Поради разгорување на пожарот кај Ајватовци на два крака, два полициски хеликоптера се вклучени во гасење на пожарот кај Ајватовци, информира директорот на Центарот за управување со кризи (ЦУК), Стојанче Ангелов.

Тој исто така вели дека на лице место гасат пожарникарите од скопската Противпожарна бригада но и доброволци од доброволното противпожарно друштво од Свети Николе, со поддршка на локалното население.

Ангелов претходно информираше дека пожарот е активен само на еден крак и останатите делови се изгаснати, но по разгорување на првиот крак ангажиран е полициски хеликоптер, а сега веќе и втор полициски хеликоптер по разгорувањето на пожарот на два крака.

The post Пожарот кај Ајватовци се разгоре на два крака, ангажирани два полициски хеликоптера appeared first on Република.

Пожарот кај Ајватовци во скопската Општина Илинден е ставен под контрола, повеќе не се шири, се работи на негово доизгаснување, информираат од Центарот за управување со кризи (ЦУК). Пожарот е активен на само еден крак, под репетиторите, а останатите делови во текот на ноќта се изгасени и нема никаква опасност.

„Екипи на скопската Пожарна работат на гаснење на активниот крак и обиколка и проверка на изгаснатите делови од пожарот. Пожарот се гаснеше непрекинато во текот на целата ноќ од страна на скопските пожарникари и доброволци од локалното население предводени од градоначалникот на Општина Илинден Александар Георгиевски. Очекувам да биде целосно изгаснат во следните неколку часа. Засега нема потреба од воздухоплови“, вели директорот на ЦУК Стојанче Ангелов.

The post Пожарот кај Ајватовци е под контрола, се работи на негово гаснење appeared first on Република.

Нема потреба од поддршка на воздухопловните сили за гасење на пожарот кај скопско Ајватовци во раните утрински часови. Неизгаснат остана само еден релативно мал крак. Од страна на Бригадата за противпожарна заштита на град Скопје со поддршка од локалното население пожарот ќе биде следен, рече директоророт на Центарот за управување со кризи (ЦУК), Стојанче Ангелов.

Нагласи дека рано утрово пожарот е ставен под контрола. Два од трите краци од пожарот кои вчера гореа, како што рече, се изгаснати.

Пожарот избувна вчера попладне и се прошири на територијата на соседните села Мршинци, Бучинци и Бујковци во општина Илинден, како и во општина Арачиново. Во еден период беше надвор од контрола и беше најавено дека рано утринава ќе дејствуваат два полициски хеликоптера, а подоцна ќе им се приклучат и два ер трактора на Дирекцијата за заштита и спасување.

Вчера беше изгаснат пожарот во општините Пробиштип и Чешиново Облешево каде дејствуваа полициски хеликоптери и ер трактор, а во доцна попладнето заврна и дожд. Вчера вечер активни пожари имаше и во скопските села Умово и Рашче.

The post Ангелов: Гори релативно мал крак кај Ајватовци, поддршка од воздух не е потребна appeared first on Република.

Пожарот над Ајватовци е надвор од контрола. Зафатена е поголема површина од најмалку 30-тина хектари од кои поголемиот дел е зимзелена шума, изјави директорот на Центарот за управување со кризи (ЦУК) Стојанче Ангелов.

Постои опасност од ветерот пожарот да се прошири кон селото Ајватовци и сега силите на Противпожарната бригада на град Скопје ќе се фокусираат да го сопрат огинот да се движи кон селото, изјави Ангелов.

Тој нагласи дека пожарот е веќе излезен од атарот на скопското село Ајватовци и додаде дека е изгорен и Ајватовски рид.

Ангелов најави дека уште од рано наутро двата полициски хеликоптера ќе почнат да дејствуваат на пожарот, а нешто подоцна ќе им се приклучат и двата авиони ер трактор на Дирекцијата за заштита и спасување.

Во овој момент ќе се обидеме да направиме уште нешто за локализирање на пожарот во текот на ноќта, потенцира Ангелов.

The post Пожарот кај Ајватовци е излезен од контрола, постои опасност ветрот да го прошири огнот кон селото appeared first on Република.