Криминалец баран со потерница за казна затвор од 20 години вчера, во 17:10 часот, бил уапсен на ул. „Џумајска“ во Скопје. Д.Б. (45) од Скопје бил баран по централна потерница врз основа на наредба од Основен кривичен суд Скопје за затворска казна во траење од 20 години, во врска со повеќе кривични дела

При преглед кај лицето, пронајдени се фалсификувани хрватска патна исправа, лична карта и возачка дозвола. Д.Б. ќе биде предаден на надлежната казнено поправна установа, соопштуваат од МВР.

The post Kриминалец баран со потерница за казна затвор од 20 години уапсен во Скопје appeared first on Република.

Шпанската полиција го уапси поранешниот висок полицаец Оскар Санчез Гил, откако во ѕидовите и таваните на неговата куќа биле пронајдени 20 милиони евра.

Полицијата ги пронашла парите при рација во неговата куќа во градот Алкала де Енарес, кој се наоѓа на 30 километри источно од Мадрид, објави Гардијан.

Исто така, во канцеларијата на Санчез Гил биле пронајдени милион евра, скриени во два заклучени плакари, во банкноти од 50 до 500 евра. Санчез Гил и неговата партнерка се обвинети за трговија со дрога, перење пари, корупција и членство во криминална организација.

По појавувањето на судот во Мадрид минатата недела, на двајцата им беше одреден притвор. Санчез Гил, кој до неодамна беше началник на одделот за борба против измами и перење пари на шпанската полиција во Мадрид, беше уапсен заедно со уште 15 лица, меѓу кои и неговата партнерка, која исто така е полицаец во Мадрид.

Истрагата е поврзана со заплената на 13 тони кокаин, кој беше запленет минатиот месец во пристаништето Алгесирас на југот на Шпанија.

Кокаинот, кој бил скриен во кутии со банани, пристигнал од Гвајакил, најголемиот град во Еквадор, кој е познат како центар на трговијата со дрога.

Според информациите од истрагата, Санчез Гил бил под сомнеж од неговите колеги, кои го прислушувале неговиот телефон.

Официјални извори наведуваат дека тој бил осомничен дека најмалку пет години работел за дилери на дрога и дека им давал информации за надзор на контејнерите во шпанските пристаништа, што им овозможило да ги избегнат контролите.

The post Уапсен висок полициски службеник во Шпанија: Милиони евра скриени во ѕидовите на куќата appeared first on Република.

Вчера во 16.30 часот од страна на полициски службеници од Одделот за криминалистичка полиција - Сектор за општ и насилен криминал во содејство со СВР Тетово - Одделение за општ криминал од слобода бил лишен Ш.Ш.(41) од с.Порој поради основано сомнение дека е сторител на кривично дело „убиство“, извршено на 12.10.2013 на регионалниот пат од с.Пирок кон с. Жеровјане.

По наредба на Основен суд Тетово извршен е претрес во домот на Ш.Ш..

Против лицето е поднесена кривична пријава, при што од страна на Основен суд Тетово му е изречена мерка притвор од 30 дена, велат од МВР.

The post Осомничен за убиство по 10 години конечно уапсен appeared first on Република.

Полициски службеници од Одделот за криминалистичка полиција и Одделот за сузбивање на организиран и сериозен криминал, Единица за недозволена трговија со дрога, постапувајќи по претходно обезбедена наредба од судија на претходна постапка од Основен кривичен суд Скопје, во содејство со полициски службеници од Интервентна полиција од СВР Скопје извршија претрес кај Б.Ј.(39) во Скопје.

Како што соопшти МВР, при претресот во домот на Б.Ј. биле пронајдени 30 банкноти во апоени од по 20 евра, за кои постои сомнение дека потекнуваат од кражба на банкомати, пет пиштоли, една кеса со бела грутчеста материја, мобилни телефони и др.

Исто така, извршен е претрес на товарно моторно возило „мерцедес“ со скопски регистарски ознаки, при што биле пронајдени вреќи во кои имало 21 ќесиња марихуана и други предмети.

Пронајдените предмети се подигнати и предадени на вештачење. По целосно документирање на случајот, против Б.Ј. ќе бидат поднесени кривични пријави по член 396 „неовластено изработување, држење, поседување и тргување со оружје или распрскувачки материи“ и член 215 „неовластено производство и пуштање во промет на наркотични дроги, психотропни супстанции и прекурсори“ од КЗ, соопшти МВР.

The post Евра од ограбени банкомати, 21 ќеса марихуана, пиштоли: Интервентна уапси скопски криминалец appeared first on Република.

Денеска во 09.05 часот на бул. „Крсте Мисирков“ во Скопје полициски службеници од Оперативен тим потраги при СВР Скопје го лишија од слобода М.Л.(50) од Скопје, кој бил баран по централна потерница по наредба на Основен кривичен суд Скопје за затворска казна од две години и два месеца за сторено кривично дело во врска со чл. 418 -б, 418-в (трговија со малолетно лице и криумчарење мигранти) и член 273 (перење пари).

Лицето ќе биде предадено на надлежната казнено поправна установа, велат од МВР.

The post Фатен криминалец баран со потерница за перење пари и трговија со деца appeared first on Република.

Кубанската влада соопшти дека уапсила неколку лица кои организирале протести откако ураганот го остави островот без струја по втор пат во последните неколку недели.

Во Куба, која се уште е под комунистичка власт, уличните протести се ретки. Обвинителството соопшти дека лицата уапсени во Хавана и централните провинции се обвинети за напад, јавен неред и оштетување на имотот.

Карипскиот остров со 10 милиони жители остана без струја во средата откако ураганот Рафаел го погоди западниот дел на.

Пред само две недели ураганот Оскар усмрти осум лица на истокот од островот за време на прекините со струја во земјата поради дефект на најголемата електрана на островот и недостиг на гориво.

Владата соопшти дека половина од граѓаните на Хавана сега повторно имаат струја, но повеќето од главниот град и соседните провинции немаат.

Според обвинителството, приведените по протестот се товарат за „дела на агресија врз властите и територијалните инспектори, нанесување повреди и вознемирување на јавноста“.

Групата за човекови права Justicia 11J соопшти дека повеќе од 10 лица се уапсени во Гуанабакоа, град во предградието на Хавана. Прогонот на луѓето во главниот град продолжува“, напишаа тие на социјалните мрежи, додавајќи дека уапсените мирно учествувале во протестот, што самата група го документирала.

Невладината организација Кубалекс со седиште во Мајами во петокот објави дека осум лица се уапсени во Енкрусијада, централна Куба.

Куба со месеци страда од повеќечасовни прекини на електрична енергија и се наоѓа во центарот на својата најтешка економска криза од распадот на сојузникот Советскиот Сојуз во раните 1990-ти - обележана со зголемената инфлација и недостиг на основни производи.

Електричната енергија на островот се произведува од осум застарени електрани на јаглен, од кои некои се расипаа, како и седум пловечки електрани изнајмени од турски компании и голем број дизел генератори.

Покрај се поголемата загриженост за нестабилност во земјата, претседателот Мигел Дијаз-Канел предупреди дека неговата влада нема да толерира обиди за „нарушување на јавниот ред“.

Пред три години, на 11 јули 2021 година, илјадници Кубанци излегоа на улиците низ островот извикувајќи „Гладни сме“ и „Слобода! во редок повик до комунистичките власти. Според Justice 11J, со седиште во Мексико, по тие протести биле уапсени повеќе од 1.500 луѓе, од кои 600 се уште се во затвор. Некои добија затворски казни до 25 години.

The post Апсења во Куба по протестите поради прекини на електричната енергија appeared first on Република.

На 09.11.2024 во 22.50 часот полициски службеници од Полициската станица за граничен премин и граничен надзор Богородица, го лишиле од слобода Ф.Р.(20) од Р.Турција поради тоа што околу 22 часот на локалниот пат Стојаково-Богданци при извршен преглед во патничко возило „пежо“ со скопски регистарски ознаки, кое тој го управувал, биле пронајдени девет лица-мигранти, од кои седум од Ирак и двајца од Сирија.

Известен е јавен обвинител и по документирање на случајот ќе биде поднесен соодветен поднесок, а мигрантите биле пренесени во Прифатно-транзитен центар „Винојуг“-Гевгелија.

The post Лишен од слобода криумчар на мигранти appeared first on Република.

Интерпол финализираше мега операција во која се уапсени 2.500 лица поврзани со мафијата и организираниот криминал. Операцијата „Либерта II“ била спроведена во 116 земји и територии, во периодот од 29 септември до 4 октомври, а финализирана на 5 ноември, вклучувајќи ја Албанија и Македонија, објави Ора њуз.

Оваа операција на Интерпол е преземена во рамки на акцијата за борба против трговијата со луѓе.

-Интерпол успеа да спаси 3.222 потенцијални жртви, меѓу кои малолетници принудени да работат на фарми во Аргентина, мигранти во ноќни клубови во Албанија и во Македонија, питачи во Ирак, домашни работници на Блискиот Исток, додава телевизијата.

Операцијата овозможи да се откријат онлајн центрите за измами кои ги експлоатираат жртвите на трговија со луѓе. Поточно на Филипините, полицијата упадна во магацин каде што повеќе од 250 луѓе, главно Кинези, биле вклучени во измама.

The post Мега-операција на Интерпол во 116 земји, уапсени 2500 лица меѓу кои Албанци и Македонци appeared first on Република.

Германското федерално јавно обвинителство денеска соопшти дека осуммина осомничени членови на екстремно десничарска терористичка организација се уапсени во источногерманската покраина Саксонија и во Полска.

Како што јави ДПА повикувајќи се на властите, се претресуваат и околу 20 имоти. Претреси се вршат и во Австрија.

Обвинителството ги сомничи обвинетите дека припаѓаат на „Саксонските сепаратисти“, група за која веруваат дека е формирана најдоцна во ноември 2020 година.

Ова е милитантна група составена од 15 до 20 луѓе, чија идеологија се карактеризира со расистички, антисемитски и делумно апокалиптични идеи, се вели во соопштението објавено од канцеларијата на обвинителството.

The post Апсења во Германија и Полска поради осомничени за десничарски екстремизам appeared first on Република.

Ноќва во 02.20 часот на улица „Илинденска“ во Тетово, полициски службеници од СВР Тетово, врз основа на потерница по судска наредба, го лишиле од слобода Б.С.(46) од Тетово, кој бил баран за доиздржување на затворска казна од 13 месеци, во врска со сторено кривично дело „неовластено производство и пуштање во промет на наркотични дроги, психотропни супстанци и прекурсори“.

Како што соопштува МВР, тој е предаден во КПУ Затвор Идризово во Скопје за издржување на казната.

The post Ноќва фатен бегалец од затвор appeared first on Република.

Почнете да ги апсите, ако сакате да се спасиме од ова зло, порача Ивор Мицковски зборувајќи за писмата кои Али Ахмети како лидер на ДУИ сега ги испраќа до меѓународните лидери.

Паѓаш од власт после 20 години криминал без осет, збориш каква била светската геополитичка реалност и после ги замараш Шолц, Блинкен и Макрон со твоите глупости и монтировки.
Беа и останаа без усул Али Баба и 40-те разбојници.
Почнете да ги апсите, ако сакате да се спасиме од ова зло, порачува тој.

The post Мицковски: Почнете да ги апсите, ако сакате да се спасиме од ова зло appeared first on Република.

На граничниот премин Морина, на албанско - косовската граница, уапсен е 38- годишен Косовец баран со меѓународна потерница издадена од властите на Македонија, каде бил осуден на шест години затвор за дрога, соопшти албанската полиција.

Според полицијата, во соработка со службите на локалната полициска управа Кукс и како резултат на размена на информации со Интерпол Тирана, уапсен е Бурим Бајрами (38), жител на Гњилане, со цел екстрадиција во Македонија.

При проверките и разговорите во втор ред, на влез во државата, се покажа дека 38-годишниот маж е прогласен за меѓународен баран, откако Судот во Гостивар му изрекол шест години затвор за трговија со дрога. Од оваа казна му остануваат да одлежи околу една и пол година затвор, стои во соопштението.

Се додава дека Интерпол Тирана, во соработка со македонските колеги, ги спроведуваат процедурите за негова екстрадиција.

The post Косовар баран со македонска потерница фатен на граница со Албанија appeared first on Република.

Денеска (26.10.2024) во 01.15 часот полициски службеници од Полициската станица за граничен надзор и граничен премин Богородица во близина на с.Богородица сопреле патничко возило „сеат алтеа“ со косовски национални ознаки, управувано од З.М.(36) од Косово. При тоа, во возилото пронајдени се осум лица илегални мигранти, од кои седум од Сирија и едно лице од Египет.

Заедно со возилото „сеат алтеа“ се движело и патничко возило „ауди“ без регистарски таблици, кое не застанало на дадениот знак од полициските службеници, туку се оддалечило од местото на настанот, а по кратко време од него излегле осум лица илегални мигранти, од кои шест од Кувајт и двајца од Сирија, а возачот се дал во бегство. З.М. е лишен од слобода и се преземаат дополнителни мерки за расчистување на случајот, по што ќе биде поднесен соодветен поднесок.

The post Косовец фатен со скриени мигранти во возилото – апсење кај Богородица appeared first on Република.

Уапсен е раперот Христијан Тасковски - Таско. Барем така тврди неговиот брат Борис, кој сподели фотографија од раперот во лисици, тврдејќи дека вчера полицијата го привела во трговски центар.

Сакам да ве известам дека мојот брат вчера е уапсен во еден наш трговски центар поради негова наводна вмешаност во криминална група. Пред малку успеав да се слушнам со него и ми кажа дека му е одземен мобилниот телефон. Ова е последна слика што ја направил наш заеднички другар што бил со него околу 22 часот… Се надевам дека наскоро ќе добијам повеќе информации и дека за кратко ќе биде ослободен, пишува Борис Тасковски

The post Уапсен е раперот Таско appeared first on Република.

Утрово во 05.50 часот во Скопје, полициски службеници од Единицата за интервентна полиција при СВР Скопје го лишиле од слобода Б.Д.(29) од с.Арачиново, скопско.

Тој се сомничи дека денеска околу 05.30 часот во казино во Скопје, на подрачјето на Гази Баба, со употреба на сила над вработениот, одзел пари од касата, информираат од МВР.

Одземеното било пронајдено и вратено на сопственикот.

Од полицијата додаваат дека лицето е задржано во полициска станица и по целосно документирање на случајот, против него ќе биде поднесена соодветна пријава.

The post Утрово уапсен арачиновец кој 20 минути претходно ограбил казино appeared first on Република.

По острите реакции на опозициските парии и дел од јавноста дека е прекршено секакво право при апсењето на поранешниот претседател и актуелен лидер на Партијата на слободата, Илир Мета, доцна попладнево полицијата излезе со соопштение во однос на начинот на апсењето.

-Со обврска кон јавното мислење во однос на начинот на апсењето на граѓанинот И.М., појаснуваме дека државната полиција го изврши решението на Специјалниот суд против организиран криминал и корупција (ЃККО). Тоа по барање на Специјалното обвинителство за приведување на И.М. (55), со преземање оперативни мерки, согласно предвидените законски процедури, стои во соопштението.

Околу 13:15 часот, Државната полиција добила информација, а потоа утврдила дека на местото викано „Кривината кај Камза“, во населбата Лапрака, со возило во правец кон Тирана се движел И.М. Во овој момент возилото било сопрено, а водачот на оперативната група му ја соопштил на И.М судската одлука за безбедносна мерка „затворски притвор“ и од него било побарано да излезе од возилото.

-Граѓанинот И.М. одбиваше да го стори тоа и упати навредливи зборови кон претставниците на полицијата и правдата. Врз основа на процедурата предвидена со Уредбата, тој бил изваден од возилото и присилно приведен. Нагласуваме дека употребата на сила при апсењето била наметната со неговото насилно противење на спроведувањето на судската одлука, што му била соопштена од вработени во полицијата, се наведува во полициското соопштение.

Според дел од медиумите, од маскирани припадници на специјалната полициска единица и агенти од Националното биро за истраги, возилото во кое бил Мета, било следено од граничниот премин Морина, на албанско - косовската граница, веднаш по влезот на албанска територија од Косово, каде што од вчера престојувал тој. Возилата биле со граѓански регистарски таблички и се движеле долж целата должина едното пред а другото зад возилото на Мета а го сопреле во близина на трговскиот центар „Каса Италија“ во Тирана при што насилно бил внесен во полициското возило.

The post Албанската полицијата го појасни апсењето на Мета: Го замоливме да излезе од автомобилот, но тој арогантно и со навреди одби, па насилно беше спроведен appeared first on Република.

Две лица барани од Интерпол вчера биле уапсени на македонските гранични премини.

Во првиот случај, во 12.45 часот на Граничниот премин Јажинце, на влез во државата, полициски службеници го лишиле од слобода З.К.(40) од Косово затоа што при извршена проверка констатирано било дека евидира со мерка „апси“, по барање на Интерпол-Австрија.

З.К. се обидел да избега, но бил спречен од полициски службеници. Тој бил предаден на полициски службеници во СВР Тетово за понатамошна постапка.

Во исто време на Граничниот премин Табановце, на излез од државата, полициски службеници ја лишиле од слобода И.К.(35) од Словачка, затоа што при извршена проверка било констатирано дека била барана од Интерпол–Словачка.

Таа била предадена на полициски службеници во СВР Куманово за понатамошна постапка.

The post Жена барана од Интерпол уапсена на „Табановце“, Косовар се обидел да ѝ избега на полицијата appeared first on Република.

Основното јавно обвинителство Кочани поведе постапка против 24-годишник за кого постои основано сомнение дека ги сторил кривичните дела – Насилство врз дете од член 201-а и Напад на службено лице при вршење работи на безбедноста од член 383 од Кривичниот законик.

На 15 октомври, во утринските часови, во дворот на средно училиште во Кочани, осомничениот извршил физичко насилство над дете родено 2008 година, удирајќи го со тупаници по лицето, носот и устата и нанесувајќи му телесни повреди.

Петнаесеттина минути подоцна, кога полициски службеници дошле да го приведат лицето, осомничениот им се заканувал и ги навредувал. Во полициската станица во Кочани во еден момент и физички нападнал полицаец оштетениот, удирајќи го со нога неколку пати во пределот на градниот кош и нозете со што му нанел телесни повреди.

Јавниот обвинител до судијата на претходна постапка од Основниот суд во Кочани достави предлог за определување мерка притвор за осомничениот.

The post 24-годишен кочанец осомничен за насилство врз дете и напад на полицаец appeared first on Република.

Европол и полицијата на Србија уапсиле во Белград платен убиец, кого криминална организација го ангажирала во јануари 2021 година да го ликвидира Зоран Ускоковиќ и тројца негови соучесници, додека еден осомничен е во бегство. Тоа денес го соопштија од Агенцијата на Европската Унија за спроведување закони (Европол) додавајќи дека осомничениот е идентификуван откако Европол пружил клучни разузнавачки податоци.

„Развиени преку својата континуирана работа на анализата на шифрираните комуникациски платформи кои често ги користат организираните криминални групи. Убиството го организирал лидерот на организираната криминална група, кој имал клучна улога во регрутирањето на платениот убиец и координирањето на логистиката на убиството“, соопшти Европол.

Тие објаснуваат дека шефот на криминалната група го организирал и планот за бегство на убиецот, регрутирал двајца платеници да го следат движењето на жртвата, и го набавил оружјето користено за ликвидацијата.

„Оружјето кое е внесено во Србија специфично за овој напад. Жртвата е убиена во Белград во 2021 година. Убиецот, кој се претворал дека е постар човек со силиконска маска и инвалид, ѝ пукал во жртвата во главата додека ѝ се приближувал“, соопшти Европол.

Разузнавачките податоци добиени од Европол за време на неговата работа на разбивање на шифрирани комуникациски платформи што ги користеле организираните групи, биле клучни за идентификување на осомничениот за убиството, како и на организаторот, соопшти Европол.

„Шефот на организираната криминална група имал клучна улога во регрутирањето на платен убиец и координирање на логистиката на самото убиство. Шефот на криминалната група го разработил планот и го организирал бегството на убиецот, регрутирал уште двајца осомничени кои биле задолжени за следење на жртвата, и го набавил оружјето со кое било извршено убиство, кое е донесено во Србија специјално за ова кривично дело“, соопшти Европол.

Убиецот носел маска и одел со стап

Убиството било извршено во Белград во 2021 година, а осомничениот М.К. носел силиконска маска со ликот на постар човек и одел со бастун имитирајќи го одењето на постара личност. Му пришол на Ускоковиќ и испукал два куршуми во него. Европол наведува дека Ускоковиќ бил застрелан во главата.

Обвинителството за организиран криминал соопшти дека при убиството била користена телефонска комуникација “SKY ECC”.

М.К. бил уапсен заедно со организаторот на убиството и уште двајца соучесници, соопшти Европол.

При откривањето на сторителите, Европската служба се фокусирала на разузнавачката работа и оперативната поддршка, а нејзините експерти работеле заедно со српските полицајци на дешифрирање на комуникациите на осомничениот, што довело до информации кои овозможуваат идентификација.

„Поради оваа причина, српските полицајци беа испратени во седиштето на Европол во Хаг. На денот на апсењето, Европол испрати специјален тим во Белград за да им помогне на српските власти во операцијата“, велат од Европол.

The post Во Белград уапсен платен убиец appeared first on Република.

Полициски службеници од Оперативен тим потраги при СВР Скопје и полициски службеници од ПС Драчево вчера во 18:30 часот на ул. „Иван Хаџиниколов“ во Скопје го лишија од слобода Д.Ј. (43) од Скопје, баран со потерница поради бегство од затвор, а осуден на казна затвор во траење од 13 години и еден месец поради сторени кривични дела по чл.237 (Разбојништво), чл.215 (Неовластено производство и пуштање во промет на наркотични дроги, психотропни супстанции и прекурсори) и чл.236 (Тешка кражба) од Казнениот законик

Лицето ќе биде предадено на надлежната казнено поправна установа, соопшти МВР.

The post Фатен бегалец од затвор осуден на затворска казна од 13 години appeared first on Република.