Немавме доверба дека ќе се прифати францускиот предлог во нашиот Парламент, но се случи тоа, иако една од партиите во коалиција излезе од Владата, а овој предлог кој е проевропски се надеваме дека ќе ги врати на маса преговорите, бидејќи Бугарија ќе стане полноправна членка само тогаш кога и сите соседи ќе станат дел од ЕУ, рече денеска пратеникот и поранешен министер за животна средина во Бугарија, Станислав Анастасов.

Анастасов кој беше еден од панелистите на конференцијата „QVO VADIS EVROPA 2022? Поттикнување на проширувањето и интеграцијата на ЕУ”, смета дека е потребно да се работи и од бугарска перспектива за да се одржуваат билатералните односи.

Тој рече и дека лично многу се радува што македонскиот е веќе и официјален јазик во ЕУ. Тоа е, нагласи, многу добра новина.

Потребно е да се работи и од бугарска перспектива да се одржуваат билатералните односи бидејќи во моментов се најниско можно ниво, рече Анастасов.

Конференцијата се одржа пред почетокот на осмиот конгрес на ЛДП на кој се очекува Моника Зајкова да биде избрана за нов партиски лидер.

The post Станислав Анастасов, поранешен бугарски министер: Потребно е да се работи и од бугарска перспектива за да се одржуваат билатералните односи appeared first on Република.

Ковачевски е делегиран човек од еден или од два центри на моќ и без никаков легитимитет мисли дека е премиер на оваа држава и влече потези, дали на некого му се допаѓаат или не. И тој трча зад проблемите како и секој лош лидер и секој лош премиер. Тој трча зад проблемите, не решава проблеми, нема ниту еден проблем решено“, истакна Петар
Атанасов во гостување во емисијата „Што не е јасно“ на Алфа телевизија.

Атанасов додаде дека Ковачевски и СДСМ не заслужуваат да ја водат Македонија заради лошата и неспособна политика. Оваа гарнитура на власт не разликува што е државен, а што е национален интерес.

Во овој момент Македонија никаде не оди со овој премиер. Веројатно овие кои што му ги пишуваат говорите сега се добри, па убави говори му пишуваат. Но, во вчерашниот говор има политички грешки многу особено за внатрешни интеграции и социјалните елементи“, рече Атанасов.

Тој посочи дека не е национален интерес власта да и потпишува на една фрустрирана политичка елита од Софија се што замислила.

„Ковачевски и СДСМ како коалиција не заслужуваат веќе да ја водат Македонија! И тоа поради кадровската политика, лошата кадровска политика и заради многуте работи кои што ги направија погрешно. Они не разликуваат државен од национален интерес. Тоа е незамисливо за мене како човек кој што цел живот е со знаење и наука, што пледира да знаеме што правиме, ако сме мала држава. Ти можеш да ги браниш државните интереси во преговорите со Бугарија.

Државен интерес е Македонија да преговара веднаш, ама не е национален интерес да разговараме за Гоце Делчев. Не е национален интерес да им потпишувате на една фрустрирана политичка елита од Софија се што си замислила и сега ние да им ги исполнуваме желбите. Па не може тоа така“, нагласи Атанасов.

„Заради неспособноста, кадровската политика и заради трчање по проблемите, заради лошо решавање на националните интереси, особено во односите со Бугарија оваа Влада не заслужува повеќе да владее“, појасни Атанасов.

The post Атанасов: Ковачевски е делегиран од еден или два центри на моќ и е без легитимитет appeared first on Република.