Членовите на таканаречената работна група за уставни измени неофицијално споделуваат информации дека со промената на Преамбулата на Уставот Македонија треба се редефинира како држава на два народи, а другите граѓани ќе бидат етнички заедници и малцинства, оговори на новинарско прашање претседателот на ВРО-ДПМНЕ Христијан Мицкоски.

Во три столба ги градираат сите наши сограѓани и тоа е дојдено како информација директно од работната група, рече Мицкоски и повтори дека таа тема за ВМРО-ДПМНЕ е затворена, уставни измени во овој состав и под овие услови нема да има.

Мицкоски уште еднаш побара да се примени промена на Уставот по хрватски модел.

Условите или ќе се сменат за да почнеме да размислуваме во таа насока, или нема да има. Со овие услови, со овие околности, нема да има. Ние предложивме, цело време сме проактивни и велиме, вие го споменувавте тој модел, ние велиме тој модел е модел на земја-членка на Европската Унија, ајде да го примениме, истакна Мицкоски.

The post Членовите на работната група за уставни измени неофицијално споделуваат информации дека Македонија ќе се редефинира appeared first on Република.

Очигледно Ковачевски соочен со нискиот рејтинг и катастрофата која не може да ја поправи реши да биде патриот на батерии барем на 5 минути, па откако ги прифати сите бугарски барања да бидат дел од преговарачката рамка за ЕУ, што подразбира и промена на Устав, реши да облече квази патриотска наметка и да му одговори на Радев дека Бугарија го следела духот на Русија. Е сега има тука една контрадикторност. Ковачевски треба да се договори со самиот Ковачевски дали кога има потреба од патриотизам на батерии и му реплицира на Радев, Бугарија го следи духот на Русија, или пак кога не убедува дома дека уставните измени се толку прекрасни и неодминлив услов за чекор до рајот Европската унија. Зошто ќе се согласите не може едното и другото, рече лидерот на ВМРО-ДПМНЕ, Христијан Мицкоски на трибината во Струмица посветена на областа здравство.

А што се однесува до оние повици од СДС да сме се качеле се на возот кон ЕУ, додаде Мицкоски, цело ВМРО-ДПМНЕ или еден дел, ќе му одговорам цело ВМРО не само дел, туку цело ВМРО-ДПМНЕ веќе е на возот кон ЕУ, а возот во кој се Ковачевски и ДУИ веќе е влезен во темниот тунел кој еднонасочно удира во карпа.

„ВМРО-ДПМНЕ, повторувам цело ВМРО-ДПМНЕ никогаш нема да биде дел од анти-македонскиот фронт кој го предводи не цело СДСМ, туку една тесна клика на СДСМ и ДУИ. Антимакедонски фронт  составен од спрегата ДУИ - СДС е качен на возот кој влегува во темниот тунел без излез.

Овој пат нема да го излажете народот. И лошо ќе завршите зошто ќе ви се случи народ. Не ми паѓа на памет да прифатам било каква уцена или притисок кој го имам, а го имаме многу и го држиме веќе година дена и ќе го држиме колку што е потребно по било која цена, ќе одиме до крај до конечна победа и нема попуштање“, посочи Мицкоски.

Според претседателот „нема никаква, ниту теоретска шанса да прифатиме уставни измени под вакви услови за Македонија“.

Мицкоски посочи дека уставните измени кои експертите на Владата ги тераат се во насока на бинационална држава, а  тоа Владата не го демантираше.

„Редефинирањето на Преамбулата на Уставот би бил еден вид национално предавство на оваа Влада која би ја фрлила државата на колена. Предупредувам, Ковачевски да не си игра играчки со уставните измени со кој ќе ја редифинира Македонија во бинационална држава, да престане да исполнува концесии кон ДУИ, затоа што плаќа прескапа цена за власта која ја има“, рече Мицкоски.

The post Мицкоски: Патриотот на батерии Ковачевски работи на редефинирање на Македонија и претворање во бинационална држава appeared first on Република.

Претседателот на ВМРО-ДПМНЕ, Христијан Мицкоски на денешната трибина во Куманово насловена „Младински политики“ ја предупреди македонската јавност дека кога станува збор прашањето за уставни измени, на маса се става и редефинирање на карактерот на Македонија.

Она што исто така преставува тема подолг период се уставните измени. И во тој поглед сакам да предупредам на една друга опасност, на едно ново хазардерство и предавство кое си се турка на мала врата, така странично, но можеби внимавајте добро подеднакво опасно, па би рекол и поубиствено за Македонија во поглед на нејзиното постоење како унитарна држава, рече Мицкоски.

Тој посочи декане е само бугарскиот диктат за Уставот, без било какви гаранции за Македонија кој го турка владата, туку отворање на пандорината кутија на тој план, како што е играњето на играчки со словото на Уставот и редефинирање на карактерот на Македонија преку нарушување на нејзината унитарност.

Низ кулоарите, а и во дел од медиумите и јас ги слушам идеите кои ги зборуваат оние партиски експерти кои им ги составуваат уставните измени, па се говори дека се предлагало да се смени Преамбулата така што ќе постоеле два народа, неколку заедници, а потоа и малцинства и тоа да прерасне во Уставно слово, притоа целосно нишајќи ги темелите на Македонија и разработувајќи го концептот на бинационална федерална држава. Се надевам дека ќе остане само на нереализирана мантра затоа што во спротивно доколку тоа се преточи во текст ќе прават неповратна штета за Македонија. Апелирам да се престане со оваа самоубиствена рулет игра на партиите на власт затоа што не смеат да си играат играчки со Македонија и пишување на Уставот, рече Мицкоски.

Мицкоски му порача на Ковачевски за уште неколку месеци власт и зачувана фотелја да не прави предавство на столетието на македонските и национални интереси.

Не вреди за уште неколку месеци власт што ги тргуваш со партијата ДУИ која те уценува, да направиш предавство на својот народ и Македонија. Неколку месеци власт не е ништо во споредба со вековен срам за твоето име, твојот пород и голема мака за нашите национални и државни интереси. Неколку месеци ќе те одведат тебе и тие што те поддржуваат во пеколот, после поразот на парламентарните избори. И во поглед на задоволувањето на бугарските диктати, мене ми е јасно дека откако видоа дека заглавија со процесот единствениот излез и шанса го наоѓаат во коленичење пред светот и обвинување кон опозицијата и ВМРО-ДПМНЕ како најголема партија во Македонија, во ред лаги ред молби за притисоци, истакна Мицкоски.

The post Мицкоски предупредува: Не се во игра само уставни измени за вметнување на Бугарите, туку на маса е и редефинирање на Македонија и бинационална држава appeared first on Република.