Бојан Станишиќ е новиот в.д. директор на Кинотека на Македонија, потврдуваат од Министерството за култура.

Станишиќ, кој е менаџер во културата, дистрибутер и програмски директор со 15 годишно искуство, на функцијата доаѓа од редот на вработените.

Во Кинотеката на Македонија е од 2017 година, вработен како програмски уредник задолжен за подготовка и реализација на кинотечната филмска програма и организација и супервизија на работата на киносалата и сите придружни активности поврзани со промоција на филмовите и организација на различни филмски настани. Како програмски уредник на Кинотеката на Македонија учествува на повеќе семинари/обуки: “II Cinema Ritrovato Festival” – семинар за развој на филмска публика во Болоња, Италија, 2020 г; Europa Cinemas Audience Development & Innovation Lab” – обука за програмски уредници на “Еuropa Cinemas” во Болоња, Италија; “Transilvania International Film Festival” – семинар за развој на филмска публика во Клуж, Романија, 2021 година.

Станишиќ е назначен за в.д. директор откако Владимир Ангелов од неодамна беше избран за директор на Агенцијата за филм.

The post Бојан Станишиќ избран за в.д. директор на Кинотека appeared first on Република.