Претседателот на Владата Христијан Мицкоски заедно со заменик-претседателот на Владата и министер за транспорт Александар Николоски денеска ќе извршат надзор во работата на автопатската делница Гостивар - Букојчани.

По извршениот надзор предвидено е изјава за медиуми да даде претседателот на Владата, Мицкоски.

The post Премиерот Мицкоски на увид во работите за изградба на автопатската делница Гостивар – Букојчани appeared first on Република.

Автопатот кон Блаце по траса за жнеење милиони на блиски до СДС и ДУИ, наместо автопат имаме пустелија. Автопатот од Скопје до Блаце во должина од само 10 километри е испроектиран од страна на СДС и ДУИ да ја чини државата 300 милиони евра. Трасата поминува по имоти кои подоцна биле купувани од лица блиски до тогашната власт, велат од ВМРО-ДПМНЕ.

-Врхушката на СДС и ДУИ, сакала да профитира од експропријацијата. Народот очекува одговор за тоа дали власта сакала да си инкасира милиони преку блиски лица. Информирано е јавното обвинителство и се чека да се покрене постапка. Трасата треба да се препроектира и да се добие автопат по помала цена. Државата ќе нема загуба, туку блиски лица на поранешната власт на СДС и ДУИ, се наведува во партиското соопштение.

Од ВМРО-ДПМНЕ порачуваат: „Македонија нема 300 милиони евра за фрлање за автопат од 10 километри“.

-СДС и ДУИ, не работеле за да направат автопат, туку да инкасираат милиони. Неодговорното и неспособно работење и однесување завршува со нив, велат од ВМРО-ДПМНЕ.

The post ВМРО-ДПМНЕ: Автопатот кон Блаце по траса за жнеење милиони на блиски до СДС и ДУИ, наместо автопат имаме пустелија appeared first on Република.

На автопатот М-11 Нева што води од Москва кон Санкт Петербурб во Русија, се поставени  „музички“ ознаки, коишто на возачите им помагаат да не заспијат зад воланот додека се движат патот.

Тоа што е карактеристично за овие ознаки е тоа што кога се поминува преку нив се создава музички ефект со кој возачите можат да слушнат фрагмент од славната традиционлна руска композиција „Калинка-Малинка“.

The post На автопат во Русија поставени „музички ознаки“ со кои ја слушате славната „Калинка“ кога минувате преку нив appeared first on Република.

Делчевец стана хит на социјалните мрежи откако беше споделено видеото на кое се гледа како вози со целосно извртено предно тркало. Инцидентот е снимен на обиколницата на Риека, Хрватска, каде тој со својата „фиат панда“ возеше по левата трака.

The post Делчевец возеше на три тркала по автопат appeared first on Република.

Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската делница Скопје-Тетово.

Инвестицијата е вредна 9,1 милиони евра.

Тој на својот профил објави: Продолжуваме со засилено темпо на работа. Видео од реконструкцијата на автопатот Тетово - Скопје на делот пред Скопје, проект на Јавното претпријатие за државни патишта.

Ќе ја направиме Македонија поубаво место за живеење, објави министерот Николоски

The post Македонија ќе биде поубаво место за живеење: Николоски објави видео од реконструкцијата на автопатот Тетово – Скопје appeared first on Република.

Србинка била најдена повредена покрај коловозната лента на автопатот А1 на делницата од Демир Капија до Неготино, после наплатната станица „Демир Капија“. Како што информира Министерството за внатрешни работи, полициски службеници од ОВР Неготино ја пронашле С.М.(49) од Србија, која била со повреди на телото, откако претходно физички се пресметала со сопругот во нивниот автомобил.

Во разговор со македонската полиција, сопругот Б.М. (52) од Србија раскажал дека враќајки се со сопругата и нивните малолетни син и внука од одмор од Грција, С.М., која имала здравствени проблеми, го нападнала во автомобилот, по што тој запрел, ја оставил С.М. покрај патот и заминал со децата кон граничниот премин „Табановце“.

На повредената жена и била укажана лекарска помош од страна на Итната медицинска помош од Неготино, по што е пренесена во здравствената установа „Негорци“. Од МВР информираат дека за настанот бил известен и јавен обвинител и се преземаат мерки за целосно расчистување.

The post Маж и жена од Србија се степале во автомобил, па сопругот ја исфрлил покрај автопат во Демир Капија appeared first on Република.

Патниот правец Елбасан - граничен премин Ќафасан, кај Струга, кој е  дел од Коридорот VIII, веќе е отворен за сообраќај на возила,  по две ленти, објави албанскиот премиер Еди Рама денеска на социјалните мрежи споделувајќи видеозапис.

Дел од патниот правец  Елбасан-Кафасан,  дел од Коридорот VIII, веќе е пуштен во употреба за сообраќај, на кој е поставена и потребната патна сигнализација, напиша Рама.

Овој патен правец радикално ќе ги скрати растојанијата и ќе се претвори во меѓуградски пат со четири ленти, како дел од коридорот 8, веќе вклучен во европската мрежа.

Патот Елбасан-Кафасан е од категоријата Б, со четири ленти,  по две од секоја страна, со разделници и сите параметри на патот, и со минимална брзина на движење од 110 километри на час.

Ако до сега за минување на патот од Ќафасан до Елбасан (50 км) беа потребни 1 час и 30 минути, оваа оддалеченост  ќе се минува за само 35 минути.

Изграден пред повеќе од две децении единствените инвестиции беа во неговото одржување. Проширувањето на патот ќе ги намали сообраќајните незгоди и честите блокади, го олеснува сообраќајот и го скратува времето на патување, како во правец кон Македонија, така и во правец кон Корча, со зголемување на максималната дозволена брзина, велат од државната агенција за патишта.

Почна да се гради во декември 2022 а целосно треба да заврши годинава.

The post Пуштен дел од автопатот од Елбасан до македонската граница appeared first on Република.

Српскиот министер за градежништво, сообраќај и инфраструктура, Горан Весиќ денеска нагласи дека заедно со Министерството за внатрешни работи се работи на измените на Законот за безбедност во сообраќајот, со кои значително ќе бидат построги казните за арогантните возачи и за оние кои не ги почитуваат прописите.

-Време е да се предвиди мерката одземање автомобил за оние кои возат во спротивна страна на автопат, оние кои возат брзо во населени места, во училишни зони и зони на пешачки премини. Дополнително, ќе биде забрането камионот да претекнува камион на автопат, што исто така е голем проблем. На камионите ќе им биде забрането да имаат товар кој не е покриен со церада, рече Весиќ за белградски медиуми.

Српскиот министер додаде дека очекува со построгите казни да се намали бројот на сообраќајни несреќи.

Во Србија утрово загина возач на автомобил при директен судир со автобус. Во сообраќајката се повредени 30 патници од автобусот.

The post Ќе се одзема автомобилот на оние што возат во спротивна лента на автопат appeared first on Република.

Претседателот на ВМРО-ДПМНЕ и иден мандатар, Христијан Мицкоски изјави дека автопатот кон Охрид треба да биде завршен до крајот на 2026 година, а за договорот со „Бехтел и Енка“ има две опции - да се раскине или да се репреговара.

Одговарајќи на новинарски прашања пред затворењето на Самитот Македонија 2025, Мицкоски најави дека во првите сто дена новата влада ќе објави гринфилд инвестиција во енергетиката, вредна 400 - 500 милиони евра. Како што кажа Мицкоски, се работи за приватен капитал, за голем играч со исклучително големи европски финансиски институции во акционерската структура. Обртот на компанијата би била околу 80 - 100 милиони евра по основа на продадена електрична енергија и истргувани зелени сертификати, а договорот со неа е завршен.

Според Мицкоски, ќе се произведува околу еден терават час електрична енергија што е една третина од производството на РЕК Битола.

За договорот со „Бехтел и Енка“ има две опции. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот. Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме, истакна Мицкоски.

На прашањето дали Унгарија е земјата со која нашата држава ќе повлече заем до една милијарда евра, Мицкоски одговори дека се работи за европска држава, која граѓаните многу наскоро ќе ја дознаат.

Заемот до една милијарда евра под исклучително поволни услови, кој би се повлекол со друга држава, на ниво влада со влада, за финансирање на лошите договори на актуелната влада, државите кои ги спомнуваа не се тие“ Се работи за европска држава, која граѓаните многу наскоро ќе ја дознаат, напомена Мицкоски.

Во врска со осигурувањето на автомобилите, Мицкоски го повтори ставот дека не е добро државата да ги диктира пазарните услови.

Пристапот каде државата ќе ги диктира пазарните услови по мене не е добар. Ценам дека владата треба да овозможи амбинет во кој бизнисот ќе се чувствува комотно да води бизнис, а политичарите да водат политика. Треба да ги видиме сите детали. Информациите со кои располагаме и кои доаѓаат од институциите се дека се случува буквално грабеж во Македонија. Повеќе од 85 отсто од буџетскиот дефицит планиран за цела година веќе е потрошен. Мислат дека на тој начин ќе ја отежнат работата на новата влада, но како многу пати досега, се преигруваат, рече Мицкоски.

The post Мицкоски: Новата влада ќе го репреговара договорот со „Бехтел и Енка“, а во првите сто дена ќе објави и инвестиција во енергетиката appeared first on Република.

Уривањето на автопатот во кинеската провинција Гуангдонг предизвика пад на повеќе возила, при што загинаа 36 лица, 30 беа повредени, објавија денеска државните медиуми, додека милиони Кинези патуваат за празникот Први мај.

Уривањето, предизвикано од силен дожд, се случило во средата околу 2 часот по полноќ на автопатот Меижоу-Дабу, пренесува новинската агенција Ксинхуа, додавајќи дека урнатиот дел бил долг 17,9 метри и предизвикал пад на 23 возила.

Меижоу е една од областите во Гуангдонг во јужна Кина, која е сериозно погодена од силен дожд и град од крајот на април, што доведе до опасни лизгања на земјиштето, поплавени куќи и уништени мостови.

Очевидци изјавија за локалните медиуми дека слушнале силна бучава и виделе дупка широка неколку метри отворена зад нив откако поминале дел од патот кој се срушил. Причината за несреќата се истражува.

The post Се урна автопат на југот на Кина, загинаа 36 лица appeared first on Република.

Европска Унија не ве спречува да градите фабрики, автопати… Србија, Црна Гора и Косово вложуваат во инфраструктура. Ако тргнете од Косово кон Македонија, возите по модерен, нов автопат, и кога ќе влезете во Македонија, нема ниту метар автопат, каде што има пат во катастрофална состојба, со искршени банкини, без светла во тунелите“, рече Влатко Ѓорчев, член на ИК на ВМРО-ДПМНЕ на гостувањето во Daily Click на ТВ21.

Ако ЕУ е подготвена за проширување, зошто нема за Албанија, Србија, БИХ. Во самата ЕУ тек се некои пошироки геополитички конфедерации, интереси кои ги гледаме, и самата ЕУ треба да каже дали навистина сака да има проширување на Западен Балкан. Го гледаме стагнирањето на Македонија во последните седум години, што нема во последните 100 години. Паѓа бројот на населени како никогаш до сега, сме имале 100 години иселување, но никогаш вака како во последните 7-8 години, рече Ѓорчев.

The post Ѓорчев: Од Косово кон Македонија возите по автопат, влегувате тука и нема ниту метар нов автопат appeared first on Република.

Вчера во 18.50 часот во СВР Велес било пријавено дека на автопатот Велес-Скопје, после наплатна станица Отовица, се случила сообраќајна несреќа помеѓу патничко возило „рено меган“ со скопски регистарски ознаки, управувано од И.К.(41) од Скопје и товарно возило „фап“ со гостиварски регистарски ознаки, управувано од З.Д.(57) од Гостивар.

Во несреќата со тешки телесни повреди се здобиле В.К.(39) и малолетник, двајцата од Скопје, сопатници во возилото „рено“. Тие биле пренесени во Комплексот клиники „Мајка Тереза“ во Скопје, каде што била констатирана смрт на В.К.. Со телесни повреди се здобиле две малолетни сопатнички во возилото „рено“, како и сопатникот во товарното возило, М.З.(65) од Гостивар, констатирани во болницата во Велес.

По овластување на јавен обвинител, увид на местото извршила екипа од СВР Велес.

The post Тешка сообраќајка на автопатот Велес-Скопје: Едно лице загина, двајца малолетници се повредени appeared first on Република.

Има пари за завршување на автопатот Кичево – Охрид, не се побарани нови, изјави денеска министерот за транспорт и врски, Благој Бочварски. Тој додаде дека сега е важно да се направат техничките решенија за свлечиштата кои се појавија на делницата.

Собранието на 1. април на итна седница на предлог на Владата изгласа нов рок за завршување на автопатот, крајот на декември 2026 година. Претходниот рок за овој автопат беше до 31 декември 2023 година.

Во однос на реализацијата на автопатот Кичево-Охрид веќе најавивме дека согласно насоките од надзорниот инженер и целиот тим кој работи од страна на надзорот и Фидик-експертите, беше дадена препорака за продолжување на рокот поради 13-те нови свлечишта коишто се појавија. Како што знаете, има сè уште средства кои се ставени на располагање за да бидат реализирани и токму поради тоа не се побараа нови за реализација на овој автопат. Средства има, важно е да се направат побргу техничките решенија за свлечиштата и да продолжи реализацијата и градбата на оваа делница од коридорот 8 - рече Бочварски.

The post За завршување на автопатот Кичево-Охрид има пари, тврди Бочварски appeared first on Република.

Собранието на денешната 150-та итна седница со 78 гласа „за“ даде поддршка на предлогот на Владата да се донесе по скратена постапка Предлог законот за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид.

Со овој предлог-закон се бара до крајот на 2026 година да се пролонгира рокот за завршување на автопатот Кичево-Охрид. Владата минатата недела на седница утврди предлог одредби за законски дополнувања со цел склучување нов, шести по ред анекс на Договорот за изградба со кинески „Синохидро“. Следни постапки за Предлог-законот се расправи во собраниската Комисија за транспорт, врски и екологија и Законодавно-правната комисија.

Министерот за транспорт и врски, Благој Бочварски во образложение на Предлог-законот истакна дека според добиените дописи, мислења и укажувања од страна на надзорот и ФИДИК експертот кој бил ангажиран од страна на Јавното претпријатие за државни патишта и Владата, прогресот на работите е 83,84 проценти, со што Владата прадлага до Собранието продолжување на рокот за реализација на овој проект.

Законот не повлекува дополнителни финансиски импликации. Причините за продолжување на рокот на реализација на овој проект се добро познати на јавноста – поради појавувањето во најголем дел на 13 нови свлечишта на самата траса за која е потребно дополнително проектирање на технички решенија со цел да се решат пропустите во техничката документација кои се пријавија при реализацијата на овој проект, рече тој.

Во однос на реализацијата на проектот по одделни објекти на трасата, Бочварски информира дека објектите се реализирани со 88 проценти, тунелите со 93 проценти, ископот на земјениот материјал со 83 проценти.

Владата, на предлог на Министерството за транспорт и врски, ја разгледа Информацијата за потребата од донесување Закон за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид, заради склучување Анекс бр.6 кон Договорот за изградба на автопат, делница Кичево – Охрид и ги утврди предлог одредбите на дополнувањето. Со утврдените законски дополнувања, 31.12.2026 година се предвидува како краен рок до кога изведувачот треба да ги заврши работите на оваа автопатска делница. Причина за пролонгирање на рокот за изградба се 13 нови свлечишта што се појавија на трасата, како резултат на првичниот несоодветен проект и предвремен почеток на изградба на оваа делница, информираше минатата недела владината прес-служба во соопштение по седницата.

Автопатската делница Кичево-Охрид на Коридорот 8 почна да се гради во февруари 2014 година. Изградбата на автопатот со вкупна должина од 57 километри првично беше проектирана на 374 милиони евра, а по неколку анекси на Договорот и продолжувања на роковите неговата цена достигна 598 милиони евра. Тој износ според Министерството за транспорт и врски нема да се менува и покрај пролонгирањето на рокот.

The post Собранието по скратена постапка изгласа пролонгирање на рокот за изградба на автопатот Кичево – Охрид до 2026-та година! appeared first on Република.

Владата на вечерашната седница одреди нов краен рок за изградба на автопатот Кичево – Охрид, кој веќе доцни со изградба. Новиот рок е до крајот на 2026 година, соопштија од Владата.

Автопатот првично беше предвиден да биде готов до 31 декември 2023 година, но се пролонгираше неговата изградба.

Владата, на предлог на Министерството за транспорт и врски, ја разгледа Информација за потребата од донесување Закон за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид, заради склучување Анекс бр.6 кон Договорот за изградба на автопат, делница Кичево – Охрид и ги утврди предлог одредбите на дополнувањето.

Со утврдените законски дополнувања, 31.12.2026 година се предвидува како краен рок до кога Изведувачот треба да ги заврши работите на оваа автопатска делница. Причина за пролонгирање на рокот за изградба се 13 нови свлечишта што се појавија на трасата, како резултат на првичниот несоодветен проект и предвремен почеток на изградба на оваа делница, стои во соопштението на Владата.

The post Владата одреди нов рок: До крајот на 2026 година треба да се изгради автопатот Кичево-Охрид appeared first on Република.

Албанија на почетокот на април планира да го отвори автоатот кој ќе го спојува градот Елбасан со граничниот премин Ќафасан на границата со Македонија.

Автопатот почна да се гради пред две и пол години и за потребите на оваа инфраструктура во Албанија се измести од коритото една река.

Охрид и Стурга од април подобро ќе се инфраструктурно поврзани со Тирана од колку со Скопје.

The post Албанија наскоро го отвора автопатот од Елбасан до Ќафасан appeared first on Република.

Владата, на денешната седница, ја разгледа и усвои и Информацијата за Договорот за изградба на автопат А2, делница Кичево – Охрид. Притоа, потврдено е дека изградбата на автопатската делница Кичево - Охрид е приоритет. И Владата, преку Министерството за транспорт и врски и Јавното претпријатие за државни патишта е определена да се продолжи со нејзината доизградба, како дел од европскиот Коридор 8, информира владината прес-служба.

Владата ги овластила Кабинетот на заменикот претседател на Владата задолжен за економски прашања, координација на економските ресори и инвестиции, Министерството за транспорт и врски и Јавното претпријатие за државни патишта, да отпочнат преговори со изведувачот, за склучување анекс на договор, за продолжување рок за изведба, со искористување на веќе обезбедените финансиски средства за доизградба на автопатот Кичево – Охрид. Истовремено, нагласуваат од Владата, изведбата на делницата, ќе продолжи во континуитет да се реализира.

Одлуката е донесена по Информацијата од Јавното претпријатие за државни патишта, базирана на доставени наоди од Главен Надзор и Надзор на тунел, дека поради реални причини, има потреба од продолжување на крајниот рок, 31 декември 2023 година, за изведба на градежните работи на овој автопат, а при тоа земајќи го предвид фактот за досега реализираниот висок степен на физички извршените работи и решени отворени прашања, велат од Владата.

Првичниот проект за автопатот Кичево - Охрид, како што е оценето, беше со бројни пропусти во проектирањето, но, како што се нагласува во соопштението од денешната владина седница, со фокус на Владата и надлежните институции кон важноста на делницата, во голем дел тие се надминати и како што е оценето, во континуитет се создаваат услови за негово завршување.

The post Автопатот Кичево – Охрид е приоритет и продолжува да се гради, уверува владата appeared first on Република.

Поради поплавите од претходните денови автопатот Атина –Солун сѐ уште е затворен за сообраќај во двата правци во делот околу Лариса, а според портпаролот на грчката Влада Павлос Маринакис, во тек е работа на патот за да може набргу да се отвори, јави дописничката на МИА од Атина.

На денешниот редовен брифинг со новинарите во однос на состојбата на патната мрежа по невремето „Даниел“, Маринакис рече дека се отворени сите главни патишта меѓу Лариса, Кардица и Трикала, а пуштен е сообраќајот и на релација Трикала-Кардица.

Сообраќајот на автопатот Атина- Солун и во двата правци е во прекин од саботата, а завчера, најавите беа дека ќе бидат потребни најмалку два дена решавање на проблемот со поплавата

The post Автопатот Атина – Солун сѐ уште затворен за сообраќај appeared first on Република.

Најмалку два дена ќе бидат потребни за да се реши проблемот со поплавата на автопатот Солун – Атина, со што и понатаму останува затворен за сообраќај делот околу Лариса и во двата правци, а возилата се пренасочуваат по алтернативни патишта, јави дописничката на МИА од Атина.

Уште поголем е проблемот во железничкото поврзување на Атина и Солун со оглед на тоа што штетата на железничката мрежа се огромна, а санирањето ќе трае подолг временски период.

Патната и железничката структура во поплавените подрачја, заедно со обезбедување помош за жителите на 21 село во Тесалија погодено од невремето „Даниел“, испумпување вода, отворање патишта биле темите разгледани на утринскиот состанок на Координативниот оперативен центар во периферијата Тесалија, на кој присуствувале надлежните министри и заменици.

Седум од 21 село се без патен пристап бидејќи нивото на водата сè уште не е намалено, а екипи на Противпожарната служба, армијата и периферијата, во соработка со општините обезбедуваат вода, храна, гориво за генератори или што и да побараат месните заедници и жителите.

На состанокот било истакнато прашањето за јавното здравје, а Министерството за здравство упатува апел до жителите да ги следат упатствата за заштита.

До утрово биле собрани и кремирани или закопани над 15.000 мртви животни согласно санитарните прописи, од кои 7.750 вчера, а вниманието на надлежните сега е насочено кон угинатите животни кои се во затворени простори.

The post Автопатот Солун – Атина останува затворен уште најмалку два дена appeared first on Република.

Најмалку два дена ќе бидат потребни за да се реши проблемот со поплавата на автопатот Солун – Атина, со што и понатаму останува затворен за сообраќај делот околу Лариса и во двата правци, а возилата се пренасочуваат по алтернативни патишта, јави дописничката на МИА од Атина.

Уште поголем е проблемот во железничкото поврзување на Атина и Солун со оглед на тоа што штетата на железничката мрежа се огромна, а санирањето ќе трае подолг временски период.

Патната и железничката структура во поплавените подрачја, заедно со обезбедување помош за жителите на 21 село во Тесалија погодено од невремето „Даниел“, испумпување вода, отворање патишта биле темите разгледани на утринскиот состанок на Координативниот оперативен центар во периферијата Тесалија, на кој присуствувале надлежните министри и заменици.

Седум од 21 село се без патен пристап бидејќи нивото на водата сè уште не е намалено, а екипи на Противпожарната служба, армијата и периферијата, во соработка со општините обезбедуваат вода, храна, гориво за генератори или што и да побараат месните заедници и жителите.

На состанокот било истакнато прашањето за јавното здравје, а Министерството за здравство упатува апел до жителите да ги следат упатствата за заштита.

До утрово биле собрани и кремирани или закопани над 15.000 мртви животни согласно санитарните прописи, од кои 7.750 вчера, а вниманието на надлежните сега е насочено кон угинатите животни кои се во затворени простори. 

The post Автопатот Солун – Атина ќе остане затворен уште најмалку два дена appeared first on Република.