Бугарска телеграфска агенција отвори свој прес-клуб во Скопје. На настанот присуствуваше министерката за надворешни работи Теодора Генчовска, како и министерката за културата на Македонија, Бисера Костадиновска Стојчевска, претседавачот на собраниската комисија за култура и медиуми на Бугарија, Тошко Јорданов и други функционери.

Прес клубот на БТА во Скопје ќе биде место за прес-конференции, интервјуа, настани, состаноци и размена на искуства меѓу новинари од Бугарија и Република Македонија, рече на отворањето директорот на агенцијата Кирил Валчев.

На свеченоста, министерката Генчовска упати честитки до тимот на БТА, нагласувајќи дека веќе постои вистинска медиумска врска меѓу двете земји и изрази уверување дека новинарите ќе работат во атмосфера на колегијална и пријателска соработка во името на високиот професионализам.

Отворањето на медиумскиот клуб беше дел од посетата на бугарската делегација во спомен на 150-годишнината од раѓањето на Гоце Делчев.

The post Бугарската телеграфска агенција отвори редакција во Скопје appeared first on Република.