Дали има формула за заљубување? Дали е можно да натерате некој да се заљуби во вас? Ова се прашања кои ги поставуваат луѓето ширум светот бидејќи ја претставуваат големата тајна на човечкото срце. Доколку не сте знаеле, трикот постои и се базира на два посебни научни експерименти. Двајца психолози веруваат дека длабоките чувства можат да се предизвикаат кај луѓето за неверојатни 4 минути.

Имено, Артур Арон е професор по психологија на Државниот универзитет во Њујорк, во текот на кариерата најмногу се занимавал со љубовни врски, а врз основа на експеримент открил како двајца странци можат да се заљубат еден во друг за само неколку минути.

Двајца учесници во експериментот седеле гледајќи се во очи, а паралелно одговарале на неколку прашања за смртта, семејните односи, соништата, љубовта и слично. Секое прашање станувало полично, а последното било:

„Споделете личен проблем и прашајте ја другата личност за совет, или како таа личност би се однесувала наместо вас. Замолете ги да ги опишат вашите чувства од нивна гледна точка“.

После тоа, учесниците само се гледале во очи уште 4 минути. Изгледа многу едноставно, но оваа практика е докажано дека поттикнува искреност и комуникација преку емоционална интимност. И верувале или не, гореспоменатите двајца учесници се заљубиле еден во друг по експериментот.

Психологот Менди Лен Катрон го проба истиот метод и го постигна истиот резултат.

Пред да го испробате трикот со саканата личност, важно е да знаете дека во љубовта нема гаранции, но јасно е дека оваа практика може да ве натера да се поврзете со некого емотивно на подлабоко ниво. Исто така, експериментот покажува колку е важно да се има доверба и искреност во врската, како и отворено изразување на емоциите.

„Јас банџи скокнав од карпа и скијав по стрмна планинска падина, но гледањето во очите на друга личност 4 минути не беше помалку предизвикувачко и возбудливо“.

 

Првите неколку минути само се обидував да си го регулирам дишењето. Имаше многу нервозни насмевки додека конечно не се смирам. Знам дека очите се огледало на душата, но поентата не е дека можам да погледнам во нечија душа, туку дека некој може да ја погледне мојата“, истакнуваа психологот Катрон.

Се е до отвореноста. Кога се отвораме, дозволуваме некој да влезе во нашиот свет и да види што е тоа што го криеме во нашето битие. И кога другиот е отворен, ние го правиме истото. Излегуваме од патот сè што не попречува на овој пат, поврзуваме и откриваме кои сме навистина.

The post Како некој да се заљуби во вас за 4 минути? appeared first on Република.

Дали се заљубив? Ова е прашање кои многумина си го поставуваат по почнувањето на нова врска. Особено, бидејќи љубовта се манифестира на различни начини. За едни, таа претставува пеперутки во стомакот, а за други страст.

Како да бидете сигурни дека сте се заљубиле?

1.Искрени сте со партнерот

Според некои истражувања, заљубеноста придонесува кон искреност. Ако сакате да споделите важни работи за себе со партнерот, а тие ве прифаќаат со сите ваши маани и доблести, тоа значи дека навистина сте заљубени еден во друг.

2.Се чувствувате позитивно по физичкиот контакт со партнерот

Сексот не е само физички чин, туку и начин да ја истражите својата врска со партнерот и да се разберете еден со друг. Сексот носи многу убави работи за врската. Ако се чувствувате убаво и позитивно, тоа е сигурен знак дека сте заљубени еден во друг.

3.Секогаш го избирате својот партнер, без оглед на тоа колку луѓе запознавате

Истражувачот Милер во 1997 година докажал дека личностите кои не се многу заљубени и предадени во врската, постојано се отворени за нови познанства кои би можеле да донесат до нова љубов. Од друга страна пак, оние кои се заљубени не размислуваат за други потенцијални партнери бидејќи се задоволни и среќни. Тие гледаат само една личност.

4.Не се плашите од ризици со личноста која ја сакате

Преземањето ризици е доказ за вашата заљубеност. Според многу истражувања, таквата љубов партнерите ја чувствуваат заштитена и посреќна.

5.Секогаш се трудите да му го олесните животот на својот партнер

Му помагаме, давате совети и поддршка. Не дозволувате тој/таа да бидат тажни, доколку вие нешто можете да направите околу тоа. Ова е знак дека сте заљубени и се движите кон сериозна врска.

The post Сигурни знаци дека сте заљубени appeared first on Република.

Лошите животни навики можат да направат нашето тело да се чувствува многу постаро отколку што всушност е, особено додека старееме. Тие вклучуваат пиење премногу алкохол, слабо јадење и недоволно вежбање.

Покрај тоа, постојат некои други работи кои можат да го забрзаат стареењето без воопшто да го сфатиме тоа. Затоа докторката на Националната здравствена служба Луси Полок даде совети како да се спречи возраста премногу да влијае на луѓето. Тој нагласува колку е важно да се јаде добро и да се има здрав начин на размислување.

Загриженост за болести

Хипохондријата не помага во менталното здравје. Не треба да размислувате за можни болести. На овој начин само ќе го преоптоварите мозокот. Д-р Полок истакнува дека мора да имате други интереси кои не се поврзани со вашето здравје.

Прифаќање на слабоста

Можеби не мислите така, но постарите луѓе можат да ја подобрат мускулната сила. Внесувањето на протеини е важно за минералната густина на коските и силата на стисокот, додека вежбите како чучњеви можат да помогнат да го контролирате вашето тело ако ги правите редовно. Не прифаќајте само дека сте слаби.

Игнорирање на технологијата

Модерната технологија може да биде исклучително иритирачка, но препорачливо е да се држите во чекор со неа. Тоа ќе им помогне на постарите лица да останат во редовен контакт со пријателите и семејството.

Често одбивате да се дружите

Социјалната анксиозност може да се зголеми со возраста, но не почнувајте да кажувате „не“ на дружењето што го олеснува животот. Дружењето е добро за душата, а студиите го поврзуваат со здрав животен век. Дури и едноставните работи како одење на претстава или концерт може да ви помогнат да се подобрите и да се чувствувате подобро.

Очекувате чуда

Ако сте паднале, можеби сте ја изгубиле самодовербата и надежта дека успешно ќе закрепнете, но наместо да се потпрете на физиотерапевт кој ќе ви помогне, треба да продолжите да вежбате.

Премногу апчиња

Д-р Полок истакнува дека не треба да пиете толку многу таблети бидејќи тоа може да има негативно влијание врз вашето здравје. Многу луѓе сакаат да пијат апчиња затоа што нудат брзи решенија. Но, лекарот тврди дека најмалку 20 отсто од приемите во болница за лица над 85 години се поврзани со дрога.

Некои таблети, како што се хиперактивни апчиња за мочниот меур и антихистаминици, можеби нема да помогнат долгорочно. Сепак, секогаш разговарајте со вашиот општ лекар за најдобар совет.

Избегнување на младите

Благодарение на интернетот и збунувачките сленг зборови, генерацискиот јаз меѓу старите и младите е поизразен од кога било за некои. Сепак, меѓугенерациските односи се навистина одличен начин луѓето да најдат нов живот. Помладите уживаат во стабилната мудрост на постар пријател, додека постарите можеби сметаат дека тоа им помага да бидат во чекор со променливиот свет.

The post Секојдневни навики кои го забрзуваат процесот на стареење – Не дозволувајте годините да ве „прегазат“ appeared first on Република.

Креативното размислување е одлична вештина која може да ви помогне во која било област од вашиот живот.

Неколку совети како да ја зголемите вашата креативност:

◾️ Хоризонт

Проширете го, читајте книги, гледајте филмови, посетете нови места. Постојано оптоварувајте ја главата со нови информации.

◾️ Комуникација

Комуницирајте повеќе со луѓе во креативни професии, учете од нивното искуство. Добијте инспирација од нив.

◾️ Експериментирајте

Бидете подготвени да излезете од вашата комфорна зона, пробајте нешто ново. Не плашете се да правите грешки, обидете се со што е можно повеќе работи.

◾️ Хармонија

Медитирајте, многу добро помага да се опуштите и да се ослободите од стресот. Како резултат на тоа, загарантиран е прилив на нови уникатни мисли. Нурнете во себе најмалку 10 минути.

The post Неколку совети како креативно да ги решавате проблемите appeared first on Република.

Народните верувања за љубовта секогаш се интересна тема, без разлика дали верувате во нив или не. Се сметало дека одредени настани можат да ви ја предодредат судбината при пронаоѓањето идеален партнер, а народот навистина верувал во тоа. Еве во што верувал народот порано…

1. Кога двајца ќе се судрат со главите при обид да подигнат нешто, ќе се засакаат!

2. Ако секогаш успеваш да изедеш сè во чинијата, ќе имаш убав маж или жена.

3. Кога ќе ти се закачи некоја гранка, тоа е знак дека некој те обожава. Не треба да ја газиш гранката, туку да ја отстраниш со рака.

4. Розата од чија средина расте пупка се вика свршеничка роза. Ако ја пронајдеш, тоа значи дека набрзо ќе се венчаш.

5. Ако ти се закачи трн за фустанот, тоа е знак дека наскоро ќе одиш на свадба.

6. За да ги избркаш непожелните додворувачи, носи цвет од рен со себе.

7. Изеди ја првата темјанушка што ќе ја пронајдеш напролет, бидејќи така цела година ќе те сакаат твоите најблиски.

8. Кога ќе видиш дека стрелките на часовникот се поклопиле, некој мисли на тебе.

9. Ако најдеш јајце со две жолчки, некој ќе се венча наскоро.

10. Ако најдеш бел конец во гардеробата, некој црн маж/девојка мисли на тебе и обратно!

11. Ако ти падне нож и се забодеш, ќе доживееш неверство од личноста што ја сакаш.

12. Немој да го менуваш свршеничкиот прстен за да не ти се наруши животот.

13. Ако на денот на венчавката врне, невестата многу ќе плаче за време на тој брак.

14. Момчето не смее да ѝ подарува обетки на девојка му, бидејќи така нивната врска набрзо ќе заврши.

15. Се верува дека времето на двајца вљубени им е одбројано, ако едниот од нив му подари часовник на другиот.

16. Младоженецот не смее да ја види невестата во венчаница пред свадбата, бидејќи тоа ќе им донесе несреќа во бракот.

17. Невестата не смее самата да си ја шие венчаницата.

Извор: Убавина и здравје

The post Народните верувања за љубовта – верувате или не?! appeared first on Република.

Безусловна љубов значи да сакаш некого без никакви услови и очекувања. Од клучно значење е родителите да им пружат на своите деца ваква љубов бидејќи тоа им дава чувство на сигурност и самопочит.

Кога децата чувствуваат дека се сакани без разлика на околностите, тие развиваат емоционална стабилност и самодоверба, што има клучна улога во нивниот развој.

Детскиот психолог, мајка и едукатор за родители, Џејми Блох, издвои шест начини на кои родителите можат да покажат безусловна љубов кон своите деца.

Еве што таа ги советува родителите:

1. Бидете присутни

„Одвојте одредено време секој ден за целосна интеракција со вашите деца, без разлика дали тоа е за време на вечерата или пред спиење. Оставете ги сите уреди и целосно фокусирајте се на нив“, вели психологот.

2. Активно слушајте

Блох објаснува:

„Кога вашите деца споделуваат мисли или приказни, спуштете се на нивното ниво и слушајте без да прекинувате“.

3. Обезбедете безусловна поддршка

Ако децата сакаат да пробаат нов спорт, но се нервозни, важно е родителите да ги охрабрат, без оглед на нивните минати успеси.

„Кажете нешто како: „Сигурен сум дека секоја недела ќе се подобруваш! Можеме да вежбаме заедно“, советува психологот.

4. Изразувајте наклонетост и љубов

Блох истакнува:

„Направете навика да им давате на вашите деца прегратка или бакнеж пред да одат на училиште и кога ќе се вратат дома. Овие физички знаци на внимание создаваат чувство на сигурност и припадност“.

5. Создадете безбедна средина

Родителите можат да поттикнат отворена комуникација со одржување редовни „семејни разговори“ каде секој може да ги сподели своите чувства. „Ако вашите деца се чувствуваат удобно да зборуваат за своите грижи, ќе знаат дека можат да се изразат без страв од осудување“, вели психологот.

6. Учете преку грешки

„Ако вашето дете истури сок на подот, наместо да реагирате негативно, смирено кажете: „Грешки се случуваат! Ќе го исчистиме заедно.“ Тој пристап ги учи дека е во ред да прават грешки и дека ќе ги поддржувате во процесот на учење“, објаснува Блох.

„Зборовите што ги слушаат нашите деца постојано ја обликуваат нивната внатрешна приказна. Има голема разлика помеѓу „Те сакам, чувај се“ и „Те сакам и верувам дека можеш“. Како што растат, тоа може да направи светот околу нив да изгледа како да е исполнет со опасности што треба да ги избегнуваат или, од друга страна, со предизвици што можат да ги прифатат“, заклучува психологот.

The post Психолог: Родителите кои ги прават овие 6 работи безусловно ги сакаат своите деца appeared first on Република.

Постојат јасни знаци дека одредени луѓе не ве сакаат. Кога некој не ве сака или едноставно му одите на нерви, еве како се однесува…

1. Одбегнува контакт очи в очи
Контактот со очи е една од најосновните форми на човечка комуникација. Го користиме за да изразиме интерес, сочувство или разбирање. Ако некој постојано одбегнува контакт очи в очи со вас, тоа може да укажува на ненаклонетост. Иако срамежливоста и социјалната анксиозност, исто така, може да бидат фактор, ненадејното одбегнување на контакт со очи од страна на вообичаено самоуверена личност е причина за загриженост.

2. Започнува површни разговори
Кога некому му се допаѓате, сака подобро да ве запознае и се интересира за вашиот живот. Но ако разговорите со некоја личност секогаш остануваат на површно ниво, тоа може да биде знак дека таа не е заинтересирана за вас. Во вакви ситуации, темите на разговор обично се ограничени на временските услови или на општи прашања, без обид да се навлезе во лични детали.

3. Има затворен говор на тело
Говорот на телото честопати кажува многу повеќе од зборовите. Вкрстувањето на рацете, одбегнувањето на погледот и желбата да постави физичка бариера меѓу вас се знаци на непријатност или неволност за комуникација. Ако ваквите гестови станат редовни, тоа е јасен сигнал дека личноста не чувствува симпатии кон вас.

4. Ретко започнува комуникација
Кога некој не се интересира за вас, комуникацијата станува еднострана. Ако морате постојано да покренувате комуникација, а другата личност не покажува желба да го одржи контактот, тоа може да биде знак дека не ѝ се допаѓате. Иако понекогаш луѓето си имаат свои причини, ако ова се случува постојано, вреди да размислите за причините.

5. Не се труди да ве разбере
Кога некој не се обидува да ги разбере вашите чувства или ги игнорира вашите мисли, тоа може да биде знак на рамнодушност. Ако не покажува интерес за вашите искуство, ги прекинува или ги отфрла вашите зборови, тоа е јасен сигнал дека не е заинтересиран да гради подлабока врска со вас.

6. Никогаш не е среќен што ве гледа
Ако никогаш не покажува радост кога ќе ве види, тоа е знак дека не му се допаѓате некому. Кога некој навистина ви се допаѓа, средбата со таа личност носи радост. Ако тоа не е обострано, јасно е дека вашиот однос е од поинаква природа.

7. Не го почитува вашето време
Почитувањето на туѓото време е основата на здравите односи. Ако некој постојано доцни, ги откажува средбите во последен момент или ве принудува да го чекате, тоа е знак дека не ве цени ниту вас ниту вашето време.

The post Седум јасни знаци дека не им се допаѓате на луѓето и дека не можете ништо да сторите во врска со тоа appeared first on Република.

Српскиот монах Арсеније има совет до мажите кои премногу им веруваат на социјалните мрежи при изборот на партнерка.

Фејсбук лаже и се преправате дека сте подобри.

И ние сите глумиме. Сите имаме улоги. Сите ние дејствуваме на Фејсбук, ги објавуваме нашите најдобри фотографии, нашите најдобри мисли. И тогаш кога ќе сретнеме девојка во природа и ќе видиме дека не е толку убава, ниту паметна како што се појави на Фејсбук, велиме „ме излажа“.

The post Монахот Арсеније со предупредување до мажите: Девојките во живо не се толку убави како на Фејсбук appeared first on Република.

Џонас, познат тик-токер купил златни прачки во вкупна вредност од 5.134 евра но заборавил каде ги скрил.

„Момци, јас сум целосен идиот“, започна инфлуенсерот на TikTok Џонас.

Тој тврди дека златото го купил пред три години, но со текот на времето заборавил каде го сокрил во својот стан.

 „Веќе немам поим. Тогаш бев убеден дека никој нема да го најде скривалиштето. Но, не земав предвид дека можеби ќе заборавам каде се“, вели тој во видеото.

Го пребарал целиот стан и заклучил дека понатамошната потрага е залудна и дека некој иден станар ќе биде пресреќен доколку  го најде златото . Но, не изгледа премногу вознемирен поради загубата

The post Познат тиктокер купил златни прачки за пет илјади евра и заборавил каде ги скрил appeared first on Република.

Чарлс Инграм ја направи најголемата измама во квизот  „Сакаш да бидеш милионер“. Тој стигна до главната награда но не доби ни пара бидејќи бил фатен заедно со сопругата и пријател кој му помагале.

Чарлс, неговата сопруга Дијана и пријателот користеле тактика на искашлување на точните одговори во текот на целата емисија.

Истрагата покажала дека измамата е вистинска, а брачната двојка Инграм е осудена на 18 месеци затвор за измама и морале да платат казна од 115.000 фунти.

Погледнете

https://www.youtube.com/watch?time_continue=1780&v=BBWR0I9LbOQ&embeds_referring_euri=https%3A%2F%2Fwww.kurir.rs%2F&source_ve_path=MzY4NDIsMjM4NTE

The post Систем на кашлање: Ова е најголемата измама во квизот „Кој сака да биде милионер“ appeared first on Република.

Симптомите на деменција не ги погодуваат само постарите луѓе. За да го намалите ризикот од деменција, одбегнувајте исхрана базирана на преработена храна, а јадете што повеќе медитеранска храна и движете се почесто.

Еве што уште можете да направите за да го намалите ризикот од деменција…

1. Одбегнувајте високо ниво на бакар во водата
Бакарот е неопходен за здрави коски, хормони и нерви. Но вишокот од овој метал има штетно влијание врз мозокот. Бакарот може да биде причинител за појава на Алцхајмерова болест. Сѐ уште е тешко да се каже која концентрација на бакар навистина е опасна, но подобро е да ги замените бакарните водоводни цевки. Исто така, добро е да користите филтри за вода за да го намалите процентот на бакар.

2. Одбегнувајте одредени лекови (како што се лекови за алергии)
Лековите кои имаат антихолинергични ефекти, обично се поврзуваат со деменција. Пациентите кои пијат антихолинергични лекови имаат намален метаболизам на мозокот и зголемена атрофија на мозокот. Хроничната употреба на низа антихолинергични таблети за спиење и лекови против поленска треска го зголемуваат ризикот од деменција.

3. Спијте во положба што е добра за вашиот мозок
Вашата положба на спиење игра голема улога за благосостојбата на вашиот мозок. Спиењето на страна го подобрува процесот на прочистување на мозокот, намалувајќи го ризикот од Алцхајмерова и Паркинсонова болест.

4. Одбегнувајте пестициди
Пестицидите се еколошки причинители на деменција, а тука спаѓаат ДДТ и инсектицидите. ДДТ веќе е забранет, но и понатаму е присутен во околината. Храната од животинско потекло и масната храна содржат највисоко ниво на ДДТ и производи за разградба. Многу современи пестициди го оштетуваат мозокот. Ова се случува кога се внесува храна третирана со ацетамиприд, неоникотиноиден инсектицид.

5. Живејте исполнет живот
Одредувањето на целите го намалува ризикот од развој на деменција. Исполнетиот живот го прави човекот среќен и позитивно влијае врз работата на мозокот.

6. Надоместете го дефицитот на витамин Д
Луѓето на кои им недостасува витамин Д се изложени на зголемен ризик од развој на деменција. Можете да ги покачите нивоата на витамин Д, така што ќе поминувате време на сонце и ќе внесувате храна со висока концентрација на овој витамин. Земањето диететски суплементи исто така е корисна стратегија.

7. Грижете се за оралното здравје
Грижата за забите и непцата ќе ви помогне во заштитата на мозокот од дегенеративни процеси. Постои силна врска меѓу лошата орална хигиена и Алцхајмеровата болест. Неопходно е да ги миете забите најмалку двапати дневно.

8. Шетајте најмалку трипати неделно
Одењето и кардиоваскуларните вежби помагаат за подобрување на мозочните функции, способности и размислување. Па така, редовното шетање може да биде првиот чекор кон здрав и активен мозок.

The post Осум начина да го намалите ризикот од деменција appeared first on Република.

Можностите се неограничени денес. Создадете го животот кој го посакувате за себе.

Ова е моќна енергија, која има потенцијал да ви донесе мудрост и да ви помогне да го остварите она што го посакувате.

Астролошкиот период меѓу 23 јули и 22 август ни го носи владеењето на Лавовите. Но, 8 август е посебен датум бидејќи тој ја означува Лавовската капија. Ваквиот портал ја активира ѕвездата Сириус, која се смета за наше духовно сонце. Астролозите често веруваат дека ова е еден од најсреќните денови во годината.

Ова е ден кога многумина се освестуваат за потенцијалот кој го поседуваат. Капијата е еден вид на симбол кон реалноста која ја посакуваме за себе, но за која често веруваме дека можеби не ја заслужуваме.

Ова е убав ден за манифестирање промени и можност да ги оствариме своите желби. Кога се активира Лавовската капија, имаме можност да се препуштиме на своите страсти и да го оствариме и невозможното.

Освен тоа, денеска се судираат и Месечината и Сонцето, носејќи ни можност да внесеме повеќе изобилство од она што го посакуваме во нашите животи. Најдобро е да го слушнеме своето срце и да се препуштиме на она што ни носи среќа. Ако нешто не ни носи убава енергија и добро чувство, тогаш тоа не заслужува да биде дел од нашиот живот.

Ова е и период кога треба да бидеме реални во однос на тоа кого и како сакаме. Ако некои односи не функционираат во нашиот живот, време е да ги пуштиме, да ги оставиме за себе, без оглед на тоа дали станува збор за љубовни или пријателски врски.

The post Денеска е најсреќниот ден во годината: Задолжително МОРА да направите една работа! appeared first on Република.

The post Што најдоа грчките научници во гробот на Исус Христос? appeared first on Република.

Депресијата може да придонесе за губење на помнењето и обратно, открива ново истражување коешто следело речиси 8.200 Британци во текот на две десетлетија.

Научниците откриваат дека „линеарната промена во депресивните симптоми води кон забрзано губење на меморијата“ кај испитаниците постари од 50 години. Нивната просечна возраст е 64 години. Но, не само што депресијата влијае на памтењето, туку и обратното е точно, заклучуваат научниците во написот објавен од Американското медицинско здружение. Тимот вклучува научници и лекари од британскиот Универзитетски колеџ во Лондон, Медицинскиот центар на Универзитетот во Рочестер и Медицинскиот факултет во Сасекс.

Побрзата промена во помнењето и заборавањето е исто така реципрочно поврзана со брза промена на симптомите на депресија со текот на времето. Психолошкото расположение и помнењето се суштински поврзани“, тврдат компетентните научници.

Понатаму се истакнува и дека, иако когнитивната дисфункција и претходно е поврзувана со депресијата, „насоката на таа врска“ сѐ уште не е јасно дефинирана.

Учесниците во испитувањата биле испрашувани секоја втора година од 2002 до 2019 година, со тестови за запомнување и течно говорење, како и проценки на симптомите на депресија според Центарот за епидемиолошки студии.

The post Депресијата води кон губење на меморијата и обратно appeared first on Република.

Според истражувањата на „Мајерс-Бригс компани“ (The ​​Myers-Briggs Company), 56,8 отсто од луѓето во светот се интроверти. Сепак, интересно во истражувањето е што интровертните деца подоцна во зрелоста имаат многу позитивни особини.

Психологот д-р Џесика Рибеиро од САД ја дефинира интровертноста како својство што се одликува со претпочитање тивки, а по малку стимулирачки средини и активности.

Интровертите се склони да бидат уште поинтровертни, сосредоточувајќи се на внатрешните мисли, чувства и расположенија, наместо да бараат надворешна стимулација. Ова не значи дека не ги сакаат луѓето, но социјалната интеракција може да биде исцрпувачка за нив, па затоа, за „да си ги наполнат батериите“, бараат осаменост, појаснува Рибеиро за порталот „Парада“.

Додека општеството често ги цени екстровертните особини, како што се дружељубивоста и наметливоста, особините развиени од интровертите се исто толку важни и корисни.

Некои деца едноставно се раѓаат почувствителни на надворешни стимули. Ова може да се пренесе од родителите на децата преку гените. Интровертните родители или - потивкото домаќинство, исто така, може да влијае на природната желба на детето за потивки средини... Да напомнеме и дека на возрасните интроверти не им е потребна поддршката од другите. На интровертите не им треба потврда за сопствената вредност од друг. Во зрелоста, тоа може да резултира со понезависно размислување и помала потреба да се прилагодат на општествените стандарди, забележува психологот.

Така, луѓето кои биле интровертни како деца многу често ги развиваат овие 10 особини како возрасни: Промисленост и анализирачки способности, индивидуалност во работата, емпатија, внимателност, креативност, самосвест, концентрација, комуникациски вештини, тесен круг на пријатели, доверливост и сигурност.

The post Истражување на Психолог: Интровертните деца израснуваат во внимателни личности appeared first on Република.

Иако починал пред 63 години, Ернест Хемингвеј, познатиот американски писател, раскажувач и новинар, продолжува да ја интригира светската јавност.

Имено, и во литературните дела на големиот ум кој си го окончал животот на скоро 62 години, се забележува таа сложена личност. Околу 30 години откако го нарекол својот татко „кукавица“ затоа што се застрелал, и Хемингвеј се самоубил, пукајќи се со ловечка пушка. Неговата сопруга Мери го нашла на прагот од семејната куќа. За тоа пишувале многу стручњаци, но се чини, и денес никој не може да го сфати тоа целосно.

Инаку, еден од неговите најпознати цитати е: „Среќата кај интелигентните луѓе е најретката работа што ја знам“.

Со паметните луѓе ништо не може да биде така едноставно. Хемингвеј верувал дека човек со високо ниво на интелигенција гледа на работите сосем поинаку и во никој случај не е рамнодушен кон она што се случува околу него. Американскиот нобеловец наведува барем шест причини зошто интелигентните луѓе се воопшто понесреќни од останатите. Според писателот:

Паметните луѓе анализираат сѐ - премногу; имаат премногу високи очекувања; премногу се самокритични; не им е доволна реалноста; имаат недостаток на длабока комуникација и разбирање и страдаат од психолошки проблеми.

The post Хемигвеј добро рекол: Среќата кај интелигентните луѓе е најретката работа што ја знам appeared first on Република.

ХЕРА - Асоцијација за здравствена едукација и истражување денеска во Скопје ќе отвори Центар за поддршка и советување на мажи во Македонија.

Ова, како што информираат од ХЕРА, е прв центар од ваков вид во нашата земја, кој ќе нуди бесплатни советувања и поддршка со терапевти за момчиња и мажи, со телефонско закажување за термин (070 299 026).

Центарот се отвора со поддршка на австриското Сојузно министерство за социјални прашања, здравство, грижа и заштита на потрошувачите, во соработка со Здружението за машки и родови прашања Стирија од Австрија.

The post Во Скопје ќе биде отворен прв Центар за поддршка и советување на мажи appeared first on Република.

Шаманите се исцелители на рани кои ги водат луѓето кога ќе се загубат движејќи се низ животот и исполнуваат повеќе функции, исто како родителот. Па ако сте родител, тогаш мора да дознаете за шаманскиот пристап за родителите.

Родителството е една од најнаградуваните улоги што можеме да ги имаме како луѓе. Како родители, нашата работа е да ги воспитуваме, водиме и штитиме нашите деца, да ги лекуваме и да ги подготвиме да се соочат со предизвиците на светот и да ја искусат величественоста на универзумот. И можеби затоа, да се биде родител честопати е слично на тоа да се биде шаман.

1. Тие создаваат безбеден простор

Шаманот, пред да почне со процесот на исцелување најпрвин создава погодна средина каде што може да се одвива самиот процес. На тој начин, шаманот му помага на пациентот да се поврзе со своето внатрешно јас, нешто што е неопходно за лечење на неговата душа. Од друга страна, и родителите имаат тенденција да го прават истото со своите деца. Тие се обидуваат да создадат безбедно засолниште кое ќе им овозможи на децата да бидат ментално и физички здрави.

2. Тие се водачи, а не инструктори

Шаманите ги водат пациентите во процесот на духовното исцелување преку давање совети, а дали тие ќе ги следат советите или не зависи првенствено од нив. Целта на шаманот е духовно да ја лекува личноста, а не да ја контролира. Родителите кои сакаат да израснат здрави и среќни деца го прават истото.

3. Тие не судат

Исцелителите не ги судат своите пациенти. Напротив, тие имаат високо ниво на емпатија, сочувство и љубезност што им дава можност да ги смират пациентите.

Меѓу другото, тие ја гледаат реалноста онаква каква што е. Нивната интуиција, разбирање и видовитоста им помагаат да разберат што е потребно за да му се помогне на другиот. Така, нивната примарна цел е да им помагаат на луѓето, а не да ги истакнуваат нивните мани и несовршености.

Родителите го прават истото со своите деца. Тие не ги етикетираат или осудуваат поради нивните грешки туку им помагаат да ги осознаат своите грешки и да учат од нив. Родителите се оние кои ги водат децата во потрагата по сопствениот пат и им помагаат да се вратат на вистинскиот пат кога ќе се изгубат.

Извор: Убавина и здравје

The post Шамански пристап за родителите – 5 причини зошто родителите се како шамани appeared first on Република.

Ако работите излезат од контрола или имате траги од лоша среќа, не брзајте да ги обвинувате другите за тоа. Подобро погледнете го вашиот дом одблизу.

Според Фенгшуи, за тоа можат да бидат виновни наједноставни работи во домот кои привлекуваат негативна енергија и внесуваат неволји и неуспеси.

Кои се работите кои привлекуваат лоша среќа

1. Ѓубре во вашиот џеб или паричник

Хартиите, картичките, старите сметки и другото ѓубре што се акумулира во џебовите или паричниците не ветуваат добро. Сето ова може да привлече лоша среќа и неуспех во бизнисот. Затоа веднаш проверете ги паричникот и џебовите и фрлете се што не му е место таму.

2. Скршено стакло или огледала

Многу луѓе знаат дека скршеното огледало не може да се чува дома, во спротивно тоа ќе донесе неволја. Поточно, цели седум години неуспех и неволја (или така велат). Затоа, веднаш отстранете ги сите испукани огледала од куќата. Истото важи и за скршеното стакло кое симболизира недостиг на пари.

3. Предмети кои не се користени повеќе од три години

Енергијата на таквите работи, дури и да се сосема нови, со текот на времето се влошува и треба да им се даде втор живот или да се подарат некому.

4. Испукани садови или искршени часовници

Како и со огледалата, веднаш исфрлете ги испуканите садови и старите часовници од дома. Особено ако часовникот не работи долго време. Или поправете го или веднаш фрлете го ако сакате да привлечете среќа во вашиот дом.

5. Фотографии кои враќаат лоши спомени

Предметите кои имаат негативни асоцијации или едноставно не ви носат радост, генерално не треба да ги чувате во домот. Негативноста што ја доживувате додека ги гледате овие слики може да се сврти против вас и да резултира во несреќни околности.

6. Искинати работи

Предметите за кои е потребен пар (чорапи, влечки, чевли итн.) мора да се отфрлат веднаш штом ќе ја изгубите нивната „друга половина“. Во спротивно, тие ја блокираат позитивната енергија и привлекуваат мали неволји во вашиот дом.

7. Суви цветови

Овенените цвеќиња, препарираните животни, исушените пеперутки или бубачки, животинските рогови и птичјите пердуви, како и школките донесени од патување, исто така го попречуваат пристапот до позитивна енергија и носат лоша среќа.

8. Искршени апарати за чистење

Метла, џогер и правосмукалка се првите помошници во куќата и го симболизираат чистењето на сè што ја попречува материјалната благосостојба. Затоа, приврзаноста кон стара истрошена метла или неподготвеноста да се фрли стара скршена правосмукалка доведува до намалување на финансискиот проток.

9. Слики и постери кои прикажуваат природни катастрофи

Бурите, лошите временски услови и природните катастрофи предизвикуваат вознемирувачки мисли. Нивните слики исто така привлекуваат неуспех, неволја и несреќа. Затоа, не треба да се оспорува судбината уште еднаш. Подобро е ваквите слики да се заменат со нешто поинтересно и порадосно.

10. Стари и дотраени предмети

Ова ги вклучува старите весници, списанија, облеката што одамна сте ја надминале. Сето ова треба да се среди и вишокот да се фрли за да се направи простор за нови работи и да не се привлекува негативна енергија.

The post Ова се работите кои привлекуваат лоша среќа во вашиот дом appeared first on Република.

Фенг шуи не се однесува само на положбата на некои предмети во домот, туку и на нашиот однос кон животот. Според експертите за фенг шуи, следните неколку совети ќе помогнат паричната енергија да тече низ вашиот дом побрзо.

1. Светли бои во деловите од домот каде што извршувате работи поврзани со пари
Мајсторите на фенг шуи секогаш ја нагласуваат „паричната област“ со зелени и виолетови бои. Зелената е бојата на виталноста и растот, а виолетовата боја претставува богатство. Најдете место во кујната за сад со грозје – идеално би било мешањето бело и црно грозје, а кога ќе заврши сезоната на ова овошје, заменете го со убава реплика во бојадисано дрво или стакло.

2. Внимателно ракување со парите е императив
Многумина од нас имаат навика да ги гмечат сметките во џебот или да ги оставаат на различни места низ куќата. Размислете за односот што го имате со парите и почнете да го почитувате. Секогаш чувајте ги уредно превиткани во убав паричник. Освен тоа, внимавајте и сметките секогаш да ви бидат уредно наредени, чувајте ги во пликови или пластични кутии во живи бои.

3. Парите се енергија која мора да тече
Ако немате доволно пари за давање и трошење, секако можете да им дадете на другите малку од вашето време или внимание. Затоа, секоја вечер одвојте неколку минути за да се заблагодарите за она што го имате и да размислите за тоа што би можеле да им дадете на другите. Успехот не е само да добиеме повеќе туку да бидете задоволни со она што веќе го имате. Како што се чувствувате поблагодарни за она што го имате, во вашиот живот ќе има поголемо изобилство.

The post Сменете ги овие три работи и парите ќе се лепат за вас appeared first on Република.