Во врска со јавните реакции во однос на улогата на Државната комисија за спречување на корупцијата во предметот за именувањето на директорот на Агенцијата за национална безбедност, од Антикорупциска денеска реагираат дека ДКСК постапува во рамките на своите законски овластувања и надлежности, насочени кон проверка на можни судири на интереси, интегритет и транспарентност во постапките за именувања на раководни функции.

Потстуваат дека ДКСК е независен орган со точно утврдени надлежности и во своето работење се води исклучиво од потребата за законито и транспарентно функционирање на институциите.

Информациите во јавноста за дуализам во постапувањето помеѓу ДКСК и ОЈО не соодветствуваат со реалноста, бидејќи двете институции имаат различни функции и институционална поставеност. ДКСК исто така истакнува дека нејзиното постапување во ниту еден случај не ги запира постапувањата на останатите надлежни институции од спроведување на надлежностите. Одредени обиди за прикажување на постапувањето на ДКСК како причина за одложување или неактивност на други институции, сметаме дека не се оправдани и може да внесат погрешни перцепции кај јавноста. Укажуваме дека нашата работа не ги заменува ниту ги одложува обврските на другите надлежни органи. Напротив, ДКСК ги поттикнува сите надлежни институции, да ги извршуваат должности во согласност со законските надлежности. ДКСК постапува во рамките на роковите утврдени со закон и тие рокови го диктираат постапувањето на ДКСК, обезбедувајќи така систематичен и транспарентен пристап во проверките. Потребно е сите надлежни органи да ја почитуваат институционалната рамка и надлежностите на ДКСК, со што ќе се обезбеди ефективно и транспарентно завршување на процесите од интерес на јавноста. Довербата во институционалниот интегритет на системот за спречување на корупцијата и одговорноста се градат преку доследност во извршувањето на надлежностите на секој орган поединечно, реагираат антикорупционерите.

The post Нашата работа не ги одложува обврските на другите надлежни органи, велат од ДКСК за случајот со директорот на АНБ appeared first on Република.

Во врска со јавните реакции во однос на улогата на ДКСК во предметот за именувањето на директорот на Агенцијата за национална безбедност, ја информираме јавноста за следното:ДКСК постапува во рамките на своите законски овластувања и надлежности, насочени кон проверка на можни судири на интереси, интегритет и транспарентност во постапките за именувања на раководни функции.

ДКСК е независен орган со точно утврдени надлежности и во своето работење се води исклучиво од потребата за законито и транспарентно функционирање на институциите велата од Комисијата.

Информациите во јавноста за дуализам во постапувањето помеѓу ДКСК и ОЈО не соодветствуваат со реалноста, бидејќи двете институции имаат различни функции и институционална поставеност. ДКСК исто така истакнува дека нејзиното постапување во ниту еден случај не ги запира постапувањата на останатите надлежни институции од спроведување на надлежностите.

Одредени обиди за прикажување на постапувањето на ДКСК како причина за одложување или неактивност на други институции, сметаме дека не се оправдани и може да внесат погрешни перцепции кај јавноста. Укажуваме дека нашата работа не ги заменува ниту ги одложува обврските на другите надлежни органи. Напротив, ДКСК ги поттикнува сите надлежни институции, да ги извршуваат должности во согласност со законските надлежности.

ДКСК постапува во рамките на роковите утврдени со закон и тие рокови го диктираат постапувањето на ДКСК, обезбедувајќи така систематичен и транспарентен пристап во проверките.

Потребно е сите надлежни органи да ја почитуваат институционалната рамка и надлежностите на ДКСК, со што ќе се обезбеди ефективно и транспарентно завршување на процесите од интерес на јавноста. Довербата во институционалниот интегритет на системот за спречување на корупцијата и одговорноста се градат преку доследност во извршувањето на надлежностите на секој орган поединечно.

The post Се огласи Антикорупциска: Постапуваме во рамките на своите законски овластувања за именувањето на директорот на АНБ appeared first on Република.

Директорот на Агенцијата за национална безбедност Бојан Христовски има сертификат за државна тајна, потврди денеска премиерот Христијан Мицкоски одговарајќи на новинарски прашања по поставувањето камен-темелник за изградба на нова градинка во Општина Ѓорче Петров.

Прашан за тоа што ќе направи Владата во однос на отворениот предмет на Државната комисија за спречување корупција за именувањето на Христовски за директор на АНБ, премиерот рече дека ќе го чекаат мислењето на Комисијата.

Антикорупциска отвори предмет за именувањето на Христовски за директор на АНБ по пристигнување анонимна претставка до Комисијата во која пишувало дека тој наводно не ги исполнува условите за да биде директор.

Наводите, според претседателката Татјана Димитровска, се однесуваат на неисполнување услови за именување на директор. Конкретно во делот на образование, стекнување со безбедносен сертификат и припадност на политичка партија.

The post Мицкоски ќе го чека мислењето на ДКСК за директорот на АНБ Христовски, тврди дека има сертификат за државна тајна appeared first on Република.

Поставувањето на Бојан Христовски за директор на Агенцијата за национална безбедност е незаконско затоа што тој не ги исполнува условите кои токму законите ги предвидуваат.Христовски нема меѓународно признаен сертификат за познавање англиски јазик туку се користел со фалсификуван документ што претставува прекршување на Законот и кривично дело кое повлекува одговорност,обвини СДСМ.

Наместо веднаш да го разреши Мицкоски по секоја цена го брани ова незаконско поставување. Владата на Мицкоски и ДПМНЕ покажува дека за неа не постои ниту право ниту правна држава.

Го повикуваме Јавното обвинителство да отвори постапка соодветно на своите надлежности. Повикуваме на транспарентна исграта која точно и непристрасно ќе утврди  кој го овозможил ова и кој е одговорен за скандалот.

Христовски не ги исполнува условите и треба да поднесе оставка од функцијата директор на АНБ а потоа да се утврди и одговорност за прекршувањето на законот.

Ова е еден од најсериозните скандали кои го поткопуваат безбедносниот систем во нашата земја и мора целосно да биде расчистен.

The post СДСМ: ЈО да отвори истрага за поставувањето на Христовски на чело на АНБ appeared first on Република.

Државната комисија за спречување на корупцијата отвори предмет за новоназначениот директор на Агенцијата за национална безбедност (АНБ) Бојан Христовски.

Според претседателката на ДКСК Татјана Димитровска предметот е отворен по анонимна претставка, која е во врска со условите за поставување на директор на АНБ. Подносителот ја оспорува можноста Христовски да биде директор на тајната служба.

Владата го назначи Бојан Христовски за нов директор на АНБ минатата недела и оттогаш не пресрануваат препукувањата помеѓу власта и опозицијата за партизирање на тајните безбедносни служби.

Христовски до лани бил партиски функционер во ВМРО-ДПМНЕ, а потоа бил вратен на работа во Министерството за внатрешни работи, по што се отчленил од партијата. Тој во медиумски настап потврди дека нема безбедносен сертификат „државна тајна“, а има сертификат „строго доверливо“. Рече дека по преземањето на функцијата ја почнал постапка да го добие и сертификатот „државна тајна“. Во 2019 година водел постапка, но таков сертификат не му бил одобрен, што Христовски го гледа како политичка пресметка со него од страна на претходната власт.

The post Антикорупционерите почнаа постапка за новиот директор на АНБ appeared first on Република.

Премиерот Христијан Мицкоски тврди дека не се политизира Агенцијата за национална безбедност. Не гледа проблем во назначувањето на Бојан Христовски за нов директор.

Им порача на новинарите: „тие што ве брифираат, треба правилно да ве брифираат“.

-Јас ќе ви помогнам. Кога се трансформираше УБК во АНБ и се правеше селекција, имаше поранешни високи структури во АР, УБК и АНБ кои што ги профилираа луѓето и врз основа на тоа гледаа како да им наштетат преку лажни вести, клеветнички дописи, злоупотребувајќи ги институциите во кои што работат. Нормално откако таа неправда му беше нанасена на Христовски и не му беше даден безбедносниот сертификат, беше констатирана злоупотребата на дел од раководството на АР, за што јавноста многу набрзо ќе биде запознаена. Таа грешка се исправи, Христовски доби безбедносен сертификат и не гледам причина зошто човекот кој што го поминува речиси цeлиот работен век во безбедносниот сектор, да не ја извршува успешно челната позиција во АНБ. Има доста уплашени структури и има за што да се плашат, а се дел од поранешната власт. Во периодот што следи ќе ја дознаете вистината, кажа Мицкоски при посетата на општина Брвеница.

Претходно СДСМ обвини дека со назначувањето на Бојан Христовски за директор на АНБ, „власта на Мицкоски и ДПМНЕ спроведуваат опасна партизација на Агенцијата и на клучните безбедносни институции“.

Нов директор на Агенцијата за национална безбедност е всушност претседателот на Градскиот комитет на ВМРО-ДПМНЕ. Тоа е спротивно на Законот за АНБ, кој јасно предвидува дека директорот на Агенцијата не смее да биде член на политичка партија или нејзин орган, истакна на денешната прес-конференција Миле Талески, пратеник на СДСМ.

Според Талески, со поставувањето на лице кое само до 2023 година беше претседател на Градскиот комитет на ВМРО-ДПМНЕ, оваа партија директно го прекршува член 10 од Законот за АНБ.

„Дури и да се има формално повлечено од партијата, фактот дека до неодамна извршувал висока партиска функција е јасен показател дека ова решение е чисто партиско, непрофесионално и спротивно на Законот и на меѓународните стандарди, особено оние на НАТО.

The post Мицкоски тврди: Не се политизира АНБ, грешката се исправи и Христовски доби безбедносен сертификат appeared first on Република.

Бојан Христовски, претседател на Градскиот комитет при ВМРО-ДПМНЕ на гостување во емисијата „За или против“ што се емитува на телевизија Алфа се осврна на ситуацијата во градот и скопските општини обвинувајќи дека подолг период градоначалничката Данела Арсовска работи заедно со СДСМ, ДУИ и Левица.

Заедно со ДУИ и Левица ја поддржувате Арсовска и тоа може да се види и на последната седница на Советот на Град Скопје. Имаше една таква синергија и поддршка за Арсовска и нејзините директори, нивните извештаи, а ништо не е направено, рече Христовски обраќајќи се на Васко Кичевски, прв човек на Градската организација на СДСМ кој беше дел од дебатата.

Христовски се осврна на низата лаги на градоначалничката Арсовска.

Истата таа го напаѓаше тогашниот директор на Водовод за Договорот за пречистителна станица. Па таа го потпиша истиот Договор, истиот оној за кој го напаѓаше тогашниот директор. Понатаму директор на ЈСП беше од редовите на СДСМ, рече Христовски.

Зборувајќи за капитални проекти тој се осврна и на Универзалната сала за која како што рече „многумина таму ги живееле поубавите моменти“ и оти истата не успеа да ја направи претходниот градоначалник Петре Шилегов кој имаше поддршка и од извршната власт.

Христовски се осврна особено на хигиената на централното градско подрачје или на општина Центар. Тој го покани Кичевски едно утро да поминат низ централниот дел на градот и да ја видат заедно хигиената.

The post Христовски го покани Кичевски од СДСМ: Ајде едно утро заедно да поминеме низ Центар, да видиме колку е чисто appeared first on Република.

„Никој не смее да дозволи да си игра со судбините на децата. Ова е сензитивна тема и без разлика кој го нарачува сето ова, треба да има на ум дека не може да си игра со системот и со граѓаните на Република Македонија.“ Ова го изјави министерот за внатрешни работи, Оливер Спасовски на 27.10.2022 година кога за првпат во 8 училишта во Скопје беа пристигнати лажни закани за поставени бомби, потсети денеска Бојан Христовски, претседател на Градски Комитет Скопје на ВМРО-ДПМНЕ.

Од тогаш до денес, додава тој, во скоро 40 наврати, на речиси 500 локации, од кои најголем дел училишта, па дури и градинки ширум земјава, веќе 4 месеци сме беспомошни сведоци и жртви на страв, немир, паника и терор.

Но, во исто време сме и жртви на лошото владеење со институциите кои не можат да се справат со овој проблем. Очигледно некој дозволува да си игра со судбините на децата, да си игра со системот и со граѓаните на Република Македонија, што е сосема спротивно на она што го изјави Спасовски пред 4 месеци. Но тоа е апсолвирана тема. Оваа власт, МВР со ова раководство, но и останатите надлежни институции, за жал не се способни да се справат со проблемот кој го вознемирува целото наше општество. Прекинот на редовната настава, како последица од лажните пријави, покрај психолошкиот, социјалниот и образовниот негативен инпакт врз децата, сериозно влијаат и на животот и работата на нивните семејства. Имено, не секој родител може да го напушти работното место за безбедно да го спроведе детето до својот дом. Од таа причина, многу деца остануваат без соодветна поддршка и помош при честите ситуации со лажни пријави за бомби, што понатаму може да предизвика дополнителни несакани последици, посочи тој.

Христовски јавно го повика Министерството за образование и наука итно и во најкус можен рок да преземе активности за изготвување на официјален план и протокол кој ќе предвидува функционални мерки и процедури за постапување при случаи на лажни пријави за бомби и други безбедносни закани во училиштата и други објекти.

Државниот образовен систем не смее да остави ниту едно дете без соодветна поддршка, превоз и безбедна локација, после пријави за бомби кои сериозно влијаат на психофизичкиот развој на децата. Бараме од надлежните институции да престанат со игнорантниот однос и наместо да бидат соучесници во креирање хаос, неизвесност и недоверба во системот со своето неделување, веднаш да изготват применлив план со кој, секое дете ќе биде соодветно згрижено и заштитено, а родителите изземени од незавидна ситуација во која секојдневно се наоѓаат. Јавно апелирам и до сите останати чинители, училишта, локална самоуправа, родителите и сите останати да бидат вклучени во овој процес. Доста е молчење. Време е за акција. Децата се наш приоритет и се што е поврзано со нив не трпи импровизации, порача тој.

The post 4 месеци сме беспомошни жртви на лошото владеење и неспособноста на Спасовски, МОН и институциите appeared first on Република.

Дојавите за бомби го девалвираат образованието, психолошки ги уништуваат и децата и родителите, го пореметуваат целиот систем на образование, на функционирање на општеството, смета Бојан Христовски, поранешен директор на Градски паркинг.

Во моментов би истакнал нешто што не руши како општество, трае со месеци, тоа се бомбите или лажните дојави за бомби кои што не се само безбедносна закана туку се општествена закана, нешто кое што ни го девалвира нашето образование, психолошки ги уништува и децата и родителите, го пореметува целиот систем на образование, на функционирање на општеството, вели Христовски.

Христовски укажа дека МВР, АНБ, АЕК како и Агенција за разузнавање се одговорни за овој проблем.

Замислете имаме Министерство за внатрешни работи вработено со преку 10.000 вработени, имаме Агенција за национална безбедност која и те како е одговорна за овој дел на проблемот. Потоа Агенција за електронски комуникации, Агенција за разузнавање бидејќи како што кажуваат заканите доаѓале од надвор и тие се тие кои што се можеби така прилично надлежни за овој проблем. Тоа се илјадници, илјадници вработени луѓе кај што не би обвинил нив, туку јас лично би го вперил прстот во раководството на овие институции кои ние како обични граѓани не би требало да не интересира како ќе ги фатат тие што тоа го прават. Ние сакаме само тие да бидат откриени и ова да престане, додаде Христовски.

The post Христовски: МВР, АНБ, АЕК како и Агенција за разузнавање се одговорни за решавање на проблемот со дојавите за лажни бомби appeared first on Република.

Поранешниот директор на ЈП Градски паркинг Бојан Христовски во вечерашната емисијата „24 Отворено“, потенцираше дека секаков тип на проблеми и нарушени релации на комунукација помеѓу институциите создава проблем.

Христовски вели дека за справување со енергетската криза како директор имал идеја да постави фотоволтаици на паркиралиштата и катните гаражи, со цел да се справат со енергетската криза и самото јавно претпријатие да произведува струја, односно, како што рече, дел да користи, а дел да се продава, но бил игнориран од градоначалничката и од Град Скопје.

Се обидовме да се соочиме односно да направиме припреми за соочување со оваа криза и за да заштедиме ресурси односно оптимизација на самите вработени кои што преку поставување на ред и дисциплина во работењето би се искористил максимално кадровиот потенцијал на секое јавно претпријатие. Друго заштеда на ресурси преку поставување на фотоволтаици кое што ни беше идеја преку креирање на специјално изработен проект за поставување на фотоволтаици на нашите паркиралишта, отворени и затворени, но не стигнавме далеку со тоа, бидејќи немавме поддршка од Градот Скопје. Енергетска заштита односно термо изолација на сите објекти на градски паркинг, поставување на плински уреди на возилата. И многу други мерки, промена на осветлувањето во катните гаражи 26ти Јули и Бело, поставени се лед светла и сензори кои што значително ќе ја намалат потрошувачката на електрична енергија. Има повеќе момент кои што може да се прави, но за сето тоа треба добра координираност во градот и останатите јавни претпријатија. Со мојот тим имав идеја поставување на фотоволтаични на катните гаражи, но од старт, не дека не добивме поддршка, туку не добивме разбирање. Планиравме во идно време да се постават и фотоволтаични уреди и на поголемиот од зонските паркиралишта во Скопје, рече Христовски.

The post Христовски: Арсовска буквално нѐ игнорираше appeared first on Република.

Досегашниот директор на ЈП Градско Паркинг - Скопје, Бојан Христовски, непосредно пред да поднесе оставка, ги зголеми платите на сите вработени како поддршка во време на економската криза и зголемените трошоци за живот.

- На денешната седница Управниот одбор на ЈП Градски Паркинг - Скопје, донесе одлука за линерано зголемување на платата во износ од 2 992 денари, а одлуката ќе почне да се применува започнувајќи од 01.10.2022 година.
Оваа одлка е донесена по инцијатива на директорот Бојан Христовски и е усогласена со Синдикатот на претпријатието во текот на предходната седмица.
Од оваа одлука бенефит ќе имаат 280 вработени во претпријатието и е од значајна поддршка во време на досега најголемата економска криза и во услови на пораст на трошоците за живот. На овој начин вработените ќе можат полесно да се соочат со предизвиците пред претстојниот тежок период за сите граѓани.
Пред се сакаме да искажеме голема благодарност за грижата за вработените во ЈП Градски Паркинг до директорот Бојан Христовски за неговото несебично залагање за правата на вработените и за неговата донесена одлука пред напуштањето на функцијата директор.

The post Последната одлука на Христовски пред да ѝ поднесе оставка на Арсовска: Зголемување на платите на сите вработени appeared first on Република.

Градоначалничката на Град Скопје Данела Арсовска вели дека директорите на јавните претпријатија од ВМРО-ДПМНЕ добиле понуда да си дадат оставка или да бидат разрешени.

Поради несоодветно работење, неиспорачување резултати и непочитување на насоките на градот Скопје, директорите добија понуда да си дадат оставка или да бидат разрешени.
Градот Скопје е град на сите скопјани, затоа сите носители на овие одговорни раководни функции во градот се должни да даваат отчет пред граѓаните, а не пред партиските лидери. Скопје мора да биде модерен град, град за сите скопјани, пишува Арсовска на Фејсбук и во официјалното соопштение испратено до медиумите.

Поради незадоволство од работата на Град Скопје и отежната соработка оставки поднесоа директорот на Дрисла Јане Мицевски и директорот на Градски паркинг Бојан Христовски.

https://republika.mk/vesti/skopje/direktorot-na-gradski-parking-si-podnese-ostavka-arsovska-e-nezainteresirani/

https://republika.mk/vesti/skopje/micevski-i-dade-ostavka-na-arsovska-vo-drisla-nikakva-poddrshka-od-gradot-i-brojni-problemi-za-koi-gradonachalnichkata-nema-sluh/

The post Арсовска: Директорите добија понуда да си дадат оставка или да бидат разрешени appeared first on Република.

Бојан Христовски директор на „Градски паркинг“ си поднесе оставка од директорската функција.Тој е незадоволен од поддршката од градоначалничката Арсовска, која според него била незаинтересирана за развој на претпријатието.

Затоа, вели Христовски си заминува бидејќи не сака да биде дел од таков систем.

Денеска навршуваат точно 8 месеци од моето именување за вд директор во ЈП Градски паркинг Скопје. На 13 јануари, оваа година беше мојот прв работен ден во ова претпријатие, а денес е мојот последен ден на оваа позиција.
Влегов со план и визија, со посветеност, професионализам и со континуирана работна динамика, и сето тоа со цел да им овозможам на сите граѓани подеднаков третман и подобри услови за услугите кои ги пружа ова претпријатие.
Но сепак морам да истакнам дека градот Скопје е комплексен систем на институционално управување во кои се испреплетени повеќе фактори. Тимската работа на градоначалникот и јавните претпријатија е неопходна, токму затоа нарушената координација е сериозна опасност за непречено функционирање на скопската локална самоуправа, а тоа е секако на штета на граѓаните. Дополнително вчера бевме сведоци на политичко-медиумска конструкција против директорот на едно јавно претпријатие и секретарот на град Скопје, при што без никакви факти и аргументи истите беа експресно „елиминирани“. Значи тоа се случува кога мерило за успехот не се резултатите, туку игрите кои се рефлексија на други поинакви интереси од колективните. Сето ова покажува дека многу малку или воопшто не се посветува внимание на она што беше ветено пред граѓаните за модерно Скопје, и јас како поединец и покрај бројните резултати за кус период не сакам да бидам дел од систем каде приоритет не се нашите цели и проекти, и каде нема поддршка од Градот ниту пак има нормална комуникација со градоначалникот. Затоа поради незаинтересираноста на првиот човек на градот за потребите на скопјани и градски паркинзи, како и поради драстично намалената поддршка на проектите кои со сопствени средства ги реалираме денес, поднесувам неотповиклива оставка од позицијата вд директор на ЈП Градски паркинг – Скопје.
Зад мене остануваат повеќе тековни активности и новитети, но и суштински проекти имплементирани во претпријатието од кои би ги издвоил:
- Финансиска стабилност и самостојност и покрај намалувањето на цените за зонско паркирање од 25% со кој се излезе во пресрет на потребите на скопјани,
- Реновирање, осветлување и молерисување на катните гаражи
- Зголемена хигиена на сите паркиралишта
- Обележување на регуларни паркинг места и места за лица со попреченост
- Возобновување на услугата шлеп служба
- Бесплатно паркирање за крводарители и повластени цени за специјализанти
- Зголемена транспарентност преку редовна комуникација со медиуми, функционалност на веб страна и нова ФБ страна
- Набавка на нова ХТЗ опрема за сите вработени
- Набавка на 70 нови дигитални уреди за контрола на паркирањето
- Надградба на системот за зонско паркирање (смс „потсетник“ за паркирање и тн.)
- Пос терминали на сите паркинзи
- Подобрување на услугите на паркиралиштето на Клиничкиот центар (нов наплатен пункт, поставување на вертикална и хоризонтална сигнализација, во крајна фаза нови 2 паркомати и „при-пејд“ картички со 20 минути транзит период итн)
Сите овие, но и останатите новитети би биле невозможни без големиот број на исклучително квалитетни и креативни професионалци и ентузијасти на кои сум им бескрајно благодарен за нивните напори за остварување на програмските цели. Динамичната работа и позитивниот притисок носат резултати. Поради тоа, со задоволство истакнувам дека позицијата ја напуштам со мојата последна одлука, а тоа е иницијатива до управниот одбор за заслужено линеарно зголемување на основната плата на сите вработени во вредност од 3000,00 денари.
Сметам дека успесите на Градски Паркинг постигнати во едни тешки околности се значајни да ги истакнам. Тие ќе беа уште поголеми доколку имаше целосна поддршка од Градот и градоначалничката. Во мојот живот борбата за принципите во кои верувам се поважни од функцијата. Влегов достоинствено, излегувам со чист образ. Нема да дозволам било кој, а најмалку луѓе кои имаат поинакви приоритети од тие поради кои се избрани од народот, и поради лични политички игри тоа да го извалкаат, стои во постот на Христовски.

The post Директорот на „Градски паркинг“ си поднесе оставка: Aрсовска е незаинтересиранa за развој на претпријатието appeared first on Република.

На денешната седница на Советот на Град Скопје една од точките на дневен ред беше и Предлог одлука за давање согласност за усвојување на годишната сметка на ЈП Градски паркинг – Скопје за 2021 година. Во делот на расправата во своето обраќање советникот Галевски, потенцирајќи ги аферите на претходното раководство на претпријатието, како што се злоупотреба со платежни картички, превработување на партиска основа и слично, укажа на тоа дека видно се намалени приходите од Сектор Пајак, при што побара одговор од актуелниот директор Бојан Христовски за ова. Галевски додаде дека причината за ова е политичка опструкција од страна на Министерството за внатрешни работи (МВР).

Директорот Христовски од говорницата потенцираше дека, во изминатиов период неколку пати реагира за овој проблем, а освен тоа се одржуваат комуникации и средби со МВР за надминување, тој уште не е решен и опструкциите и понатаму траат.

Морам да истакнам дека правиме обиди и напори за подобрување или воопшто воспоставување на соработка со МВР, со цел на дневно ниво да се отстрануваат непрописно паркираните возила од коловозите, коишто ја загрозуваат безбедноста во сообраќајот во Скопје. Сега за сега немаме никакви реакции, сè уште се подигнуваат многу мал број возила од тротоарите, пешачките зони, места кадешто може да поминуваат лица со посебни потребни и слично, одговори Христовски.

Освен ова, тој истакна дека постојано се контактираат министерот Оливер Спасовски како и другите одговорни функционери за овој проблем, меѓутоа нема никаков фидбек, па поради ова логично е тоа што го рече советникот дека е политичка опструкција.

Еднаш или два пати неделно писмено се обраќаме до министерот за внатрешни работи Оливер Спасовски, до директорот за јавна безбедност Сашо Тасевски и началникот на СВР Скопје Тони Јакимовски, на коишто постојано им укажуваме на реакциите кои секојдневно пристигнуваат до нашето претпријатие од трети лица, граѓани или правни субјекти коишто се жалат на непостапувањето од страна на МВР, односно пријавуваат на бројот 192 каде што ги известуваат за непрописно паркираните возила, чиешто постапување за отстранување е во ингеренции на МВР, но од страна на министерството нема реакција. Ние ќе продолжиме со нашите барања, како и јавно и институционално да ги повикуваме да си ја вршат својата работа, нагласи Христовски.

The post ЈП ГП жртва на политички опструкции од МВР: Двапати неделно му пишуваме на Спасовски appeared first on Република.

Општина Гази Баба ќе го решава сообраќајниот хаос во Автокоманда. На утринската средба меѓу работните групи од Општина Гази Баба и ЈП „Градски паркинг“, на кој присуствуваа и градоначалникот на општина Гази Баба Бобан Стефковски и директорот на ЈП Градски паркинг Бојан Христовски, беше договорено да се најде трајно решение, а последниот збор ќе го кажат ѓителите на населбата.

The post Се решава сообраќајниот хаос во Автокоманда appeared first on Република.

В.д. директорот на ЈП Градски паркинг Бојан Христовски реагира на соопштението од Демократски сојуз:

На ден 08.03.2022 година, политичката партија Демократски Сојуз во јавноста излезе со соопштение во кое се искажани клевети на мое лично име и на сметка на ЈП Градски Паркинг.

Од таа причина, како в.д. Директор на претпријатието должен сум да реагирам, демантирам и коментирам.

Имено, во целост ги отфрлам сите клевети и обвинувања, а обидот за навреда и ниското ниво на комуникација изразено преку ова општење со јавноста, од страна на една политичка партија говори за самите нив.

Верувам дека се свесни дури и кога не ја говорат вистината, но во исто време, до некаде можам и да ја разберам нивната фрустрација, страв и срам од се што излезе во јавност за работењето на ова претпријатие во минатото. Обвинувањата и клеветите можеби ќе продолжат, но граѓаните, а и вработените во претпријатието ќе ценат и судат.

Ја разбирам нервозата кај одредени политички структури кои сакајќи да го закочат преструктуирањето на претпријатието, неговото враќање на градот и граѓаните од рацете на личните интереси на поединци и структури, наоѓаат маана и критикуваат се и сешто, но Градски Паркинг им припаѓа на скопјани.

Едно е сигурно, ова претпријатие и вработените во него, никогаш повеќе нема да финансираат, промовораат и заштитуваат политичка партија. Нема да се злоупотребуваат средствата и опремата за лични и партиски цели. Нема да се повластуваат со бесплатен и резервиран паркинг политички и други видови на моќници. Новото раководство обезбеди позитивна работна клима и визија за развој. Сето тоа мотивираше голем број на професионалци во претпријатието да бидат гласни, да стават стоп на политичкиот непрофесионализам и конечно да се стави ред во ЈП Градски Паркинг- Скопје.

На крајот, слободно можам да кажам дека полека но сигурно завршува политичката династија наречена Демократски сојуз во ЈП Градски Паркинг- Скопје, а кој губи има право да се лути.

Соопштение ДС

в.д. Директор

Бојан Христовски

The post „Заврши династијата ДС“: ЈП паркинзи никогаш повеќе нема да финансира, промовора и заштитува политичка партија appeared first on Република.

На иницијатива на градоначалничката на Град Скопје, Данела Арсовска, а согласно Статутот на јавното претпријатие, на седница на Управниот одбор на ЈП Градски паркинг е донесена одлука со која е предвидено намалување на цените на услугите за паркирање на јавните површини во зоните на паркирање во градот Скопје.

Директорот на претпријатието, Бојан Христовски, информира дека согласно одлуката за измена на ценовникот на услуги на Јавното претпријатие Градски паркинг, намалувањето се однесува на час паркирање во следните зони: Зона А0 паркирањето од 100 денари, се намалува на 75 денари, во зона А од 50 денари, се намалува на 40 денари, во зона Б од 40 денари, износот за паркирањето се намалува на 30 денари и во зона Ц и Д, цената за еден час паркирање од 30 денари се намалува на 25 денари.

Ваквата одлука за поевтинување на паркирањето во Скопје влегува во сила по добивање согласност од Советот на Град Скопје, а истата ќе се применува од 1 март.

Христовски потенцира дека со усвојување на оваа одлука, а сред економска криза, кога цените растат, Јавното претпријатие Градски паркинг им излегува во пресрет на барањата на граѓаните за поевтин паркинг во градот и го реализира она кое е ветено пред скопјани.

Нашата цел како Јавно претпријатие е со своите одлуки секогаш првенствено да бидеме транспарентни во своето работење, да бидеме во служба на граѓаните и да ги реализираме правовремено барањата на граѓаните во градот Скопје. Реализацијата на ова ветување е показател дека тоа што се ветува, треба и се исполнува. Имено, продолжуваме и понатаму активно да работиме во насока на реализација на програмските проекти кои се во интерес на граѓаните, а се во план да се реализираат во наредниот период. Тука би ги истакнал новите катни и монтажни паркиралишта во Чаир, Аеродром, Центар и Кисела Вода, со што ќе овозможи паркирањето во Скопје не само да биде поевтино, туку да биде и подостапно за граѓаните - додава Христовски.

The post Христовски: Градски паркинг донесе одлука за намалување на цената на паркирање во Скопје appeared first on Република.

Градскиот паркинг на Клиничкиот центар „Мајка Тереза“ е наследен проблем кој треба да се реши. Како еден од првите краткорочни решенија на овој проблем е веќе имплементирањето на систем на поставување редари на главниот влез на паркингот на Клинички центар, истакна директорот на „ЈП Градски паркинг – Скопје“, Бојан Христовски.

Како и што најавив пред околу една недела веќе се поставени дополнителни редари на главниот влез на клиничкиот центар. До некаде можам да кажам дека функционира. Според тоа што ме известија вработените, околу 60 до 70 автомобили дневно успеваат да ги вратат од намерата да влезат во паркингот. Секако, не може да им наложат да го направат тоа бидејќи сепак се работи за болница бидејќи луѓето доаѓаат за проблем, но колку што можат успеваат во својата намера, рече Христовски на денешното гостување на утринската емисија „Ја сакам Македонија“ на Сител телевизија.

Тој рече дека 24 часа вработено лице има само на главната каса и потенцира дека за издадените картички ќе има ревизија на работењето и решавање на проблемите со кој се соочуваат корисниците.

Во следниот период ќе се провери дали биле издавани картички на луѓе кои не биле вработени во клиничкиот центар, заклучи Христовски

Тој апелираше граѓаните да ги користат и паркоматите за плаќање паркинг, како и кога плаќаат паркинг да ги оставаат автомобилите на нивното паркинг место, а не на главната улица. Исто така, апелираше корисниците задолжително да бараат фискални сметки. Тој најави нови патокази на клиничкиот центар и воведување на пост-терминали на самите наплатни пунктови.

Христовски најави дека во следниот период овој проблем ќе биде решен, а исто така најави и многу нови проекти за решавање на паркинг просторот во повеќе општини како Аеродром и Карпош.

The post Проблемот со паркингот на Клинички ќе се решава со дополнителни редари appeared first on Република.