Вицепремиерот за европски прашања, Бојан Маричиќ, денеска оствари проштална средба со амбасадорката на Сојузна Република Германија во Македонија, Анке Холштајн.

На средбата, како што соопшти СЕП, беше разговарано за соработката меѓу двете земји во процесот на европската интеграција на Македонија, текот на скрининг процесот, активностите во рамки на Берлинскиот процес, но и за приоритети на Владата во следниот период.

Вицепремиерот заедно со германската амбасадорка во заминување, Холштајн се согласија дека Македонија е на вистинскиот пат и на чекор до исполнување на нашата стратешка цел. 

На средбата беше потенцирано дека со почетокот на преговорите со ЕУ, државата испиша историски датум во евроинтеграциите и со темелни реформи, заедништво и обединување околу ова прашање, успехот на патот кон ЕУ ќе биде загарантиран.

Амбасадорката Холштајн истакна дека Сојузна Република Германија останува наш силен поддржувач и докажан партнер кој континуирано ќе придонесува во напредокот на Македонија кон ЕУ, за побрзо достигнување на европските стандарди во клучните областите опфатени со Кластерите од преговорите, особено оние од Кластерот 1, „Фундаментални вредности“. 

The post Маричиќ-Холштајн: Македонија е на чекор до ЕУ, важно е да продолжи на европскиот пат appeared first on Република.

Амбасадорката на Сојузна Република Германија, Анке Холштајн денеска потсети дека германската министерка за надворешни работи Аналена Бербок вчера на маргините на средбата на министри за надворешни работи во Луксембург, уште еднаш потврдила колку е значајно за целата ЕУ да остане овој пат за првата меѓувладина конференција за Македонија и за Албанија и тоа веднаш.

За нас е важно тоа што политиката на проширување сега е повеќе од кога и да било претставува политика за безбедност, нагласи амбасадорката Холштајн по денешното донирање на опрема и возила во вредност од 675 илјади евра за Граничната полиција на МВР.

Што се однесува до преговарачката рамка и што може да влезе во неа, амбасадорката Холштајн, децидна дека постојат граници.

Значи, исклучено е да постои таков некој случај на преседан што би имал последици за понатамошните чекори на проширувањето. Принципиелно билатералните работи не припаѓаат во преговарачката рамка. И во интерес на изнаоѓање на решение ќе се направи некој обид за исцрпување на можностите, но сепак не смее да се наштети на интегритетот на преговарачката рамка. За нас исто како и претходно, важно и централно е процесот на пристапување да биде заедно за двете држави, рече амбасадорката на Сојузна Република Германија, Анке Холштајн.

The post Холштајн: Важно е процесот на пристапување во ЕУ да биде заедно за Скопје и Тирана appeared first on Република.

Македонија веќе одамна е подготвена за почеток на преговори, но и за членство во ЕУ. Јас го гледам како позитивно тоа што висок процент од граѓаните не гледаат друга иднина, освен иднината во рамките на ЕУ, истакна денеска германската амбасадорка во државава Анке Холштајн пред презентацијата на резултатите од „Анализата на јавното мислење за македонскиот процес на пристапување кон Европската Унија (2014 – 2021)“.

Холнштајн подвлече дека има голем континуитет во однос на проширувањето и оти Европската Унија се држи кон она што го кажа во март 2020 година, односно за отпочнување пристапни преговори со Македонија и Албанија, чии патишта, рече таа, се отворени.

Што се однесува до новата германска Влада, додаде Холштајн, таа првпат има посебен параграф за Западен Балкан и го споменува пристапувањето во првото поглавје во однос на пристапните преговори на Македонија и Албанија.

Се согласувам со тоа дека овој регион е дел од Европа и треба под покривот на ЕУ еден ден да станеме уште поблиски и позбиени. Патот кон тоа не е краток. Ниедна земја која што не е доволно подготвена нема да добие никаква корист од членството. Многу работи мора да се направат. Целосен премин на законодавството на земјата во рамките на законодавството на ЕУ, тој комплет на закони и регулативи на ЕУ, не знам колку е голем, но е значителен и постојано расте. И тоа треба да се направи. Значи, треба во многу области да има договори. Земја која што сака да биде членка мора да биде и подготвена да ги издржи и пазарните притисоци на ЕУ.

Таа смета дека треба да се работи повеќе на политичката едукација, да се објаснува што значи членството и што треба да се направи и оти да се стане членка бара време, а тоа главно ќе зависи од Македонија преку продолжување на реформските процеси и колку побрзо тоа се одвива толку побрзо ќе може да се оствари и процесот на пристапување.

Коментирајќи ги резултатите од истражувањето, Холштајн рече дека е многу корисно да се види развојот на перцепцијата за процесот на пристапување со еден ист метод со текот на годините.

Исходот ќе се дискутира во детали, има доста негативни елементи – да, но она што мене најмногу ми го привлече вниманието е дека пат-позицијата во пристапниот процес не влијаела во значителна мерка на поддршката за членство во ЕУ како таква. Друг елемент којшто исто така ми го привлече вниманието, за тоа подоцна ќе зборуваме подетално, е дека 40 проценти од луѓето сметаат дека земјата е спремна за пристапување кон ЕУ што покажува значителен степен на недостиг на знаење, рече таа.

Холштајн нагласи оти земјите членки на ЕУ сфатиле дека мора да бидат заедно и многу погласно да ја истакнуваат потребата за отворање на пристапниот процес за Македонија и Албанија.

Многу земји членки се потребни да можат да се придвижат работите на овој план. Земјите членки исто така согледаа колкава штета е направена кон Македонија кон нејзините реформски процеси, кон процесот на пристапување во регионот, кон репутацијата на ЕУ во регионот и на ЕУ како таква, додаде германската амбасадорка.

Според неа, најнов елемент сега е тоа што во Бугарија има премиер којшто е активен и искажува посветеност да може да се ослободи патот на Македонија кој пристапување во ЕУ.

Ова значи значителен предизвик, но се чини можен. Тука ја имавме посетата на бугарскиот премиер во Скопје, потоа меѓувладиниот состанок во Софија, работата на работните групи една широка конструктивна агенда која треба да донесе опипливи резултати за граѓаните и да ги придобие повторно мислите и срцата на луѓето. Има разговори меѓу двете министерства за надворешни работи, тие работат кон оформување на рамката за преговорите за пристапување, има цврсти црвени линии за Бугарија, има исто така и црвени линии и за Македонија, додаде амбасадорката.

The post Холштајн: Македонија одамна е подготвена за почеток на преговорите, но и за членство во ЕУ appeared first on Република.

Министерот за образование и наука Јетон Шаќири, имаше протоколарна средба со амбасадорката на Сојузна Репубика Германија Анке Холштајн, на која двајцата ја истакнаа досегашната успешна соработка помеѓу двете земји во полето на образованието.

Како што соопшти МОН, соговорниците ја потенцирале важноста на размената на искуства како во образовниот процес, така и во делот на науката.

Министерот Шаќири, изрази благодарност до германската Влада за големата поддршка во разни проекти кои се реализираат во Република Македонија, како и искуствата кои земјава ги црпи од СР Германија во делот на средното стручно образование. Шаќири, исто така ја запозна амбасадорката Холштaјн за реализацијата на проектот за модернизација на основното образование, при што истакна дека земјава и во иднина ќе ги следи и ќе се труди да се прилагодува на глобалните трендови во областа на образованието - наведуваат од МОН.

Оттаму велат дека амбасадорката Холштајн, истакнала дека германската Влада е подготвена за продлабочување на соработката во образованието и научно-истражувачката дејност.

The post Шаќири – Холштајн: Ќе се продлабочува соработката со Германија во образованието и научно-истражувачката дејност appeared first on Република.

Министерот за правда Никола Тупанчески денес оствари средба со амбасадорката на Сојузна Република Германија во земјава, Н.Е. Анке Холштајн, на која беа презентирани резултатите од досегашната работа, како и идните чекори на министерството за подобрување на македонскиот правосуден систем.

На иницијалната средба двете страни ја потврдија досегашната успешна билатерална соработка, која особено се надополнува со поддршката од ГИЗ во текот на сите изминати години и безброј реализирани проекти, од кои значаен дел се во правосудниот сектор.

На средбата министерот Тупанчески ги презентираше и идните приоритети на Министерството за правда. Дигитализацијата во правосудниот сектор останува главен приоритет на кој ќе продолжи да се работи. Јавните обвинителства се значаен сегмент од правосудниот систем и ставањето во функција на електронскиот систем за распределба на предмети во Јавните обвинителства ќе обезбеди ефикасност во борбата против корупцијата. Исто така, министерот истакна дека оваа година се финализира имплементацијата на Стратегијата за реформа во правосудниот сектор 2017-2022 година, а ќе се започне и со подготовка на новата Стратегија за периодот 2023-2027 година, која ќе биде продолжение на реформскиот процес.

Амбасадорката Холштајн ја потврди поддршката за продолжување на соработката која веќе ја имаат остварено двете држави и ја изрази подготвеноста на Германија да даде уште поголем придонес во спроведување на реформите преку размена на искуства, особено во меѓународната судска пракса од казнената сфера. Заедно со министерот Тупанчески се согласија дека соработката ќе се интензивира и во насока на остварување на заедничките цели.

The post Министерот за правда Тупанчески на средба со германската амбасадорка Анке Холштајн appeared first on Република.