Откако во јавноста излезе информацијата дека поранешниот министер од редовите на ДУИ, Крешник Бектеши заработил кривична пријава, со реакција се огласија од неговата партија ДУИ.

Според, Артан Груби и Арбер Адеми, оваа акција на полицијата е „политички прогон“.

The post Груби и Адеми за кривичната на Бектеши: Со тоа власта ги покрива 300 скандали, кои ги направија во првите 30 дена владеење appeared first on Република.

Министерот за економија Крешник Бектеши изјави дека веќе се пристигнати сите забелешки и коментари од засегнатите страни, производителите, дистрибутерите и ланците супермаркети за предложениот закон за нефер трговски практики. Бектеши додаде дека се очекува идната недела да биде усвоен од Владата, а потоа и да биде доставен до Собранието.

Одговарајќи на новинарско прашање, министерот Бектеши денеска најави дека оваа недела, во координација со премиерот Димитар Ковачевски и со претставници од надлежните институции ќе бидат разгледани сите забелешки и коментари, за да се вградат во драфт верзијата на законот.

Неделава ќе имаме координација со премиерот за коментарите кои ги добивме од засегнатите страни. Ќе ги разгледаме со различни институции за да ги вклопиме во финалниот драфт на законот. Ќе одржиме и последен состанок со Стопанската комора за да видиме кои ќе бидат прифатливи и можно да се вградат. Очекуваме во почетокот на наредната недела предложениот закон да се усвои на Влада и да се прати до Собранието. Се работи за решение кое дологорочно ќе влије позитивно врз намалување на цените, но воедно ќе биде и недискриминаторно во трговијата, посебно за земјоделските и прехранебните производи, истакна Бектеши.

Со законот се опфатени и се регулираат 26 нефер трговски практики.

The post Бектеши: Законот за нефер трговски практики се очекува идната недела да биде усвоен на владина седница appeared first on Република.

Социјалистичката партија на Македонија не е изненадена од паушалните најави на приучениот министер за економија Бектеши кој без официјални статистички податоци нереално ги прогнозира економските движења, велат во писменото соопштение од СПМ.

Според несериозните желби на неодговорниот Бектеши инфлацијата за октомври би била под 2%, а вкупната инфлација во државата ќе биде преполовена, иако Светска банка предвидува годишна инфлација од 9,1%. Како секој приучен така и тој не нуди аргументи за таквите чудни прогнози. Според него заслужни за економијата се мерките на владата, изјава која поприма комична димензија.

Во реалноста растот на цените е над 50% и доволна е едноставна споредба на инфлационите движења кои не се запрени. Државата е во криза и економската состојба не е воопшто добра, а растот на БДП е под потребно ниво.

Граѓаните жестоко реагираат на инфлацијата која сериозно ги осиромаши над 70% од популацијата од сите категории. Отсуството на индексација односно низок раст на платите, пензиите и социјалните надоместоци, најмногу ги погоди најсиромашните слоеви, пензионерите, земјоделците и студентите кои со право протестираат.

Неспособноста на владата на Ковачевски и неговите економски министри е толку очигледна и со мерките што ги превзема се насочува кон продлабочувње на економската криза и на подредување на државата кон соседите. Ова за власта е небитно затоа што нејзиниот единствен интерес е проддолжување на крадењето народни пари.

Социјалистичката партија на Македонија инсистира оваа влада што поскоро да си оди што е желба на мнозинството граѓани во државата и да запре агонијата на економско тонење и осиромашување на граѓаните и стопанството со непредвиливите и променливи мерки на власта, стои во соопштението од СПМ.

The post СПМ: Не сме изненадени од паушалните најави на приучениот министер за економија Бектеши кој без официјални статистички податоци нереално ги прогнозира економските движења appeared first on Република.

Министерот за економија Крешник Бектеши вели дека во однос на начинот на сметање на времето со евентуално укинување на промената од зимско во летно и обратно, државава ќе се прилагоди кон одлуките на Европската комисија.

 Ќе носиме одлуки согласно со одлуките што ќе се носат во Европската унија имајќи предвид дека нашата најголема економска соработка, над 75 отсто е со членките на Европската унија. Каква одлука ќе се донесе во Европската комисија, тоа ќе се преслика и во нашата држава, рече денеска Бектеши на новинарско прашање.

Не се направени конкретни анализи, а според предлозите што ги подготвила работната група што беше формирана пред една година, треба да се прилагодиме кон одлуките на Европската комисија.

Летното сметање на времето завршува во недела во 03:00 часот по полноќ кога стрелките на часовникот треба да се поместат еден час наназад, со што започнува зимското сметање на времето.

Согласно Одлуката за денот и моментот на воведувањето и денот и моментот на завршувањето на летното сметање на времето во 2023 година („Службен весник на Република Македонија“ бр63/23), летното сметање на времето завршува на 29 октомври во 03h 00 min 00s, така што со поместување за еден час наназад времето во 03h 00 min 00 s се смета како 02h 00min 00s. Согласно Одлуката, започнува зимско сметање на времето, информираа од Министерството за економија.

The post За сметањето на времето ќе се прилагодиме кон одлуките на Европската комисија, вели Бектеши appeared first on Република.

Ако воведуваат такса за „Гаспром“, како што вели министерот за финансии на Бугарија, тогаш нека ги укинат и количините што им ги обезбедиле со децении, порача денеска министерот за економија Крешник Бектеши.

На новинарско прашање тој наведе дека „не би сакал да коментира изјави на министри од други држави кои најверојатно имаат внатрешни проблеми“, но дека „прво и основно министерот за финансии на Бугарија треба да знае дека ние не ја оспоруваме таксата која ја вовеле, туку количините што тие ги загарантирале за Гаспром во однос на гасоводот со Република Македонија“, што, потенцираше, се две различни работи.

Количините кои ги закупил „Гаспром“ од бугарската страна до 2030 година немаат врска со воведување на таксата. Претходната година со помош на нашите стратешки партнери, особено САД, ослободивме одредени количини, околу 180 милиони нормални метри кубни, но нашата потрошувачка е 400 милиони. Затоа бараме да се ослободат количините за да можеме да се снабдуваме од други извори како што се снабдуваме за овие 180 милиони нормални метри кубни со азербејџански гас и со ЛНГ што доаѓа од САД. Значи, министерот за финансии зборува за финансискиот аспект и за воведување тарифи и такси, не зборува за процедурални работи и обврски што ги има Република Бугарија кон Европската комисија во делот на издавање на тие закупи преку аукции. Тоа е работа на „Булгартранзгас“ и Министерството за енергетика во Бугарија. Тие треба прво и основно да се консултираат меѓу себе и да имаат единствен став, рече Бектеши.

Бектеши повтори дека во делот на отштетата и споровите што ние би ги отвориле ако не се ослободат капацитетите за пренос на природен гас но граничниот премин со Бугарија, имаме правна основа.

Ако воведат такса, тогаш нека ги укинат и количините што им ги обезбедиле со децении, рече Бектеши.

Мислиме дека сме уценети, рече Бектеши, со тоа што воведуваат такса за „Гаспром“ што не го оспоруваме, а воедно им даваат на „Гаспром“ можност да закупат преносни количини до 2030 година.

Има само еден допис од страна на „Булгартранзгас“ што е пратен до ЕСМ Продажба каде што тие бараат од наша страна да кажеме каков гас користиме. А ние имаме само една точка на испорака, од страна на Бугарија, односно првично и основно тие би требало да знаат каков гас тече низ нивните гасоводи. Ние веќе сме одговориле дека за потребите на ЕСМ продажба користиме азербејџански и ЛНГ гас од САД. Но, за нас не е спорна таксата. Да им биде јасно на граѓаните, ние мислиме дека сме уценети со тоа што воведуваат такса за „Гаспром“ што не го оспоруваме, а воедно им даваат на „Гаспром“ можност да закупат преносни количини до 2030 година. Значи, имаат две мерки кои се спротивставуават една со друга, посочи Бектеши.

Дополни дека прашањето во однос на количините што ги закупил „Гаспром“ во делот на количините со нашата држава го имаме отворено веќе три години. Обезбедивме одредени количини, рече Бектеши, но гасоводот не се користи целосно, туку околу 50 проценти и тие имаат можност согласно со директивите тие 50 проценти, односно околу 400 милиони нормални метри кубни, да ги ослободат за да и другите снабдувачи имаат можност да ја снабдуваат нашата држава.

Тој одговараше на прашања на новинарите по владината седница на која беа донесени одлуки да се продолжи до крајот на годината мерката за гарантираните цени што се во сила за основните прехранбени производи и алкохолни и безалкохолни пијалаци

The post Бектеши: Не ја оспоруваме таксата од Бугарија, бараме да ги ослободат количините за нашиот гасовод appeared first on Република.

Министерот за економија Крешник Бектеши не очекува претстојната зима да биде потешка од минатата во делот на енергетиката и покрај новиот конфликт на Блискиот Исток кој предизвика зголемување на цените на енергенсите и воведување такса од 10 евра од страна на Бугарија за транспорт на киловат час руски природен гас низ бугарскиот гасовод.

Најави дека ќе бараат оштета од Бугарија и дополнителна поддршка од Европската Унија за воведувањето на таксата доколку не бидат ослободени капацитетите на гасоводот преку кој се снабдуваме со гас од Бугарија, бидејќи токму Бугарија до 2030 година му ги има отстапено сите капацитети на овој гасовод на руски „Гаспром“ со исклучок на капацитетите кои лани беа ослободени.

Ослободувањето на капацитетите е обврска на Европската Унија согласно начелата за целосна либерализација на пазарите. Не може да се воведе такса само за една држава. Во делот на гасоводот на Бугарија со Србија не се закупени капацитетите од страна на „Гаспром“ што значи дека Србија може да користи и други извори освен рускиот гас, а во случајот на нашата држава сами го имаат дадено целиот капацитет на гасоводот под закуп на „Гаспром“ до 2030 година, освен последните што лани беа ослободени. Затоа бараме веднаш да се ослободат капацитетите и да имаме можност и ние да бидеме снабдувани и од други извори за потребите што ги имаме, вклучително од Азербејџан или ЛНГ терминалите, изјави Бектеши.

Капацитетите на гасоводот, како што посочи Бектеши, не се закупени од „Гаспром“ на нашата територија, туку на територија на Бугарија која воедно е и територија на ЕУ.

Затоа доколку не се ослободат капацитетите ќе бараме оштета од Бугарија и дополнителна поддршка од Европската Унија за воведувањето на таксата, рече Бектеши во одговор на новинарско прашање на паузата на бизнис настанот SUBEX - Suppliers Balkan Expo што денеска и утре се одржува во Скопје во Скопје во организација на Делегацијата на германското стопанство во Македонија (АХК).

Бектеши рече дека додека е министер за економија нема да прифати никаква уцена од никоја држава  во делот на снабдување и загрозување на енергетската безбедност на државата.

Да уцениш држава е неприфатливо и е спротивно на начелата на работа на Европската Унија, а Бугарија е членка на ЕУ и веднаш треба да ги укине таксите не само кон нашата држава, туку и генерално бидејќи се неприфатливи во ЕУ. Ни кажаа дека ќе направат напори да ги ослободат капацитетите и ја очекуваме нивната одлука. Во случај да не ги ослободат капацитетите, ќе ги користиме моменталните капацитети што ги имаме и ќе бараме дополнителни отштети од Бугарија и Европската унија, бидејќи  бараме само ослободување на капацитетите и не се мешаме во нивната фискална политика за воведување на дополнителни такси. Одлуката на Бугарија е нивна внатрешна одлука, но треба да се има предвид и јасно и отворено да им се каже дека ако носат такви одлуки треба да носат и други одлуки со кои ќе се ослободат капацитетите за државите да имаат простор да се снабдуваат од други извори како што е случајот со Македонија, нагласи Бектеши.

Претходната година, како што посочи, се ослободени одредени капацитети во делот на гасоводот што го имаме со Бугарија, но тие не се доволни за побарувачката и потребите на земјава. Тоа секако би влијаело на цената на природниот гас кој генерално го користи стопанството и компаниите кои работат во зоните, рече Бектеши.

Нагласи дека е во постојан контакт со компаниите и дека веќе реагирал кај Енергетската заедница и кај Европската комисија за проблемот со новата такса во Бугарија.

Очекувам да се ослободат капацитетите кои токму Гаспром ги има закупено од бугарската страна. Легитимно е да воведат такса за природен гас кој доаѓа од Гаспром, но треба да ги ослободат капацитетите кои се закупени од страна на Гаспром кон Македонија. Тоа е нашето барање и не сакаме да се мешаме во делот на фискалната политика на Бугарија, но имаме право да се жалиме во делот на либерализација на пазарот на природен гас и да бараме од Европската Унија тоа да го применат нивните членки, потенцира Бектеши.

Најави дека до крајот на годината ќе почне изградбата на гасоводот со Грција кој, како што кажа, е приоритет и е поддржан од страна на ЕБОР и од стратешките партнери.

Нема да трпиме ниту уцени во делот како ќе инвестираме и како ќе ги диверзифицираме енергетските капацитети. Таквите уцени не се прифатливи ни од Бугарија ниту, пак, од било кого. Ако мислат да прават уцени да правиме втор гасовод со нив тоа нема да им помине заради тоа што ќе продолжиме да ги диверзифицираме изворите на снабдување. Тоа веќе го имаме започнато и за тоа нема компромис, посочи Бектеши.

Нашите очекувања, додаде, се дека нема да биде потешка зима од ланската.

Вистина е дека глобално и геополитички се случуваат работи кои не одат во прилог во делот на енергенсите како што се нафтените деривати и природниот гас и слично. Во делот на електричната енергија ги зголемивме сите  домашни капацитети и таму не гледам никаков проблем, додека во делот на природниот гас и нафтените деривати немаме никакво влијание со нашите одлуки, бидејќи не сме производители и сме целосно увозно зависни. Нашите одлуки во тој дел ќе ги носиме согласно движењата на берзата во соработка со Регулаторната комисија за енергетика, рече Бектеши.

The post Бектеши: Ќе бараме оштета од Бугарија и дополнителна поддршка од ЕУ за таксата за транспорт на руски гас доколку не бидат ослободени капацитетите на гасоводот appeared first on Република.

Новиот закон за забрана на нефер трговски практики предвидува намалување на рабатот до максимум десет проценти на годишно ниво. Тоа, како што изјави денеска министерот за економија Крешник Бектеши, ќе ги снижи цените на земјоделските и прехранбените производи, но и ќе влијае врз подобрување на нивниот квалитет.

Во законот се содржани околу 26 нефер трговски практики, а за прилагодување на компаниите кон понудените решенија е одреден рок од шест месеци. Според бизнисот, ова е доволен период, но не е исклучено тој да се скрати, доколку добавувачите и купувачите се соодветно подготвени.

За непочитување на законските одредби засега се предвидени глоби до 20 000 евра. Но, и во однос на овој дел од предлог-текстот ќе се разговара. Бизнис заедницата има можност да достави забелешки најдоцна до 25 октомври.

Законот кој денеска беше презентиран во Стопанската комора, е веќе на ЕНЕР и ќе се носи со европско знаменце.

Не само што ќе има намалување на цените, туку и ќе се подобри квалитетот на производите. Во законот е наведено процентуално колку може да биде максималниот рабат или годишните надоместоци кои би можеле купувачите, во овој случај ланците супермаркети, да ги бараат од производителите и добавувачите. Рабатот сега надминува 30 - 40 отсто од производствената цена, а со законот ќе биде најмногу 10 отсто и во рамки на тоа маркетите ќе конкурираат меѓу себе што ќе влијае врз намалување на цените, рече Бектеши по работниот состанок во Комората.

Како што напомена Васко Ристовски од Комората, се очекува законот да воспостави ред на пазарот со земјоделските и прехранбените производи.

Ова е сосема нов закон, нова работа за сите нас. На состанокот беа отворени доста прашања што беа нејасни за бизнис секторот. Се работи за европски закон, прилагоден за нашиот пазар. Сметаме дека ќе се воведе ред и дека се ќе биде законски регулирано. Начелно останува овој период од шест месеци прилагодување на компаниите и сметаме дека нема да има никакви проблеми. Евентуалните забелешки треба да произлезат во наредниот период, во следните 20 дена. Треба да сумираме зашто секој има свое гледиште, и компаниите и ланците маркети. Ако има забелешки тоа ќе го сублимираме во еден документ кој ќе се достави до ресорното Министерство. Имаме време да ги разгледаме и да ги појасниме работите, можеби ние погрешно ги толкуваме, можеби има простор каде што ќе може да се интервенира, истакна Ристовски.

Текстот на законот е во финална фаза. Многу е важно, нагласи Бектеши, што директивите од ЕУ се транспонирани во него. Целта е, дополни, преку дијалог во кој ќе бидат вклучени сите страни, да се донесе најдоброто решение за да не се направи штета никому. Најбитно од се, оцени министерот, е тоа што овој закон ќе ги уреди условите и начинот како ќе се врши трговијата во делот на земјоделските и прехранбените производи. Нема да се дозволи да се користи моќ на која било компанија врз другите фирми. Тоа, пак, би требало веднаш да влијае врз намалување на цените и врз подобрување на нивниот квалитет, како и врз предвидливоста и сигурноста на добавувачите и купувачите.

Закон за забрана на нефер трговски практики во синџирот на снабдување на земјоделски и прехранбени производи прв пат се носи во земјава.

The post Бектеши: Со законот за нефер трговски практики рабатот максимум 10 отсто, цените на производите ќе се намалат appeared first on Република.

“Министерството за економија целосно стои зад Одлуката за намалување на цените на на основните прехранбени производи која ја донесовме пред две недели.Најмалку до 30 ноември, до кога е на важност оваа одлука, отстапување од нејзе нема да има. Сите производи кои се опфатени во Одлуката за намалување на цените на Министерството за економија ќе останат со даночна стапка од 5%“, напиша на својот Фејсбук профил Министерот за економија Крешник Бектеши.
Во врска со Одлуката на Министерството за финансии за повластена даночна стапка на одредени прехранбени произвиди, министерот Бектеши напиша дека доколку има грешка во листата таа ќе се корегира.
„Доколку во случај има техничка грешка во листата на производи опфатени со Одлуката на Министерството за финансии за определување на добрата и услугите кои подлежат на повластена стапка на ДДВ, тоа ќе биде корегирано на следната седница на Владата“ напиша министерот Бектеши и ги повика граѓаните да бидат спокојни.
„Граѓаните да бидат спокојни.Мерките кои ги носиме за заштита на стандардот на граѓаните даваат резултати.Цените на основните прехранбени производи можат само дополнително да се намалат, но не и да се зголемат“ напиша министерот Бектеши на својот Фејсбук профил

The post Бектеши: Граѓаните да бидат спокојни, цените на основните прехранбени производи нема да се зголемат appeared first on Република.

Министерот за економија Крешник Бектеши денеска на својот фејсбук профил информира дека цените на безалкохолните и алкохолните пијалаци ќе се намалат за 10 отсто во наредниот период.

Тој информира дека добил неколку писма од домашни производители на минерална вода, сокови и пиво кои го известиле дека доброволно се вклучуваат во кампањата „гарантирана цена”.

-Намалување на цените на безалкохлните и алкохолните пијалоци! Денеска добив неколку писма од нашите домашни производители на минерална вода, сокови, пиво кои ме известија дека доброволно се вклучуваат во кампањата „гарантирана цена” со намалување на цените од минимум 10 отсто!, наведува Бектеши на својот Фејсбук профил и изразува благодарност за подршката.

The post Бектеши: Намалување на цените на пијалаците наредната недела appeared first on Република.

Министерот за економија, Крешник Бектеши тврди дека тој и институцијата, но и Владата, не посредуваат помеѓу Слупчане и ЕВН. Според него, барањето на ВМРО-ДПМНЕ да тој да каже што е договорено и дали ќе се простуваат долгови на жителите е спин, а со ова се креираат и лажни вести. Не знае што се збори два дена меѓу слупчанци и ЕВН.

Демантирам дека претставници од Министерството за економија, некој од Владата или јас, учествува во преговори кои се водат меѓу ЕВН и претставници на Слупчане. Имајќи во предвид заложбите на Владата како институции кои ја следат енергетиката, ние даваме пораки во насока кон тоа да се намалат загубите кај државата. Но најверојатно, спиновите од опозициските партии, пренесуваат лажни вести кон граѓаните бидејќи прават споредба со села или регони, а кога ќе се отворат теми за кои тие треба да дадат одговор. А уште не се дадени одговорите дали општините кои се раководени од нивни кадри, се завршени извештаите за злоупотребите кои се прават таму во делот на електричната енергија, а се многу поголеми. Загубите на електрична енергија се многу помали од вредноста не белата палата во која ги креираат лажните вести“, кажа Крешник Бектеши.

Тој кажа дека се залага за правна држава, а сите граѓани да ги плаќаат обврските кои ги имаат.

Конкретни информации за тоа што е разговарано или договорено меѓу Слупчане или ЕВН – ние немаме. Ако имаат тие потреба да олесниме или помогнеме, ние сме тука, како и за сите граѓани со цел да го олесниме процесот. Би ги замолил и политичките партии и медиумите да не даваме лажни информации дека одредени места крадат или злоупотребуваат електрична енергија. Да ја гледаме големата слика на ниво на државата“, додаде Бектеши.

Слупачне двапати остана без струја оти не даваа екипите на ЕВН да влезат и да ја модернизираат мрежата оти таму има големи загуби според компанијата. Наместо слободен пристап до трафостаницата, вработените во компанијата тврдеа дека се соочуваа со вербални и физички напади.

The post Бектеши тврди дека не посредува меѓу Слупчане и ЕВН appeared first on Република.

Министерството за економија ги повикува сите граѓани во државата редовно да си ги подмируваат обврските кои ги имаат кон енергетските компании.

Секој граѓанин кој се  снабдува со електрична енергија во државата има обврска да плати за електрична енергија толку колку што потрошил.

Министерството за економија согласно надлежностите кои произлегуваат од Законот за енергетика, креира клима со цел да се намалат загубите во пренос и дистрибуција на електрична енергија како и неовластено користење на електрична енергија.

Затоа повикуваме дека секој граѓанин треба да плати за тоа што го потрошил бидејќи така функционира пазарната економија.

Ги повикуваме сите надлежни институции да постапат согласно нивните надлежности и да се реши проблемот со снабдување со електрична енергија во Слупчане и околните села и да се овозможи работа на екипите на ЕВН Македонија.

The post Бектеши: Сите граѓани треба да плаќаат струја колку што потрошиле, надлежните институции да постапат во решавање на проблемот appeared first on Република.

Бектеши ја брани одлуката за спојување на рудници, пола влада вели дека била излажана. Имаа владина седница пред некој ден ни „а“ ни „б“ поврзано со концесијата и секој ден ги гледаме лажат ли лажат, подлабоко запаѓаат во мочуриштето, изјави претседателот на ВМРО-ДПМНЕ, Христијан Мицкоски по денешната средба со Стопанска комора на Македонија одговарајќи на новинарско прашање за рудникот Иловица.

Мицкоски потенцира дека тука се е јасно, односно дека владата брани приватен интерес на компанија која е блиска до ДУИ и оди против интересот на граѓаните од тој крај.

Јасна е тука целата ситуација, а тоа е дека се брани приватен интерес на сметка на колективниот интерес на граѓаните во тој регион. Многу е јасна конјуктурата на проблемот и граѓаните знаат кој е тука вистинскиот проблем, кој е оној кој ги штити нивните права и интереси, а кој го штити правото и интересот на приватниот инвеститор кој е близок до оваа влада и е близок до ДУИ<, рече Мицкоски.

The post Мицкоски: Секој ден ги гледаме лажат ли лажат, подлабоко запаѓаат во мочуриштето appeared first on Република.

ДУИ е демократска партија која одлучува со мнозинство, и секоја политичка партија која се кажува како демократска, значи треба на таков начин да работи, а мнозинството и одлуките на мнозинството ги пренесе претседателот и портпаролот на партијата господинот Османи, истакна министерот за економија, Крешник Бектеши, на прашањето поврзано со последната изјава на „Огнената група“ дека не се повлекуваат од намерата да делуваат како фракција.

Со оглед на тоа дека станува збор за внатрепартиски проблеми, министерот Бектеши не навлезе во повеќе детали, но појасни дека со одлука на претседателството на партијата може секој член на претседателството да одговори на такви прашања.

„Огнената група“ од Демократската унија за интеграција претходно на прес-конференција информира дека од денеска и официјално ќе настапува како фракција на партијата. Градоначалникот на Чаир, Висар Ганиу на прес-конференцијата рече дека се обврзуваат да бидат гласот на сите Албанци.

https://republika.mk/vesti/makedonija/medhiti-i-ofitsijalno-sme-fraktsija-na-dui/

- За жал, три години по ред алармираме дека не се почитуваат Статутот и програмата на ДУИ, што најдобро го докажува неформирањето на партиски тела за овие години. Денеска стоиме пред вас како фракција и се обврзуваме дека ќе бидеме гласот на потребите и барањата, не само на нашиот електорат, туку на сите Албанци и овој глас нема никој да го замолчи. За нас гласот на народот е сè, затоа што ова е гласот на разумот и ќе го покажеме на дело правилното, принципиелното и сеопфатното функционирање, изјави Ганиу.

The post Бектеши: ДУИ е демократска партија која одлучува со мнозинство appeared first on Република.

Идната недела ќе се направат анализи и ќе се утврди дали ќе бидат замрзнати цените и на шеќерот, јацата и оризот, рече денеска министерот за економија Крешник Бектеши.

The post Идната недела можно замрзнување на цените и на шеќерот, јацата и оризот appeared first on Република.

Родовата еднаквост е предуслов за слободно, развиено, демократско, праведно и отворено општество. 8-ми Март е Меѓународен ден на жената преку кој се одбележува борбата за политичка, економска и социјална рамноправност помеѓу жените и мажите. За да го испочитуваме овој меѓународен празник треба секојдневно да дејствуваме против родова стереотипизација.

Чест ми е денеска да кажам што во Министерството за економија со кое што јас раководам, поголем дел односно 65 % од вкупниот број на вработени се жени, објави ан својот Фејсбук профил Министерот за економија Крешник Бектеши.

The post Бектеши го честита 8-ми Март-Меѓународниот ден на жената: На вкупно 66% од раководните позиции во Министерството за економија се жени appeared first on Република.

До крајот на неделата ќе се донесе одлука за замрзнување на цените на тестенините, а се прават анализи за можноста за замрзнување на цената на млечните производи. Согласно анализите на Министерството за економија од информации на производителите, цената на малсото за јадење во наредните 10 дена ќе биде под 100 денари за литар, кажа министерот за економија Крешник Бектеши во вечерашното гостување на 24 Анализа на Телевизија 24.

„Во текот на оваа недела ќе се донесе одлука за замрзнување на цени на други прехранбени производи, се прават анализи од страна на Министерството за економија во делот на увозни цени, се разговара со здруженијата во рамки на Коморите и се земаат податоците од Државниот пазарен инспекторат. Најверојатно до крајот на неделата ќе има одлука за замрзнување на цените на тестенините, односно за макарони и шпагети. Минималното намалување ќе биде 10% од постоечките цени на овие тестенини, според првичните анализи, но убеден сум дека намалувањето ќе биде и поголемо имајќи во предвид дека имаме цени од одредени тестенини кои во моментов се продаваат по 51 денар, тие нема да бидат повеќе од 44 денари, имаме тестенини кои се продаваат од околу 60 денари, тие нема да бидат ппвеќе од 52 денари, ќе има големо намалување во тој дел“ кажа министерот Бектеши.

Министерот кажа дека одредени прехранбени компании веќе самостојно најавија намалување на цените на нивните производи и ги повика и другите компании да го следат примерот.

„Имавме денеска најави од страна на одредни производители на основни производи за намалиување на нивните цени и сакам да ги ограбрам другите производители сами да донесат одлука за налување на цените без одлука на Влада. Во случај ако тоа не се прави самостојно, а анализите покажуваат простор за намалување тогаш ќе донесеме одлука и за други производи, а тука генерално влегуваат млечни производи“ кажа Бектеши.

Во делот на маслото за јадење како што кажа министерот, во наредните 10 дена се очекува сите производители да имаат цена под 100 денари за литар.

„Ако правиме споредба пред да почне поддршката од владата, кога цената на маслото за јадење бењше 150-160 денари речеси 60-70% ќе има намалување и потоа ќе продолжиме и со другите производи“ кажа министерот.

The post Бектеши: До крајот на неделата ќе се донесе одлука за замрзнување на цените на тестенините, намалувањето ќе биде минимум 10% appeared first on Република.

Министерот за економија Крешник Бектеши денеска рече дека има можност да се врати дневната евтината тарифа на струјата.

Како што истакна Бектеши во обраќањето на настанот по повод презентацијата на студијата „Ефектите од кризата со храна и енергија врз децата и семејствата во Македонија“, од март ќе се зголеми минималната плата.

Тој најави и дека ќе се донесат неколку административни одлуки за да се заштитат, како што истакна, најранливите категории граѓани.

-Ќе се зголемат линеарно и платите во администрацијата што ќе следи со зголемување на платите и во приватниот сектор, но, за жал, ќе се донесат и неколку административни одлуки за да се заштитат тие што се најранливи. Има дополнителна можност со новата одлука од 1 јули да се помогнат пензионерите и тие што се невработени, има можност да се врати дневната евитната тарифа на електрична енергија што ќе биде дополнитлена можност за тие што се дома во тој период од денот и на индиректен начин да бидат поддржани, рече Бектеши.

The post Има можност да се врати дневната евтина тарифа, најави Бектеши appeared first on Република.

Во наредниот период ќе се формира работна група составена од претставници од Министерството за економија, Македонската енергетска асоцијација(МЕА), Регулаторната комисија за енергетика(РКЕ) како и релевантните институции во областа на енергетиката која ќе работи на воведување на нова легислатива со која ќе се отвори можност за складирање на електричната енергија од обновливи извори, кажа министерот за економија Крешник Бектеши по денешниот состанок со претседателот на МЕА, Кочо Анѓушев и претседателот на РКЕ, Марко Бислимоски. На состанокот присуствуваа и претставници од МЕПСО и ЕВН.

Ќе биде формирана Работна група во која ќе бидат вклучени претставници на сите релевантни институции и на МЕА кои ќе работат на изготвување на нова легислатива за можноста за складирање на електричната енергија од обновливи извори на енергија и од страна на државата и од страна на приватни инвеститори, имајќи ги во предвид инвестициите кои што се рализираат и ќе се реализираат во наредниот период од обновливи извори на енергија посебно од фотонапонски централии, кажа министерот Бектеши.

Министерот потенцираше дека Министерството за економија континуирано работи градење на енергетскиот систем во државата и забрзување на енергетската транзиција.

Има „бум“ во производство на електрична енергија од обновливи извори во државата сакам да ги повикам инвеститорите да ги следат сите процедури во случај да не дојде да имаме многу поголемо производство од потребите кои ги има државата. Согласно Стратегијата за развој на енергетика лимитирано е колкаво може да биде производството на електрична енергија од обновливи извори , посебно од фотонапонски, ветерници, биомаса итн“ кажа Бектеши.

Министерот информираше дека во моемнтот се работи и на Индикативен план со кој ќе биде утврдена постапката и процедурите кои треба да ги поминат сите инвеститори за поедноставно реализирање на инвестицијата и да имаат предвидливост, се со цел нивните инвестиции да бидат профитабилни и да се знае постапката во делот на можностите на преносниот систем и на дистрибутивниот систем за да може да ја прими таа електрична енергија која што ќе се произведува од фотонапонски централи.

Како што кажаа од МЕА, големата инсталирана моќност на електрани од обновливи извори на енергија во текот на минатата година, а особено на фотоволтаични електрани, сега може да предизвика штета на преносниот систем и мрежа во Македонија. Од Асоцијацијата побара да биде законски регулирана струјата што се произведува од многуте фотонапонски централи кои се градат и допрва ќе се градат, со складирање на електричната енергија во таканаречени „сториџи“.

The post Бектеши: Со складирање на електричната енргија ќе се регулира „бумот“ во производство на струја од обновливи извори appeared first on Република.

The post Бектеши им се извини на новинарите appeared first on Република.

Компаниите кои што произведуваат основни прехранбени производи и се се регистрирани со шифри на дејност 10.41, 10.51, 10.61, 10.71 во кои спаѓаат производителите на масло за јадење, леб и пекарски производи, брашно, млеко и млечни производи како и производители на јајца ќе имаат фиксна цена на електрична енергија. Оваа цена на струја која што ќе ја обезбеди Владата ќе биде помала од 100 евра за мегават час, што е двојно пониска од цената на регулиран пазар, кажа министерот за економија Крешник Бектеши по денешната средба со претставници од прехранбената индустрија.

Како што кажа министерот ова е една од мерките кои ги вети Владата за поддршка на прехранбената индустрија, а која ја реализира Министерството за економија.

Работиме заедно со производителите на преханбени производи во креирањето на мерки со цел сите заеднички да придонесеме во ублажувањето на кризата било тоа економска, финансиска или енергетска. Како што најавивме и претходно и премиерот Димитар Ковачевски и ние како Министерство за економија, веќе ги подготвивме сите мерки се со цел да им излеземе на пресрет на тие компании кои ги преизведуваат основните преханбени производи„ изјави Бектеши и додаде дека овие мерки се со цел компаниите, пред се производителите на основни прехранбени производи да имаат предвидливост и на таков начин да можеме да влијаеме и врз цените на финалните производи кои се произведуват и се продават од овие компании.

Како што кажа министерот, предлогот е доставен до Стопанските комори, а со него е предвидено мерката за субвенционирање на цената на електричната енергија за прехранбената индустрија да трае до крајот на април

ЕСМ Продажба ќе ги снабдува со електрична енергија овие компании, согласно разговорите со Министерството за финансии, пи финансискиот простор што го имаме. Според првичните пресметки тоа ќе биде најверојатно под 100 евра на мегават час, што значи дека ќе биде двојно пониска од тоа што во моемнтов е на регулиран пазар, а речиси тројно или повеќе од тоа што е на отворен пазар,  што значи дека  секако ќе се намалат оперативните трошоци на компаниите до крајот на април и на таков начин може да направат дополнителни калкулаци во делот на одредување на крајната цена”, изјави Бектеши.

Министерот најави дека на ист начин и речиси слични одлуки веќе се подготвени од Министерството за економија во соработка со ЕСМ со другите енергетски компании и за основните и средни училишта, болници, јавни претрпијатија, а одлуката за нив ќе биде донесена до крајот на неделата.

Овој е еден сериозен и добар исчекор на напред во однос на тоа дека ќе добиеме пониска цена на елекрична енергија која ќе овозможи цените на основните производи коишто се произведуваат со овие шифри на дејност да биде со цена која што ќе биде прифатлива за крајните консументи. Покрај овој добар изчекор и понатака ние би очекувале и некои соодветни други изчекори кои би можеле уште повеќе да дојдат до ситуација цената на производите во тешкиот период да се спушти на уште пониско посоодветно ниво„ кажа Горан Ѓоргиевски од Сојуз на стопански комори, претставник од пекарската индустрија по состанокот со министерот Бектеши.

На крајот на прес-конференцијата за медиумите, министерот Бектеши исто така најави дека како една од мерките за стабилно обезбедување на електрична енергија е дека од 1 ноември ќе почне да со работа и ТЕ-ТО од каде ќе се обезбедат дополнителни количини на електрична, а со тоа и топлинска енергија.

The post Бектеши: Ќе обезбедиме двојно поевтина електрична енергија на компаниите кои произведуваат основни прехранбени производи appeared first on Република.