Договорот за извоз на жито од украинските пристаништа на Црното Море е продолжен за 60 дена, изјави денеска заменик министерот за надворешни работи на Русија Александар Грушко.

Тој рече дека е потврдено оти договорот е дел од пакетот и дека условот е да се исполнат сите ветувања дадени на руската страна, пренесува РИА Новости.

Според Грушко, Руската Федерација ќе продолжи да бара отстранување на сите пречки за испорака на земјоделски производи на светските пазари.

Договорот, кој на 22 јули 2022 година го потпишаа претставници на Русија, Турција, Украина и ОН вклучува извоз на украинско жито, храна и ѓубрива од три пристаништа на Црното Море, вклучително и Одеса.

Заедничкиот координативен центар во Истанбул е одговорен за координација на движењето на бродовите.

Договорот истече на 18 ноември минатата година, но неговите услови вклучуваа автоматско продолжување на 120 дена доколку нема забелешки од ниту една страна.

Самиот договор за жито е составен дел од пакетот, кој, меѓу другото, предвидува деблокирање на извозот на руска храна и ѓубрива.

Москва истакнува дека овој услов не бил исполнет и покрај уверувањата на ОН.

The post Грушко: Договорот за извоз на жито продолжен за 60 дена appeared first on Република.

Заменик шефот на руската дипломатија Александар Грушко денеска изјави дека нема закана од директен конфликт меѓу Русија и НАТО, но дека постојат ризици.

Грушко изјави за ТВ Русија-24 дека Русија смета на здравиот разум на НАТО за да избегне конфликт.

Се разбира, постојат ризици од конфликт. Нема гаранции дека некои инциденти нема да се случат - рече Грушко, додавајќи дека Русија е загрижена за испораката на оружје на Алијансата за Украина, и дека „сето тоа е многу опасно“.

The post Москва: Нема закана од директен конфликт меѓу Русија и НАТО, но постојат ризици appeared first on Република.

Русија нема да учествува во денешните консултации што ги побара Киев за Виенскиот документ на ОБСЕ.

Ако некој сака да игра некои политички игри, нека ги игра. Ние, пак, сериозно ги сфаќаме инструментите за зајакнување на довербата и безбедноста и нема да дозволиме да се користат за непристојни цели - изјави рускиот заменик министер за надворешни работи, Александар Грушко.

Тој ги прекори државите кои најмногу инсистираат за придржување до Виенскиот документ дека „не мрднале со прст за да ги покренат соодветните процедури кога украинската армија ги бомбардира сопствените граѓани и спроведува вистинска борбена операција против нив со учество на вооружените сили“.

Украина побара консултации за имплементација на Виенскиот документ од 2011 во однос на мерките за градење доверба и безбедност со цел да се објасни „невообичаената воена активност“ на Русија долж руско-украинската граница.

Состанокот меѓу земјите-членки на ОБСЕ ќе се одржи зад затворени врати на ниво на воено-политички претставници на засегнатите страни на оваа организација.

The post Русија нема да учествува во консултациите за Виенскиот документ appeared first on Република.