Лидерот на Демократската унија за интеграција Али Ахмети, ја повика Владата на Косово да разговара со премиерот Мицкоски, како што изјави за косовска телевизија, за проблемите на Албанците во државата. Ахмети изрази загриженост за непочитување на Охридскиот договор, по иницијативите за укинување на некои одредби од Законот за употреба на јазиците.

„Суштината, сржта на Охридскиот мировен договор е засегната од измените за кои се тврди дека се прават на Законот и употребата на албанскиот јазик во Република Македонија, етничката припадност е отстранета, што е и дел, суштината на Охридскиот мировен договор. Без етничка припадност и декларирање на етничката припадност, може да има десетици причини зошто Албанците не се професионално подготвени и се оставени да бидат маргинализирани, всушност се инсталира доминација на мнозинството над втората албанска заедница во Македонија и овие случувања се загрижувачки за нас“, изјави Ахмети.

Денеска во Приштина заедничка седница ќе одржат владите на Македонија и на Косово. Претходно премиерите Мицкоски и Курти ќе одржат тет-а-тет средба, по која министрите ќе дискутираат за нови проекти и ќе потпишат билатерални договори и меморандуми за соработка.

The post Ахмети бара од Курти да разговара со Мицкоски за проблемите на Албанците во Македонија appeared first on Република.

Лидерот на Демократската унија за интеграција, Али Ахмети вечерва од Врапчиште каде присуствуваше на средба со граѓани, рече дека очекува од сите политички партии на Албанците во земјава, но и од партиите во Косово да го заштитат албанскиот јазик.

Очекуваме на заедничка средба со владата на Македонија, владата на Косово да го покрене прашањето за албанскиот јазик. Очекуваме и реакција од сите партии во Косово. Ова прашање не засега сите, рече Ахмети.

Тој нагласи дека неприфатливи се укинувањето на етничката припадност, неправедното отстранување на Албанците од институциите, рушењето на достигнувањата во сите области и селективната правда.

Ги повикуваме губитниците на изборите да не ги легитимираат штетните политики што не враќаат назад и суштински ги влошуваат меѓуетничките односи, рече лидерот на ДУИ.

Пред неколку дена од скопско Шуто Оризари, Ахмети порача дека ако се допре албанскиот јазик сите Албанци ќе се кренат на нозе. Му испрати и писмо на премиерот Мицкоски, во кое изрази загриженост за неодамнешните одлуки на Уставниот суд, од кои едната е укинувањето на т.н. „балансер“, а другата во најава дека ќе бидат укинати делови од Законот за употреба на јазиците.

The post Ахмети бара помош од Косово за албанскиот јазик appeared first on Република.

Огранокот на ДУИ во селото Неготино, Општина Врапчиште, вчера организираше средба со народот каде присуствуваше и лидерот Али Ахмети, како и високи претставници на Демократската унија за интеграција.

Пред стотина членови и симпатизери, претседателот Али Ахмети од Врапчиште порача:

„Врапчиште и целиот албански народ ќе го бранат албанскиот јазик што е постигнат со пожртвуваност. Албанците нема да го толерираат ова. Исто така очекуваме на заедничката средба со Владата на Македонија, Владата на Република Косово да го покрене прашањето за албанскиот јазик. Очекуваме реакција од сите партии во Косово“.

Исто така, на вечерашната средба со народот во општина Врапчиште беше истакнато дека албанските политички партии, сите без исклучок, имаат обврска да го заштитат албанскиот јазик, бидејќи ова прашање ги засега сите.

„Апсолутно неприфатливи се укинувањето на етничката припадност, водени од менталитет што не носи ништо добро, неправедното отстранување на Албанците од институциите, рушењето на достигнувањата во сите области, селективната правда. Ги повикуваме губитниците на изборите да не ги легитимираат штетните политики кои не вратат назад и суштински ги влошуваат меѓу етничките односи. Нека ги напуштат институциите, да не бидат дел од срамот“, велат од ДУИ.

The post Ахмети: Aлбански народ ќе го брани албанскиот јазик што е постигнат со пожртвуваност appeared first on Република.

Рубриката Личност на неделата беше замислена како простор во кој ќе се соберат сите безмислени изјави кои еден функционер таа недела ги кажал и останал жив. Дека ќе останел без функција не се ни надевавме. Опстојуваше доста долго кога Македонија го имаше Зоран Заев. Во негово и во отсуство на макар навидум конструктивна опозиција, со Влада која, барем засега, го кажува она што сакаме да го слушаме, сигурно ќе биде доста тешко да се пополнува секоја недела.

Но, да не се урочиме. Одиме со првиот:

Али Ахмети

Како една личност која последните 20 години (од кои последните 7 со тапија) ни беше алфа и омега во државава, наеднаш стана небитна буква? 

Како од „големи протести на есен“ стигнавме до закани на „Фејсбук“? 

Како од Командат Абаз Ѓука до очајни банери „Врати се“ за кои сите знаеме дека сам си ги поставува? 

Како од „како до сега“ стигнавме до пензионер кој пишува писма кои никој не ги ни чита?

Го замислуваме во овие ладни денови како со калчуни на нозе и цигара во рака му диктира на Груби (каде е пак тој деновиве?!) што да им пише на странските лидери и да им се пожали дека овде никој веќе не го игра - ни Влада, ни Македонците, а богами веќе ни Албанците.

Псевдонимот „Абаз Ѓука“ (Abaz Xhuka) што го користел Али Ахмети за време на конфликтот во 2001 година, се поврзува со историска личност или фигура која во албанската историја или народна традиција била позната по храброста, мудроста и лидерството.

Името „Абаз“ е поврзано со убавина и светлина (во преносна смисла „чистота на намерата“), додека „Ѓука“ може да е поврзано со сила и решителност.

Првото писмо Ахмети го адресираше до претседателот и премиерот на Албанија, Бајрам Бегај и Еди Рама, претседателката и премиерот на Косово, Вјоса Османи и Албин Курти, претседателката на Европската комисија Урсула фон дер Лајен, канцеларот на Германија Олаф Шолц, претседателот на Франција Емануел Макрон и државниот секретар на САД Ентони Блинкен.

Докторот на науки вели: 

Со длабока загриженост Ви се обраќам денес за најновите политички и уставни случувања во Cеверна Македонија, кои ги загрозуваат историските достигнувања на Охридскиот договор и основните принципи на еднаквост и мир во нашата мултиетничка држава, особено за Албанците во Cеверна Македонија.

Вознемирувачките планови, најавени од самата Влада, дека Уставниот суд ќе ги укине основните одредби на Законот за употреба на јазиците, кои го утврдија албанскиот јазик како еднаков службен јазик според Амандманот 5 на Уставот, претставуваат сериозен удар врз Охридскиот договор, еднаквоста, меѓуетничката хармонија и стабилноста во земјата.

Во дваесет години некој би рекол дека ќе научи нешто друго освен закана со војна ако не е по негово.

На Рама, пак, му вели: 

Во оваа критична фаза, Ве повикувам на заедничка и решителна акција за заштита на достигнувањата на Охридскиот договор и загарантираните права на Албанците.

Во време кога Албанија го отвора првиот кластер во преговорите со ЕУ, кога се договараат проекти со синот на Трамп, кои на земјата ќе ѝ донесат уште толку поголем продив преку туризмот, кога Рама договара проекти за мигранти со Италија, навистина ли Ахмети смета дека ќе се занимава со него?

На крајот на денот, Рама ја собра албанската дијаспора во Атина, во Милано, во Њујорк и во Солун. Не видовме такво шоу и во Македонија.

Второто писмо на Ахмети имаше адреса „Илинденска“ бр.2:

Последните одлуки на Уставниот суд, кои изгледа дека се извршување на програмата на вашата партија за укинување на клучните механизми за заштита на заедниците, предизвикаа загриженост кај сите граѓани кои се посветени на градењето на подобро одржливи меѓуетнички односи во Македонија. Охридскиот договор, кој донесе подобро меѓуетничко разбирање, не е само политичко прашање, туку е темел на нашата мултиетничка демократија, стабилност и демократски напредок. Секоја обид за негово доведување во прашање, особено во актуелниот контекст, е чекор кој може да ја влоши состојбата во земјата и регионот. Одлуките за измена или ревизија на Законот за употреба на јазиците, кој е клучен елемент на Охридскиот договор, не се само политички контроверзни, туку и штетни за напредокот и соработката меѓу заедниците, пишува Ахмети во писмото до Мицкоски.

Според лидерот на ДУИ, партијата која од летово е во опозиција, сето ова може да да ја врати земјата во периоди на несигурност.

Затоа, ве повикувам да размислите со зрелост и одговорност за овие одлуки кои имаат потенцијал да ја нарушат мултиетничката кохезија во Cеверна Македонија. Иднината на нашата земја треба да се гради врз основа на соработка и взаемна почит, а не врз поделби, вели Ахмети.

Брзо стигна и одговорот од премиерот. Мицкоски рече - не го прочитал писмото. Што повеќе? 

Денеска, пак, Ахмети преку партиско соопштение повикува на предвремени избори, зошто според нивните пресметки - државата ќе заштедела.

Доколку парламентарните избори се одржат истовремено со локалните во октомври, тогаш во 2029 година за првпат ќе имаме можност на ист ден да се одржат три изборни процеси (претседателски, парламентарни и локални). Ова ќе резултира со значителни заштеди за државниот буџет и поефикасна организација на изборите.

Повикот за предвремени избори заедно со локалните избори во октомври, според ДУИ, не е само политичко барање, туку „демократска можност сите страни да ја потврдат довербата од граѓаните, особено во време на криза на легитимитет“.

Криза во моментов има само една, а се случува во редовите на ДУИ. Па, така во меѓувреме, и Ахмети доби писмо, но не од странство туку од дома, од партија.

Мислам дека дојде време барем на средбите со народот да се освежат првите редови! Претседателот заедно со тесното раководство, секретарот и потпретседателите на партијата одржуваат средби со цел да разговараат со народот, да го слушаат народот, а не да ги слушаат оние поединци кои ги слушаат од 2002 година, му порача поранешниот директор на ЕЛЕМ Турс, Адем Авзиу, потенцирајќи дека оваа загриженост ја делат и многу други членови на ДУИ.

Автор: Марина Милановиќ

The post Од лидер на две партии до „Пишам буква, пишам збор, чекам брзо одговор“ appeared first on Република.

Мотивација и мобилизација на „најаденото и дебело“ членство пред претстојните локални избори, а не реален повик за протести, пренесе ТВ Алфа.

Ова, според дел од аналитичарите, се всушност заканите на лидерот на ДУИ, Али Ахмети кој во очај и страв ги упатува на адреса на власта, а ѝ самиот е свесен дека во редовите на партијата нема гладни и незадоволни членови коишто ќе излезат на улица. А Ахмети стана особено гласен заради одлуката што Уставниот суд треба да ја донесе за примената на Законот за употреба на јазиците. Во меѓувреме, голем дел од членството на ДУИ се прелеа во ВЛЕН, а на стаклени нозе му се Кичево и Струга, со тамошниот градоначалник Мерко, па оттука Ахмети нема голем избор за обид на мобилизација на и онака распаднатата партиска структура.

Недозволиво е лидери на политички партии да му сугерираат на Уставниот суд како да одлучува, а уште помалку судот да потклекне пред заканите, појаснува Ристевски.

Изјавата на премиерот Мицкоски дека веќе навикнавме ДУИ да преставува фактор на нестабилност ги налути интегративците.

Упатија остри критики за политиката на владејачката ВМРО ДПМНЕ. Според нив, власта сака да го избрише албанскиот јазик, да го отстрани срцето на Охридскиот договор и ја блокира интеграцијата на Македонија кон патот на ЕУ. Дотолку повеќе, во себе не гледаат никаква вина за создавање на биполарна држава и паралелни институции, напротив – за се тоа според Ахмети, виновна била актуелната гарнитура на Илинденска.

После 18 години за првпат ДУИ не е дел од владиниот колач и дејствува како опозиција. Партијата почна да се распаѓа уште со излегувањето на Изет Меџити сегашниот лидер на ВЛЕН, кој успеа да придобие голем дел од членството на ДУИ.

The post Ново писмо од изутрина, не престануваат очајничките обиди на Ахмети да добие внимание appeared first on Република.

Нова закана на Али Ахмети. Опозицијата очигледно тешко му влијае на лидерот на ДУИ, па повторно реши да се заканува на национална основа. Сите Албанци ќе се кренеле на нозе, доколку Уставниот суд одлучел да го промени или укине Законот за употреба на јазиците.

Ако се допре албанскиот јазик сите Албанци ќе се кренат на нозе, изјави Ахмети.

ДУИ и преку соопштение објаснуваа што точно да кажува Ахмети. Велат ги уверил партиските членови, дека немало да дозволи уништување на постигнувањата со многу жртви.

Вечерва на средбата со народот организирана од огранокот на ДУИ во Шуто Оризари разговаравме за понижувањата, отпуштањата на Албанците, обидите за укинување на албанскиот јазик, балансерот и поништувањето на сите достигнувања на Албанците пред очите на прекршителите на волјата на Албанците од ВЛЕН, изјави ДУИ. Премиерот Христијан Мицкоски вели сите се навиквнале Ахмети секојдневно да биде фактор на нестабилност и со воинствени повици, да се обиде да предизвика некакви немири.

https://republika.mk/vesti/makedonija/mitskoski-ali-ahmeti-i-dui-na-dnevna-osnova-stanuvaat-faktor-na-nestabilnost/

Според Мицкоски, првиот човек на ДУИ нема да успее во овој план, но сепак предизвикува загриженост кај него, но и кај меѓународниот фактор. -Ние се навикнавме сега од таквите изјави на господинот Али Ахмети, да повикува на воинственост, да биде фактор на нестабилност.

The post Ахмети се закани: Албанците ќе се кренат ако Уставниот суд „чепне“ во Законот за јазици appeared first on Република.

Али Ахмети продолжува да биде фактор за нестабилност и тоа мене ме загрижува, но ги загрижува и нашите меѓународни партнери бидејќи Али Ахмети и ДУИ се повеќе, и на дневна основа стануваат фактор на нестабилност, изјави премиерот Христијан Мицкоски.

Коментирајќи го соопштението на ДУИ дека власта ги уништува сите досегашни постигнувања во државата и ако се допре законот за јазиците, сите Албанци ќе бидат на нозе, премиерот Мицкоски посочи дека тоа е дел од реториката на опозицијата која нема да може да предизвика нестабилност.

-Се навикнавме на изјавите на Али Ахмети да биде фактор на нестабилност, со воинствената реторика да повикува на немири и нестабилност, но тоа што го кажува немислам дека може да предизвика нестабилност бидејќи Албанците, но и сите граѓани во Македонија се свесни за сето она што лично го направи тој и тие неколкумина околу него во изминатите повеќе од дваесет години додека беа власт. Претпоставувам пораката се однесува на истите оние уставни судии кои што тој во Речица и оние на Бихаќка ги поставија во Уставен Суд. Законот за употреба на јазиците е во Уставниот Суд, а ако се погледне, таму се луѓето кои излегоа во тефтерчето од Речица и на Бихаќка. Претпоставувам дека притисокот врз тие луѓе продолжува и се бара некоја преносна структура да ја пренесе пораката. Не мислам дека ова е нешто сериозно, но тој продолжува да биде фактор за нестабилност и тоа мене ме загрижува, но ги загрижува и нашите меѓународни партнери бидејќи Али Ахмети и ДУИ се повеќе и на дневна основа стануваат фактор на нестабилност, истакна Мицкоски.

За претседателот на Владата неприфатлив е ставот на ДУИ дека премиерот им се заканува на опозиционерите злоупотребувајќи ја државната позиција.

-Политичките криминалци треба да се загрижени. Соопштението на ДУИ се однесува на мојата вчерашна изјава дека обвинители кога ќе треба да реализираат акција против криминалци кои што беа дел во претходните 7 години власт, тие тогаш добиваат стомачен вирус, температура, настинка...Поентата е работата да се заврши во истиот ден. Претпоставувам затоа се вознемирени бидејќи тие се навикнати на обвинителите да им седат на глава. Вознемирени се и нормално е што упатуваат такви пораки. Инаку јас никому не се заканувам, бидејќи тоа не е дел од мојот карактер и се што правам, правам без закани, нагласи Мицкоски

The post Мицкоски: Али Ахмети и ДУИ на дневна основа стануваат фактор на нестабилност appeared first on Република.

Лидерот на ДУИ Али Ахмети упати честитки до претседателот Доналд Трамп за неговата победа на изборите за 47-ми претседател на Соединетите Американски Држави и до американскиот народ.

Очите на целиот свет се насочени кон Соединетите Американски Држави каде се гласаше за 47-ми претседател на водечката земја во демократскиот свет. Американските гласачи се определија за импресивно враќање на претседателот Трамп во Белата куќа во Вашингтон, вели Ахмети во честитката.

Му честитам на американскиот народ и на претседателот Трамп за неговиот денешен избор, додава Ахмети, и како што вели, го споделува уверувањето дека американскиот фокус на Балканот ќе продолжи да биде силен како и секогаш за конечно да се решат отворените прашања меѓу земјите од Југоисточна Европа. 

The post Ахмети му ја честиташе победата на Трамп appeared first on Република.

Уште една потврда дека коцкарските бизниси имаат сериозно влијание врз политиките на ДУИ. Затоа, покерските блефови на нивниот лидер Али Ахмети не треба да се сфаќаат сериозно, велат од коалицијата ВЛЕН.

Коалицијата, исто така, му порачува на Ахмети, „наместо да ги храбри уплашените поранешни функционери со лажни барања за предвремени парламентарни избори заедно со локалните, да се посвети на внатрешни кадровски и програмски реформи“.

Сепак, како што велат од ВЛЕН, додколку Ахмети и ДУИ навистина сакаат предвремени парламентарни избори, „прво тој треба да депонира писмена гаранција дека кога ќе загуби ќе си замине од политиката, за да не трошиме народни пари за проблемите на Ахмети и Села да спречат распаѓање на нивниот таканаречен (европски)фронт.

The post ВЛЕН: Ако Ахмети навистина сака предвремени избори, да се обврзе дека по поразот ќе си замине од политиката appeared first on Република.

Ние сме подготвени, како што побаравте од говорницата на Собранието, граѓаните да го кажат својот збор за сите овие прашања и да утврдат по една и пол година од вашата влада ЗА кој пат се!, напиша претседателот на ДУИ, Али Ахмети на неговиот фејсбук профил како одговор на денешната изјава на премиерот Христијан Мицкоски за заеднички парламентарни и локални избори во октомври 2025 година.

Ахмети пишува дека Демократската унија за интеграција ја добила апсолутната поддршка од граѓаните во сите изборни процеси од 2002 до 2024 година. Тој посочува дека како резултат на изборните победи низ годините, ДУИ бил во владини коалиции заедно со СДСМ, ВМРО ДПМНЕ, но и со Алијансата за Албанците, Беса, Алтернатива, ДПА, додека другите експоненти биле дел од нашата одговорност во овие 22 години, во нивните заеднички коалиции.

Заедно ги делевме обврските, сработеното и нестореното, објави Ахмети, додавајаќи дека ДУИ не ги смениле ставовите, туку сите други ги смениле позициите во зависност од околностите, како што пишува, дали се со нас во коалицијата или не.

 

Затоа, не бараме учество во Владата за да избегаме од било каква измислена одговорност во континуитет во овие 22 години, која одговорност секогаш се споделувала со вас, туку да го почитуваме гласот на суверенот, да се престане со понижувањето на Албанците, да ја интегрираме земјата во Европската унија, за добри меѓуетнички и меѓусоседски односи, за целосен ветинг на политичарите, судиите, обвинителите, олигарсите, процесот на приватизација, како и меѓународно мониторирана неселективна правда, пишува Ахмети.

The post Ахмети: Не бараме учество во Владата за да избегаме од каква било измислена одговорност во континуитет во овие 22 години appeared first on Република.

Претседателот на Демократската Унија за Интеграција, Али Ахмети, синоќа на средбата со граѓаните на општина Боговиње изјави: „Самиот Мицкоски вчера побара оддржување на предвремени парламентарни избори со локалните следната година во Октомври, тогаш нека се подготви добро за догодина“.

Ахмети меѓу другото рече дека ја поддржува идејата на премиерот Мицковски во октомври следната година заедно со локалните избори да се одржат и парламентарните избори.

Заедничкото одржување на парламентарните и локалните избори во октомври 2025 година, исто така, им овозможува на граѓаните и на државата да заштедат десетици милиони евра во 2029 година, бидејќи локалните, парламентарните и претседателските избори ќе се организираат заедно.

Самиот Мицкоски вчера изјави дека ќе имаме предвремени парламентарни и локални избори по една година. Македонската опозиција мора да биде храбра затоа што немаат што да загубат, нека се подготват добро по една година на терен на избори со ВМРО, а ние на избори со сите оние кои не мислат како нас и се претставуваат како претставници на Албанците во институциите на државата, изјави синоќа првиот човек на ДУИ Али Ахмети.

The post Ахмети: Мицкоски самиот вчера побара оддржување на предвремени парламентарни избори со локалните во октомври appeared first on Република.

Сите криминалци и политичари користат ист телефон, а тоа не е ниту Андроид ниту Ајфон.Најчесто е Нокиа 3310 или Блекбери.

https://republika.mk/vesti/svet/kakvi-telefoni-koristat-najpoznatite-kriminaltsi-i-dileri-na-droga/

Телефоните на BlackBerry сè уште ги користат американските претседатели, германската канцеларка Ангела Меркел и шефовите на други големи компании ширум светот.

Причината за ова е исклучително едноставна – BlackBerry нуди највисоко ниво на безбедност од прислушување. Во времето кога BlackBerry беше еден од најпопуларните производители на мобилни телефони, луѓето имаа доверба во овие уреди, што не може да се каже за Android.

Крадци, дилери, убијци и бројни криминалци ги користеле услугите на Phantom Secure, која ги модифицирала телефоните за безбедна комуникација – отстранувале камери, микрофони, GPS…

Една од компаниите која се занимава со вакви модификации е Phantom Secure.

Според ФБИ, компанијата на Рамос е основана исклучиво за да им служи на криминалците, а тие ги модифицирале телефоните како BlackBerry и Android со кои отстранувале камери и микрофони, GPS навигација и отстранувале класични апликации за комуникација и веб-прелистувачи и инсталирале апликации наменети само за комуникација преку безбедни мрежи.

The post Ова се најдоверливите телефони кај криминалците appeared first on Република.

Демократската унија за интеграција цени дека премиерот на Владата без етнички легитимитет, во недостиг на аргументи, продолжува да клевети и да создава непостоечки ситуации кои служаат за моментален дефокус за да се извади од срамните секојдневни ситуации, велат од ДУИ преку соопштение.

„Прво беше станот во Бутел со вооружени луѓе, потоа заклетва дека никогаш нема да го признае уставното име и договорот од Преспа, потоа зборуваше дека државата ќе се дестабилизира во септември, го нарече и проектот Коридор 8 епски коруптивен криминал и на крајот рече дека тоа е историско достигнување, рече и дека ќе го укине покачувањето на платите од 78% за функционерите и многу други работи кои се докажаа дека се лаги, исто како и се претходно, и „смс“ пораките од ДУИ се лаги.

Бараме Мицковски веднаш да ги објави вечерва, во спротивно ќе биде обична лага и клевета од собраниската говорница.

ДУИ останува посветена на сопствените приоритети и на граѓаните, кои за жал оваа Влада без етнички легитимитет ги нема, туку напротив не оддалечува од Европа и од добрите меѓуетнички и меѓусоседски односи“, стои во соопштението на ДУИ.

The post ДУИ бара Мицкоски да ја објави целата комуникација со нив appeared first on Република.

Али Ахмети стана активен на Фејсбук. Тој почна да објавува статуси и видеа а на едно од нив му одговори на премиерот Христијан Мицкоски откако тој му порача дека не вреди да го коментира писмото што му го испратил.

https://republika.mk/vesti/makedonija/ali-ahmeti-ima-nokia-3310-ne-pishuva-nitu-sms/

„Краток прилог на едно однапред документирано предупредување на владини одлуки и директни и јавни политички инструкции до Уставниот суд“, напиша Ахмети.

Сево ова не би било ништо чудно ако не се знае дека неговиот најблизок соработник Артан Груби во април годинава не откри дека Ахмети не користи социјални мрежи, нема паметен телефон, па дури не пишува ниту СМС пораки.

Според Груби, Ахмети користи стара Нокиа 3310 која беше многу популарна во деведесеттите години и важи за најиздржлив телефон на кој батеријата му држи неколку дена.

https://republika.mk/vesti/svet/kakvi-telefoni-koristat-najpoznatite-kriminaltsi-i-dileri-na-droga/

На ваквата умешност на Али Ахмети би му позавидел и славниот Чак Норис.

Видеото можете да го видите тука.

The post Kако Али Ахмети со стара Нокиа 3310 објавува видеа на Фејсбук? appeared first on Република.

Во вчерашна емисија „Заспиј ако можеш“ пратеникот од ВМРО-ДПМНЕ, Драган Ковачки, изрази јасен став во однос на писмата на Али Ахмети, и албанските политички претставници во Македонија. Ковачки ја рефлектираше актуелната политичка динамика и рече дека ВМРО-ДПМНЕ се позиционира како легитимна сила која ги застапува интерсите на сите грѓани на Македонија.

Не доаѓа во предвид Али Ахмети да биде тој кој што ќе прави споредби и ќе биде лидер на Албанците. Тој не е веќе лидер на Албанците. Албанците имаат свои лидери и тие лидери се во Владата на ВМРО-ДПМНЕ. Во македонската Влада седат лидерите на Албанците, тие се репрезентите на Албанците во моментот. Имаат Албанците претставници и во парламентот. А Али Ахмети, тој негов Европски фронт во моментот се распаѓа, кажа Ковачки.

Ковачки нагласи дека Ахмети не може да се претставува како единствена сила која ги обединува Албанците.

Меѓутоа Али Ахмети не е репрезент на сите Албанци. Тој се претставува дека ги обединува сите Албанци и зборува во нивно име. Видовме тој колку им мисли, видовме каде живее во какви и хациенди, колку се грижи за обичните Албанци, јасно им е на сите и затоа веќе тие не се дел од македонската власт, изјави Ковачки.

Тој се осврна и на однесувањето ДУИ, и нивниот повторен обид за манипулации и закани.

Таа дописна агенција наречена ДУИ во моментов нема друга опција освен да се заканува и да објаснува дека тие немаат игра, тие цело време можат да играат на етничка карта, истакна Ковачки.

Ковачки потенцираше став на премиерот Христијан Мицкоски, кој ја исклучува дискусијата за етничките прашања

Премиерот, Христијан Мицкоски, кажа дека етничките прашања нема да бидат дискутирани. Македонија треба да се развива, а ние веќе тргнавме напред, Ахмети повторно сака да не навраќа на некои работи кои се затворени, рече Ковачки.

Кoвачки дополнително укажа на недоследностите во комуникацијата на Ахмети.

На Али Ахмети не му се исти писмата до претседателот на ВМРО-ДПМНЕ и до странските амбасади. Тие се разликуваат во одредени сегменти, некаде има закани некаде нема. Ме интересира како може Али Ахмети да се заканува во оваа држава со дестабилизација и со пред воена состојба во земја членка на НАТО во услови кога имаме војна која беснее на тлото на Европа. Дали господинот Али Ахмети мисли дека некој ќе му дозволи да си игра со стабилноста на Македонија. Јас мислам дека е надвор од разумот, и треба да се праша дали живее во имагинација или во реалниот свет, дециден е Ковачки.

The post Ковачки: Ахмети со цел памет се заканува со предвоена состојба во држава членка на НАТО appeared first on Република.

Почнете да ги апсите, ако сакате да се спасиме од ова зло, порача Ивор Мицковски зборувајќи за писмата кои Али Ахмети како лидер на ДУИ сега ги испраќа до меѓународните лидери.

Паѓаш од власт после 20 години криминал без осет, збориш каква била светската геополитичка реалност и после ги замараш Шолц, Блинкен и Макрон со твоите глупости и монтировки.
Беа и останаа без усул Али Баба и 40-те разбојници.
Почнете да ги апсите, ако сакате да се спасиме од ова зло, порачува тој.

The post Мицковски: Почнете да ги апсите, ако сакате да се спасиме од ова зло appeared first on Република.

Премиерот Христијан Мицкоски денеска кажа дека го добил и го прочитал писмото на лидерот на ДУИ Али Ахмети, во врска со „неодамнешните одлуки на Уставниот суд и нивното влијание врз меѓуетничката кохезија и одржливоста на земјата“.

Го добив писмото, го прочитав. Писмото би го поделил во два дела, првиот дел е геостратешки осврт на состојбата во регионот, вклучително Блискиот Исток и Украина, додека вториот дел е обвинување на уставните судии коишто ги избрало мнозинството на СДСМ и на ДУИ дека спроведуваат програма на ВМРО-ДПМНЕ. Не сум знаел дека овие судии избрани од мнозинството на СДСМ и ДУИ спроведува програма на ВМРО-ДПМНЕ, дека бил загрижен за предметот поврзан со законот за јазици и да сум интервенирал кај уставните судии избрани од СДСМ и ДУИ да внимаваат што прават бидејќи на тој начин можеле да ја дестабилизираат државата. Тоа е писмото, јавноста нека оцени дали тоа заслужува коментар - рече Мицкоски, одговарајќи на новинарски прашања пред конференцијата „Блумберг Адрија“.

Според него, поминало времето кога политичарите можеле на тој начин да влијаат на одлуки на судии и обвинители.

Јас разбирам дека ДУИ се уште е во тој периметар и низ таа оптика низ која тие гледаат, тие мислат дека на тој начин треба да функционираме ние како држава, јас не мислам, а посебно на памет не ми паѓа било каква комуникација со уставни судии или било какви судии и обвинители кои се избрани од мнозинството СДСМ и ДУИ. Бидејќи тие истите рејтингот на правосудниот систем го сведоа на едноцифрен број проценти - рече Мицкоски.

Информира дека викендов остварил средба со европскиот експерт за правосудство Бранко Хорватин.

Веќе остварив средба со европски експерт во мојот кабинет за време на викендот, тој е Бранко Хорватин кој работи на проект финансиран од страна на ЕУ во Црна Гора дека многу добив квалитетни идеи во делот на реформите во правосудството, и во текот на следната недела очекувам веќе да имаме оперативна средба со министерот и со луѓето кои се веќе дел од оваа работа и да почнеме веќе да работиме. Најпрво да почнеме од Судскиот совет, па после од Советот на јавни обвинители, се до оној момент додека не го ослободиме Судството и Обвинителството октроирани од партиските стеги на ДУИ и на СДСМ - рече Мицкоски.

Инаку, како што соопшти ДУИ претходно, писмото од Ахмети е „одговор на сериозните предизвици со кои се соочува Македонија во еден исклучително чувствителен геополитички момент, кога секоја нова тензија може да има негативни последици врз меѓуетничките односи и внатрешниот развој“. Ахмети во писмото истакнува дека одлуките за укинување на заштитните механизми за заедниците и измените на Законот за употреба на јазиците не само што се политички контроверзни, туку, се посочува во соопштението, се опасни и штетни за напредокот и одржливоста на општеството.

The post Мицкоски го прочитал писмото од Ахмети, вели дека поминало времето кога политичари можат да влијаат на судии appeared first on Република.

Премиерот Христијан Мицкоски вели дека не го видел писмото што му го испрати лидерот на ДУИ Али Ахмети во врска со неодамнешните одлуки на Уставниот суд и нивното влијание врз меѓуетничката кохезија и одржливоста на земјата, но истакнува дека мора да се посвети внимание на секое писмо од секој граѓанин.

На новинарско прашање Мицкоски денеска истакна дека со големо внимание пристапува во комуникацијата со граѓаните.

Не, не сум го видел. Инаку, јас дневно добивам многу писма и ги читам, добивам многу пораки, и со големо внимание пристапувам во комуникацијата со граѓаните. Господинот Ахмети е граѓанин и мора да се посвети внимание на секое писмо од секој граѓанин, така постапува одговорна Влада. Како што кажа вицепремиерот Меџити ние не играме фудбалчиња, ние работиме и сме одговорни - рече Мицкоски, кој одговараше на прашања по увидот на работите за изградба на автопатот Гостивар Букојчани на Коридор 8.

Како што соопшти претходно ДУИ, писмото од Ахмети е одговор на сериозните предизвици со кои се соочува  Македонија во еден исклучително чувствителен геополитички момент, кога секоја нова тензија може да има негативни последици врз меѓуетничките односи и внатрешниот развој. Ахмети во писмото истакнува дека одлуките за укинување на заштитните механизми за заедниците и измените на Законот за употреба на јазиците не само што се политички контроверзни, туку, се посочува во соопштението, се опасни и штетни за напредокот и одржливоста на општеството.

ДУИ апелира до политичките партии и институции за поголема одговорност и зрелост во овој критичен период, поттикнувајќи решенија кои ќе ја зајакнат соработката и заедништвото, а не поделбите. Писмото на Ахмети, како што наведуваат од партијата, претставува повик за соработка, взаемна почит и конструктивен дијалог.

ДУИ останува посветена на заштитата на меѓуетничкото разбирање и инклузивноста, кои се темели на напредокот на Македонија и нејзината европска иднина, стои во соопштението.

The post Мицкоски вети дека ќе го прочита писмото на Ахмети: Мора да се посвети внимание на пораките на секој граѓанин appeared first on Република.

Претседателот на Демократската унија за интеграција (ДУИ), Али Ахмети, упатил официјално писмо до претседателот на ВМРО-ДПМНЕ, Христијан Мицкоски, во врска со неодамнешните одлуки на Уставниот суд и, како што пишува, нивното влијание врз „меѓуетничката кохезија и одржливоста на земјата“.

Во прилог: Писмото на Али Ахмети до Христијан Мицкоски

Почитуван г. Христијан Мицкоски,
Претседател на ВМРО-ДПМНЕ,

Ви се обраќам во исклучително чувствителен период за нашата земја. Геополитичката состојба е поопасна од кога било од крајот на минатиот век, со ескалацијата на руската агресија во Украина, амбициите на Кина, сложената ситуација на Западен Балкан, нестабилноста во Босна и Херцеговина, тензиите меѓу Косово и Србија, како и континуираните блокади од страна на Бугарија. Во оваа комплицирана средина, секое ново нарушување на меѓуетничките односи би имало сериозни последици за внатрешната кохезија и предвидливост.

Последните одлуки на Уставниот суд, кои изгледа дека се извршување на програмата на вашата партија за укинување на клучните механизми за заштита на заедниците, предизвикаа загриженост кај сите граѓани кои се посветени на градењето на подобро одржливи меѓуетнички односи во Cеверна Македонија.

Охридскиот договор, кој донесе подобро меѓуетничко разбирање, не е само политичко прашање, туку е темел на нашата мултиетничка демократија, стабилност и демократски напредок. Секоја обид за негово доведување во прашање, особено во актуелниот контекст, е чекор кој може да ја влоши состојбата во земјата и регионот.

Одлуките за измена или ревизија на Законот за употреба на јазиците, кој е клучен елемент на Охридскиот договор, не се само политички контроверзни, туку и штетни за напредокот и соработката меѓу заедниците. Ова е развој што може да ги поткопа придобивките стекнати со значителен труд и да ја врати земјата во периоди на несигурност.

Затоа, ве повикувам да размислите со зрелост и одговорност за овие одлуки кои имаат потенцијал да ја нарушат мултиетничката кохезија во Cеверна Македонија. Иднината на нашата земја треба да се гради врз основа на соработка и взаемна почит, а не врз поделби. Секој чекор што ги нарушува овие основи е штетен за иднината на нашата земја и за сите нејзини граѓани, без разлика на етничката припадност.

The post Ахмети му пиша писмо на Мицкоски appeared first on Република.

Првиот вицепремиер и министер за животна средина и просторно планирање Изет Меџити ги отфрли обвинувањата на претседателот на ДУИ, Али Ахмети, кој пред неколку дена рече дека актуелната власт ги понижува Албанците и ја покани коалицијата ВЛЕН да излезе од Владата.

Меџити, во интервју за „Лајм“ истакнува дека Албанците од оваа Влада си го добиваат својот дел.

Албанците добиваат многу удел во буџетот. Значи, добиваат некаде околу 30 милиони евра само во оваа половина година, а тоа го добиваат и општините кои не се ВЛЕН, а се ДУИ. И да ги седнете без камери и искрено да разговарате, велат подобро ни било кога ДУИ е во опозиција отколку кога ДУИ била во Влада. Изненадени сме што немаме проекти толку колку што Владата обезбедува средства за реализација на конкретни проекти за граѓаните. Тоа е првпат една Влада да не прави разлика како во минатото, кога Чаир и Тетово не добија ниту денар од буџетот на Македонија. Ние не го правиме истото, ние ги третираме општините без оглед на припадноста, бидејќи таму се нашите граѓани, ние сме за граѓаните, и тие градоначалници се избрани од граѓаните. Не држи констатацијата на Ахмети, рече Меџити, соопштија од неговата партија Демократско движење.

The post Првпат една Влада да не прави разлика како во минатото, кога Чаир и Тетово не добија ниту денар од буџетот на Македонија appeared first on Република.