Во 10:00 часот претседателот на Владата на Република Македонија Христијан Мицкоски ќе го пречека и ќе биде домаќин на посетата на претседателот на Владата на Република Србија, Милош Вучевиќ и српската делегација, соопштија од владиниот кабинет.

Во рамки на посетата ќе се одржи тет-а-тет средба на претседателот на Владата, Мицкоски со претседателот на Владата на Република Србија, Вучевиќ.

Исто така ќе се одржи и пленарна средба помеѓу делегацијата на Владата на Република Македонија и делегацијата на Владата на Република Србија, по што ќе следи свечено потпишување на Меморандум за соработка меѓу македонското Министерство за енергетика, рударство и минерални суровини со српското Министерство за рударство и енергетика.

Во 11:45 часот заедничка прес конференција за медиумите во Медија центарот на Владата ќе одржат премиерот на Република Македонија, Мицкоски и на премиер на Република Србија, Вучевиќ.

Го покануваме Вашиот медиум да ја проследи заедничката прес- конференција.

The post Премиерот на Србија во посета на Македонија appeared first on Република.

Премиерот на Република Србија, Милош Вучевиќ е позитивен на корона вирусот, поради што се откажани сите средби и посети планирани за следните неколку дена, јави дописникот на МИА од Белград.

-Премиерот Вучевиќ е на домашно лекување, користи медицинска терапија и се чувствува добро, соопштија од Владата на Р.Србија.

Во соопштението се додава дека „претседателот на Владата на Република Србија ќе ги извршува сите должности од дома“.

Тој денеска требаше да присуствува на продолжетокот на вонредната седница на Собранието со вкупно 60 точки на дневен ред, меѓу кои е и Декларацијата, која беше усвоена во Сесрпскиот собор на 8 јуни во Белград.

Последна меѓународна активност на премиерот Вучевиќ беше во петкот кога имаше средба со македонскиот министер за внатрешни работи Панче Тошковски.

The post Српскиот премиер Вучевиќ позитивен на коронавирус appeared first on Република.