?
– Дали и Вие како некој што поседува решение за користење на службен стан со овој Закон ќе се стекнете со законска можност истиот да го откупите?

Овој закон е директен приказ и огледало на Вашите карактери. Менаџирањето на ова прашање во изминатите скоро 9 години додека управувавте со Министерството, го водевте исто како и пасошите и личните документи.

За среќа, Министерот за внатрешни работи Панче Тошковски и неговиот кабинет работат на издржано законско решение со кое што на полициските службеници кои навистина заслужуваат и им е потребно решавање на нивните проблеми од ваков карактер, ќе им биде овозможено надминување на истиот.
Ама на вистинските заслужни полициски службеници, не на партиските послушници на Спасовски и на Бојмацалиев кои се вдомиле во државните станови притоа неисполнувајќи ниту еден услов, рече Стојаноски.

The post Стојаноски до Бојмацалиев: Дали со законот за откуп на станови кој го предлагате, и вие ќе се стекнете со такво право appeared first on Република.

Пратеникот од редовите на ВМРО-ДПМНЕ, Бојан Стојаноски, на прес-конференција порача дека владата на ВМРО-ДПМНЕ, веднаш по формирањето ќе преземе чекори и мерки за економска трансформација на Македонија.

Како идна влада се обврзуваме да ги тргнеме бирократските бариери. Даночната администрација и државните службеници ќе бидат служба на граѓаните и бизнисот. Ќе се спроведе дигитализација и поедностави постапки.

 

Недозволиво е граѓани да чекаат за услуга од УЈП и по неколку дена или да треба да вртат телефони да им се заврши работа.

 

Владата на ВМРО-ДПМНЕ ќе овозможи користење на ПејПал сервисот во Македонија, негова интеграција, како и овозможување на работа на слични сервиси и институции за електронско плаќање, а се со цел да им се поедностави функционирањето на младите фриленсери и програмери кои работат за странство и остваруваат значаен девизен обрт. Со интеграција на тие системи во нашиот систем, тие ќе може легално да ги добиваат своите пари во Македонија и за нив да платат данок, изјави Стојаноски.

Пратеникот истакна дека ВМРО-ДПМНЕ има сериозен пристап со мерки кои ќе ја запрат инфлацијата и ќе ги забрзаат растот и развојот.

Еден од клучните постулати на идната влада е данок на добивка од 5% за фирмите со добивка од над 50 милиони. Со оваа мерка ќе мотивираме голем број на мултинационални компании да ги префрлат своите профитни центри во Македонија и тука да го платат својот данок. Бенефит од оваа мерка ќе имаат и Македонските компании кои ќе инвестираат во себе и ќе постигнат добивки над 50 милиони евра. Фирмите со добивка од 20 до 30 милиони данокот ќе биде 8%, а за фирмите со добивка од 30 до 50 милиони истиот ќе биде 6%.

 

Вредно е да се напомене дека во целиот период од 4 години, мандат на владата, ќе бидат алоцирани 1 милијарда евра кон општините за инфраструктурни проекти, со цел рамномерен економски развој. Сите мерки ќе бидат насочени кон општ развој, а не како сега, кога економијата тоне.

 

Македонија мора да фати чекор со развиените држави, Македонија може многу подобро од тоа што е сега, изјави Стојаноски.

https://www.youtube.com/watch?v=dIUffB3qr3s&embeds_referring_euri=https%3A%2F%2Fmia.mk%2F&source_ve_path=MjM4NTE&feature=emb_title

The post Стојаноски: Владата на ВМРО-ДПМНЕ ќе спроведе дигитализација на услугите и користење на ПејПал appeared first on Република.

Пратеникот од редовите на ВМРО-ДПМНЕ, Бојан Стојаноски, на прес-конференција истакна дека систем од компании, подолг период црпеле пари по основ на поврат на ДДВ со фиктивни фактури и го оштетиле Буџетот за милиони.

Како што посочи Стојаноски, во мрежата од компании кои испумпале милиони често се менувале одговорни лица и сопственици. Во поголем број од случаите истите се лица коишто се од наши соседни земји и кои тешко се лоцираат

Буџетот е оштетен, а државата тешко без кривично гонење ќе може да ги поврати исплатените милиони, бидејќи компаниите преку кои се штанцани фиктивните фактури и се испупмани пари немаат имот за од истиот да се наплати долгот.

 

Со жалење констатираме дека системот на контролен механизам во институциите е нефункционален, а тоа го потврдуваат случаите минатата година процесуирани од обвинителство за фиктивно фактурирање и злоупотреба на службена положба.

 

Криминалните мрежи преку фиктивна документација како и фиктивни фактури и фиктивна евиденција, го исцрпуваат даночниот потенцијал од Буџетот, а сведоци сме дека државните институции кои се задолжени да го контролираат истото изминатите години немаат преземено никакви мерки, истакна Стојаноски.

Тој додаде дека е симптоматично и тоа што до сега не се преземени дејствија со кои ваквите случаи ќе бидат спречени и условите за вакви криминални дејства ќе се доведат на минимум, а не сега кога веќе се испумпани милиони по основ на поврат на данок од Буџетот со контролите да се покаже слика дека институциите делуваат на сузбивање на криминалните мрежи.

Прашање е уште колку милиони од платени даноци од граѓаните се исцрпени од криминални структури и зошто не се создадени системи кои ова ќе го спречат?

 

За познавачите на даночната политика е сосема јасно дека ваков систем неможел да функционира со или без УЈП. Челници од Управата или знаеле и молчеле за целиот случај или целосно го девастирале системот и немаат увид. Никогаш не било полошо. Затоа е важно да ги поразиме, порача Стојаноски.

The post Стојаноски: Систем од компании со фиктивни фактури црпеле пари од Буџетот по основ на поврат на ДДВ appeared first on Република.

ВМРО-ДПМНЕ смета дека се работи за буџет кој досега е историски највисок, нереален, предизборен и составен така за да може да се искраде и подели помеѓу бизнисмените од власта.

Ништо од макроекономските проекции не е точно, како што не беше ни изминатите години. Повторно ќе се обидат да направат предизборен поткуп и да си ги остварат личните бизнис интереси додека народот ќе живее уште посиромашно, а стопанството ќе продолжи да тоне. Македонија денес претставува земја со најнизок економски раст во регионот. Корона криза и војна во Украина се реалност која ги погоди сите економии во регионот, но нашата Влада најлошо се снајде и тоа е факт кој го нотираат сите меѓународни финансиски организации. Инфлацијата во изминатите 2 години надмина 30%, а кај храната и електричната енергија кои се неопходни за нормално функционирање достигна и над 50%“, изјави пратеникот од ВМРО-ДПМНЕ, Бојан Стојаноски.

Како што додаде, прашање на денови е кога јавниот долг ќе надмине 9 милијарди евра, пари кои ќе треба да ги враќаат идните генерации. Само за камати во 2024-та година, рече тој, ќе се исплатат над 270 милиони евра, историски највисок износ за оваа намена.

https://www.youtube.com/watch?v=NtNSzNoQ3Xs

The post Стојаноски: Буџетот за 2024 е досега историски највисок, нереален и предизборен appeared first on Република.

СДСМ бегаат од изборите и тоа им е јасно на граѓаните. Бидејќи не е само датумот на закажување на изборите туку има низа на законски рокови кои што треба да бидат испочитувани од аспект на тоа што целото општество прво ќе биде во грч а второ економските активности се многу ограничени поради одредени законски решенија. Тоа значи дека еден месец помеѓу изборите нема ништо да промени напротив само ќе го зголеми теророт од политиката во општеството и ќе го закочи стопанството кое што и така е кревко. Да дефинираме датум и да излеземе пред граѓаните. Вакво епско бегање не е забележано досега, рече Стојаноски во вечерашното гостување на Топ тема.

Стојаноски во однос на намалувањето на платите на функционерите кажа дека тие треба да бидат намалени и доколку ова влада тоа не го реши следната влада на ВМРО-ДПМНЕ покрај намалувањето на стапката на рамниот данок од 10 на 8 проценти ќе ги намали и платите на функционерите.

Нашиот став е принципиелен и јасен. Нам ни е потребно системско решение за да се случи одредено намалување на платите на функционерите тоа мора да се направи по закон. Би бил креативен јас, да го врземе за растот за бруто домашниот производ, тогаш можеби и функционерите ќе бидат по мотивирани да го креваат растот на бруто домашниот производ, бидејќи би имале повисоки плати.Ние кажавме дека ќе го чекаме тој закон да стигне од владата и доколку го регулира ова прашање соодветно како што треба ние ќе го поддржиме. Доколку тоа не се случи до распуштање на парламентот новата влада на ВМРО-ДПМНЕ веќе на првата седница покрај намалувањето на стапката на рамниот данок од 10 на 8 проценти, ќе го реши и ова прашање и платите на функционерите ќе бидат намалени, истакна Стојаноски.

The post СДСМ бегаат од избори а следната влада на ВМРО-ДПМНЕ освен стапката на рамниот данок од 10 на 8 проценти ќе ги намали и платите на функционерите appeared first on Република.

Денес на Комисијата за финансирање и буџет ќе се разгледува Конечниот извештај за извршена ревизија на финансиските извештаи и ревизија на усогласеноста за 2021 година на јавна здравствена установа универзитетска клиника за радиотерапија и онкологија Скопје, ова денеска преку изјава за медиумите го истакна пратеникот од редовите на ВМРО-ДПМНЕ, Бојан Стојаноски.

Ова е прв пат во историјата на Собранието на Република Македонија да биде разгледуван поединечен ревизорски извештај. Од извештајот гледаме дека Државниот завод за ревизија изразил неповолно мислење во однос на вистинитоста и објективноста на финансиските извештаи, како и за усогласеноста на финансиските трансакции со релевантната законска регулатива за 2021 година. Од ревизорскиот извештај можеме да констатираме огромни пропусти во работењето на раководството на клиниката. Одговорни лица на клиниката во 2021 година се д-р Никола Васев, кој е в.д. медицински директор од јуни 2017 година и Нехат Нухи, кој е организациски директор од јуни 2021 година. Не може да се амнестираат ниту министрите за здравство во тие периоди бидејќи и тие имаат клучна одговорност во дизајнирање на систем на функционирање помеѓу Министерството, Фондот и Јавните здравствени установи. Нивна е одговорноста за дизајнирање, имплементирање и одржување на интерната контрола, како и спроведување на активности, финансиски трансакции и информации во согласност со релевантната законска регулатива, упатства и воспоставени политики. Во овој ревизорски извештај се наоѓа потврда за системскиот криминал на Клиниката за радиотерапија и онкологија и затоа ќе ви прочитам еден извадок од ревизорскиот извештај. „Клиниката нема донесено пишана процедура за процесот на прием, издавање, потрошок и евидентирање на залихата на лекови и медицински потрошен материјал во рамките на аптеката и секоја организациона единица одделно. Работењето во оваа област се одвива согласно воспоставена пракса, а месечните извештаи врз основа на кои се евидентира потрошокот на залихите не се соодветно архивирани, потпишани и одобрени од страна на одговорните лица на организационите единици, вели Стојаноски.

Тој додава дека дополнително сакаме да потенцираме дека во текот на 2016 година Министерството за здравство набавило линеарен акцелератор во вредност од 1,7 милиони евра кој до денес не е ставен во употреба. Како резултат на неговото некористење истечен е гарантниот рок и не може да се даде понуда колку би чинело негово инсталирање и пуштање во употреба.

-За крај само сакам да истакнам дека раководството на Клиниката за радиотерапија и онкологија воопшто немало коментари и забелешки на овој ревизорски извештај што укажува на можна политичка заштита од врвот на извршната власт. Состојбите на клиниката за радиотерапија и онкологија се алармантни и повеќе од загрижувачки. Овој извештај преставува крунски доказ за случувањата во клиниката. На денешната седница на комисијата за финансирање и буџет повикан е и државниот јавен обвинител Љубомир Јовевски кој ќе треба да одговори како е можно да има волку големи прекршувања, а тие се’уште да немаат покренато обвиненија. До нас има информации дека Државниот завод за ревизија го има пратено ревизорскиот извештај и до јавното обвинителство уште во март оваа година. Дали доколку медиумите не објавеа дека биолошка терапија е продавана во Косово, јавното обвинителство ќе почнеше истрага за работењето на клиниката? Пратеничката група на ВМРО – ДПМНЕ и коалицијата „Обнова на Македонија“ во текот на наредните неколку денови ќе го прашува државниот ревизор подетално да ни ги опише случувањата во Клиниката за радиотерапија и онкологија со цел добивање на дополнителни информации кои ќе бидат искористени од Анкетната комисија со цел побрзо расветлување на овој грозоморен чин. На крајот ќе предложиме заклучоци за брзо надминување на пропустите, а од државниот обвинител ќе побараме истрагата да се интензивира и во најбрз можен рок да се покрене обвинение за овие грозоморни случувања, вели Стојаноски.

The post Стојаноски: Пратеничката група на ВМРО – ДПМНЕ во текот на наредните неколку денови ќе го прашува државниот ревизор подетално да ги опише случувањата во Клиниката за радиотерапија и онкологија appeared first on Република.