Фудбалскиот клуб Шкендија објави дека потпишале договор со Бесарт Ибраими. Најдобриот стрелец во историјата на Првата македонска фудбалска лига доаѓа од редовите на актуелниот шампион Струга Трим Лум.

Шкендија со задоволство може да го потврди ангажманот на добро познатиот напаѓач, Бесарт Ибраими, стои во соопштението на тетовскиот тим.

Ибраими вели дека е многу среќен што се враќа во Шкендија каде што играше од 2015 до 2021 година.

Многу сум среќен што се враќам во Шкендија, ќе дадам се од себе за овој голем клуб, рече Ибраими.

Во Шкендија тој се враќа по три години, откако во периодот 2015-2021, шест години беше меѓу главните играчи во најуспешниот период на клубот.

The post Најдобриот стрелец во македонскиот фудбал се врати во Шкендија appeared first on Република.

Најдобриот стрелец во историјата на Првата македонска фудбалска лига (ПМФЛ), Бесарт Ибраими и следната сезона ќе го носи дресот на шампионот Струга.
Ибраими, како што објави попладнево Струга, стави потпис на договор за уште една сезона во дресот на актуелниот македонски шампион.

Триесетиседумгодишниот Ибраими дојде во Струга во 2022 година и на 58 натпревари постигна 34 голови.

Струга изминатата сезона ја обрани титулата во ПМФЛ и ова лето втор пат ќе настапи во квалификациите за Лигата на шампиони.
Противникот во првото квалификациско коло ќе го дознае на 17 јуни за кога е закажана жрепката во седиштето на УЕФА во Нион

The post Најдобриот стрелец во историјата на Првата лига останува во Струга appeared first on Република.