Американскиот пејач и актер Арон Картер бил пронајден мртов во својот дом во Ланкастер во Калифорнија. Како што објави сајтот ТМЗ, телото на 34-годишниот Картер било пронајдено во када, откако полицијата добила пријава дека се удавил маж.

Причината за смртта засега не е позната. Официјално од полицијата изјавиле дека немало траги на насилство.

Арон Картер е помлад брат на пејачот на познатиот бенд „Бекстрит бојс“, Ник Картер. Тој се прослави деведесетите години на минатиот век. Објави пет студиски албуми, а првиот беше издаден кога тој имаше само девет години. Неговите први два албума достигнаа милионски тиражи.

Картер беше познат по пороците. Употреба на дроги, јавни семејни караници и ментални проблеми беа дел од неговата биографија. Во септември објави дека доброволно се пријавил на рехабилитација, но пред само неколку дена повторно бил уапсен поради возење во пијана состојба.

The post Пејачот Арон Картер пронајден мртов во када appeared first on Република.