Шпанската престолнина Мадрид ќе стане четвртиот европски град кој ќе биде домаќин на натпревар од американската професионална лига во американски фудбал (НФЛ). Натпреварот ќе се игра во 2025 година на стадионот на фудбалскиот клуб Реал Мадрид, „Сантијаго Бернабеу“.

Првиот европски град кој беше домаќин на НФЛ натпревар стана Лондон уште во 2007 година. Деценија и пол подоцна првиот НФЛ натпревар во Германија се одигра на „Алијанц Арена“ во Минхен, додека оваа година на листата се најде и Франкфурт.

Доаѓањето на НФЛ на Сантијаго Бернабеу е важен настан во спортската историја. Оваа стратешка соработка ќе ги закајне двата наши брендови, а ќе биде ентузијастички поздравена од милиони луѓе на сите континенти“, изјави претседателот на мадридски Реал, Флорентино Перез.

Освен во Европа, натпревари од НФЛ лигата досега се играле и на стадионот „Ацтека“ во Сидуад Мексико, а за 2024 година е договорен и првиот натпревар во Јужна Америка, на 6 септември на стадионот на фудбалскиот клуб Коринтијанс во Сао Паоло.

The post „Сантијаго Бернабеу“ во Мадрид ќе биде домаќин на НФЛ натпревар во 2025 година appeared first on Република.

Ученик загина, а еден е ранет во пукање кое се случило пред средно училиште во американската сојузна држава Флорида, за време на натпревар во американски фудбал, јавија медиумите.

На крајот од натпреварот во средното училиште „Орландо Џонс“ во саботата вечерта, вооружен човек испукал неколку куршуми на паркингот за време на расправија меѓу две групи, изјави началникот на локалната полиција Ерик Смит.

Весникот „Орландо Сентинел“ објави дека по пукањето играчите и гледачите избегале на спротивната страна од стадионот.

Како што пишуваат американските медиуми, еден од тинејџерите починал на местото на настанот, а другиот е пренесен во болница со повреди кои не се опасни по живот.

Полицијата во Орландо соопшти дека четворица малолетници биле приведени, како и уште едно повозрасно лице.

Неколку часа подоцна околу 22:30 часот, полицијата била известена за трета жртва од пукањето.

Лицето наводно се упатило во болница со повреди кои исто така не се опасни по живот.

This is the scene in the parking lot at Jones High School right now pic.twitter.com/oemshJzNze

— Jon Santucci (@JonSantucci) November 13, 2022

The post Престрелка меѓу средношколци на американски фудбал, мртов тинејџер, четворица уапсени appeared first on Република.

Ѕвездата на американски фудбал, Антонио Браун, се најде во центарот на скандал, но не поради неговата игра на теренот, туку поради несоодветно однесување во базен во хотел. Како што објави „Нујорк пост“, Браун го туркал својот гол задник во лицето на збунета жена во отворениот базен на луксузен хотел во Дубаи. Да биде скандалот поголем, Браун, потоа се потпира на ѕидот од базенот и ѝ ја покажува својата „машкост“, додека присутните гледаат во шок.

Жената прво се насмеала, но кога сфатила што точно се случува, брзо испливала подалеку од контроверзниот спортист.

https://www.youtube.com/watch?v=q8l6eXlWx_o

Неколку пати и ја покажа својата „машкост“ и неколку пати ја праша дали го сака. Жената потоа излезе од базенот и побегна. Таа врескаше во ходникот и им се пожали на вработените за инцидентот - изјавиле сведоците на немилите сцени, додека вработените во хотелот одбиле коментар за ситуацијата.

Наводно, еден од вработените побарал од спортистот да го напушти хотелот, што тој и го направил, а наводно, ова не му е прв инцидент во овој хотел.

The post Познат спортист го покажуваше половиот орган во отворен базен и го туркаше задникот во лице на стаписана жена appeared first on Република.

Лос Анџелес ремс на домашен терен на „СоуФај“ стадионот го победи Синсинати бенгалс со 23:20 во финалето на НФЛ одиграно пред 70 илјади гледачи. Резултатот по четвртини беше 7:3, 6:7, 3:10 и 7:0.

За Лос Анџелес ова е втор трофеј во Суперболот, во петтото финале. Овните“ претходно беа славеа во 1999 година.

Синсинати го загуби своето трето финале.

Примачот на ЛА ремс, Купер Кап, беше прогласен за МВП на финалето, со што стана осмиот играч на негова позиција што го добил признанието за најдобрар учесник на Суперболот.

Ова беше првиот Супербол во последните две години на кој беше дозволен максимален број навивачи, откако претходната сезона имаше ограничено присуство поради пандемијата.

The post Лос Анџелес ремс вторпат во својата историја го освоија Суперболот appeared first on Република.