Одборот на проектот „Стоп на политичкиот терор и прогон“ чија главна цел е слобода за осудените за „27 април“, денеска презентираше фотографии и видео материјали од гласањето во законодавниот дом на 27 април и бараат целосна ревизија, како и повторување на постапката.

Како што информираше организаторот на иницијативата, Тодор Кулаков, материјалите ќе ги предадат на судски вештаци кои ќе го утврдат точниот број на присутни пратеници во Собранието и според вештачењето, како што вели, се доведува до прашање легитимноста на изборот на претседател.

Ќе ги дадеме сите фотографии и видеа од гласањето во Собранието на судски вештаци и тие да ги пребројат гласовите односно кренатите раце при гласањето за избор на претседател и кога ќе избројат 58 гласови, односно недоволен број на гласови за мнозинство, тогаш ќе заклучиме дека сите што влегоа во Собранието тој ден се најголеми патриоти, а не терористи. Се разбира дека никој не оправдува физички напади, но клучот е во тоа дека браќата од 27 април не се терористи, ниту било што наведува дека се работи за договорени терористички напади и други насилни дела и организирани активности. Тие самите меѓусебе не се ни познаваат и намерно се создаваше слика дека се работи за којзнае каков терористички план, рече Кулаков.

Појасни дека проектот се состои од неколку фази кои планираат да ги реализираат со цел ослободување на осудениците од „27 април“ и обесштетување на нив и нивните семејства, како и преименување на две улици во градот во чест на, како што рече, „уставобранителите“. Според Кулаков, во случајот „27 април“ има многу контроверзи и голем број на вести, видео материјали и фотографии од гласањето за претседател на Собранието на 27 април се избришани.

Направивме алманах за детално да објасниме како се одвива проектот и на кој начин стигнуваме до донесување слобода за сите тие луѓе. Ова е случај кој го следат полно контроверзии. Седум години многу работи се испуштени, многу работи не се направени, односно, апсолутно никаква иницијатива не е пројавена до пола година наназад, а после тоа на чуден начин почнаа разно разни иницијативи. Јас ќе речам дури и без концепт. Но, ова е проект кој една година е подготвуван и стоиме позади тоа дека е единствен којшто ќе донесе слобода за браќата од 27 април, рече Кулаков.

The post Имаме видеа што ќе покажат дека браќата од 27 април не се терористи appeared first on Република.

Судењето за случајот „Организатори на 27 април“ е презакажано за 14 ноември годинава, откако изутрината обвинетите Спиро Ристовски, Трајко Вељаноски и Миле Јанакиевски, преку адвокатот Еленко Миланов поднесле барање до Основниот кривичен суд на денешното рочиште да одлучи по поднесокот за амнестија без да се изведуваат материјални и вербални докази.

Претседателот на Судечкиот совет, судијата Илија Трпков, информираше дека во поднесокот обвинетите навеле дека потребно е Судот да донесе решение за примена на Законот за амнестија, бидејќи веќе има воспоставено таква пракса, односно Кривичниот совет во 2018 година има донесено решение за амнестија во тек на главна расправа, во фаза на доказна постапка, каде не се чекало завршување на доказната постапка.

– Во прилог е доставено решение на Кривичен совет, Одделение за организиран криминал и корупција, од 20.12.2018 година со образложение дека решението било донесено во текот на главна расправа, во фаза на доказна постапка и не се чекало завршување на доказна постапка. На Јавното обвинителство ќе му доставам примерок од ова решение, како и примерок од поднесокот… Јас го разгледав поднесокот и вистина е дека донесено е решение за амнестија во текот на доказна постапка, не само за обвинетиот во наведениот случај, туку и за други обвинети, меѓутоа јавниот обвинител нека се произнесе и нека даде мислење, со оглед на тоа дека овој поднесок го примивме во текот на денешниот ден, посочи судијата Трпков.

Обвинети во овој предмет се поранешниот претседател на Собранието, Трајко Вељаноски, екс министрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.

Процесот го води судијата Илија Трпков, а застапник на обвинението е јавната обвинителка Искра Хаџи Василева.

The post Судењето за случајот „Организатори на 27 април“ презакажано за 14 ноември- обвинетите бараат Судот да го примени Законот за амнестија appeared first on Република.

Директорот на Управата за извршување санкции, Александар Пандов, изврши неколку прекини на казни поради медицински потреби во изминатите две недели. Како што истакна Пандов, најголемиот дел од овие прекини се однесуваат на осуденици од случајот „27 април“.

https://republika.mk/vesti/makedonija/pandov-ja-povika-katitsa-janeva-pak-da-pobara-da-odi-na-rabota/

„Како вршител на должноста директор на Управата за извршување санкции, ако дојде барање од затвореник за акутен здравствен проблем, немам право да го одбијам. Факт е дека 4-5 лица, откако сум директор, имаат поднесено барања кои ги потпишав“, рече Пандов.

На прашањето дали сите лица за кои се одобрени прекините се осуденици од случајот „27 април“, Пандов одговори: „Има едно-две лица кои не се од случајот „27 април“

The post Има прекини на казни за лекување за осуденици од „27 Април“ appeared first on Република.

Судењето за случајот „Организатори на 27 април“, денеска беше одложено за 13 јуни годинава. Како што образложи судијата Илија Трпков на почетокот на денешното рочиште во Основниот кривичен суд – Скопје, добил известување од адвокатот Еленко Миланов, кој го застапува екс-министерот за транспорт и врски Миле Јанакиевски, дека поради здравствени причини на близок член од семејството не можел да присуствува на деношното рочиште.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс-министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.

Процесот го води судијата Илија Трпков, а застапник на обвинението е јавната обвинителка Искра Хаџи Василева

The post Судењето за случајот „Организатори на 27 април“ одложено за 13 јуни appeared first on Република.

На изборите на 8 мај се одлучува дали оваа криминална влада ќе биде поразена и истата банда ќе се соочи со одговорност, или ќе продолжи да кради и распродава. А кога веќе Спасовски се одлучи давенички да прави капитал со настаните 27 април, тогаш нека одговори на едноставното прашање: Кој најмногу искористи со настаните на 27 април?, реагираат денеска од ВМРО-ДПМНЕ, по изјавата на носителот на листа на СДСМ Оливер Спасовски, кој ги нарече уставобранителите насилници.

https://republika.mk/vesti/makedonija/spasovski-toa-ne-se-ustavobraniteli-tuku-nasilnitsi/

Кој направи влада после овие настани?

Дали за монтираниот судски процес не беше наградена Русковска и Кацарска?

Како Русковска пред време ги знаела пресудите за 27 ми април според јавните сведоштва изнесени во јавноста?

Дали мирно спие Спасовски со сознанието дека има драконски казни за дела кои не ги направиле?

Луѓето од 27 април не бараат милостина, ниту пак амнестија, туку правда, да не одговараат за делата кои не ги направиле, а им ги товарија и препишаа, реагираат од ВМРО-ДПМНЕ.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

The post Спасовски, а кој искористи најмногу од 27 април? appeared first on Република.

Носителот во Втората изборна единица на СДСМ Оливер Спасовски денеска пред Собранието во изјава за медиумите истакна дека „не смееме да се заборавиме и да се дозволиме да се повтори 27-ми април, најцрниот датум во историјата на македонската демократија“.

Сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ. Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок, рече Спасовски.

Според него, најавите за помилување на лицата што упаднаа во Собранието „се скандалозни и недозволиви и покажува дека ништо не е променето во ДПМНЕ“.

27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност. СДСМ не се откажа на 27 април, нема да се откаже ниту на 8 мај, рече Спасовски барајќи поддршка за неговата партија и коалиција на парламентарните избори.

The post Спасовски: Тоа не се уставобранители, туку насилници appeared first on Република.

Бојан Јовановски-Боки 13 во поткастот „Лазаров“ читаше пораки за кои рече дека се разменети помеѓу него и Вилма Русковска, тогаш шефица на Обивнителството за гонење организиран криминал, а најшокантни меѓу нив беа преписките на само два дена пред пресудите за „27 април“, за кои обвинителката веќе го знаела исходот.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

Таа ги знаеше пресудите за 27 април пред судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн“, вели меѓудругото Јовановски.

Дел од осудените јавно ѝ порачаа дека тежок ќе ѝ е крајот.

На страницата „Слобода за Јане Ченто“ осамна порака дека доаѓа денот.

Горан Ангелов-Ќосето, пак, ѝ порача „време е да си ги смениме местата!!“

Игор Дурловски, кој доби ослободителна пресуда, напиша: Е ова е „Вистината за Македонија”, алудирајќи на бомбите на Заев.

Реагираше и адвокатот Драган Пешевски.

Ете го новиот доказ потребен за повторување на постапката за 27ми април, кај Стефан Лазаров у емисија – лајв. Нема кој само да им ги врати годините излежани на лугево, а за све што ке ви следи пошто Господ сте си играле ич не ве жалам!!!, напиша Пешевски.

Остра реакција и од адвокатот Воислав Димоски.

Никој не е изненаден од околноста дека обвинителката (која е нели, странка на постапката!) ги знаела пресудите за „27-ми април“ пред судијката јавно да ги изрече. Никој не се изненади ни кога таа судијка стана судија и претседател на Уставниот суд, а начинот на кој го спроведе судењето се предава на универзитети ширум светот како пример за кршење на правото на одбрана. Никому не му е чудно што обвинител кој на дневна основа лиферувал информации до Боки 13 за обвинителски предмети напредувал до обвинител во Републичкото Обвинителство, откако претходно под закрила на Началникот стигнал до одделението за организиран криминал. Напредувањето во кариерата било очекувано бидејќи луѓе кажуваат дека го виделе како се гушка со тогаш новиот премиер. Место на гушкање: охридски хотел за чии диво изградени делови пак, друга обвинителка ќе го заташка предметот и ќе биде наградена со напредување во кариерата. Очекувано! Дури не се прекине синџирот на негување на правосудни функционери кои се слуги на сите господари, нема што да зборуваме за реформи во правосудството! Правдата треба да се врати во рацете на праведните!, напиша Димоски.

The post „Вилма, време е да си ги смениме местата!“ ѝ порачаа осудените за 27 април по пораките објавени од Боки appeared first on Република.

Притворените од 27 април се неправедно осудени и имаат право на правда, вели министерот за внатрешни работи, Панче Тошковски.

The post Притворените од 27 април се неправедно осудени и имаат право на правда appeared first on Република.

Како кула од карти им се руши предметот „27 април“. Стигаат пресуди дека државата, судиите и обвинителите ГИ ПРЕКРШИЛЕ ПРАВАТА НА ОБВИНЕТИТЕ, вели Јане Ченто.

Ова е само почетокот, финалето следи за многу брзо! „27 април“ е најголемиот монтиран процес во поновата македонска историја и тие што го монтираа МОРА ДА ОДГОВАРААТ! За многу брзо од денес, кога ќе имаме нормална извршна власт, кога ќе имаме нормална судска власт и нормални обвинители, предметот „27 април“ ќе ја добие ВИСТИНАТА И ПРАВДАТА бидејќи ние, нашите семејства и македонскиот народ заслужува да ја знае вистината. Да живее Република Македонија, порача Ченто.

The post Јане Ченто: Тие што го монтираа „27 април“ за многу бргу ќе орговараат appeared first on Република.

Судењето за случајот „Организатори на 27 април“ одложено за 30 јануари идната година. Дотогаш, како што информираат од Основниот кривичен суд Скопје, се очекува Врховниот суд да донесе мислење во однос на иницијативата на одбраната да донесе начелно правно мислење за автентично толкување на Законот за амнестија поврзан со настаните од 27 април 2017 година во Собранието.

На денешното рочиште првостепениот Суд, повторно требаше да се произнесе по барањето за амнестија, кое еднаш веќе беше го имаше одбиено, меѓутоа Скопската апелација го укина.

До судот, како што информираат од Кривичен, е пристигнато известување дека одбраната на обвинетите во предметот Организатори на 27 април бара од Врховниот суд да донесе начелно правно мислење за автентично толкување на Законот за амнестија поврзан со настаните од 27 април.

– Со оглед да Кривичниот суд досега донесе две одлуки поврзани со барањето за амнестија кои беа укинати од Апелациониот суд, кој пак, и покрај законските можности не донесе мериторна одлука, судот смета дека вакво начелно правно мислење на највисокиот суд треба да ги разреши дилемите околу правата на странките поврзани со Законот за амнестија, се вели во соопштението од Кривичен.

Од Кривичен, исто така, посочуваат дека овој суд мора да води сметка за долготрајноста на постапката и начелото за судење во разумен рок, па заради тоа расправата се одлага за 30 јануари, а до тогаш се очекува Врховниот суд да донесе мислење во однос на иницијативата на одбраната.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс-министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.

Процесот го води судијата Илија Трпков, а застапник на обвинението е јавниот обвинител Трајче Пеливанов.

The post Судењето за обвинетите за 27 април е одложено за 30 јануари, се чека мислење од Врховен за Законот за амнестија appeared first on Република.

Судењето за случајот „Организатори на 27 април“ одложено за 30 јануари идната година. Дотогаш, како што информираат од Основниот кривичен суд Скопје, се очекува Врховниот суд да донесе мислење во однос на иницијативата на одбраната да донесе начелно правно мислење за автентично толкување на Законот за амнестија поврзан со настаните од 27 април 2017 година во Собранието.

На денешното рочиште првостепениот Суд, повторно требаше да се произнесе по барањето за амнестија, кое еднаш веќе беше го имаше одбиено, меѓутоа Скопската апелација го укина.

До судот, како што информираат од Кривичен, е пристигнато известување дека одбраната на обвинетите во предметот Организатори на 27 април бара од Врховниот суд да донесе начелно правно мислење за автентично толкување на Законот за амнестија поврзан со настаните од 27 април.

- Со оглед да Кривичниот суд досега донесе две одлуки поврзани со барањето за амнестија кои беа укинати од Апелациониот суд, кој пак, и покрај законските можности не донесе мериторна одлука, судот смета дека вакво начелно правно мислење на највисокиот суд треба да ги разреши дилемите околу правата на странките поврзани со Законот за амнестија, се вели во соопштението од Кривичен.

Од Кривичен, исто така, посочуваат дека овој суд мора да води сметка за долготрајноста на постапката и начелото за судење во разумен рок, па заради тоа расправата се одлага за 30 јануари, а до тогаш се очекува Врховниот суд да донесе мислење во однос на иницијативата на одбраната.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс-министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.

Процесот го води судијата Илија Трпков, а застапник на обвинението е јавниот обвинител Трајче Пеливанов.

The post Судењето за „Организатори на 27 април“ одложено за 30 јануари, се чека мислење од Врховен за Законот за амнестија appeared first on Република.

На страницата за поддршка на Јане Ченто, обвинет и осуден во случајот „27 алрил“ објавен е кометар од Јане Ченто за разрешувањето на обвинителката Вилма Рускоска.

Нарекувајќи ја монструм, Ченто ѝ поралува на обвинителката дека пензијата ќе ја зема в затвор.

https://republika.mk/vesti/makedonija/tolku-od-vilma-ruskovska-veke-ne-e-obvinitel-poradi-pretresot-kaj-direktorot-na-finansikata-politsija/

❌ Денеска е разрешен МОНСТРУМОТ кој уништи многу човечки животи и фамилии.
🗯️ Имам нешто да му порачам на тој МОНСТРУМ што донесе загрозен сведок да лажи во суд и ја исклучи јавноста за да не слуша Македонскиот народ какви болни лаги се зборуваат таму.
👁️‍🗨️ Монструму, 2024 ќе биде година каде ќе се отвори случајот 27ми Април, ќе се дознае што правеше во тој случај и како без докази осуди невини луѓе на 200 години затвор.
⚖️ Ова што те разрешуваат денес
Е ПОЧЕТОК НА ТВОЈОТ ТЕЖОК КРАЈ‼️
🏴 Те слушам пензија ќе си земала, само да ти порачам и да ти ветам ТАА ПЕНЗИЈА ЌЕ ЈА ЗЕМАШ ВО ЗАТВОР, онаму каде што нас нѐ прати невини.
Со твојот болен мозок намести чесни македонски патриоти да лежат во затвор.

https://republika.mk/vesti/makedonija/otkako-ja-razreshija-vilma-ke-odi-vo-penzija/

Т Е Ж О К Ќ Е Т И Б И Д Е К Р А Ј О Т‼️
Имам нешто да им порачам и на сите слуги и извршители што беа вмешани во местенката за 27ми Април и кои сооработуваа со Монструмот повеќе од 7 години......и Вас ве чека истото и Ви порачувам, сега е време да си кажете зошто го прававете тоа и по чии наредби, можеби ќе си ја исперите совеста и ќе Ви простиме, во спротивно ќе му правите друштво на овој МОНСТРУМ во затвор за скоро 😉
Правдата ќе дојде за брзо 👁️⚖️👁️
Ќе се сретнеме ЗА МНОГУ БРЗО 😁
Да живее Република Македонија! 🇲🇰

The post Ченто: Монструму, пензијата ќе ја земаш онаму каде што нас нè прати невини appeared first on Република.

Поранешните државни функционери кои се обвинети за организирање за упад во Собранието на 27 април 2017 година, уште еднаш побараа покриеност со Законот за амнестија од 2018 година, специјално дизајниран за лица инволвирани во овие настани. Од Основниот кривичен суд Скопје обелоденија дека тие заедно со нивните законски застапници ова барање го поднеле на рочиште на 3 ноември. Судот ќе ја соопшти одлуката на 14 декември, објави Слободна Европа.

Меѓу обвинетите за организирање на настаните од „27 април“ се Трајко Вељаноски, поранешниот претседател на Собранието, како и екс министрите Миле Јанакиески и Спиро Ристовски и поранешниот директор на Управата за безбедност и контраразузнавање (УБК). Владимир Атанасовски. Сите тие се соочуваат со кривично гонење за кривично дело „терористичко загрозување на уставниот поредок и безбедноста“.

Важно е да се напомене дека овие обвинети лица претходно побараа амнестија според законот од 2018 година. Но, нивното барање беше одбиено од Кривичниот суд со образложение дека не ги исполнуваат потребните услови. Потоа, тие поднеле жалба до Апелациониот суд, кој ја поништил одлуката на Кривичниот суд и наредил да се спроведе нова ревизија.

Овој судски процес, на кој на поранешните функционери им се суди за вмешаност во настаните од 27 април 2017 година, сега се одржува по втор пат. Првично, тие добија затворски казни од шест до шест и пол години. Но, Апелација ја укина оваа пресуда, по што предметот беше вратен на повторно судење.

Извор: Слободна Европа

The post Поранешни државни функционери обвинети за организирање настани од 27 април повторно бараат амнестија: Судската одлука се очекува наскоро appeared first on Република.

Основниот кривичен суд Скопје на денешното рочиште ги отфрли како неосновани барањата на Трајко Вељаноски, Спиро Ристовски, Миле Ристовски и Владимир Атанасовски за амнестија за случајот „Организатори на 27 април".

Претседателот на Судечкиот совет, судијата Илија Трпков, информираше дека по барањето на одбраната за примена на Законот за амнестија од 2018 година за обвинетите за случајот и добиеното мислење на Јавниот обвинител, донел одлука дека со која барањето се отфрла како неосновано.

Се одбива како неосновано барањето за амнестија, бидејќи не се исполнети условите од член 1, став 2, алинеја еден и два од Закон за амнестија, изјави судијата Трпков.

Со оглед дека обвинетите имаат право на жалба на одлуките, судењето се одложува за 6 јули 2023 година.

Судот, на почетокот информираше дека го добил мислењето на Јавниот обвинител, дека обвинетите не се лица кои ги опфаќа Законот за амнестија и дека во оваа фаза не постои правна можност Судот да одлучува по амнестијата.

Адвокатот Еленко Миланов, во однос на мислењето на јавниот обвинител, наведе дека не го ограничува Судот да донесе решение со кое ќе ја запре постапката согласно одредбите од Законот за амнестија од 2018 година, со што примената на институтот амнестија не е врзан само во делот со одлучување на пресуда.

Случајот го води судијата Илија Трпков, а застапник на обвинението е Трајче Пеливанов.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“.

Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс-министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.

Од Скопска апелација, во соопштението до медиумите, „информира дека при разгледување на првостепената пресуда оцени дека при постапувањето по овој кривичен предмет сторени се суштествени повреди на одредбите на кривичната постапка од член 415 став 1 точка 11 и став 3 од Законот за кривичната постапка, кои придонеле првостепениот суд да не биде во можност правилно да го примени материјалното право".

The post Кривичен суд ги отфрли како неосновани барањата за амнестија за случајот „Организатори на 27 април” appeared first on Република.

Европскиот суд за човекови права во Стразбур пресуди дека на Елена Доцевска Божиновска ѝ биле прекршени правата при постапката за одредување притвор во врска со нападот на Собранието на 27 април 2017 година. Судот во Стразбур, во пресудата од 9 мај, вели дека во нејзиниот случај е прекршена Европската конвенција за човекови права и ја задолжува државата во рок од три месеци да ѝ исплати отштета од 750 евра, плус 850 евра за судски трошоци, пренесе „сдк.мк“.

Доцевска Божиновска, која во 2017 година беше вработена во Кабинетот на поранешниот претседател на Собранието Трајко Вељаноски, беше притворена на 30 ноември 2017 со одлука на тричлен совет од Основниот кривичен суд Скопје, по жалба на обвинителството, откако таа претходно беше куќен притвор. Обвинителството жалбата до судот ја поднело истиот ден, а Доцевска-Божиновска ја добила утредента, откако судот веќе донел одлука. Нејзината жалба на одлуката за притвор била разгледана од судот на 12 декември и одбиена. На 28 декември таа повторно поднела жалба против притворот и таа била разгледана на 15 јануари и повторно одбиена.

https://republika.mk/vesti/makedonija/pravda-za-ustavobranitelite-dotsevska-bozhinovska-ja-porazi-vlasta-na-sdsm-vo-sudot-vo-strazbur/

Судот во Стразбур ја прифаќа нејзината жалба дека немала можност да одговори на жалбата на обвинителството и дека судот ги одолговлекувал нејзините жалби.

Доцевска-Божиновска, која беше една од 33-цата обвинети, во декември 2018 година беше опфатена со делумната амнестија за обвинетите за 27 април. Таа сега е советничка на ВМРО-ДПМНЕ во Општина Куманово.

The post Државата ќе ѝ плати 1.600 евра отштета на Доцевска Божиновска затоа што и биле прекршени правата при изрекувањето притвор за 27 април appeared first on Република.

После 5 години макотрпна борба и страдања, правдата за уставобранителите го виде светлото на денот. Елена Доцевска Божиновска, долгогодишен професионалец во Собранието на Република Македонија која беше неправдено притворена и гонета од власта на СДСМ оствари голема победа пред Европскиот суд за човекови права за злосторството што и’ беше направено.

Во тие денови, Елена, мајката на Наум кој тогаш имаше една година и на Софија која тогаш имаше две години, пред нивните очи и пред очите на сопругот Игор, во нивниот дом во Куманово, во раните утрински часови, како во најстрашен хорор филм, беше нападната од ордите на власта на СДСМ, кои ја тренираа својата авторитарна природа.

Ја добивме битката во Стразбур

Може да забави, но не и да заборави...

По повеќе од 5 години, стигна првата пресуда за 27 април од Европскиот суд за човекови права.

СЛАВА ТЕБЕ ГОСПОДИ!🙏🏻

Да живеат УСТАВОБРАНИТЕЛИТЕ, напиша Доцевска Божиновска на социјалните мрежи.

The post Правда за Уставобранителите: Доцевска Божиновска ја порази власта на СДСМ во Судот во Стразбур appeared first on Република.

Денес поминуваат 6 години од привршувањето на 27-ми април. И по цели 6 години власт на СДСМ-ДУИ манипулациите, шпекулациите на власта со овој случај не престануваат, обвинува Дафина Стојаноска, пратеничка на пратеничката група на ВМРО-ДПМНЕ.

-За ВМРО-ДПМНЕ судскиот процес се водеше под контроверзни околности, од омилената судијка на власта Добрила Кацарска, чие име стана синоним за она што во перцепцијата на граѓаните судството денес преставува… корумпирана алатка во рацете на сдсм и дуи, алатка за одбрана на криминалот. Да постетиме дека денес Кацарска за ваквата пресуда е наградена за уставна судијка. 211 години затвор за 27-ми април, а Ден Дончев на слобода. 211 години затвор за 27-ми април, а Рашкоски шета слободно. Заев ужива во својата бизнис империја, Спасовски и понатаму го штити криминалот и нема одговорност за ниту еден криминалец од власта, вели таа.

Пратеничката група на ВМРО-ДПМНЕ поднесе закон за амнестија, власта тоа го одби.

-Власта ја продолжува неправдата. Денес предметот за 27-ми април се наоѓа пред Врховниот суд. Јавното обвинителство доставило свое мислење, за што Врховниот суд треба да одлучува. Според нас, треба час поскоро да се одлучи овој предмет да се врати во прв степен бидејќи одудените сѐ се, но само не терористи. Овие луѓе и на судењето, ќе кажат: Бараме правда, да бидеме судени за тоа што сме го сториле, а не за тоа што политички нѐ гонат… Ние сме за исправање на неправдата и за правда за сите, па и за овие луѓе, истакна таа.

The post Стојаноска: Судскиот процес за 27-ми април се водеше под контроверзни околности – баравме закон за амнестија, власта тоа го одби appeared first on Република.

Семејставта на неправедно осудените за случувањата на 27 април, се обратија со јавно писмо до граѓаните на Република Македонија.

Нивното писмо го пренесуваме во целост:

„Поминаа седум години, народот вели дека времето ги лечи раните, но за нас, времето не само што не ги лечи раните, туку болките стануваат се' понеиздржливи. Неиздржлива е помислата, дека тие се постари за седум години, нивните мали дечиња за седум години пораснаа и веќе се момчиња и девојки, им се родија внуци и пораснаа.

Неподносливо е по седум години да слушаме како се манипулира со јавноста дека нашите најмили извршиле тероризам, ама не кажуваат дека сториле тероризам без оружје, неиздржливо е да се молчи дека се осудени за кривично дело против државата и дека се прогласени за државни непријатели.

Граѓаните, од прв до последен треба да знаат дека во монтираниот политички процес нашите се прогласени за државни непријатели и дека се политички затвореници.

Во МАКЕДОНИЈА седум години издржуват затвор политички затвореници. Сакаме да порачаме дека не само кај нашите најмили, не само кај нас семејствата туку и во МАКЕДОНСКОТО општество засекогаш ќе останат раните од политички монтираниот судски процес. Нашите најмили, прогласените државни непријатели и ПОЛИТИЧКИ ЗАТВОРЕНИЦИ ќе бидат живи споменици на едно историско време за Македонија.

И по седум години не прифаќаме дека затворените кои се наши деца, сопрузи и татковци се НЕПРИЈАТЕЛИ НА ДРЖАВАТА, не ја прифаќаме осудата за кривично дело против државата, не прифаќаме дека е нормално во 21 век во Македонија седум години да има ПОЛИТИЧКИ ЗАТВОРЕНИЦИ.

Не само ние, речиси секој обичен граѓанин не го прифаќа тоа.

Тешко ни е кога сите коментари се сведуваат на погрешна терминологија тероризам, учеството во толпа и физичките напади без докази, го квалификуваа терористичко загрозување. Во
Патриотизмот, Русковска и Кацарска видоа непријателска намера со ништо не докажана.
Политичкото обвинение и политичката пресуда која воопшто не образложува како тоа ги утврдиле НЕПРИЈАТЕЛСКИТЕ НАМЕРИ на нашите најмили, ДОПОЛНИТЕЛНО ги продлабочува нашите рани и ја зголемува нашата болка. Но, повтораме дека тоа не е само наша болка, тоа е рана од која ќе остане траен белег во целото општество.

Зарем не се свесни за тоа и политичарите - оние кои директно и индиректно ја определија нивната и нашата судбина. Зарем не се свесни дека со ПОЛИТИЧКИ МОНТИРАНИОТ судски процес и со политичките пресуди оставија тешки и неизлечиви рани и белези и врз државата и на ОПШТЕСТВОТО во целина.

Зарем се согласија, овие рани ТРАЈНО да сведочат за нивнотото владеење, за нивното поигрување со нивните и нашите судбини.

Ако се прашувате како ни е?

Секој ден, седум години по ред, животите на нашите најмили, но и нашите животи се голгота и пекол.

Како може да се прифати политичка квалификација за кривично дело против државата, како да се заборават маратонските судења кои траеа по 12-15 часа, како да се заборави дека биле затворени само за да се обезбеди мнозинство за промена на уставот и името на државата, како да се чувствуваме кога еве СЕДУМ ГОДИНИ единствено тие се по затвори иако БЕА НАЈАВУВАНИ некакви криминали за високи политичари, како да се справуваме со фактот дека од денешна дистанца САМО ТИЕ СЕ ВО ЗАТВОРИ И САМО ТИЕ БИЛЕ ПРОБЛЕМОТ во македонското општество.

Овие АПСУРДИ дополнително не болат сите нас а особено нашите кои гнијат во затворите веќе 6 години.

Водиме секојдневни битки, битки со самите себе, да ги издржиме апсурдите и неправдите, тоа се тешки и секојдневни битки кои траат една вечност.

Секој ден смогнуваме сила да се справуваме со болките од неправдата нанесена на нашите синови, сопрузи, татковци и браќа веќе 6 години затворени.

Секој ден смогнуваме сила да го прикриваме нашето страдање и болка и да покажуваме сила и храброст при секоја посета и средба за да останеме единствената нивна потпора.

Господ ни ја дава силата заедно да чекориме низ голготата со надеж дека ќе изгрее сонцето на слободата и за нашите и за нас.

Укинувањето на првостепената пресуда на таканаречените организатори со која беа осудени на казни затвор по 5 и 6 години затвор што е ЕДНА ТРЕТИНА во однос на ДРАКОНСКИТЕ КАЗНИ на кои беа осудени нашите најмили и враќањето на предметот на повторно судење, ни даде тронка надеж и за нашите, надеж дека и нашите ќе имат можност и право на фер судење, со враќање на предметот на повторно судење и за нив.

Не бараме мислост, само бараме правда во фер, правична и непристрасна постапка.
Не бараме амнестија, не бараме помилување, бараме шанса за да ја докажат својата невиност.
Тоа го заслужуваат особено после аспурдите во многуте судски постапки каде бевме сведоци на политичките пазари за застарувања и укинувања на пресуди и ОСОБЕНО заради селективната амнестија само на дел од првично обвинетите за настаните од 27 април.

Тоа го заслужуваат нашите најмили кои веќе по 6 години гнијат во затворите, но длабоко сме убедени дека враќањето на постапката од почеток и судењето во фер постапка е повеќе од потребно на целото општество и особено на обвинителството и судството поради целосната недоверба на граѓаните во овие институции.

Недоверба поради тоа што граѓаните беа сведоци на селективна правда во мноогу случаи, беа сведоци на ослободување на криминалци кои со украдени пари од граѓаните на Македонија се спогодија и си ја купија слободата, сведоци на промени на законот за ослободување од гонење на некои што гласаа за промена на уставот, сведоци на постапки кои до денешен ден се водат или воопшто не се водата, конечно сведоци на селективната амнестија за пратениците кои ги отворија што беше докажана причина за можноста граѓаните кои протестираа да влезат во Собранието на Република Македонија. Тие кои со отварање на вратите на Собранието овозможија народот да влезе во Собранието, не само што не беа прашани ЗОШТО ги отворија вратите туку освен тоа што уживаат во слободата, уживааат и во наградите, привилегиите и тендерите што ги добиваат до денеска, само заради гласањето за промената на Уставот.
Би сакале да апелираме, како семејства на неправедно осудените кои си ја сакат татковината, Врховниот суд, само темелно да го разгледа нашиот случај, да ги разгледа прекршувањето и повредите на кривичната постапка, темелно да ги разгледа доказите за тоа дали е докажано надвор од разумно сомневање дека нашите најмили имале намера да го загрозат уставниот поредок на Република Македонија.

Не бараме мислост, само бараме шанса за фер судење.

Со почит семејствата на неправедно осудените за 27 Април“.

The post Секој ден смогнуваме сила да се справуваме со болките од неправдата нанесена на нашите затворени синови, сопрузи, татковци и браќа appeared first on Република.

Семејствата на осудените за упадот во Собранието на 27-ми април 2017 ќе добијат еднократна финансиска помош од 10.000 денари од Општина Битола, изгласаа советниците по иницијативата поднесена од ВМРО-ДПМНЕ.

Според иницијативата финансиската помош им се додели бидејќи, според Советот, се неправедно осудени.

The post Семејствата на осудените за 27 април ќе добијат по 10 илјади денари од Општина Битола appeared first on Република.

Апелациониот суд му одговори на Кривичниот суд во врска со враќањето на предметот „Организатори за 27 април“ поради пропусти. Апелација смета дека судовите не смеат да си лоцираат вина еден во друг, а дека на Апелација е да дава напатствија кон првостепениот суд, а не обратно.

„Ставот на Кривичен суд е нивни. Но, против одлуката на Апелација – нема што да се изразува став. Судовите не можат да комуницираат на тој начин, да лоцираат вина еден во друг. Апелација по закон има овластување да донесе пресуда односно решение, да укине пресуда, да даде напатствија, да образложи“, велат од Апелација.

Претходно, Кривичниот суд го впери прстот во петорката судии од Апелација кои ја укинаа пресудата и го вратија на судење предметот.

https://republika.mk/vesti/makedonija/krivichen-kontra-alepatsija-mu-odgovori-na-ministerot-analizirajte-poradi-koi-sushtestveni-povredi-predmetite-zastaruvaat/

Од Кривичен се надоврзаа на изјавата на министерот за правда, Кренар Лога, кој посочи дека за одредени судии пропустите со суштествени повреди стануваат пракса.

https://republika.mk/vesti/makedonija/mp-bara-sudskiot-sovet-da-gi-utvrdi-na-okolnostite-vo-koi-e-ukinatata-presuda-za-organizatorite-na-27-april/

The post Апелација не му остана должна на Кривичен: Против одлуката на Апелација нема што да се изразува став appeared first on Република.