Андреј Петров во емисијата „24 Отворено“ на 24 ТВ  и честита на ВМРО-ДПМНЕ за справување со корупцијата на високо ниво односно за случајот со врховниот судија.

Им честитам за акцијата што ја направија за корупцијата на високо ниво, тоа е нешто што така треба да биде и да личи. Значи ако некој се реши да биде врховен судија не може да зема мито, рече тој. Имаат и поддршка за сите работи кои што не беа како што треба да ги поправат, додаде Петров.

The post Петров и честита на ВМРО-ДПМНЕ за справување со корупцијата на високо ниво односно за случајот со врховниот судија appeared first on Република.

Андреј Петров од СДСМ во денешното гостување на Сител телевизија рече дека го изел срам што денес никој од пратениците на СДСМ не зел збор на седницата на Собранието.

За жал, малку и срам ме изеде заради однесувањето на СДСМ на таа седница бидејќи никој не стана да каже ништо, а веројатно требаше да им каже на новите коалициони партнери во власта дека сега може да биде Претседател на Собрание, што не го спорам, човек што има два пратеници во Собранието и што не е од македонска етничка група, што исто така не е спорно, но до пред извесен момент беше спорно за тогашната опозиција. Никој од тамошните пратеници од СДСМ не смогна сила да каже и тоа да ви кажам кај мене предизвика чувство на срам, рече Петров.

Според него, едно е да бидете конструктивни, и треба да биде опозицијата конструктивна, затоа што државата е пред партиите и треба заеднички да ја градиме.

Ама работата на пратеник во Парламентот е да зборува на говорница. Ако некој нема намера да зборува на говорница наместо да поднесува оставки од партиските органи, да си поднесе оставка од пратеничкиот мандат. Тоа е мојата порака до сите оние што наоѓаат причина зошто не би требале да зборуваат. Точно дека на конститутивна седница треба да се има респект и спема чинот и спрема изборот на Претседател на Собрание, меѓутоа барем еден човек или двајца да ги кажат овие забелешки што ви ги кажав на почетокот и ред други работи. Демократскиот амбиент тоа иманентно го бара, тоа не е место каде што треба да седат ќутолози, истакна Петров.

The post Андреј Петров: Ме изеде срам што денес никој од пратениците на СДСМ не зеде збор на седницата на Собранието, тоа не е место каде што треба да седат ќутолози appeared first on Република.

Андреј Петров, член на Извршен одбор на СДСМ во гостување во емисијата Клан дебата на ТВ Клан, по  поразот на кандидатот за претседател на Македонија од СДСМ, Стево Пендаровски истакна дека СДСМ е спремна за опозиција.

Тој, сепак, дава поддршка за сите позитивни работи кои што планира идната влада да ги спроведе.

Ние пораката ја сфативме. Ќе се бориме за секој глас кој ќе можеме да го добиеме, спремни сме за опозиција и спремни сме да дадеме поддршка за сите позитивни работи, рече Петров.

The post Андреј Петров: Подготвени сме за опозиција appeared first on Република.

­Разликата е голема и човекот секогаш треба да биде реален во пристапот. Меѓутоа, вториот круг почнува од нула, така што секогаш кога има избори, било која битка, човек треба максимално да се залага за она што го прокламирал. Мислам дека реално предноста на Гордана Силјановска Давкова е видлива, меѓутоа заедно со Стево Пендаровски одат во втор круг и тука ќе треба секој, особено ние да се обидеме да направиме реална анализа за која немаме многу време, и да се насочиме како да придобиеме што поголем број на поддржувачи“, изјави Андреј Петров, член на ИО на СДСМ на дебата на Телма телевизија.

Тој додаде дека овие 5 кандидати кои испаднаа се голем ресурс на гласови, но дека разликата треба да се гледа од аспект на тоа дека ќе се бара многу работа во следниот период.

The post Петров: Во вториот круг се почнува од нула, петте кандидати кои отпаднаа имаат голем број гласови appeared first on Република.

Еден од најголемите бугарски бизнисмени, Алексеј Петров, е убиен во населбата „Драгалевци“ во главниот град во близина на жичницата на планината Витоша, објавија бугарските медиуми. Веста официјално ја потврдија од МВР. Според полицијата, делото било пријавено околу 12 часот и 20 минути по локално време. На местото на настанот биле испратени екипи кои пронашле безживотно тело на маж и една ранета жена.

Петров беше еден од ретките големи бизнисмени во Бугарија кои ги преживеаја транзициските години. Според неофицијални информации на БНР, тој бил застрелан со пушка. Во текот на изминатите две децении, беа организирани бројни неуспешни обиди за атентат против Алексеј Петров.

На 14 август 2002 година, на базенот „Спартак“ против него беше извршен неуспешен обид за атентат, но тој преживеа, иако беше застрелан истовремено во градите и ногата. На 29.10.2015 година, беше направен обид да се убие со фрлач на гранати кога Петров се возел во автомобил во близина на неговиот дом. Тој остана неповреден.

На 10 февруари 2010 година Петров е приведен и обвинет дека е водач на криминалната група „Октопод“, која се занимавала со рекет и изнуда. Ова беше најголемиот случај што го покрена МВР за време на првата влада на Бојко Борисов. На крајот, обвиненијата против Петров беа повлечени, а државата беше осудена да му плати оштета од десетици милиони лева нему и на „Лев инс“.

Непосредно пред неговата смрт, Алексеј Петров јавно се пофали дека учествувал во истрага за измама во осигурувањето во Италија, на која се жалеше осигурителната компанија „Лев инс“ што тој ја основа. Јавно пројави интерес да започне со работа во тајната служба.

Алексей Петров е съдружник в няколко охранителни и застрахователни фирми от този период. До 2000 г. участва в управлението на застрахователни компании, сред които и дружеството “Левски Спартак”, което след това става “Лев инс”.

Пред 1989 година, Алексеј Петров работел во Шестиот оддел на комунистичката државна безбедност, Одделот за терор, познатите беретки.

На почетокот на 90-тите години го напушта системот на Министерството за внатрешни работи. Тој формираше заедничка компанија со Бојко Борисов, кој подоцна стана главен секретар на Министерството за внатрешни работи, градоначалник на Софија, премиер и лидер на партијата ГЕРБ. Двајцата беа соиграчи во карате тимот.

Претходно оваа година, Борисов во ТВ интервју го нарече Петров „најдобрата беретка што ја познава“.

Алексеј Петров од тој период бил партнер во неколку компании за обезбедување и осигурување. До 2000 година учествувал во управувањето со осигурителни компании, меѓу кои и компанијата „Левски Спартак“, која подоцна станала „Лев инс“.

По 2000 година, името на Алексеј Петров повторно почна да се поврзува со службите. Во 2008 година се дозна дека тој е организатор на средбата на тогашниот министер за внатрешни работи Румен Петков и познатите како браќата Галеви – Пламен Галев и Ангел Христов, кои се обвинети за рекет. Околу средбата избувна скандал. Поради скандалот Румен Петков поднесе оставка. Алексеј Петров официјално е назначен за советник на Државната агенција за национална безбедност (ДАНС).

Во 2009 година изби скандал за таен извештај на Националната агенција за безбедност, претставен од Владата. Премиерот Бојко Борисов вели дека папката со извештајот ја вратил „лојален граѓанин“ – Алексеј Петров. Една година подоцна, Петров е уапсен во бучната акција „Октопод“ на МВР, предводена лично од тогашниот министер и десна рака на Борисов, Цветан Цветанов. Случајот се влечеше со години и заврши со ослободителни пресуди.

Во 2011 година, Алексеј Петров се кандидираше за претседател, номиниран од иницијативен комитет и доби нешто помалку од 1% од гласовите во првиот круг. Низ годините, медиумските публикации го поврзуваа со поранешниот главен обвинител Никола Филчев. Двајцата биле соседи на софиската улица „Арарат“, затворена за пристап на јавноста.

Во последниве години, Алексеј Петров официјално се занимава со научна дејност. Тој е вонреден професор и наставник на Универзитетот во Пловдив. Во последните месеци тој видно ги засили настапите во медиумите во кои се залагаше за формирање на редовна влада.

The post Убиен е еден од најголемите бугарски бизнисмени – Алексеј Петров appeared first on Република.

Членот на извршниот одбор на СДСМ, Андреј Петров го спореди европратеникот Ангел Џамбаски „со лицата кои што на стадион ќе истрчаат голи и гледаат да се сврти целата јавност кон нив“.

Неговата поддршка во јавноста во Бугарија е нула. Тој ако се појави во државата тој треба да биде соочен со законите на држава, на ист начин како и секој друг граѓанин на Македонија. Доколку го прекрши законот, уште на кукичките на Страцин кај што е полицијата, да го пикнат внатре, да го задржат 24 часа, па после нека го земаат со авион назад, рече Петров во вестите на Тв Сител нагласувакќи дека одбележувањето на раѓањето на Гоце Делчев ќе биде организирано спрема највиоските безбедносни стандарди.

The post Петров: Ако Џамбаски го прекрши законот нека го пикнат во куќичките на Страцин и нека го земат со авион appeared first on Република.

Членот на ИО на СДСМ Андреј Петров во емисијата „24 Анализа“ на телевизија 24 истакна вистински патриотизам и штитење на македонските интереси е полноправно членство во ЕУ, додавајќи дека местото на државите од Западен Балкан е во ЕУ и нема друга алтернатива.

-Вистинско штитење на националните интереси е Македонија да стане членка на ЕУ, затоа што тоа е најголемиот штитник на националните интереси. Бугаризација е кога 150.000 граѓани на Македонија ќе земат бугарски пасош за да бараат перспектива од економски карактер, наместо тоа треба да им понудиме тука, како земја членка на ЕУ каде што никој нема потреба да прави такви работи и на тој начин посилно се бранат националните интереси, рече Петров.

Скринингот е во тек, а европската политичка заедница, треба да се искористи, земји кои не се членки на ЕУ на иста маса со членките на ЕУ да ги кажат своите заложби, без вообичаените стеги на строгата оранизација на ЕУ, истакна Петров, додавајќи дека треба да се користи секоја можност да се седне на маса со колегите од Европа да се разменат мислења.

Тој нагласи во интерес на државата е да го смени Уставот и да се додадат делови од други народи во нашиот устав.

Прво ова нема да наштети на националните интереси на државата, а од друга страна ќе се добие многу и второ тоа е гаранција дека ние сме посебен народ, штом дел од некој народ го внесувате во Уставот, тоа е најголем демант на тезата дека ова е еден народ во две држави, истакна Петров.

Државата има корист да ги разреши пречките што стојат на патот кон ЕУ, да најде консензус помеѓу клучните политички фактори во државата и да оди напред, да ја респектира изјавата на евро-амбасадорот дека очигледна е желбата на САД и ЕУ Македонија да се стави на брза трака заедно со Албанија да влезе во ЕУ што побрзо и на тој начин да се затворат отворените прашања на Балканот, порача членот на ИО на СДСМ Андреј Петров.

The post Петров: Бугаризација е кога 150.000 граѓани ќе земат бугарски пасош за да бараат перспектива appeared first on Република.

Членот на Извршниот Одбор на СДСМ Андреј Петров, во вечерашното интервју во емисијата 24 Отворено на ТВ 24, одговорајќи на прашањето дали се разговарало за францускиот предлог во рамки на партијата, вели дека истиот го дискутирале во рамки на партијата, но како што рече откако виделе дека јавноста и опозициската ВМРО-ДПМНЕ не го прифаќаат, премиерот Димитар Ковачевски донел став да не го прифаќаат.

Па координации да, и мислам дека мнозинството на луѓе се на оваа теза, има една сондажа низ членството. Меѓутоа го сондиравме и расположението на граѓаните и го респектираме ставот на опозицијата, и другите коалициски партнери, вели Петров.

Имено, за потсетување на јавноста, премиерот Ковачевски и министерот за надворешни работи Бујар Османи изјавуваа дека владата го нема добиено францускиот предлог и поради тоа не можат да го дискутираат и да ја информираат јавноста, за денеска откако Македонија доби уште едно вето од бугарска страна, и претходно лидерот на опозицијата Христијан Мицкоски кажа дека ВМРО-ДПМНЕ нема да прифати таков понижувачки предлог, Ковачевски го одби истиот. Но, она што е симптоматично како истиот кој не беше достапен за јавноста и опозицијата, истиот бил достапен за партиските челници на СДСМ.

The post Петров: Предлогот го дискутиравме во партијата, откако видовме дека јавноста и опозицијата не го прифаќаат донесовме став appeared first on Република.

Идентитетот и јазикот се основни обележја, а нам не ни треба ЕУ по секоја цена. Сакаме да продолжиме со разговори, да бидеме прифатени како и сите останати држави во ова големо европско семејство, вели Андреј Петров член на извршниот одбор на СДСМ во емисијата 24 Отворено.

-Немаме проблем со предлозите на големите европски држави кои сакаат да го надминат спорот. Имаме проблем со непринципиелноста која постои и која е резултат на една уценувачка политика на Бугарија која нема да донесе ништо добро. – рече Петров.

„Од тактички аспект тоа денес што е направено е одличен потег“, смета Петров.

The post Петров: Идентитетот и јазикот се основни обележја, а нам не ни треба ЕУ по секоја цена appeared first on Република.

Нема никаква капитулација. Владата и СДСМ немаат намера да прифатат било какви можности за нешто што би било пречка на евроинтеграцискиот пат. Премиерот јасно кажа дека сме за ЕУ, се ќе направиме за да доближеме до процесот на пристапување, но ставаме на знаење дека нема да прифатиме никакви условување или уцени кои што ќе бидат пречка. Тоа што во моментов се случува е всушност ЕУ има проблем и тој мора да го надмине. Ние имаме стратешка определба, но не можеме да исполнуваме било чии желби. Нема да подлегнуваме на провокации, рече членот на Извршниот одбор на СДСМ, Андреј Петров во емисијата „24 анализа“.

Според него, не е првпат бугарски европратеници да „лупаат глупости“.

-Сме имале случаи и во минатото и тоа е нешто што кажува за политичката култура на тој што таму ги претставува граѓаните. Не гледаме за значење да реагираме на секоја таква изјава. Пратениците имаат легитимно да кажат се позади собраниската говорница. Од инвидуални изјави не треба да се создава еден негативен амбиент. Носечката личност во Бугарија се однесува коректно и покрај притисоците со кои се соочува, вели Петров за изјавата на бугарскиот европратеник Андреј Слабаков кој денеска од Европскиот парламент изјави дека членството на Македонија е рамно на „тумор за ЕУ“.

The post Петров: Одредени бугарски европратеници „лупаат глупости“ appeared first on Република.

„Отсекогаш сум верувал во професионалните и стручни капацитети на институциите и не верувам дека некој што работи статистика би правел нешто спроти својата професија. Тие прават тоа што им налога науката и тоа што учеле“ рече членот на Извршниот одбор на СДСМ, Андреј Петров во „24 анализа“ на ТВ24.

Тој додаде дека наместо сите поединечно да даваат свои видувања за тоа како го доживуваат пописот, треба да се разговара за намалениот број на жители.

„Треба да се дискутира зошто луѓето во изминативе 30 години се селат од државата. Ни опаѓа наталитетот. За овие теми треба да разговараме, но не да не може да спроведеме попис или да повикуваме пописот да се бојкотира. Тоа е нечесно према идните генерации“ рече Петров.

Тој додаде дека меѓународните експерти го опишуваат пописот како еден од најмодерните организирани во светот и повика дека пописот треба да биде статистичка операција, како секаде во светот, а не политичка.

The post Петров: Верувам во институциите за пописот, треба да дебатираме за иселените граѓани appeared first on Република.

Декларацијата за Гоце Делчев е непотребен популистички и погрешен потег, затоа што ние имаме Резолуција донесена со консензус во Собранието и која има обврзувачко дејство врз Владата во водењето на преговорите, истакна членот на Извршен одбор на СДСМ, Андреј Петров во гостување во емисијата „Топ Тема“ на телевизија Телма.

Ние не можеме еден од темелите, а државата Гоце Делчев, за кого никој во државата нема сомнеж дека е македонски херој да го сведеме на популизам.Утре може некој ќе побара да правиме деклаарација за Јане Сандански или Ѓорче Петров. Имаме Резолуција која има обврзувачки карактер, која ги дава рамките за натамошни преговори, каде што Собранието застанало зад таа Резолуција и сега треба да се остави на оние кои се задолжени за процедурата, таа да ја спроведуваат, посочи Петров.

Осврнувајќи се на измените на Изборниот законик, Петров истакна дека е потребен е консензус, дека така се носеле измените до сега и така треба да продолжи.

Консензус не може да се донесе ако вие истрчате со иницијатива и сакате да градиме консензус на веќе поднесен предлог. Потребни се повеќе јавни расправи со повеќе експерти, да се отворат работни групи да се согледаат сите недостатоци од минатото. Промени на Изборниот Законик не е носење на обичен закон или регулирање на некоја обична сфера, туку се работи за една комплексна материја, посочи Петров.

Петров истакна дека блокадите на Собранието од страна на ВМРО-ДПМНЕ и опозицијата не носат ништо добро, ниту за граѓаните, ниту за државата.

Иницирањето криза не е во интерес на граѓаните и ничија лична кариера не е поважна од интересите на граѓаните. Мое убедување и искуство е дека блокадите и опструкциите во Собранието не донеле добро на никој, заклучи Петров.

The post Петров: Декларацијата за Гоце Делчев е непотребен популистички и погрешен потег appeared first on Република.

Поранешниот градоначалник на Карпош и партиски секретар на СДСМ, Андреј Петров, гостуваше во рубриката Да си кажеме… со Горан Петрески на Утринската програма на Телма.

Петров вели дека не ни треба Европска унија по секоја цена.

Не можеме да ја менуваме историјата, значи за мене Бугарите биле окупатори не администратори. Не можеме да зборуваме за јазикот и идентитетот заради тоа што тоа е слобода, тоа е нешто што не зависи од никој друг туку зависи од нас самите и е факт што се случува на повеќе катедри на универзитети низ целиот свет, и на прашањето на Уставот значи не е проблем да влезат Бугарите во македонскиот Устав бидејќи тоа покажува дека ние сме различни народи, но, нормално е дека тоа треба да биде со реципроцитет, решавање на правата на Македонците во Бугарија, на македонското малцинство во Бугарија, рече Петров.

Инаку Петров беше избран за член на Извршниот одбор на владејачката СДСМ со изборот на Димитар Ковачевски за нов претседател на партијата. Петров беше партиски секретар на СДСМ во времето на Бранко Црвенковски, а беше и привремен градоначалник на Карпош.

https://www.youtube.com/watch?v=XUQ0lfaF8B0

The post Андреј Петров: За мене Бугарите биле окупатори не администратори appeared first on Република.