44 годишен сопственик на бензинска пумпа во Атина е брутално убиен, откако кон него непознати напаѓачи испукале повеќе од 80 куршуми.

Инцидентот се случил нешто по 2 часот по полноќ кога напаѓачите му се приближиле на неговиот автомобил пред бензинска пумпа и отвориле оган со калашникови.

Мажот бил застрелан и починал на лице место, додека неговиот автомобил бил изрешетан со куршуми.

Според неофицијални информации, напаѓачите користеле црн џип, што го запалиле на атинската авенија за да им покријат траги.

Жртвата веќе им била позната на властите, бидејќи била цел на вооружен напад во 2018 година во близина на пристаништето Пиреј.

The post Сопственик на бензинска пумпа во Атина убиен со 80 куршуми appeared first on Република.