„Не постојат такви црвени подруми. Мислам дека господинот Ахмети е опкружен со луѓе кои во целиот овој период го доведоа во една ваква ситуација да верува во фантазија, а не во реални работи и тоа е неговата клучна грешка“, истакна претседателот на ВМРО-ДПМНЕ, Христијан Мицкоски, во интервју за ОРА 24.

Претседателот Мицкоски истакна дека не постојат црвени подруми, ниту некогаш постоеле.

Мојата порака е дека не постојат подруми, се е транспарентно, се е јасно. Јас зборував уште од многу одамна дека природната опција за ВМРО-ДПМНЕ е да коалицира со албанската опозиција во Македонија. Така беше и на локалните избори, тие водеа кампања против мене, ВМРО-ДПМНЕ и во Тетово и во Гостивар немаат градоначалници, загубија на овие парламентарни избори. Нема потреба да верува во вакви заговори, не постојат, многу е јасна ситуацијата, многу е едноставна, треба да се помири со поразот, треба да замине во опозиција. Мој совет е да се ослободи од некои луѓе со кој тој е опкружен, треба повеќе да се фокусира на реалните работи и потоа едно ново ДУИ со нови луѓе и освежена кадровска и програмска платформа може да дојде да седнеме да разговараме, да видиме како ќе биде во иднина“, дециден е Мицкоски.

The post Мицкоски му одговори на Ахмети: Природната опција за ВМРО-ДПМНЕ е да коалицира со албанската опозиција appeared first on Република.

Приврзаниците на крилото на Сали Бериша од Демократската партија и Партијата на слободата на Илир Мета,  денеска го одржаа шестиот по ред протест пред општина Тирана, на кој не изостана фрлањето колотови колтели и други предмети врз објектот и обиди за насилно влегување во него.

Освен барањето за оставка од градоначалникот Ерион Велиај, по апсењето на неколку директори на општината поради вмешамост во корупција, учениците во протестот, меѓу кои и неговата ќерка Аргита Малтези, за првпат побараа ослободување на Бериша од куќен притвор.

-Со повикот за ослободување на Сали Бериша уште еднаш јасно ја открија целта на нивниот протест, кој денеска траеше два часа, јавија медиумите.

Инаку, од фрлените молотови коктели пламенот избувнал на двата влеза во зградата а еден полициски службеник  бил онесвестен од насилен удар на учесник во протестот.

The post Нов протест на албанската опозиција, прв со барање за ослободување на Бериша од куќен притвор appeared first on Република.

Изет Меџити од албанската опозиција вели дека веќе не важи принципот на победник со победник на изборите веќе не важи и дека бил прекршен токму од ДУИ во 2016 година.

https://republika.mk/vesti/makedonija/toa-nema-da-se-sluchi-bujar-osmani-se-zakani-deka-nema-da-dozvoli-dui-da-ne-bide-vo-idnata-vlada/

„Се сеќавате, во 2006 година ДПА иако не беше победник кај албанскиот политички блок, стана дел од Владата. Во 2008 година со мајскиот договор беше утврдено правилото влада да се состави од ‘победник со победник’, односно победникот кај македонскиот политички блок да состави влада со победникот кај албанскиот политички блок. Но, во 2016 година токму ДУИ го прекрши тој договор. Тогаш ВМРО-ДПМНЕ на тие избори имаше добиено 51 пратеник, а СДСМ 49. И, тогаш токму ДУИ го прекрши договорот и со СДСМ направи Влада. Од денешна призма на гледање, добро е што така се направи заради стратешките интереси на државата. Но кога едно правило ќе го прекршиш тогаш немаш веќе право од другите да бараш тоа правило да го почитуваат. Тоа правило повеќе не важи“.

Меџити даде и дополнителен коментар поврзан со т.н. принцип „победник со победник“ и нагласи дека ДУИ и од друг аспект нема право да се почитува тој веќе напуштен принцип.

„Сега, по 20 години власт, заради силата на Вреди, Али Ахмети спасот го побара кај други етнички заедници, кај Турците, Ромите, Бошњаците. Тоа е легитимно, но не може сега Ахмети да се повикува дека тој со ДУИ е албанската опција, затоа што сега само Вреди е чиста албанска опција. Прави разлика во гласови заедно со други етнички партии, а се повикува на албанство! Покрај тоа, и кај ВМРО-ДПМНЕ се застапени помалите етнички заедници. Затоа, ниеден аргумент не оди во нивен прилог и убедени сме дека на 8 мај ќе бидеме со најголем број гласови од Албанци и со најголем број пратеници Албанци.

The post Meџити: Принципот победник со победник веќе не важи, го прекрши ДУИ appeared first on Република.

Претседателот на ВМРО-ДПМНЕ, Христијан Мицкоски упатил јавна порака до албанската опозиција за коолицирање, но, како што рече, одговор до овој момент нема добиено.

Мицкоски денеска по средбата со Управниот одбор на МАСИТ во Скопје, пак, одговарајќи на новинарско прашање за предлогот на Бујар Османи министер за надворешни работи и кандидат за претседател од ДУИ за постигнување на заеднички консензус за уставните измени, истакна дека „Османи за таков консензус ја има испуштено можноста“, кога, како што рече ВМРО-ДПМНЕ и тој лично на прес-конференција се понудиле да бидат дел од процесот, кој што, според него, го воделе шверцерски и тајно, позади очите на јавноста.

https://republika.mk/vesti/makedonija/mitskoski-za-duel-pendarovski-treba-da-e-pretsedatel-na-sdsm-i-da-se-izvini-na-siljanovska-davkova-za-navredite/

-И ако тој навистина сакаше политички консензус и консензус народен тогаш имаше таква можност како министер за надоворешни работи. За жал тој се однесуваше неодговорно, авантуристички, егзибиционистички и направи историска грешка најприн што го лажеше сопствениот народ, а потоа што го потпиша вториот Протокол, каде што дозволи работата на Комисијата, којашто има за цел да ги утврди историските факти, да биде критериум за напредок на Македонија до полноправно членство во Европската унија, изјави Мицкоски

The post Мицкоски се уште не добил одговор од албанската опозиција за коалицирање по изборите appeared first on Република.

Од платото пред Владата, претседателот на ВМРО-ДПМНЕ Христијан Мицкоски ѝ се обрати и на албанската опозиција.

Сакаме да коалицираме со вас, но и да се почитуваме како пријатели и сограѓани. И Македонците и Албанците и сите останати ги имаат истите проблеми и предизвици. И вашите синови и ќерки се иселуваат исто како и нашите. Да работиме заедно за држава со систем во која сите еднакво ќе имаат привилегии, но и одговорност.

Порака испрати и до ДУИ.

И опозиција е добра за развојот на една партија и за себе евалуација на сопствените грешки. Ослободете се од криминалот, ослободете ја државата од вашите корумпирани функционери и ќе го цениме тоа како ваш влог во соживотот и во системот на државата.

The post Лидерот на ВМРО-ДПМНЕ до албанската опозиција: Да се почитуваме како пријатели и сограѓани appeared first on Република.

Бесар Дурмиши од албанската опозициска коалиција „Вреди“ на денешната прес-конференција реагираше на вчерашната промоција на Бујар Османи за претседателски кандидат под слоганот „НЕ за Русија, ДА за Европа“. Тој обвини дека ДУИ и претседателскиот кандидат и актуелен министер за надворешни работи Бујар Османи го дозоволуваат, како што рече, руското влијание во земјава.

Обраќајќи им се на функционерите на ДУИ, Дурмиши потенцира дека сите нивни постапки и соработки се типични за Русија и Србија, само што сега, како што рече, не можат да ги сокријат.

-Затоа, многу јаснo ви даваме до знаење дека сите знаеме дека вие од една страна се преправате дека сте против Русија, а од друга страна само го дозволувате нејзиното проширување и влијание во Македонија. Мислите дека граѓаните не знаат дека главен партнер ви е Русија. Сите вие 10 години владеевте со најголемиот проруски ориентираниот во државата Никола Груевски. Потоа безбедно го испративте во Унгарија. Им должите на вашите граѓани да ја кажете вистината дали се уште ги продолжувате контактите со Груевски?, рече Дурмиши.

Од албанската опозиција обвинија и дека ДУИ со руски олигарси имаат десетици бизниси со брзи кредити.

Според Дурмиши, претседателскиот кандидат на албанската опозиција Арбен Тараври ќе победи на претседателските избори

The post Албанска опозиција: ДУИ со руски олигарси имаат десетици бизниси со брзи кредити appeared first on Република.

Здружената албанска опозиција веќе не се вика Европски сојуз за промени ЕСП, туку „Влен“ (Вреди).На Движењето Беса, Алтернатива, Демократското движење им се придружи и претседателот на Алијанса за Албанците, Арбен Таравари.

Таравари кој е кандидат на опозицијата за Претседател, рече дека противник на обединетата албанска опозиција е гнилиот 22-годишен систем кој, како што рече, ги омаловажил Албанците во секој аспект.

The post Албанската опозиција го смени името: Веќе не се Европски сојуз за промени туку „Вреди“ appeared first on Република.

Алијанса за Албанците на Арбен Таравари и партиите од коалицијата Европски сојуз за промени (ЕСП), Демократско движење, Движењето БЕСА и Алтернатива, денеска потпишаа Декларација за обединување во пресрет на претседателските и парламентарни избори под слоганот „Вреди“.

Во декларацијата што ја потпишаа лидерите на АА Арбен Таравари, на Демократското движење, Изет Меџити, на Алтернатива Африм Гаши и на Движењето Беса Биљал Касами, истакнуваат дека поставуваат темели на нова ера кај албанските партии во државава. Кандидат на четирите партии за претседателските избори ќе биде Таравари.

Денеска со потпишувањето на оваа декларација, на овој ден каде ја одбележуваме и независноста на Косово, поставуваме темели на нова ера кај албанските партии во Република Македонија. Оваа декларација е заедничка платформа на сите општествени субјекти и фактори кои оценуваат дека дојдено е времето за голема политичка промена во земјата. Денес, од овој масовен собир, ги повикуваме сите, без разлика – млади, неопределени, очајни, активисти и аналитичари – Придружете се кон промената која доаѓа – рече Меџити.

Таравари изрази надеж дека после 8 мај ќе се случела долгоочекуваната промена во албанскиот блок.

Денеска се официјализира соработката помеѓу албанските опозициски партии првпат после 2011 година кога Албанците генерално гласаат за промени, но не успеваа опозициските партии да најдат заеднички јазик да соработуваат. Јас сум многу среќен што потпишавме Декларација за соработка и се надевам на 8 мај ќе се случи долгоочекуваната промена во албанскиот политички блок – изјави тој.

Касами, пак, рече дека вклучувањето на АА во коалицијата ја покажува одлучноста, револуционерниот дух и волјата за промена на албанскиот народ.

Бидете уверени дека Вашата одлука да бидете дел од овој процес е вреден – посочи Касами.

The post „Вреди“ е слоганот на албанската опозиција која потпиша Декларација за обединување appeared first on Република.

Лидерот на Беса, Биљал Касами, по потпишувањето на Декларацијата за обединетост, рече дека вклучувањето на Алијанса за Албанците во коалицијата ја покажува одлучноста, револуционерниот дух и волјата за промена на албанскиот народ.

„Бидете уверени дека Вашата одлука да бидете дел од овој процес е вреден“, рече Касами.

The post Касами: Вклучувањето на АА ја покажува одлучноста, револуционерниот дух и волјата за промена на албанскиот народ appeared first on Република.

Алијанса за Албанците на Арбен Таравари и партиите од коалицијата Европски сојуз за промени (ЕСП), Демократско движење, Движењето БЕСА и Алтернатива, денеска потпишаа Декларација за обединување во пресрет на претседателските и парламентарни избори.

Во декларацијата што ја потпишаа лидерите на АА Арбен Таравари, на Демократското движење, Изет Меџити, на Алтернатива Африм Гаши и на Движењето Беса, Африм Гаши, истакнуваат дека поставуваат темели на нова ера кај албанските партии во државава. Кандидат на четирите партии за претседателските избори ќе биде Таравари.

-Денес со потпишувањето на оваа декларација , на овој ден каде ја одбележуваме и независноста на Косово, поставуваме темели на нова ера кај албанските партии во Република Македонија. Оваа декларација е заедничка платформа на сите општествени субјекти и фактори кои оценуваат дека дојдено е времето за голема политичка промена во земјата. Денес, од овој масовен собир, ги повикуваме сите, без разлика – млади, неопределени, очајни, активисти и аналитичари – Придружете се кон промената која доаѓа – рече Меџити.

Касами, пак, рече дека вклучувањето на АА во коалицијата ја покажува одлучноста, револуционерниот дух и волјата за промена на албанскиот народ.

– Бидете уверени дека Вашата одлука да бидете де од овој процес е вреден – рече Касами.

The post Албанската опозиција ja потпиша Декларацијата за обединување appeared first on Република.

Декларацијата за обединување на албанските опозициски сили ќе биде потпишана денеска во Скопје.

Потписи на декларацијата ќе стават лидерите на Алијанса за Албанците (АА) Арбен Таравари и опозициските партии на Албанците, обединети во коалицијата „Европски сојуз за промени“ (ЕСП)- Изет Меџити на Демократското движење, Африм Гаши на Алтернатива и Билал Касами на Движењето Беса.

Претседателот на АА, кој е и градоначалник на Гостивар, Таравари завчера објави дека ќе биде кандидат за претседател на државата. Неговата кандидатура, како што рече, е предлог на Претседателството на АА, со поддршка од ЕСП. Најави дека ќе се кандидира со доставување на 10.000 потписи, кои очекува да ги собере за два дена.

The post Албанските опозициски партии ќе потпишат Декларацијата за обединување appeared first on Република.

По одобрувањето на Законот за коцкање, попладнево реагираше албанската опозиција, односно Европскиот сојуз за промени. Оттаму оценија дека со донесувањето на законските измени се потврдува дека ДУИ е во голема паника.

„Стравот од кривична и политичка одговорност за стореното дело ги тера очајно да се обидуваат да ја тргнат етикетата дека станале партија на казинотота. Иронично е што Артан Груби се обидува криминалот на казино-бизнисите да го претстави како политички триумф на ДУИ… ДУИ го допре дното. Од партија која се бореше за правата на албанскиот народ се претвори во пералница на валкани пари“, реагира албанската опозиција.

The post Албанска опозиција: Артан Груби се обидува криминалот на казино-бизнисите да го претстави како триумф на ДУИ appeared first on Република.

Претседателот на Алијансата на Албанците Арбен Таравари попладнево на Фејсбук најави дека од Собранието на неговата партија ќе побара да влезат во коалиција со здружената Албанска опозиција.

Ова следува откако се појави иницијатива за смена од лидерската позиција во партијата и по средбата на Таравари со премиерот на Косово Албин Курти.

Toa значи дека АА на избори ќе учествува заедно со партиите на Меџити, Касами и Гаши.

„Имајќи ги предвид вредните и љубезни предлози на сите пријатели, членови и поддржувачи, избрав и да го слушам гласот на луѓето што денес зборува појасно од кога било. Граѓанинот бара Промена! Народот бара политички систем ослободен од корупциската епидемија, која стана најголема пречка за благосостојбата и развојот на Албанците во Македонија. Како претседател на Алијансата за Албанците, јавно го повикувам партиското Собрание да ме поддржи на ова патување и заедно, да го поздравиме овој процес кој го нарекувам Голема и долго чекана промена!“, пишува Таравари.

The post За да не го сменат: Таравари најави дека на избори ќе оди со албанската опозиција appeared first on Република.

Лидерите на Европскиот сојуз за промени (ЕСП), Изет Меџити, Билал Касами и Африм Гаши и претседателот на Алијанса за Албанците, Арбен Таравари, вечeрва во Приштина имале средба со косовскиот премиер Албин Курти.

-Во многу пријателско опкружување, разговаравме за политичките случувања во нашите земји, за соработката што ќе придонесе за унапредување на положбата на Албанците во Македонија, економскиот развој на двете земји и факторизацијата на Албанците во регионот. Сите заедно ни претстои голема работа и обврски, објави Касами за средбата на неговиот фејсбук профил.

Oбјавена е i фотографија од средбата на која се наоѓаат лидерите на ЕСП и Таравари со Курти, а присутен е и претседателот на косовскиот Парламент Глаук Коњувца.

-Доаѓа. Доаѓа. Големата промена доаѓа, пишува на објавената фотографија.

Лидерот на Демократското движење, Меџити, за Клан Косова изјави дека посетата е на поканата на косовскиот премиер, Албин Курти

The post Сите кај Курти: Се приклучува ли Таравари на албанската опозиција? appeared first on Република.

Во време кога албанската политичка сцена во РСМ е поделена меѓу Сојузот за европски промена кој има за цел да ги обедини Албанците за да ја направи долгоочекуваната политичка ротација и интеграција на земјата во ЕУ, и меѓу оние кои ја зазедоа државата и ја блокираа интеграцијата , чувствуваме должност да објасниме дека и понатаму останува отворена понудата за раст на овој опозициски табор.Во оваа прилика сакаме да ја информираме јавноста дека ние досега имавме неколку средби со првиот човек на Алијанса за Албанците и тој ја има отворена поканата да дојде со достоинствено претставување, велат од Демократското движење на Изет Меџити.

Европскиот Сојуз за Промена сака да ги увери Албанците дека победата на оваа коалиција поддржана од албанската дијаспора и релевантниот албански фактор во регионот е веќе евидентна и никој не може да ја спречи.

Не само анкетите и духот на победата, туку и начинот на кој ДУИ се однесува против Сојузот за членот на ДИК, како и можностите за создавање на идната влада, сето тоа е доказ дека победата сигурно ќе дојде. Ова им овозможува на гласачите на АА да бидат претставени на страната што ја испраќа ДУИ во опозиција.

Веќе е евидентно дека гласот на албанскиот граѓанин, вклучително и гласот на активистот и на подржувачот на АА, е за промена на албанската политичка сцена во земјата, па затоа соединувањето на АА со ЕСП ќе овозможи пролетната победа да биде уште поголема и поубедлива.Промената на албанската политичка сцена во земјата секако ќе дојде и сите се добредојдени да бидат дел од неа.

The post Победата на албанската опозиција никој не може да ја спречи appeared first on Република.

СДСМ агитира по неколку амбасади на земји на ЕУ да ја убедат албанската опозиција да нема кандатат за претседател на државата.

Вицепремиерот Бојан Маричиќ во име на СДСМ бара амбасадорите да направат притисок врз Изет Меџити, Африм Гаши и Билам Касами да се откажат од намерата да номинираат кандатот за шеф на државата.

Ова вчера го откри лидерот на ВМРО-ДПМНЕ Христијан Мицкоски дека Маричиќ оди по амбасадите на т.н Квинта и ги моли да ја убедат албанската опозиција да немаат кандидат за претседател на државата.

Причината поради која СДСМ посакува албанската опозиција да нема кандидат за шеф на државата не е стравот од кандидат на новиот „Сојуз за европски промени“ туку ако тие имаат кандидат речиси е сигурно дека и ДУИ ќе има свој кандидат во првиот круг.

Ако тоа се случи, гласовите на Албанците ќе бидат поделени а со тоа ќе се зголеми и разликата меѓу кандидатите на ВМРО-ДПМНЕ и на СДСМ.Тоа пак би ги демотивирало поддржувачите на СДСМ  да го дадат гласот на 8 мај кога заедно со вториот круг на претседателски ќе бидат и парламентарните избори.

Од ВМРО-ДПМНЕ брифираат дека разликата  во првиот круг ќе биде 150.000 гласови во полза на нивниот кандидат, а во вториот и повеќе.

Од албанската опозиција велат дека нема да отстапат од намерата да имаат кандидат за шеф на државата.

Ќе имаме наш кандидат за претседател-потврди за „Република“ Изет Меџити од Демократското движење.

The post СДСМ моли по амбасади да ја убедат албанската опозиција да нема кандидат за претседател appeared first on Република.

Претседателот и пратеник на Алтернатива, Африм Гаши денеска на прес-конференција истакна дека ќе го бојкотираат работењето на Собранието доколку до 31 декември не биде изгласан нивниот кандидат за член на Државната изборна комисија Абдуш Демири.

Ова Гаши го кажа по објавената едночасовна пауза на седницата на Комисијата за прашања на именувањата и избори беше од претседателката на Комисијата Марија Георгиевска по тензичната атмосфера во салата откако пратеничката на албанската опозициска коалиција Сафије Садики Шаини побара да не биде изгласан предлогот за член на ДИК Зулфи Адили поддржан од Европската народна партија на Аријанит Хоџа, кој беше одбиен од членовите на партиите од власта.

-Доколку до 31 декември не биде изгласан нашиот кандидат за член во ДИК ќе го бојкотираме Собранието. Најпрвин нема да учествуваме во работата на Собранието, нема да присуствуваме ниту на седниците на комисиите ниту на ѐпленумоти ќе алармираме и кај граѓаните и кај меѓународниот фактор. После 31 декември освен бојкот на Собранието, ќе ги преземеме сите демократски мерки нашето право да дојде на свое место – да го имаме нашиот член во ДИК. Ќе ги објавиме нашите планови и мерки што нема да се исполни условот до 31 декември, рече Гаши.

Кога е јасен законот, потенцира Гаши, не можете се да терате на сила, затоа што, како што рече, имате еден глас повеќе во Комисијата за именувања и избори.

-Продолжува циркузот и маскарадата  на манипулација за одземање на правото на албанската опозиција да има свој член во ДИК. Оваа наше право одредено со закони ова никој не може да ни го одземе. Мене ми е жал што претседателот на Собранието заедно со претседателката на Комисијата за именувања и избори сакаат да го манипулираат процесот. Што се случува?, праша Гаши.

Наместо претседателот на Собранието да поднесе барање и писмо до опозициските партии на Албанците, наведе Гаши, праќаат писмо и до една новоформирана партија што е незаконски, затоа што Изборниот законик каде се повикува на политички партии, се повикува на политички партии кои учествувале на последните парламентарни избори. Дотолку што таа партија го предложила за член на ДИК да биде членот од Алијансата за Албанците Зулфи Адили. Сите знаат дека тој е член на Алијансата за Албанците, со тоа што тие сакаат двата предлога да одат на пленарна седница, па како мнозинство како што мајоризираат се и сакаат се на гласови да истераат кршејќи закон, сакаат изборниот состав како што е сега четири – два во полза на опозицијата, сакаат уште еден член на опозицијата да додаваат и да биде пет-два. А, албанската опозиција воопшто да се елиминира од процесот на изборите, рече тој.

Гаши нагласи дека доколку немаат член во ДИК ќе им бидат ускратени сите права и рече дека таа битка ќе биде далеку несоодветна и нерамноправна.

-Нема да дозволиме ДИК да се состави незаконски и да продолжи со својата работа, затоа што ние нема да учествуваме во тие избори. Се ќе направиме за да не се случи изборен процес во државата, ако се ускрати ова наше право, рече Гаши.

The post Aлбанската опозиција ќе го бојкотира Собранието ако не им дадат член на ДИК appeared first on Република.

 Седницата на собраниската Комисија за прашања на изборите и именувањата денеска се одвива во тензична атмосфера откако пратеничката на опозициските албански партии Сафије Садики Шаини побара да не биде ставен на гласање предлогот за член на ДИК Зулфи Адили поддржан од Европската народна партија на Аријанит Хоџа, кој беше одбиен од членовите на партиите од власта.

Таа потенцира дека претседателот на Собранието Талат Џафери се ободува да ги саботира изборот. Посочи дека ова место во ДИК и припаѓа на албанската опозиција- на Алтернатива и БЕСА.

Членовите на Комисијата од опозициските албански партии и од опозициската ВМРО-ДПМНЕ почнаа да тропаат по маси и бараат процедурално да се обратат.

За член на ДИК е предложен и кандидатот Абдуш Демири поддржан од албанската опозициска коалиција Европски сојуз за промени.

По утврдувањето на кандидатот, тој треба да се гласа на седница на Собранието. Член на Државната изборна комисија се избира со двотретинско мнозинство.

По именувањето на Кренар Лога за министер за правда се испразни едно место во ДИК.

Претходно, Комисијата за прашања на изборите и именувањата утврди листа со пет кандидати за член на ДИК: Берат Даути, дипломиран правник од Тетово, Абдуш Демири, дипломиран економист од Тетово, Роберт Трајковски, магистер по мир и развој од Куманово, Зулфи Адиљи, дипломиран правник од Скопје и Самир Ракипи, дипломиран правник од Тетово

The post На власта не и се дава местото во ДИК appeared first on Република.

Албанската опозициска Демократска партија остро реагираше по веста дека премиерот Еди Рама се договорол Италија да гради прифатен центар за имигранти во пристанишниот град Шенѓин.

Партиската реакција ја пренесува пратеникот Тритан Шеху, универзитетски професор и поранешен министер, во која се наведува дека „шефот на владата ги брка Албанците за да ја наполни земјата со бегалци".

Исто така се оценува дека одлуката ја загрозува националната безбедност и го зајакнува криминалот.

Рама ги брка Албанците од нивната држава, а ја полни со имигранти во време кога Европа се наполни со албански имигранти. Ова е целосно неодговорна и опасна одлука за нашата национална безбедност и го зголемува криминалитетот - наведува Шеху.

Во реакцијата уште стои дека врз основа на потпишаниот договор за формирање центри за прифаќање имигранти на територијата на Албанија тие ќе бидат со капацитет до 36 илјади годишно.

Овој договор ја става на располагање територијата на земјата и пристаништето за пренасочување на бегалците кон Албанија. Албанија е мала земја, дополнително испразнета од овој режим. Земја со висок криминал и корупција и кревка безбедност - се додава во реакцијата.

Демократите оценуваат дека Албанија може да има такви центри само за бегалците кои се или поминуваат низ нејзина територија, а не да стане „депо“ за оние кои немаат врска со албанската територија.

Рама не може да потпише таков договор, без никаква расправа во нашиот Парламент. Албанија не е негова сопственост, посочуваат опозициските демократи.

Тие констатираат дека „ваквите дејствија, кои се во спротивност со албанските интереси и можности, Рама ги презема само за лични интереси и со цел да го продолжи 'животот' на овој режим“.

Но, сегашните режими не можат долго да 'преживеат' во оваа земја, порачуваат албанските опозициски демократи.

The post Албанска опозиција: Изградбата на прифатни центри за имигранти ја загрозува националната безбедност на земјата appeared first on Република.

Следната недела  албанскиот опозициски фронт Алтернатива, Движење Беса и Демократско Движење ќе ја официјализира соработката за следните избори.

Албанскиот опозициски фронт исто така ги отвора вратите за приклучување кон овој блок интелектуалците, невладините организации и другите субјекти и сите што сакаат промени во СМакедонија.

The post Беса, Алтернатива и Демократското движење следната недела ќе ја објавaт коалицијата за изборите appeared first on Република.