Миле Лефков, член на ИК на ВМРО-ДПМНЕ и пратеник денеска на прес - конференција повторно побара од  актуелниот претседател на СДСМ и поранешен министер за здравство Венко Филипче да одговори како се стекнал со хациенда на Водно  и џип Ауди Q8, а од Државната комисија да го истражи неговиот имот.

-Каде се сокри Филипче или нема одговор како се стекнал со луксузната хациенда на Водно и џип Ауди Q8? Филипче да каже како семејниот имот му се зголемил за луксузна хациенда од 1 милион евра на Водно и како е платена, со кои пари и како се заработени? Филипче да каже како го купил џипот кој го вози или е на друго име и зошто тој некој му го дал да го вози? Со што Филипче задолжил некого толку многу за истиот да му даде на користење луксузен џип Ауди Q8, праша пратеникот Лефков.

Тој од Филипче побара да каже и како неговиот семеен имот, како што вели, се зголемил во милионски износ во време додека тој е на функција или непосредно после тоа.

-Дали милионските тендери во здравството играле улога во зголемувањето на имотот на Филипче? ДКСК да го истражи имотот на Филипче.
Одговорност мора да има, порача Лефков на прес - конференцијата во седиштето на ВМРО-ДПМНЕ.

The post Филипче да одговори како се стекнал со луксузна хациенда на Водно и џип Ауди Q8 ? appeared first on Република.

Венко Филипче да каже како со плата се купува Ауди Q8 и се гради хациенда на Водно?, го повика Миле Лефков, член на ИК на ВМРО-ДПМНЕ и пратеник.

Чиво е „ауди-то“ со кое Венко Филипче се вози, и дали е на негово име или на некој друг, ако е на друго име, кој е тој што на Филипче му дал да вози кола од 250.000 евра и со кој мотив? Дали луксузното „ауди Q8“ кое го вози Филипче е награда за некој од десетиците милионски тендери и дали народот страдаше 7 години за сега Филипче да се вози во скапи џипови? Филипче да каже и како неговото семејство се стекна со хациенда на Водно и колку пари е платена истата? Филипче да каже дали добитниците на тендери во здравството морале да влегуваат во дилови со него или нему блиски? ДКСК и ЈО да отворат истраги за имотот на Филипче, но и тој кој истиот го користи, а за кој постои сомнение дека може да станува збор за скриен имот. Филипче да не се крие зад политичката позиција и да каже како се станува милионер со плата. Ова е грдото лице на СДС и ДУИ, кое никогаш не смее да се врати, рече на денешната прес-конференција Лефков.

https://youtu.be/8SUkB2YcWBQ?si=zt5VRZAKUjJvwjPv

The post Филипче да каже како со плата се купува „ауди Q8“ и се гради хациенда на Водно? appeared first on Република.