Шпанскиот напаѓач на Милан, Алваро Мората е хоспитализиран поради повреда на главата за време на клупски тренинг, соопшти италијанскиот клуб.

Мората на утринскиот тренинг претрпе сериозна траума на главата при судир со соиграч. Веднаш беше пренесен во болница, каде резултатот од магнетната резонанца беше негативен, но ќе остане на опсервација во болницата, како што налага протоколот во слични случаи, соопшти Милан.

Според италијанскиот печат, капитенот на шпанската репрезентација се повредил при судир со српскиот дефанзивец Страхиња Павловиќ. Се претпоставува дека нема да настапи на натпреварот од 12. коло на италијанскиот шампионат в сабота против Каљари.

Откако ова лето се врати во Серија А од Атлетико Мадрид, Мората (32) постигна три голови на 12 натпревари во сите натпреварувања, вклучително и еден во победата на Милан со 3-1 во Лигата на шампиони над Реал Мадрид во вторникот.

The post Мората со сериозна траума на главата пренесен во болница appeared first on Република.

Шпанскиот фудбалски репрезентативец, Алваро Мората раскина со сопругата Алиса Кампело поради нејзината неподготвеност да се пресели во Милано.

Претходно, 31-годишниот напаѓач официјално се пресели од Атлетико Мадрид во Милан.

Подоцна медиумите пишуваа дека вистинската причина за разделбата е неверство на фудбалерот.

- Уништен сум, но се колнам дека никогаш не ја изневерував. Таа е најважната жена во мојот живот. Алис сакаше да остане во Шпанија, не сакаше повторно да се пресели, изјави Мората за „Gazzetta dello Sport“.

Милан потпиша со 31-годишниот Шпанец во јули. Тој се обврза на четиригодишен договор

The post Сопругата на Мората не сакала да се сели во Милано, затоа се развеле appeared first on Република.

Претседателот на Атлетико Мадрид, Енрике Серезо го коментираше можниот трансфер на напаѓачот Алваро Мората во Милан.

Претходно беше објавено дека Милан ќе плати 13 милиони евра за 31-годишниот Шпанец и ќе потпише договор со него до крајот на јуни 2028 година.

- Мората заминува. Дали ќе оди во Милано? Се чини дека да. Оние кои сакаат да останат остануваат. Оние кои не сакаат, нека си одат. Ова нѐ загрижува бидејќи Алваро е фантастичен играч и одлична личност, изјави Серезо за „Calciomercato“.

Во сезоната 2023/24, Мората постигна 21 гол и пет асистенции во 48 настапи за Атлетико во сите натпреварувања.

The post Moрата на „Сан Сиро“ appeared first on Република.

Јувентус може да се обиде да го врати напаѓачот на Атлетико Мадрид, Алваро Мората, пренесува „Tuttosport“.

Според италијанскиот медиум, ваквата одлука на тимот од Торино се должи на тоа што напаѓачот Аркадиуш Милик заработил повреда на менискусот и се очекува да биде надвор од терените околу шест недели.

Иако Милик би можел да се врати за стартот на следната сезона, Јувентус размислува за враќање на Мората.

Сепак, дека доколку шпанскиот фудбалер реши да се пресели во клуб од Серија А, најверојатно ќе мора да се согласи на намалување на платата.

Триесет и едногодишниот играч веќе играше за Јувентус од 2014 до 2016 година, а потоа и од 2020 до 2022 година. Неговиот договор со Атлетико е до јуни 2026 година

The post Jувентус сака да го врати Мората appeared first on Република.

Интер му испратил на Атлетико Мадрид понуда за купување на напаѓачот Алваро Мората, објави „Football Italia“.

Според италијанскиот медиум „нероаѕурите“ се во потрага по нов напаѓач откако решиле да го отфрлат Ромелу Лукаку. Интер понуди 15 милиони евра за 30-годишниот Шпанец.

Мората минатата сезона забележа 45 настапи за Атлетико во сите натпреварувања, постигнувајќи 15 гола и три асистенции. Неговиот важечки договор е до летото 2024 година.

Порталот„Transfermarkt“ ја проценува вредноста на играчот на 20 милиони евра

The post Интер го сака Мората appeared first on Република.

Напаѓачот на Атлетико Мадрид, Алваро Мората по натпреварот од 1. коло на шампионатот на Шпанија против Хетафе (3:0) изјави дека сака да остане во клубот.

Претходно беше објавено дека шпанскиот напаѓач би можел да се пресели во Манчестер јунајтед.

– Навистина сакам да останам во Мадрид и да играм за Атлетико во многу натпреварувања. Мило ми е што сум тука, како и секогаш. Можам да продолжам да работам и да се трудам да носам резултати за тимот на секој натпревар. Атлетико е еден од најдобрите клубови во светот. Да, има понуди за трансфер, не можам да сторам ништо околу тоа, само продолжувам да работам. Среќен сум овде и сакам да продолжам да настапувам, изјави Мората за „Marca“.

На мечот со Хетафе, 29-годишниот напаѓач постигна два гола.

Последните две сезони Мората ги мина во Јувентус на позајмица. На 67 натпревари во Серија А, постигна 20 гола и оствари 16 асистенции. Неговиот договор со Атлетико е со важност до 30 јуни 2023 година

The post Ни Мората не сака да оди во Манчестер Јунајтед appeared first on Република.