Манчестер јунајтед одлучи да ги намали исплатите на Алекс Фергусон за да заштеди пари, пренесува „The Athletic“.

Забележано е дека на крајот од тековната сезона, 82-годишниот стручњак повеќе нема да добива „мултимилионски“ исплати од клубот за неговата работа како амбасадор на клубот.

Шефот на INEOS и акционерот на Манчестер јунајтед, Џим Ретклиф лично го известил Фергусон за оваа одлука. Прашањето беше решено на мирен начин.

Според Атлетик, „Црвените ѓаволи“ првично му плаќале на Фергусон 2,16 милиони фунти годишно за неговите услуги како клупски амбасадор, но ситуацијата подоцна се променила.

Се тврди дека Шкотланѓанецот ќе остане директор на клубот и ќе продолжи да присуствува на натпреварите на тимот.

Фергусон беше главен тренер на Јунајтед од 1986 до 2013 година. Под негово водство, тимот стана шампион на Англија 13 пати, го освои ФА Купот 5 пати и Суперкупот на земјата 10 пати. Исто така, под негово водство, Манчестер јунајтед двапати ја освои Лигата на шампионите и еднаш Суперкупот на УЕФА

The post Maнчестер јунајтед штеди, нема веќе да го плаќа Фергусон appeared first on Република.

Ложата на Алијанц Арената врие од познати личности од фудбалот, но и надвор од него, а една од поинтересните двојки се легендарните тренери Жозе Мурињо и Сер Алекс Фергусон.

Мурињо и Фергусон беа ривали, но и големи пријатели, отсекогаш имале почит еден кон друг, а имаа и традиција да пијат вино по нивните меѓусебни натпревари. Денеска сигурно има што да си кажат.

Мурињо средбата со Ферги ја објави и на својот инстаграм профил:

 

View this post on Instagram

 

A post shared by Jose Mourinho (@josemourinho)

The post Мурињо и Фергусон заедно го гледаат првиот меч на Европското првенство appeared first on Република.

Поранешниот напаѓач на Манчестер јунајтед, Вејн Руни, направи споредба меѓу неговиот поранешен тренер Сер Алекс Фергусон и актуелниот предводник на Манчестер сити, Пеп Гвардиола.

- Секако дека ќе има дебата за тоа кој е подобар. Луѓето имаат тенденција да гледаат што направи Сер Алекс во Манчестер јунајтед, но, она што го направи тој во Абердин е неверојатно. Запрашајте се дали Гвардиола може да го стори истото со тим како Абердин? Ќе има прашања и дискусии. Мислам дека Гвардиола е секако најдобар за неговата ера и го промени начинот на кој се игра фудбал низ целиот свет. Но, она што Сер Алекс го постигна во фудбалот е неверојатно за мене, изјави Руни за „ESPN“.

Фергусон беше главен тренер на Абердин од 1978 до 1986 година. Со клубот три пати го освоил првенството на Шкотска, четири пати Купот на Шкотска и по еднаш Лига купот на Шкотска, Купот на победниците на Куповите на УЕФА и Суперкупот на УЕФА.

Гвардиола со Сити освои шест титули во Премиер лигата, четири Лига купови, два ФА купа, два Суперкупа, Лигата на шампионите, Суперкупот на УЕФА и Светското клупско првенство

The post Koj е подобар-Фергусон или Гвардиола? appeared first on Република.

Мурал насликан во чест на Елизабета Втора ги поделени мислењата на интернет, при што некои се жалат на очигледниот недостаток на сличност со покојната кралица. Исто така, на социјалните мрежи многумина тврдеа дека тој повеќе личи на легендарниот фудбалски тренер Сер Алекс Фергусон.

Од смртта на кралицата на 96-годишна возраст минатата недела, луѓето ширум Велика Британија и ширум светот оддадоа почит на различни начини.

Во западен Лондон, уметникот Јигнеш Пател и неговиот братучед Јаш Пател насликаа голем мурал на покојната кралица. Дуото помина два дена завршувајќи го уметничкото дело, кое беше насликано на двокатна куќа на Кингсли Роуд, пренесува Би-Би-Си.

„Ние ја сакаме кралицата, а кога почина, мислевме дека мораме да и оддадеме почит“, изјави Јигнеш за Би-Би-Си.

Сепак, муралот беше брутално критикуван на социјалните мрежи, а неколку луѓе истакнаа дека повеќе личи на легендарниот менаџер на Манчестер Јунајтед, Алекс Фергусон. Еден корисник го исмејувал муралот сугерирајќи дека првично бил негов портрет кој во последен момент добил поинаква креативна насока.

„Матеј... дали сè уште го сликаш муралот на Сер Алекс Фергусон“, „Да... јас сум на половина пат. Зошто?“ „Имаше промена на планот. Погледнете што можете да направите“, се пошегува тој во твит.

Друг ја имаше истата идеја, коментирајќи: „Голема почит за Алекс Фергусон“.

The post Дали е ова Kралицата Елизабета или Алекс Фергусон? appeared first on Република.