Објавен трејлерот за серијата The Penguin за смртниот непријател на Бетмен, Освалд Коблпот, познат како Пингвинот.

Колин Фарел, кој го играше Пингвинот во филмот The Batman од 2022 година, повторно ја игра улогата на ноторниот негативец.

Лорен Лефранк е на чело на многу очекуваната серија, а режисерот на The Batman, Мет Ривс, е извршен продуцент. Приказната за спин-оф серијата продолжува со Коблпот во главната улога, откако во филмот е претставен како главен поручник на Кармajн. Пингвинот го започнува својот подем за да стане еден од најозлогласените криминални господари во Готам.

Премиерата ќе биде на 19 септември.

https://www.youtube.com/watch?v=sfJG6IiA_s8

The post Објавен трејлерот за серијата „The Penguin“ со Колин Фарел, премиерата е закажана за 19 септември appeared first on Република.

Бен Афлек ќе се враќа како Бетмен во претстојното продолжение на Аквамен – „Аквамен и изгубеното кралство“.

Неговото враќање го најави ѕвездата на филмот Џејсон Момоа преку објава на Инстаграм. Момоа објави селфи од двајцата актери, со описот: „Повторно се обединивме, Брус и Артур. Те сакам и ми недостигаш. Фатен на снимање, ќе има одлични работи во Aquaman 2“.

Џејсон Момоа се враќа како Артур Кари, поморскиот суперхерој познат како Аквамен, а појавата на Афлек е прилично изненадување. Имено, актерот претходно објави дека повеќе нема да ја игра улогата на Темниот витез, а неговото појавување во филмот Flash, кој ќе излезе следната година, требаше да биде неговата последна инкарнација на познатиот суперхерој. Своето заминување го најави по филмот Justice League.

„Имав навистина лошо искуство со Justice League од многу различни причини. Не обвинувам никого, се случија многу работи. Но, не бев навистина среќен. Не ми се допадна да бидам таму. Мислам дека беше интересно. А потоа се случија некои навистина луди, ужасни работи. Но, тогаш помислив дека нема да го повторам тоа“, рече Афлек.

Продолжението на Аквамен го режира Џејмс Ван по сценарио на Дејвид Лесли Џонсон-Мекголдрик и Џејсон Момоа, а на Момоа и Афлек им се придружуваат Амбер Херд, Вилем Дефо, Патрик Вилсон, Долф Лундгрен, Јахја Абдул-Матин II, Темуера Морисон и Никол Кидман.

The post Бен Афлек се враќа како Бетмен во новото продолжение на Аквамен appeared first on Република.

Портпаролката на руското Министерство за надворешни работи, Марија Захарова, денеска иронично ги прокоментира обвинувањата на бугарскиот премиер во оставка, Кирил Петков, дека за неговото заминување од функцијата виновна е и руската амбасадорка во Бугарија, Елеонора Митрофанова, изјавувајќи дека на списокот на „виновници“ недостасуваат уште некои други фиктивни филмски ликови.

Само Бетмен и жената-мачка сè уште се исчезнати. Мислам, човекот се измори, почна да блада, иронично кажа Захарова, пренесена од руските медиуми.

Откако бугарскиот Парламент синоќа и изгласа недоверба на Владата на Петков, тој за исходот од гласањето обвини тројца политичари и амбасадорката Митрофанова.

Петков ги прозва бизнисменот и поранешен пратеник Дељан Пеевски, лидерот на партијата ГЕРБ и поранешен премиер Бојко Борисов и Слави Трифонов, чија партија „Има таков народ“ претходно ја напушти владејачката коалиција.

Партијата ГЕРБ го иницираше гласањето недоверба на владата.

The post Захарова: За смената на Петков одговорни се и Бетмен и жената-мачка appeared first on Република.

Џош Бролин ја загубил улогата на Бетмен бидејќи режисерот сметал дека Бен Афлек е посоодветен избор.

54-годишниот актер откри дека првично бил во дискусија да го глуми човекот лилјак, но режисерот Зак Снајдер на крајот го избрал Афлек за „Бетмен против Супермен: Зора на правдата“ од 2016 година.

The post Џош Бролин откри зошто не ја добил улогата на Бетмен appeared first on Република.