На предлог на Министерството за локална самоуправа, Владата на денешната 27. седница, ја разгледа и усвои Информацијата во врска со Одлуката за престанок на мандатот по сила на Закон за градоначалникот на општината Сарај и донесе Одлука за престанок на мандатот по сила на Закон за градоначалникот на општината Сарај, по верификацијата на неговиот мандат како пратеник.

Владата денеска ја одржа 27 седница, на која, како што информираат од владината прес-служба, на барање на Министерството за здравство, донесе препораки во врска со новиот топлотен бран што се очекува од утре да ја зафати целата држава.

Градоначалникот на Општина Сарај, Блерим Беџети се повлече од функцијата градоначалник откако му беше верификуван пратеничкиот мандат во Собранието, како пратеник од редовите на ДУИ.

The post Владата донесе одлука за престанок на мандатот на градоначалникот на општината Сарај appeared first on Република.

Откако градоначалникот на Општина Сарај, Блерим Беџети, доби пратенички мандат, на неговото место до следните локални избори ќе биде Иљас Весели, советник во оваа општина.

Изразив честитки за мисијата што ја презеде г. Иљас Весели. Исто така, изразив подготвеност за безрезервна поддршка, со единствена цел Општина Сарај да ја одржи динамиката на реализација на проектите кои се од интерес за сите жители на нашата општина, информира Беџети со објава на својот Фејсбук профил.

Беџети во објавата посочува дека по повод почетокот на ангажманот на Иљас Весели за заменик градоначалник, имал чест заедно со претседателот на Советот Муса Алили да разговараат за настанатата состојба, како и за непреченото одвивање на работните процеси, врз основа на законските надлежности.

The post Иљас Весели ќе го замени Блерим Беџети на градоначалничкото место во Општина Сарај appeared first on Република.

Пратеникот на Коалицијата „Европски фронт“, Блерим Беџети во изјава за медиумите во Собранието нагласи дека законските измени поврзани за реорганизацијата на министерствата уште не стигнале до нив и потенцира дека ќе дадат конкретен став откако ќе ги видат и разгледат.

-Во однос на предлог законот што се потребно двотретинско мнозинство, ние не сме го виделе се уште тој закон. Кога ќе го  разгледаме, кога ќе стигне до кај нас ќе дадеме конкретни мислења и ставови. Ние не сме го разгледале, но факт е дека имаме и друг контекст, односно многу освен и начелен политички контекст каде што не се почитува волјата на мнозинството гласачи на Албанците и на другите етнички заедници, односно турската, бошњачката и ромската заедница кои се дел од „Европскиот форнт“ и нормално како нелегитимна, рече Беџети.

Тој истакна дека по тоа што го слушале, овие законски измени ќе му служат само на ВМРО-ДПМНЕ.

-Но, тоа што слушаме, тоа му служи само на ВМРО-ДПМНЕ во нивната предизборна програма. И продолжуваат во некоку институции кој што очигледно ќе ги водат нелегитимните претставници на Албанците во владата каде што им се одземаат надлежностите и со тоа фактички уште во самиот старт се докажува дека без легитимитет секој може да си поигра како сака со ресорите и со надлежностите во ресорите, рече Беџети.

Тој соопшти дека понатаму ќе дејствува како пратеник, а не како градоначалник.

-Јас во јавноста имам информирано дека дејствувам како пратеник. Не можам истовремено да бидам и пратеник и градоначалник. И стојам пред вас во функција на пратеник во Собранието на Република Македонија, рече Беџети.

Најави дека нивната коалиција во наредните денови ќе има активности во правец на, како што рече, одбрана на легитимитетот на гласачите Албанци.

-Рамковниот договор е многу значаен и многу битен за сите етнички заедници во државата и затоа ние уште вчера како прв чекор, а ќе следуваат и многу други чекори во одбрана на легитимитетот на еден главен столб во демократијата. Нормално дека ќе има и други активности во овој правец за бранење на легитимитетот, каде што би имале смисла демократијата и гласањето, бидејќи ние сме организирани како етнички политички партии. Ние веќе се обративме со декларацијата и ќе продлжиме и во иднина и во наредниот период што е пред нас со други активности во одбрана на легитимитетот, рече Беџети.

The post Во ДУИ уште не го виделе Законот за реорганизација на министерствата appeared first on Република.

Градоначалникот на Општина Сарај и актуелен организациски секретар на ДУИ, Блерим Беџети, соопшти дека градоначалничката фотелја ќе ја замени за пратеничка во Собранието.

Од денеска започнува моето ново патување како пратеник во Собранието. Ветувам дека ќе бидам гласот на волјата на народот и ќе докажам дека легитимитетот на албанскиот глас му припаѓа на Европскиот фронт. Продолжуваме обединети за европска држава и подобар економски развој, напиша Беџети на Фејсбук.

Тој беше пратеник од 2006 до 2009, а и министер за правда во периодот 2011-2014 година.

The post Сарај ќе добие нов градоначалник зошто Блерим Беџети се одлучи да остане пратеник appeared first on Република.

Претседателот на собранието и член на раководството на ДУИ, Талат Џафери, за ТВ21 изразува дилеми за тоа како организациониот секретар на ДУИ, Блерим Беџети, ќе може да ги извршува своите обврски, кога се раздели со Изет Меџити, кој одлуи да формира нова партија, додек Беџети остана во ДУИ.

The post Џафери: Како Блерим Беџети ќе ги извршува обврските во партијата кога се разиде со Изет Меџити? appeared first on Република.

Блерим Беџети, претседателот на општина Сарај и еден од членовите на „Огнената група“ во ДУИ, во врска со објавената вест дека постојат разлики меѓу членовите на оваа група потврдува дека такво нешто постои, додавајќи оти тие тројцата инсистираат за овие прашања да се решава со аргументи преку расправа внатре во Демократската унија за интеграција.

„Има разлики меѓу нас. Ние сме фракција во рамки на ДУИ и треба разликите да ги решаваме внатре во ДУИ.“ – истакнува за „Журнал“, Блерим Беџети.

Запрашан дали ќе формираат некој нов политички субјект, Беџети одговори дека се против ваквата одлука, бидејќи на тој начин ќе се фрагментаризира, ќе се расцепка албанското бирачко тело. “Јас, Муса Џафери и Невзат Бејта сме против формирањето нов политички субјект. Нема потреба да се формира нова политичка партија.“ – нагласува Блерим Беџети.

Зборувајќи за соработката со другите опозициски партии, вклучувајќи ја тука и ВМРО ДПМНЕ, Беџети негира такво нешто: „Не сме имале соработка, бидејќи ние сме фракција.“ Коментирајќи ја политичката состојба во земјава и процесот на уставните измени, Блерим Беџети вели дека тие имаат ист став како и сите во ДУИ. „Мораме да внимаваме да не ги охрабруваме антиевропските сили. Ние во ДУИ сме со став дека ова прашање мора да се реши час поскоро и процесот кон ЕУ да тргне колку е можно побргу.“ – изјави Блерим Беџети за „Журнал“.

The post Сакаат ДУИ да се реформира: Беџети, Џафери и Бејта се против формирање на нова партија appeared first on Република.

Нема потреба Алијансата за Албанците да биде дел од Владата, потенцира во интервју за „Макфакс“, Блерим Беџети, актуелниот градоначалник на Сарај и еден од незадоволните членови на ДУИ од групата на Изет Меџити,

Сметам дека ниту на ДУИ ниту на СДСМ, а ни на целото владејачко мнозинство не му е потребен дополнителeн партнер, конкретно Алијансата за Албанците да биде дел од власта. Во претходниот мандат беа со ДУИ и СДСМ, па излегоа од Владата, па сега повторно сакаат да се вратат. Тоа не е како да правиме туризам, вели Беџети за сѐ позачестените најави за можнен влез на уште една албанска партија во власта.

Тој смета дека партијата на Таравари треба да ја преземе обврската на опозиција.

Треба да постои политичка цел. Друг беше моментот кога кон владејачкото мнозинство се приклучи и Алтернативата. Сега не го гледам тој политички момент. Не ја гледам политичката цел, зошто Алијансата за Албанците би била дел од власта и тоа не е добро ниту за нив ниту за владејачкото мнозинство, прецизира тој.

На прашањето дали постои раскол во ДУИ, Беџети одговара: „Не знам за раскол. Ако за раскол го сметате фактот дека се размислува поинаку, секогаш било така. Но, затоа што се бара отчет од министрите, тоа не го гледам како раскол“.

Не го негира писмото од незадоволните, но додава дека се дебатира внатре во партијата.

Значи, имало незадоволство и кон Артан Груби, се разбира, бидејќи тој е потпретседател на Владата и не можеш да бидеш задоволен од нештата ако има застој на проекти, дециден е Беџети.

The post Беџети: Нема потреба Алијансата да влезе во Влада appeared first on Република.

Министерот за економија Крешник Бектеши, заменик-министерот за транспорт и врски Беким Реџепи и градоначалникот на Сарај Блерим Беџети го пуштија во употреба на патот 1 во општина Сарај.

Бектеши им честита на градоначалникот и на општинската администрација за посветеноста и прекрасната работа што ја направија овие месеци за реализација на овој проект, упатувајќи порака до другите општини да започнат со реализација и да не прават пречки при реализацијата на проекти кои произлегуваат од програмата ТАВ.

Оваа инвестиција има вредност до 23 милиони денари, од кои 10 милиони денари се од буџетот на општина Сарај и 13 милиони денари од програмата ТАВ.

Министерот Бектеши ја пофали работата на општина Сарај, истакнувајќи дека таа е меѓу првите општини која ги завршува проектите кои започнале за рекордно време.

„Ова докажува дека општина Сарај е една од првите општини која за рекордно време ги завршува проектите штотуку започнати, со единствена цел развој на туризмот во општина Сарај, имајќи предвид дека еден од најголемите паркови на град Скопје е токму овде во општина Сарај, но ја дава и вистинската порака дека со длабока и искрена соработка меѓу општините и централната власт можеме во рекордно време да направиме проекти во интерес на граѓаните со единствена цел да се реализираат и инфраструктурните проекти, но во исто време да се зголемат и капиталните инвестиции кои влијаат и на економскиот развој на државата“, изјави Бектеши.

Заменик-министерот за транспорт и врски, Беким Реџепи рече дека овој проект е од особено значење за жителите на Сарај и дека исто така Министерството за транспорт ќе продолжи со проекти во корист на граѓаните за подобар живот и модернизирана инфраструктура.

„Мислам дека овој пат ги има сите стандарди за да имаме добра инфраструктура за развој на паркот и за користење на сите граѓани кои го користат овој пат“ - изјави градоначалникот на Сарај, Блерим Беџети.

The post Сарај доби нов пат appeared first on Република.