И покрај падот на температурата за околу 15 степени и дождовите што заврнаа, бројот на пожари и интервенции на отворен простор воопшто не се намалени. За жал се уште сме сведоци на неодговорно и несовесно однесување на група граѓани, информираа денеска од ТППЕ Струмица, откако во изминатите три денови гаснеа четири пожари на отворено.

Како што информираа струмичките пожарникари, утрово во 05:20 часот на улицата „Ѓуро Ѓаковиќ“ била запалена помошна просторија. Спречено е ширење на пожарот на куќата и поголема материјална штета, а денеска во 13:00 часот во атарот на село Вељуса била запалена нискостеблеста шума и сува трева.

Вчера и завчера била запалена нискостеблеста шума и сува трева во атарот на село Рич и нискостеблеста и борова шума во близина на браната „Водоча“.

The post ТППЕ Струмица: И покрај падот на температурите и дождовите бројот на пожари на отворено не се намалува appeared first on Република.

Центарот за управување со кризи утринава соопшти дека во текот на вчерашниот ден имало вкупно 22 пожари на отворен простор и дека дождот помогнал сите да бидат изгаснати.

Дождот помогна сите 22 пожари да бидат изгаснати, се вели во утринската информација од ЦУК.

Од Дирекцијата за заштита и спасување (ДЗС) вчера информираа дека располагаат само со еден функционален „Ер трактор“ авион од трите кои ги имаат.

The post Дождот ги изгасна сите пожари на отворено appeared first on Република.

Центарот за управување со кризи (ЦУК) информира дека вечерва, до 19:00 часот, има вкупно 26 пожари на отворен простор, од кои 18 се изгаснати, а активни се осум. Во скопскиот регион има два активни пожара, во општина Петровец, кај селата Градманци, Брезница и Катланово, каде гори нискостеблеста шума и во Општина Чучер-Сандево, кај селото Танушевци, во месноста викана „Рамно“, каде гори мешана шума.

Активни пожари има и во Општина Прилеп, кај селата Пештани - Кокре – Кален – Дуње – Бонче – Крушевица – Волково. Од ЦУК посочуваат дека пожарот се шири на три крака: село Бонче кон село Крушевица, превој Слива кон село Чумово и кон село Пештани. Во овој пожар зафатена е нискостеблеста вегетација.

Во Општина Чашка, на планината Мукос, кај село Степанци пожарот е ставен под контрола, а активен е кај село Оморани и месноста викана „Кадиица“ – село Ораов Дол. Активни пожари има и во Штип, кај селата Хаџи Хамзали – Едеклерци – Топлик, во близина на полигонот Криволак, во Општина Долнени, кај село Десово, во близина на ресторанот „Романса“ на стариот пат Прилеп – Битола и на местото викано Дервен во близина на планинарски дом Дервен.

Директорот на ЦУК Стојанче Ангелов информира дека во скопското село Катланово на терен се екипи на БППЗ Скопје и додаде дека викендиците ќе бидат, како што рече, одбранети од пожарот.

Изгаснати пожари има во општините Брвеница, Јегуновце, Старо Нагоричане, Прилеп, Штип, Кисела Вода, кај булеварот „Борис Трајковски“ кај Расадник, Студеничани, Карпош, Неготино, Куманово, Врапчиште, Крушево, Демир Хисар, Гостивар.

The post ЦУК: Избувнаа 26 пожари, 8 се уште се активни appeared first on Република.

Центарот за управување со кризи попладнево информира дека во текот на денешниот ден до 14 часот имало вкупно 12 пожари на отворено од кои шест се активни, три под контрола и три изгаснати.

Активни се пожарите на планината Мукос меѓу селата Степанци, Оморани и Ораов Дол каде гори мешана шума и во селото Долно Јаболчиште кон планинскиот масив Лисец во општина Чашка каде гори ниска вегетација. Активни пожари има и во општина Долнени меѓу селата Десово и Дреновци, и во општина Прилеп меѓу селата Пештани, Кокре и Кален каде е опожарена ниска вегетација. И во општина Штип меѓу селата Хаџи Хамзали, Едеклерци и Топлик, полигон Криволак има пожар, како и меѓу селата Студеничани-Моране во општина Студеничани.

Под контрола се пожарите кај селото Дурфулија во општина Лозово, кај селото Острец во општина Битола и кај селото Србиново кон Железна рака во општина Гостивар.

The post До 14 часот вкупно 12 пожари, од нив шест активни, три под контрола appeared first on Република.

Претседателката Гордана Сиљановска – Давкова денеска во вилата „Билјана“ во Охрид се сретна со министерот за внатрешни работи Панче Тошковски, при што било разговарано за одговорот на институциите на пожарите во земјата летово.

Како што соопшти Кабинетот на Тошковски, заедничка била констатацијата дека координацијата помеѓу полицијата и армијата, посебно околу гасењето на пожарите во југоисточниот дел на земјата, била на исклучително високо ниво што многу помогнало во справувањето со огнените стихии.

Во таа насока, министерот Тошковски и претседателката Сиљановска-Давкова разговарале за планираните реформи во креирање модерен и ефикасен систем за управување со кризи, што брзо и ефикасно ќе одговара на сите кризни ситуации.

Министерот ја информирал претседателката за безбедносната состојба во државата, актуелните оперативни акции, посебно во градот Скопје, и посветеноста на полицијата за одржување на безбедноста и сигурноста на сите наши граѓани

The post Сиљановска Давкова – Тошковски: Одличната координација помеѓу полицијата и армијата во гасењето на пожарите спречи многу поголеми штети appeared first on Република.

Директорот на Центарот за управување со кризи (ЦУК), Стојанче Ангелов, попладнево преку видео изјава, соопшти дека е изгаснат пожарот на Галичица. Нови пожари избиле на планината Плачковица и во Општина Илинден, додека реактивиран бил пожарот на пробиштипска територија, кај селото Неокази.

Во текот на август, заклучно со вчерашниот ден, на територија на државава имало вкупно 667 пожари на отворен простор. Меѓу нив дури 98 шумски пожари што повеќето се прошириле и, како што истакна Ангелов, биле тешки за гаснење.

Денеска заклучно со 13 часот, имаме вкупно 25 пожари на отворен простор и шумски пожари. Од нив, шест се целосно изгаснати, девет се ставени под контрола, додека 10 се сѐ уште активни. Првата добра вест, е, тоа што пожарот на Галичица е целосно изгаснат. Конечниот удар му го зададе дождот што заврна во оваа област. Пожарот што повеќе од 25 дена гори на територијата на ловиштето „Јасен“ и се движеше кон селото Белица, иако не е изгаснат, е со многу мал обем. Се надеваме дека во попладневните часови и таму ќе заврне дожд и целосно ќе биде изгаснат, дециден беше Ангелов.

Тој информираше дека тежок за гаснење е пожарот на територијата на Општина Долнени, што се движи во насока на село Зрзе и околината. Бидејќи во тамошен манастир се славел празник, Ангелов апелираше верниците да бидат исклучително внимателни, особено при палење свеќи.

Директорот на ЦУК рече дека постои вознемиреност кај населението во селото Цер, како и на останатите села во околината, бидејќи пожарот што се движи во таа насока, бил голем.

Таму денеска дејствуваме со 30 професионални војници, седуммина припадници на локалната Противпожарна единица, осум лица вработени во „Национални шуми“ и најмалку триесетина доброволци, појасни Ангелов.

Големи пожари, како што посочи тој, има и во општините Пласница, Дебар, како и во Долнени кај село Ропотово, каде има два пожара.

Нов пожар што изби предмалку е пожарот на планината Плачковица, некаде на меѓата помеѓу штипскиот дел и делот на општина Карбинци, рече Ангелов.

Итно бил упатен еден „ер трактор“ на Дирекцијата за заштита и спасување.

Пожар предмалку изби и на територијата на Општина Илинден, околу Миладиновци или во близина на „Окта“, додаде Ангелов.

The post Во три недели 667 пожари низ Македонија – денес дождот го изгаси оној на Галичица, ама сега бувна на Плачковица appeared first on Република.

Вкупно 35 пожари на отворен простор имаше во текот на денешниот ден до 19 часот, од кои 13 се изгаснати, пет се ставени под контрола, а активни се 17 пожари. По два активни пожара има во општина Македонски Брод, кај „Јасен“ - Белица и кај село Девич, во месноста викана „Вртешка“, два во општина Кичево, кај селото Цер и кај селата Патеец - Козичино. Активен е пожарот на Галичица, во правец на селата Лескоец и Стење во општина Ресен, а на охридска територија кон месноста Војтино, соопшти вечерва Центарот за управување со кризи (ЦУК).

Активни пожари има и во општините Долнени, Новаци, Валандово, Пласница, Дебар, кај село Гари, Чашка, Македонска Каменица, Василево, општина Сарај, кај село Кондово, во Гевгелија и два пожара има во Струга, кај селата Велешта и Долна Белица и кај Мороишта и Мислешево.

ЦУК информира дека под контрола се ставени пожарите во општина Македонски Брод, кај село Грешница, во Демир Хисар, на Илинска-Плакенска Планина, кај селата Вирово и Слоештица, во Делчево, кај депонијата.

Под контрола се ставени два пожара во општина Чашка, кај селата Папрадиште и Ореше и на планина Мукос кон село Дреновци, Општина Прилеп.

Изгаснати се 13 пожари, од кои два во Пробиштип, потоа во општините Битола, Чешиново - Облешево, Пехчево, кај Негрево, во Ресен, кај селата Болно – Илино, во Кавадарци, кај Ваташа, месност викана Фуштани, во Куманово, кај локалитет Менкова Колиба. Изгаснати пожари има и во Старо Нагоричане, кај село Младо Нагоричане, општина Желино, кај село Чифлик, во општина Гостивар, кај селата Балиндол и Неготино во радовишкото село Подареш, каде гореше депонија.

https://youtu.be/lxkir356Nf0?si=-ooUH649gSo-UzNa

The post Во моментов активни 17 пожари, пет ставени под контрола appeared first on Република.

Вкупно 53 пожари на отворен простор низ државава се евидентирани во текот на вчерашниот ден. Од нив во моментов, 12 сѐ уште се активни, шест се под контрола, а 35 се изгаснати, соопшти утрово Центарот за управување со кризи (ЦУК).

Според соопштеното, три од активните пожари се на територија на општина Македонски Брод. По два се водат како активни во општините Кичево и Чашка. Огнените јазици се активни и во регионот на општините Дебар, Долнени, Новаци, Пласница, Ресен.

Од оние пожари под контрола, првиот е во општина Демир Хисар, на Илинска - Плакенска Планина, кај селата Вирово и Слоештица, каде опожарена била ниска вегетација. Вториот е во општина Битола, на територија на село Острец, каде опожарени биле сува трева и густа мешана шума. Мешана шума била опожарена и во пехчевското село Негрово, како и на територија на општина Чашка, кај селата Папрадиште и Ореше. Под контрола е ставен и пожарот на депонијата во општина Делчево. Букова шума горела меѓу селата Болно и Илино во ресенскиот регион.

The post Вкупно 53 пожари на отворено вчера, 12 сѐ уште активни appeared first on Република.

Одделот за воздухопловни единици при МВР денеска учествуваше со два хеликоптера во гасење на пожарот во реонот на Пехчево.

Во 66 налети исфрлени се над 140 тони вода со што се локализирани дел од краците. Пожарот е се уште активен и продолжуваат активностите за негово гасење, соопшти МВР.

https://youtu.be/3RaUhgzXKjM?si=_B52sTEpE_Z5Xwn5

The post Полициските хеликоптери фрлија над 140 тони вода врз пожарот кај Пехчево appeared first on Република.

На територијата на државата денеска има вкупно 24 пожари на отворен простор, од кои во моментов десет се активни, седум под контрола, додека седум се изгаснати, информираше директорот на Центарот за управување со кризи Стојанче Ангелов.

До 19 часот активни пожари има на три локации во општина Кичево, Пласница, Македонски Брод, Пехчево, Новаци, Ресен, Гази Баба и Крива Паланка.

Под контрола се ставени пожарите во општините Неготино, Македонски брод, Кичево, Демир Хисар, Охрид, Чашка, Делчево и Липково, додека изгаснати се во Неготино, Виница, Босилово, Аеродром, Кочани, Липково и Кичево.

The post ЦУК: Активни десет пожари, седум се под контрола appeared first on Република.

Вкупно 23 пожари на отворен простор се евидентирани изминатото деноноќие. Од нив, три сѐ уште се активни, шест се под контрола, 14 се изгаснати, соопштија денеска од Центарот за управување со кризи (ЦУК).

Првиот од трите сѐ уште активни пожари, е во општина Македонски Брод - во пределот кај селата Тажево и Брезница - крак кон ЈП „Јасен“. Вториот активен пожар е на територија на две општини - Демир Хисар и Охрид, на Илинска Планина, кај селата Витово, Базерник, Мало Илино и Брежани. Третиот е на територија на општините Богданци и Дојран, кај селото Фурка.

Шесте пожари на отворен простор што се под контрола, се во општините Пробиштип - кај селата Зелениград и Јамиште, Македонски Брод - кај село Слатина, Охрид - едниот на територија на планината Галичица, а другиот кај Косел - Расино - Опеница - Вапила, Пласница - изгаснат кај селото со ова име, активен кај Латово и во Делчево - на депонија.

На единствениот повикувачки број за итни случаи - 112, изминатите 24 часа имало вкупно 2.563 повици.

The post Утрово три активни пожари низ Македонија appeared first on Република.

Директорот на Бирото за јавна безбедност Александар Јанев, заедно со дел од неговиот тим го посетиле местото „Букоково“, на тромеѓата помеѓу селата Расино, Косел и Опејнца, каде гори борова шума, соопштија од Министерството за внатрешни работи.

https://republika.mk/vesti/makedonija/osum-aktivni-pozhari-shirum-zemjava-pet-se-izgasnati/

Како што наведуваат од МВР, Јанев се заблагодарил за пожртвуваноста на сите вклучени чинители во справувањето со огнената стихија, како и посветеноста на хеликоптерските единици при МВР и МО, без чија воздушна поддршка, вели, пожарите не може да се стават под контрола.

Внимавајте кога се движите по шумите, по нивите, полињата, да не се фрлаат отпушоци, да не се палат стрништа, сепак, општото здравје и човечките животи се нешто најскапоцено, а подметнувањето на пожари е криминал од највисок степен, рекол Јанев пренесуваат од МВР.

Ќе бидат ангажирани сите расположливи дронови, додал Јанев, кои ќе бидат во функција 24 часа заедно со термалните камери, се со цел откривање на можни сторители-подметнувачи на пожари.

The post Јанев: Најстрого ќе бидат санкционирани оние што ги предизвикуваат пожарите на отворено appeared first on Република.

Активни се осум шумски пожари, од вкупно 13 кои се гаснеле во текот на денот, информираше директорот на Центарот за управување со кризи Стојанче Ангелов.

Пет пожари се изгаснати, а како најтежок пожар Ангелов го посочи пожарот во Македонски Брод, во атарот на селото Брезница, кој му се заканува на селото, но вели убеден е дека селото ќе биде одбрането.

Овде во текот на целиот ден дејствуваат неколку хеликоптери, ефектите од нив се мали, но тука се наоѓа 40-член унгарски тим пожарникари кои даваат голем придонес со поддршка од 50 македонски професионални војници, рече Ангелов.

Вториот тежок пожар, додаде, е на територијата на Општина Демир Хисар, на Илинска Планина, каде што ситуацијата е тешка, а во гаснењето активно учествува локалното население, локалните пожарникари, претставници од Национални шуми, но самата вегететација, вели, создава чад и го отежнува функционирањето на воздухопловите.

Ангелов истакна дека пожарот во Охрид, над селото Косел, повторно се распламнува. Додаде дека гори и во Богданци, кај месноста Погана и таму се дејствувало со хеликоптери, но како што рече, поради ветрот морале да се вратат. Пожар има и во Гевгелија, а огнот се приближува до воен објект, рече Ангелов, но вели, објектот го штити војската. 

The post Осум активни пожари ширум земјава, пет се изгаснати appeared first on Република.

Во текот на изминатиот ден имало вкупно 40 пожари на отворен простор, од кои во моментов 9 се активни, 5 се под контрола и 26 се изгаснати, соопшти предмалку директорот на Центарот за управување со кризи, Стојанче Ангелов.

Дождот кој врне локално засега не ни помогна никаде, потенцира тој.

Акривни се пожарите:

1. Општина Македонски Брод: с.Тажево – с.Брезница – Крак кон Јасен

2. Општина Пробиштип 1: с.Зелениград – с.Јамиште

3. Општина Пробиштип 2: с.Долно Барбарево

4. Општина Пласница: с.Пласница – с.Латово, Македонски Брод

5. Општини Демир Хисар и Охрид: Илинска Планина

6. Општина Зелениково: Смесница – Страхојадица – Градовци

7. Општина Охрид: Косел – Волино – Опеница

8. Општина Студеничани: с.Вртеќица

9. Општина Ново Село: с.Бадилен

Под контрола:

1. Општина Пехчево: с.Негрево

2. Општина Кочани: с.Пресека

3. Општина Кратово: с.Татомир

4. Општина М.Брод: с.Грешница

5. Општина Свети Николе: с.Патетино

Изгаснати:

1. Општина Свети Николе: Долно и Горно Ѓуѓанци

2. Општина Старо Нагоричане: с.Малотино и Жегљане

3. Општина Липково 1: с.Слупчане

4. Општина Липково 2: с.Лојане

5. Општина Липково 3: с.Ваксинце – с.Слупчане

6. Општина Липково 4: с.Матејче

7. Општина Радовиш: ул.Тоцко Андонов

8. Општина Боговиње: с.Горно Седларце

9. Општина Виница: м.в.Виничко Поле

10. Општина Гостивар: с.Дебреше

11. Општина Струга 1: с.Ложани

12. Општина Струга 2: пат Струга – Калишта

13. Општина Дебар 1: с.Блато

14. Општина Дебар 2: с.Спас

15. Општина Кичево 1: с.Зајас

16. Општина Кичево 2: с.Мамудовци

17. Општина Кичево 3: с.Долно Пашино

18. Општина Охрид: ул.Јовица Новичич

19. Општина Сарај 1: с.Горни Крушопек

20. Општина Сарај 2: с.Семениште, м.в.Рамниште

21. Општина Сарај 3: с.Копаница

22. Општина Центар: под Кале, кај резиденција на МПЦ;

23. Општина Студеничани: с.Студеничани

24. Општина Шуто Оризари: ул.Гвадалахара

25. Општина Петровец: с.Ржаничино

26. Општина Бутел: с.Љуботен

Инаку утрово амбасадорот на ЕУ Дејвид Гир учествуваше на редовниот утрински брифинг на националните и странските воздухопловни тимови и директно на писта од воениот дел од аеродромот се запозна со противпожарните активности.

Сите домашни и странски сили, и по земја и од воздух, согласно оптималните услови на техниката и ситуацијата на терен, храбро и одлучно се борат да ги угаснат пожарите што земаа замав во нашата држава, велат од ЦУК.

Амбасадорот Гир и директорот на ЦУК Ангелов од посадите на хеликоптерите и авионите пристигнати преку Механизмот на ЕУ за цивилна заштита беа запознаени со перфомансите и учинокот и имаа можност да ги видат леталата пред да започнат со нивните цели предвидени за денес.

Директорот Ангелов се заблагодари на Амбасадорот Гир за поддршката од ЕУ Механизмот за цивилна заштита и неговото лично присуство и поддршка на здружените напори на националните и меѓународните сили за одбрана од разбеснетата огнена стихија.

Потоа Ангелов ги посети пилотите на авионите на ДЗС.

The post Дождот не помага: Во моментов 9 активни пожари appeared first on Република.

Вкупно 28 пожари на отворено го одбележаа изминатиот ден. Најсериозно е во Старо Нагоричане, Кратово, Македонски Брод и Свети Николе. На помош се очекуваат уште шест хеликоптери и четири ер трактори кои се дел од Механизмот за цивилна заштита на Европската Унија. Во меѓувреме, власта вели дека добро се справува со пожарите, додека, опозицијата обвинува за колапс. Директорот на Центарот за управување со кризи, Стојанче Ангелов, ја оценува ситуацијата како сериозна и апелира граѓаните да не учествуваат во гаснењето, освен доколку не бидат прифатени од локалните командири.

Во текот на вчерашниот ден, според информациите од директорот на Цук, Ангелов, имало 28 пожари на отворено.

Бројот значително падна, тој е преполовен. Во овој момент десет од нив се активни. Тоа значи дека 18 изгаснавме, односно неколку од нив се ставени под целосна контрола. Состојбата е сериозна бидејќи од овие десет околу половина горат во високи квалитетна шума, а најмалку два зафаќа борова шума, изјави Ангелов во вчерашното гостување на Сител телевизија.

[caption id="attachment_797140" align="aligncenter" width="1800"] фото: ЦУК[/caption]

Во врска со активираниот механизам за цивилна заштита на ЕУ, Ангелов информираше дека денеска, евентуално утре, ќе имаме шест хеликоптери и четири ер трактори. Два хеликоптери од Србија, два од Унгарија, еден од Словенија и еден од Чешка, и четири ер трактори, два од Германија и два од Шведска.

Ангелов во видео изјава вчера апелира до граѓаните да не излегуваат со непотребни апели за собирање на луѓе за да одат да помагаат во гаснењето на пожарите.

Како држава имаме доволно припадници на Армијата и полицијата и ако тоа некаде го побараат локалните авторитети кој командуваат со гаснењето на пожарите – градоначалниците, ние можеме да испратиме онолку војска или полиција колку што тие ќе побараат. Граѓаните не секаде можат да бидат од корист, напротив, некаде можат да сметаат во работењето на професионалните служби, на пожарникарите, војската, полицијата, на „Национални шуми“, на пожарникарите доброволци или на самите летала. Граѓаните можат да бидат корисни во одбрана на населените места кога огнот загрозува некое село или како во синоќешниот случај кога постоеше мала можност огнот да дојде до градот Пехчево. Во гаснењето на пожарите, граѓаните не треба да учествуваат, освен доколку не бидат прифатени од локалните командири на територијалните противпожарни единици, рече Ангелов и апелира да не се создава непотребна паника.

https://republika.mk/vesti/makedonija/ne-sozdavajte-panika-so-apeli-graganite-da-ne-uchestvuvaat-vo-gasneneto-bez-odobrenie-na-lokalnite-komandiri-apelira-angelov/

Тој информира дека вчера седница одржувал Управувачкиот комитет, на која донеле одлука да им предложат на Владата за ангажирање на НАТО механизмот за помош.

Според Ангелов, во моментов како најсериозни се пожарите на територијата на Старо Нагоричане, Општина Кратово, Македонски Брод и Свети Николе.

Синоќа беше локализиран и големиот пожар кој пред два дена избувна над пехчевското село Негрево. Гасењето на пожарот траеше речиси два дена, а пожарот се закануваше да го зафати и градот Пехчево.

Премиерот Христијан Мицкоски вчера изјави дека има историски незапаметен број на пожари на отворено. Како што рече, некои се од невнимателност, некои со намера, и потенцираше дека има доволен кадар за справување со истите.

Имаме доволен број на пожарникари и доволен број припадници на Армијата и на МВР за да се справиме со пожарите, иако станува збор за огнена стихија која е на својот историски пик. Само вчера имавме 66 активни пожари на отворено, 40 успеавме успешно да ги изгасиме. Имајќи ја предвид температурата која што следи, ќе продолжиме со ваквите предизвици да се бориме и во август. Не очекувам големи промени, изјави премиерот вчера по потпишување на договор за франшиза на Тиквеш инвест со хотелот Холидеј Ин во Кавадарци.

На новинарско прашање за обвинувањата на СДСМ поврзани со пожарите, напомена дека нема да коментира политичари и политички партии коишто, како што рече, имаат некрофилски намери.

Министерот за внатрешни работи, Панче Тошковски, пак, изјави дека државата е во многу лоша состојба околу справувањето со пожари.

Државата во оние услови кои ги наследи од претходната власт е моментално во многу лоша состојба во однос на справувањето со пожари од аспект на технички услови, кадар, оперативно, системска поставеност, начин на брзо и соодветно реагирање, начин на откривање, истакна Тошковски.

Соопшти дека пожарите најчесто ги предизвикува човечкиот фактор и оти оперативната акција „Пожар 2024“ за справување со пожарите е веќе отворена. Информира дека во изминатиот период се пронајдени, лоцирани и лишени од слобода повеќе лица во врска со конкретни пожари.

Во однос на обвинувањата на СДСМ кои бараат негова смена во Управувачкиот тим поради несоодветно справување со пожарите, Тошковски рече дека тој досега три пати бил на терен да ги увиди пожарите.

The post Вкупно 28 пожари на отворено вчера, се очекуваат шест хеликоптери и четири ер трактори од Механизмот за цивилна заштита на ЕУ appeared first on Република.

Директорот на Дирекцијата за управување со кризи (ЦУК), Стојанче Ангелов преку видео изјава апелира до граѓаните да не излегуваат со непотребни апели за собирање на луѓе за да одат да помагаат во гаснењето на пожарите.

Како држава имаме доволно припадници на Армијата и полицијата и ако тоа некаде го побараат локалните авторитети кој командуваат со гаснењето на пожарите – градоначалниците, ние можеме да испратиме онолку војска или полиција колку што тие ќе побараат. Граѓаните не секаде можат да бидат од корист, напротив некаде можат да сметаат во работењето на професионалните служби, на пожарникарите, војската, полицијата, на „Национални шуми“, на пожарникарите доброволци или на самите летала. Граѓаните можат да бидат корисни во одбрана на населените места кога огнот загрозува некое село или како во синоќешниот случај кога постоеше мала можност огнот да дојде до градот Пехчево. Во гаснењето на пожарите, граѓаните не треба да учествуваат, освен доколку не бидат прифатени од локалните командири на територијалните противпожарни единици, рече Ангелов и апелира да не се создава непотребна паника.

Тој информира дека денеска седница одржувала Управувачкиот комитет, на која донеле одлука за да им предложат на Владата за ангажирање на НАТО механизмот за помош.

Денеска имавме седница на Управувачкиот комитет, на која донесовме одлука да предложиме на Владата да се ангажира и т.н. НАТО механизам за помош кој во суштина ги нуди истите работи како и механизмот на Европската унија, но преку него можеме да бараме помош во пешадија односно помош во искусни пожарникари. Во овој момент таква потреба немаме, но истата може да се појави во текот на денот. Во овој момент имаме доволен број на пожарникари, рече тој.

The post Не создавајте паника со апели: Граѓаните да не учествуваат во гаснењето без одобрение на локалните командири, апелира Ангелов appeared first on Република.

Во текот на вчерашниот ден 30.07.2024 година, имаше вкупно 66 пожари на отворен простор, од кои во моментот 12 се активни, 3 се под контрола и 51 се изгаснати

Вкупно: 66

АКТИВНИ ПОЖАРИ: 12

1. Општина Пехчево: с.Негрево
2. Општина Старо Нагоричане: с.Малотино, с.Враготурце, с.Жегљане
3. Општина Кратово: с.Татомир се шири кон општина Куманово и општина Свети Николе
4. Општина Македонски Брод 1: с.Тажево – с.Брезница – Крак кон Јасен кон Раставувачи за струја
5. Општина Свети Николе 1: с.Макреш, с.Горно и Долно Ѓуѓанци, с.Строиманци, с.Ранченци
6. Општина Свети Николе 2: над с.Ерџелија, с.Немањци, с.Малино
7. Општина Куманово: с.К’шање – с.Кокошиње
8. Општина Пробиштип: с.Зелениград – с.Јамиште
9. Општина Дојран: помеѓу Стар и Нов Дојран, нас.Карач
10. Општина Македонски Брод 2: с.Слатина, Стојанова населба
11. Општина Пласница: с.Пласница проширен кон с.Латово, Македонски Брод
12. Општина Карбицни: с.Долни и Горни Балван, с.Трогерци

ПОД КОНТРОЛА: 3

1. Општина Демир Хисар: Илинска Планина
2. Општина Кочани: с.Главовица кон с.Пресека
3. Општина Старо Нагоричане: с.Ругинце , с.Коњух, м.в.Кшала

ИЗГАСНАТИ: 51

1. Општина Пробиштип: с.Пишица
2. Општина Прилеп 1: с.Дабница
3. Општина Прилеп 2: с.Дабница, м.в.Црквиште
4. Општина Неготино 1: поранешна Фабрика Македонија
5. Општина Неготино 2: с.Црвени Брегови
6. Општина Чешиново-Ооблешево: с.Облешево – с.Теранци;
7. Општина Дојран: с.Николич
8. Општина Гостивар: с.Балиндол – с.Беловиште
9. Општина Гостивар 1: нас.Циглана
10. Општина Гостивар 2: с.Мало Турчане
11. Општина Гостивар 3: с.Чегране
12. Општина Кочани: с.Бели и Нивичани;
13. Општина Куманово 1: Винарска визба
14. Општина Куманово 2: с.Лојане
15. Општина Куманово 3: с.Ваксинце
16. Општина Куманово 4: с.Живиње
17. Општина Куманово 5: с.Ваксинце
18. Општина Старо Нагоричане: с.Арбанашко
19. Општина Битола 1: м.в.Мал Парис
20. Општина Битола 2: м.в.Германски гробишта
21. Општина Битола 3: с.Кременица
22. Општина Битола 4: населба Баир
23. Општина Новаци 1: с.Рибарци
24. Општина Новаци 2: с.Брод
25. Општина Бутел 1: с.Горно Оризари
26. Општина Бутел 2: с.Горно Оризари
27. Општина Бутел 3: с.Љуботен
28. Општина Бутел 4: с.Горно Блаце
29. Општина Бутел 5: с.Горно Оризари
30. Општина Кисела Вода: Маркова Река – Драчево
31. Општина Арачиново: с.Грушино
32. Општина Сопиште: с.Горно Соње
33. Општина Студеничани: с.Студеничани
34. Општина Гази Баба 1: езеро Камник
35. Општина Гази Баба 2: Парк шума Гази Баба
36. Општина Гази Баба 3: бул.Александар Македонски
37. Општина Гази Баба 4: бул.Александар Македонски
38. Општина Аеродром: с.Горно Лисиче
39. Општина Ѓорче Петров 1: ул.Веле Марков
40. Општина Ѓорче Петров 2: Волково
41. Општина Сарај: пат за Радуша
42. Општина Гевгелија 1: с.Ново Коњско
43. Општина Гевгелија 2: с.Ума
44. Општина Радовиш 1: Али Коч – Коџалија
45. Општина Радовиш 2: м.в.Стопанство
46. Општина Чашка: с.Оморани, м.в.Мукос
47. Општина Струга 1: с.Татеши
48. Општина Струга 2: с.Велешта
49. Општина Струга 3: с.Велешта
50. Општина Дебар: с.Отишани
51. Општина Тетово: с.Пршовце

The post Активни се 12 пожари во Македонија, вчера имало 66: Еве на кои места гори денес appeared first on Република.

Вицепремиерот и министер за внатрешни работи Ивица Дачиќ изјави синоќа дека со одобрение на претседателот на Србија Александар Вучиќ и премиерот Милош Вучевиќ, МВР денеска ќе испрати два хеликоптери на Хеликоптерската единица за да им пружи помош на припадниците на Секторот за вонредни состојби при гаснење на пожарот што се прошири од Македонија во местото Козјак кај Бујановац, во близина на манастирот Прохор Пчињски, јави дописникот на МИА од Белград.

По одобрение на претседателот на Србија Александар Вучиќ и премиерот Милош Вучевиќ, Министерството за внатрешни работи утре ќе испрати два хеликоптери на Хеликоптерската единица за да им пружи помош на припадниците на Секторот за вонредни ситуации во гаснењето на пожарот што од Македонија се прошири до областа Козјак кај Бујановац, во близина на манастирот Прохор Пчињски, изјави Дачиќ, се наведува во соопштенеито до медиумите на МВР.

Во него се додава дека поради ширење на пожарот во источниот дел на Македонија, а врз основа на официјалното барање на Центарот за управување со кризи на Владата на Македонија, Министерството за внатрешни работи ќе испрати хеликоптер „Агуста Бел 212“ во земјава со пет припадници на хеликоптерската единица и припадник на Секторот за вонредни состојби.

Во акцијата за гаснење на пожарите во Македонија, по одобрение од нивните колеги учествуваат 10 пожарникари-спасувачи со три теренски возила, кои дејствуваат во атарот на селото Магленце со што спречуваат понатамошното ширење на пожарот кон територијата на Србија.

Во гаснењето на пожарот на крајно непристапен терен во областа Козјак, ангажирани се 43 пожарникари-спасувачи со 14 возила од противпожарните единици на Врање, Белград, Ниш, Лесковац, Крушевац, Смедерево, Панчево, Јагодина и Крагуевац, изјави министерот Дачиќ, се наведува во соопштението на српското МВР.

The post Српски хеликоптери и пожарникари доаѓаат на помош за пожарите кај Прохор Пчињски и во источниот дел на Македонија appeared first on Република.

Голем облак од чад надвисна над Свети Николе поради големите пожари кои беснеат во целиот регион околу градот. Според последните информации, активни пожари со голем замав моментално има во светиниколските села Строиманци, Горно Ѓуганце и Ерџелија, предупредуваат жителите од светиниколскиот регион.

Тие апелираат дека е потребна механизација кај Градиште, а моментално пламените јазици се на Говедар камен и во атарот на селото Строиманци!

Секој што сака да помогне нека се упати во ТППЕ Свети Николе. Потребни се вода, млеко, јогурт, храна во поголеми количини, бидејќи на терен се ТППЕ, ДПД , ДЗС, волонтери, армијата, стои во апелот!

Има информација за запалени куќи во селото Горно Ѓуганце. Граѓаните предупредуваат дека пожарот оди и кон селото Ранченци, каде може да настрада и стариот манастир Света Недела.

Претходно директорот на Центарот за управување Стојанче Ангелов извести дека фронтот на огнот во Светиниколско е многу широк, но во овој момент населени места не се во опасност, известува

На терен работат пожарникари а во приправност има доволно припадници на Армијата кои се вклучуваат по барање на локалните командири. Од воздух ќе делува еден армиски хеликоптер Ми 17 и три ер трактори на ДЗС, соопшти тој.

https://republika.mk/zivot/servisi/izgorea-okolu-40-kuki-videa-od-peplosaniot-svetinikolski-region/

The post Чад го покри Свети Николе appeared first on Република.

Шумскиот пожар кај селото Главовица на Осоговските Планини сè уште е активен, а на терен во изминатите три дена се пожарникарите од Територијалната противпожарна единица и Доброволното противпожарно друштво од Кочани, кои интервенираат во локализирањето и гасењето.

Покрај тешко пристапниот и стрмен терен, голем проблем претставува и ветерот што помага во брзото ширење на пламенот. Поради тоа, и покрај напорите на противпожарните екипи, пожарот не може да се стави под контрола.

Ситуацијата е алармантна, огнот неконтролирано се шири, поради ветерот нон-стоп го менува правецот, а ние се движиме по линијата на пожарот во обид да ја изолираме. Денеска немаме поддршка од воздух, хеликоптерите се ангажирани на друго место. Мобилни се нашите екипи, а имаме помош и од колегите од Виница, како и доброволци од Делчево и Пехчево. Очекуваме да дојдат и пожарникари со едно возило од Макеоднска Каменица. Има многу долови во кои се спушта огнот, не е пристапен теренот и движењето на пожарот тешко може да се котролира, истакна Драган Апостолов, командир на ТППЕ – Кочани.

Огнените јазици веќе уништија околу 100 хектари нискостеблеста и дабова шума, а приоритет на противпожарните екипи е да го спречат ширењето на пожарот кон повисоките падини на Осоговијата.

Покрај пожарот кај Главовица, пожарникарите добиле известување и за нов пожар во атарот на селото Рајчани, кај месноста Свиланово, како и во близина на селото Зеленград, кај локалитетот Раткова Скала.

The post Огнот кај кочанското село Главовица уништи 100 хектари шума appeared first on Република.