Перформансот „Срам“ на независната уметница Ангела Стојановска вечерва во 20 часот ќе биде изведен во „Јавна соба“ во Скопје.

Ова е моето простување со срамот од моето тело, од храната, од живеењето во оваа земја, вели Стојановска.

Перформансот е развиван во рамки на платформата за изведувачки уметности на Фестивалот за феминистичка култура и акција „Прво па женско - испробување на феминистички иднини“.

Стојановска е авторка и изведувачка на перформансот. Креативни соработници се режисерот Милош Б. Андоновски и драматругот Ева Камчевска. Поддршка низ креативниот процес дадоа Викторија Илиоска, изведувачка и кореографка и Билјана Радиноска, режисерка.

Извршна продуцентка е Емилија Чочкова, костимите се на Раде Василев, сценографијата е на Мартин Манев, а техничката поддршка е на Филип Христовски.

Перформансот трае 60 минути.

The post Перформансот „Срам“ на Ангела Стојановска вечерва во „Јавна соба“ appeared first on Република.

На 12 февруари, во Кино Фросина, во Младинскиот културен центар, со почеток во 20 часот ќе се одржи перформансот „Срам“ на Ангела Стојановска.

За перформансот Стојановска вели:

Ова е моето простување со срамот од моето тело, од храната, од живеењето во оваа земја. Од срамот кој сум го негувала долго време, кој понекогаш не е лично мој и доаѓа од постапките на другите. Ова е моето прифаќање, заблагодарување и раскрстување со срамот. Време е срамот да оди кај некои други луѓе.

За уделот на својот перформанс во рамките на јавната дебата за телесноста и физичкиот изглед на жената Стојановска вели „Јас би била среќна ако создадам простор во кој ќе може да дискутираме за тоа дека начинот на кој изгледаме не нè прави ‘помалку’.“

Перформансот „Срам“ е развиван како авторски проект на Ангела Стојановска во рамки на платформата за изведувачки уметности на Фестивалот за феминистичка култура и акција ПРВО ПА ЖЕНСКО – ИСПРОБУВАЊЕ ФЕМИНИСТИЧКИ ИДНИНИ.

The post „Срам“ – перформанс на Ангела Стојановска во кино „Фросина“ во МКЦ appeared first on Република.