Агенцијата за поддршка на претприемништвото во рамките на одбележувањето на Европската недела на претприемништво, утре (21 ноември) во ресторанот Рагуза Руфтоп 360 организира Избор на најдобар ментор за 2023 година - Mentor Awards 2023, кој има за цел да го препознае и награди најдобриот ментор. Настанот е организиран како дел од програмата на Агенцијата и има за цел да го препознае и награди придонесот на менторите кои со своето искуство и поддршка ги инспирираат младите претприемачи и играат важна улога во нивниот развој и успех. Стандардизираните менторски услуги се дел од програмската активност на Агенцијата со поддршка од Јапонската Агенција за меѓународна соработка (JICA).

Во текот на Европската недела на претприемништво, Агенцијата досега реализираше низа активности за поттикнување на претприемачкиот дух. Во рамки на програмата, Директорката на агенцијата, Даниела Димовска и заменик министерот Марјан Ристески во понеделникот го посетијаСУГС „Лазар Танев“, при што имаа продуктивна средба со директорот на училиштето Небојша Вуковиќ. Беше разговарано за идните можности за развој и подобрување на образовниот процес во угостителството, како и за поддршка на младите професионалци во оваа важна област. Во рамкитена посетата, учениците имаа можност да се запознаат со програмите и обуките што Агенцијата за поддршка на претприемништвото ги нуди за развој на претприемнички вештини, како и да добијат информации за новите обуки кои ќе се реализираат во следниот период.

Во текот на истиот ден, претставници на АППРМ го посетија и СУГС ,,Арсени Јовков“, каде се запознаа со идните правници и економисти во нашата држава. Посетата вклучуваше и интерактивни сесии со учениците, при што тие споделија свои идеи за уникатни и креативни бизниси. Дополнително, учениците имаа можност да се запознаат со програмските активности што Агенцијата за поддршка на претприемништвото ги нуди за развој на претприемнички и дигитални вештини, како и да се информираат за новите обуки кои ќе се спроведат во периодот што следува.

Во текот на денешниот ден се предвидени и активности со организациите од невладиниот сектор, кои работат на полето на унапредување на претприемништвото и развојот на малите и средните претпријатија. Како дел од одбележувањето на Европската недела на претприемништво, претставници од Агенцијата денеска ќе ги посетат и фирмите „Винарија Чифлик“ од Битола и „СВАРОГ“ од Прилеп, компании кои се и корисници на мерката менторство што ја спроведува Агенцијата со цел да ја истакнат важноста на поддршката за мали и средни претпријатија и да ги охрабрат во нивниот понатамошен развој.

Покрај тоа, претставниците на Агенцијата за поддршка на претприемништвото утре ќе остварат средба со Миле Бошков, Претседател на Бизнис конфедерација на Македонија, со цел да биде договорена идна соработка.

The post Агенцијата за поддршка на претприемништвото организира избор на најдобар ментор во рамките на Европската недела на претприемништво appeared first on Република.

Стручната книга „Колоквијалниот изговор во Скопје и влијанието на артикулациjата на гласовите врз нарушувањето на правоговорната и правописната норма“ од д-р Блага Панева, во издание на „Супрема“, ќе биде промовирана на 20 ноември (среда), во 19 часот, во „Литература.мк“ во „Дајмонд мол“. Промотори на книгата ќе бидат проф. д-р Веселинка Лаброска, редовен професор, дописен член на МАНУ, и д-р Александар Маркоски, вонреден професор и активен јавен обвинител.

Во публикацијата се обработува еден од најгорливите проблеми поврзани со изговорот на македонскиот јазик - колоквијалниот изговор во Скопје и неговото влијание врз нормата. Во делото се опфатени: Македонскиот јазик во основното образование со посебен акцент на програмското подрачје јазик; Анализа на гласовните промени во писмените текстови; Консонантски групи во почетна, медијална и финална позиција; Финални согледувања од анализите и насоки за подобрување. Изданието е заокружено со прилози и резиме на македонски и англиски јазик, како и список на богата користена литература.

Делото е произлезено од докторската дисертација со наслов „Артикулациjата на гласовите и акцентирањето во колоквијалниот изговор во Скопје и нивното влијание врз нарушувањето на правоговорната и правописната норма во наставата (врз база на корпус од говорни и пишани материјали)“, која Панева ја има одбрането на Филолошкиот факултет „Блаже Конески“ во 2022 година.

Ако основната цел во секоја наставна програма по македонски јазик и литература, во сите степени на образованието, е „учениците правилно усно и писмено да се изразуваат“, тогаш грешките што ги прават тие, особено во писменото изразување, упатуваат на потребата од наоѓање начини и форми за подобрување. Поаѓајќи од фактот дека употребата на информатичко-комуникациската технологија влијае врз изговорот и пишувањето кај младите, целта на оваа книга е да го претстави начинот на изразување и пишување кај средношколската младина, притоа посебно обрнувајќи внимание на зачестеноста во правописните грешки, ситуација што е во голема мера недозволива за ученици од повисоките одделенија во основното образование, а уште помалку за ученици од средното образование.

Aвторката д-р Блага Панева е родена во 1963 година, во Скопје. Дипломирала на Филолошкиот факултет во Скопје. Од 1989 до 2002 година работи како професор/наставник по македонски јазик и литература во средните училишта во Скопје „Лазар Танев“, „Гоце Делчев“, „Владо Тасевски“ и „Никола Карев“ и во ОУ „Васил Главинов“ во Велес. Од 2002 година до денес работи како советник во Бирото за развој на образованието во Скопје.

Има објавено повеќе научни и стручни трудови во списанијата: „Литературен збор“, „Стремеж“, „Образовни рефлексии“, како и во повеќе зборници од меѓународни научни конференции, на македонски, но и на англиски јазик. Со Јадранка Клисарова и Јован Радески е коавторка на учебниците Македонски јазик со елементи на национална култура,за прво, второ и трето одделение, наменети за децата на нашите иселеници во странство (Република Србија). Исто така е коавторка на повеќе книги и прирачници: Нови аспекти на инспекторирањето во образованието, со д-р К. Петковски; Самоевалуацијата во училиштата, со д-р Лиз Томсон, д-р Дон Квист и група автори; Промоција на хумани вредности, со м-р Дарко Јорданов и група автори; Прирачник за наставата по немајчин јазик, д-р Алесандро Бенати и група автори; Концепција за изработка на учебник со методологија за вреднување на учебник, група автори; Збирка на добри практики за планирање и реализација на наставна содржина со примена на критичко размислување, решавање проблеми и кодирање.

The post Промоција на стручната книга „Колоквијалниот изговор во Скопје…“ appeared first on Република.

Во неодамнешно интервју за „Блумберг“, поранешниот извршен директор на „Мајкрософт“, Стив Балмер зборуваше како се правело интервју за работа во една од најпознатите технолошки компании во светот. Балмер, кој беше на чело на американскиот конгломерат од 2000. до 2014 година, откри трик-прашање што му го поставувал на секој кандидат за работа, објаснувајќи го и значењето.

Прашањето гласеше вака: „Размислувам за број меѓу еден и сто. После секој обид ќе ви кажам дали бројот е превисок или пренизок. Ако погодите при првиот обид, добивате пет долари, тогаш четири, три, два, еден, и ако на крајот не погодите, ќе ми платите долар, два“, изјави тој.

Целта на ова прашање не е само да се тестира размислувањето на кандидатот, туку и способноста за донесување стратешки одлуки - клучна одлика, којашто Балмер ја смета за важна, за успех во технолошката индустрија.

Која е целта на прашањето?

Она што особено го интересира е - дали кандидатите го разбираат поширокиот контекст на играта? Имено, доколку сакаат победа, кандидатот треба да разбере дека веројатноста да се изгуби е поголема од веројатноста за победа бидејќи има многу повеќе бројки на коишто можат да загубат отколку едната што носи победа. Целта на прашањето е, всушност, да се види дали кандидатот прво ќе процени дали воопшто вреди да се игра.

Така, вистинскиот одговор е: „Не сакам да ја играм играва“, бидејќи тоа скоро секогаш ќе има негативен очекуван исход.

Балмер денес е сопственик на НБА-кошаркарскиот клуб Лос Анџелес клиперс и неговото богатство се проценува на 121,9 милијарди долари.

Во една прилика, кандидатот веднаш ја погодил бројката напишана на хартија и рече дека играва не вреди. Тоа е правилен заклучок. Така, ја увидов способноста на кандидатот да размислува „вон рамките“ и неговата вештина да ги анализира проблемите пред да донесе одлука, се потсеќа Балмер.

На крајот, тој појасни дека неговата цел била да процени колку добро кандидатите ја разбираат анализата на ризик и донесувањето одлуки - клучни вештини за успехот во денешниот динамичен технолошки свет.

The post Трик прашањето што се поставувало на интервју за работа во „Мајкрософт“ appeared first on Република.

Денес во книжарницата на Литература во Дајмонд мол, со почеток во 13:30 часот, во рамките на Skopje Design Week, ќе имате можност да присуствувате на мастер час за продукт дизајнери со наслов How to create Design Oriented Brand?

Како младите дизајнери да креираат дизајн бренд и го наметнат за пазарот ги прифати!? Мастер час кој ќе ги обелодени начините на соработка со реалниот сектор , т.е. фабриките на мебел. Како да се поставите во преговорите, како да се договорите за вашиот хонорар и % од продажба, се само дел од детаљите кои ова предавање на светски познатиот дизајнер Зоран Једрејчиќ ќе ви ги даде одговори.

Зоран Једрејчиќ е индустриски дизајнер и уметнички директор од Сплит, Хрватска, со италијанско потекло. По седумгодишна плодна соработка со “Ettore Sottsass”, тој отвори дизајнерско студио во Милано, а неодамна уште едно во Белград. Зоран Једрејчиќ е најнаградуван продукт дизајнер во регионот и дизајнер со најголемо портфолио во соработка со фабрики од регионот и Европа. Једрејчиќ меѓу другите има дизајнирано за меѓународни брендови како што се, 3M, Artisan, Molteni&C, Dada Cucine, Fratelli Guzzini, Gir, Nambe’, Segis, Superfos, Volumen, Woak и Zavar. Добитник е на многу награди, меѓу кои Red Dot – Best of the Best, IF Design Award, Design Plus, Compasso d’Oro, German Design Award, Dezeen Award и BIG SEE Award, а неговите дела се
изложени во престижни музеи како што се MAK Wien, MART Rovereto, ICA Boston, MoMA NY и Ozone Center Tokyo. Неодамна, тој беше награден како визионер на BIG SEE за 2021 година. Паралелно, кариерно во сверата на дизајнот и образованието тој е ангажиран како визитинг професор на ИСИА-Фиренца, НАБА Милано, ИААД-Торино и Академијата за ликовни уметности-Белград. Во моментов, неговата главна цел е да ја развие и интернационализира регионалната (Балканска) дизајнерска сцена и индустрија, преку неговиот ангажман како уметнички директор на Белградскиот саем за мебел и Загребската недела на дизајн, како и на неколку регионални брендови на дизајн.

Билет: 100 денари.

The post Мастер клас кој ќе ги обелодени начините на соработка со фабриките на мебел на Skopje Design Week appeared first on Република.

Американскиот долар значително зајакна откако стана јасно дека Доналд Трамп ќе биде избран за следен претседател на САД, а биткоинот достигна рекордна вредност, во услови кога инвеститорите очекуваат потенцијални даночни олеснувања, зголемување на тарифите и пораст на инфлацијата во неговиот втор мандат, јави Би-Би-Си.

Вредноста на доларот се зголеми за околу 1,5% во однос на неколку валути, меѓу кои британската фунта, еврото и јапонскиот јен. Во Јапонија, индексот Никеи 225 заврши со раст од 2,6%, додека австралискиот АСХ 200 затвори 0,8% повисоко. Главните американски берзански индекси, меѓу кои и Дау Џонс, S&P 500 и Насдак, покажуваат тренд на отворање со нагол раст, откако претходно забележаа зголемување над 1%.

Трамп претходно изјави дека има за цел САД да стане „глобална престолнина на криптовалутите”, додека биткоинот достигна нов рекорд од 75.371,69 долари, надминувајќи го претходниот рекорд.

Илон Маск, кој го поддржа Трамп за време на кампањата, и беше посочен како предлог за надзор на државните расходи, исто така имаше успешна ноќ, во која неговите акции на Тесла забележаа раст од 14% на берзата во Франкфурт.

Експертите, сепак, предупредуваат на можни потреси на финансиските пазари, како резултат на неизвесноста што ја носат економските планови на Трамп.

– Мерките на Трамп би можеле да ја зголемат инфлацијата и да предизвикаат пораст на обврзничките доходи, што ќе го притисне Федералниот резервен систем во намерата да ги намали каматните стапки, изјави Линдзи Џејмс, стратег за инвестиции од Quilter Investors, пренесува Би-Би-Си.

– Неговите трговски политики, особено ветувањето за високи тарифи кон Кина, предизвикуваат загриженост во Азија. Политичкиот аналитичар од Moody’s Analytics, Катарина Ел, истакна дека „засилената протекционистичка платформа на Трамп создава посебен страв во Азија.“

Во меѓувреме, Федералниот резервен систем треба да ја објави најновата одлука за каматните стапки, а на глобално ниво се очекуваат и коментарите од претседателот на ФЕД, Џером Пауел.

The post Доларот и биткоинот нагло пораснаа по победата на Трамп на изборите appeared first on Република.

Претседателката Гордана Сиљановска Давкова денеска ги додели стипендиите „Борис Трајковски“ за академската 2024/2025 година на 20 најдобри студенти кои своето образование ќе го продолжат на Eвропскиот кампус на Универзитетот Јорк, СИТИ КОЛЕЏ во Солун, Грција.

Во своето обраќање на настанот, претседателката Сиљановска Давкова рече дека студирањето на Европскиот кампус на Универзитетот Јорк, СИТИ КОЛЕЏ во Солун, е вистински интелектуален и животен предизвик за секој млад човек решен да го продлабочи знаењето, да ги прошири видиците надвор од татковината, витешки да се натпреварува и да другарува со младите од различни држави и култури, да учи од еминентни професори, да се усовршува и облагородува.

„Продолжете ја мисијата на претседателот Трајковски во градењето на разбирање, пријателство, добрососедство и соработка, во случајов преку образовна, научна и културна дипломатија меѓу двете држави. Докажете дека образованието и знаењето зближуваат, а не делат“, истакна Претседателката.

На добитниците на стипендии, Претседателката им порача дека двојната диплома како круна на успешното студирање ќе ги направи посигурни во себе, ќе ја зголеми нивната самопочит и ќе им отвори многу врати за професионален ангажман и ќе ја поттикне образовната мобилност.

„Сигурна сум дека вашиот избор за стипендисти не е случаен, туку заслужен. Верувам и посакувам да бидете пример за идните студенти како што претседателот Трајковски беше и остана инспиративен пример на политички лидер со дигнитет, интегритет и духовна длабочина!“, рече претседателката Сиљановска Давкова.

Поздравувајќи ги стипендистите, министерката за образование и наука, Весна Јаневска истакна дека стипендијата „Борис Трајковски“ е добра можност студентите да добијат двојна диплома: од Универзитетот Јорк и од Универзитетот во Стразбур, а за време на студиските престои во Велика Британија, Франција и Грција да бидат дел од нови, динамични средини, да учат, но и да се дружат со млади кои доаѓаат од различни култури создавајќи трајни пријателства.

„Како држава ја поддржуваме образовната мобилност и политиките на Европската Унија за справување со одливот на мозоци, а Владата, преку мултиресорски пристап, креира мерки и активности за да се намали заминувањето на кадрите кои нам ни требаат“, нагласи министерката Јаневска.

Посакувајќи им добредојде на стипендистите на Европскиот кампус на Универзитетот Јорк, СИТИ КОЛЕЏ, директорот Јоанис Верверидис истакна дека извршната МБА е меѓународна програма, испорачана од меѓународни професори од висок калибар, чија цел е подобрување и развој на нивните лидерски и менаџерски вештини.

„Наша цел е да ви понудиме уникатно меѓународно образовно искуство што ќе ви овозможи да се остварите и да напредувате во глобалното опкружување и да направите разлика во општеството и економијата на вашата земја и на целиот регион, придонесувајќи за јавното добро“, нагласи директорот Верверидис.

Стипендиите „Борис Трајковски“  за студии од втор циклус на извршната МБА програма се доделуваат од 2003 година и досега се доделени 297 стипендии. Доделувањето на овие стипендии е резултат на успешната соработка меѓу Претседателот, Министерството за образование и наука, Меѓународната фондација „Борис Трајковски“ и СИТИ КОЛЕЏОТ во Солун. Годинешните стипендисти ќе се стекнат со две дипломи за мастер студии по деловна администрација и тоа од Универзитетот Јорк, Обединетото Кралство и од Универзитетот во Стразбур, Франција.

The post Претседателката Сиљановска Давкова ги додели стипендиите „Борис Трајковски“ за академската 2024/2025 година appeared first on Република.

Железното евро која е од голем интерес за колекционерите е она на која се гледа женско лице, а може да вреди и до 25.000 евра, пишува магазинот Феникс. На монетата е прикажана позната и моќна жена која повеќе од 30 години ужива почит и симпатии на луѓето во нејзината татковина и во странство - тоа е Беатрикс, холандската кралица.

Таа ја наследила нејзината мајка Јулијана на тронот на 30 април 1980 година, кога националните валути беа претворени во евро. Како резултат на тоа, сите евро монети кои оттогаш влегле во оптек го имаат ликот на кралицата.

Откако Беатрикс абдицира како холандска кралица на 30 април 2013 година, точно 33 години по нејзиното крунисување, нејзиниот најстар син Вилем-Александер стана крал. Од ковањето во 2014 година, неговата глава ги краси холандските монети.

Што ги прави овие монети толку вредни за колекционерите?

Монетите што ја прикажуваат Беатрикс од 2000, 2001 и 2002 година се особено популарни кај колекционерите, меѓутоа, постојат разлики меѓу монетите - монетите од 1 и 2 евра имаат само дел од профилот на Беатрикс на нив. Втората половина е окупирана со натписот „Беатрикс, кралица на Холандија“ и годината на објавување. На останатите монети, пак, може да се види целосниот профил на поранешната кралица.

The post Проверете: Ако го имате ова ковано евро може убаво да заработите appeared first on Република.

Заменик министерот за социјална политика, демографија и млади, Ѓоко Велковски учествуваше на настанот насловен „Регионална соработка и зајакнување на младите преку спортот“ во организација на Регионалната канцеларија за младинска соработка - РИКО (RYCO), Амбасадата на Германија и Германското друштво за меѓународна соработка -ГИЗ (GIZ).

Велковски го отвори настанот со свое обраќање до присутните на кое што ја истакна важноста на регионалната соработка на земјите како клучна во зајакнување на младите во сите сегменти на општеството, со акцент на денешната тема – спортот.

„Регионалната соработка игра клучна улога во зајакнувањето на младите. Со споделување на ресурси, знаење и искуства, регионот може да создаде појак систем за поддршка на младински иницијативи. Ова вклучува заеднички програми, проекти и размена на идеи, што дополнително ја зајакнува социјалната кохезија и создава платформа за инклузивен развој,“ порача Велковски.

Во контекс на денешната тема, Велковски го посочи спортот како моќна алатка за зајакнување на младите и развој на основните животни вештини, а истовремено и за поттикнување на регионалната соработка.

„Учењето на спортски техники и правила помага во развојот на дисциплина, тимска работа, комуникација и лидерство. Овие вештини се преносливи и корисни во многу аспекти од животот. Спортот создава можности за младите да се запознаат, да се спријателат и да работат заедно. Ова помага во градење на кохезивни заедници и поттикнува разбирање меѓу различни култури. Организирањето на спортски настани и турнири помеѓу државите во регионот поттикнува соработка и пријателство. Овие настани можат да служат како платформа за дијалог и разбирање, истовремено промовирајќи мир и стабилност,“ истакна Велковски.

Тој се осврна и на значењето на инклузијата во општеството. При што потенцираше дека едно општество е успешно толку, колку што инклузијата е воспоставена во него.

Според Велковски особено е важно зајакнувањето на маргинализираните млади како клучен аспект за создавање инклузивно општество. При тоа ја нагласи и нужноста од обезбедување на пристап до квалитетно образование и обука, развој на вештини, практично образование и менторство

Велковски посочи и дека соработката помеѓу владите, Регионалниот младински центар (RYCO) и другите засегнати страни е од суштинско значење за успешното зајакнување на младите луѓе и промовирање на регионалната кохезија и соработка.

„Соработката помеѓу различни институции и организации овозможува развој на обединети стратегии и политики кои се фокусирани на потребите на младите. Ова создава интегриран пристап за решавање на проблемите со кои се соочуваат младите во регионот,“ рече Велковски.

На крајот, заменик министерот порача: „Само со заеднички напори можеме да изградиме подобра иднина за сите млади луѓе од регионот!“

The post Спортот е моќна алатка за зајакнување на младите, развој на основните животни вештини и поттикнување на регионалната соработка appeared first on Република.

Тајната да постигнете успех на работното место, но и во животот воопшто е правилното поставување на целите. Такво нешто е неопходно за успешно да го постигнете резултатото што го посакувате, со минимален напор и време

** Поставете ја вашата цел што е можно поконкретно, таа треба да има јасни рокови и да биде мерлива. Не поставувајте цел како „да заработите пари“, тоа не функционира и сите го знаат тоа.

** Поделете ја големата цел во подцели. Од исполнувањето на секоја подцел ќе добиете доза допамин, поради што ќе имате доволно мотивација. Тоа е исто како да додавате огревно дрво во шпоретот малку по малку.

** На патот кон постигнување на целта, не губете време грижејќи се и кукајќи ако не ви успее веднаш од прва. Анализирајте ги вашите грешки, извлечете заклучоци, поправете ги постапките  и постигнете успех.

The post Тајната за постигнување резултати со минимален напор и време е едноставна – правилно дефинирајте ја целта appeared first on Република.

Францускиот институт во Скопје има чест да ве извести и да ве покани на традиционалниот Саем за студии во Франција, којшто ќе се одржи в понеделник, 28 октомври 2024, од 11 до 16 часот, во Националната и универзитетска библиотека „Св. Климент Охридски“ - Скопје.

Настанот ќе биде отворен за посетители од 11 часот, а официјално ќе биде отворен во 12 часот, со поздравни говори на:

• г-дин Јовица Никчевски, Директор на НУБ „Св. Климент Охридски“ - Скопје,
• г-ѓа Весна Јаневска, Министерка за образование и наука,
• Н.Е г-дин Кристоф Ле Риголер, Амбасадор на Франција, и
• г-дин Марко Ѓоргиевски, Директор на Националната агенција за европски образовни програми и мобилности – Еразмус+.

Саемот претставува неизоставен настан за средба на македонските средношколци, студенти, универзитетски професори, кои сакаат да го продолжат своето високо образование во Франција, или пак да остварат универзитетска соработка.

Ова е одлична можност да се добијат сите потребни информации за понудата на студиски програми директно од претставниците на француските универзитети присутни на саемот, како и информации за стипендии, студиски програми на англиски јазик и сите аспекти на студентскиот живот во Франција.

Настанот се одржува во организација на Францускиот институт во Скопје и француската Агенција за високо образование Кампус Франс.

The post Tрадиционалeн Саем на студии во Франција 2024 appeared first on Република.

19. традиционлна годишната конфренција на Стопанската комора за информатички и комуникациски технологии МАСИТ ќе се одржи во хотелот „Александар Палас“ во Скопје на 29 и на 30 октовмри. На првиот ден ќе се говори на тема „Вештачката интелигенција наспроти работната сила – преку адаптација до иновација“, а на 30 октомври на тема „Практична примена на вештачката интелигенција во медицина, фармација и стоматологија“ – во соработка со Адвокатска Канцеларија Најденовски, ко-организатор на настанот за вториот ден.

Организаторите најавуваат богата и високо квалитетна програма исполнета со бројни истакнати говорници кои преку клучни предавања, панел дискусии и презентации ќе ги пренесат своите експертски знаења и искуства од областа на вештачката интелигенција (AI).

На воведниот дел од 19-та годишна конференција на МАСИТ, ќе се обратат истакнати говорници: Анета Пешева, Претседател на Собранието на МАСИТ,  Тимоти Онг, Директор на канцеларијата за економски раст на УСАИД и  Стефан Андоновски, министер за дигитална трансформација.

Ќе биде организира панел дискусија која ќе ја води Весна Иваноска, заменик претседателка на Управниот одбор на МАСИТ, на која ќе има дискусија посветена на националниот капацитет за брза адаптација на работната сила. Ќе говорот: министерот за дигитална трансформација, Стефан Андоновски, Министерката за образование и наука, Весна Јаневска, Претседателот на УО на МАСИТ,  Илија Господинов и Директорот на Активноста на USAID за млади кои активно создаваат можности –  Небојша Мојсоски. Понатаму во текот на настанот ќе се обратат бројни истакнати професионалци од областа, како менаџери на врвни компании од индустријата, поврзани институции, професори и експерти учесници во панел сесиите предвидени во програмата.

Вториот ден на конференцијата, во коорганизација со Адвокатската Канцеларија Најденовски е посветен на иновациите во здравството.

The post 19. Конференција на МАСИТ appeared first on Република.

Саем за студии во Франција, ќе се одржи денеска во Националната и универзитетска библиотека „Св. Климент Охридски“ - Скопје, во организација на Францускиот институт во Скопје и француската Агенција за високо образование Кампус Франс.

Овој традиционален настан официјално ќе биде отворен со поздравни говори на министерката за образование и наука, Весна Јаневска, амбасадорот на Франција, Кристоф Ле Риголер и директорите на Националната агенција за европски образовни програми и мобилности – Еразмус+ Марко Ѓоргиевски и на НУБ „Св. Климент Охридски“ Јовица Никчевски.

Саемот претставува неизоставен настан за средба на македонските средношколци, студенти, универзитетски професори, кои сакаат да го продолжат своето високо образование во Франција, или пак да остварат универзитетска соработка.

Ова е одлична можност да се добијат сите потребни информации за понудата на студиски програми директно од претставниците на француските универзитети присутни на саемот, како и информации за стипендии, студиски програми на англиски јазик и сите аспекти на студентскиот живот во Франција.

Кампус Франс Скопје ќе даде вовед и основни информации за пристапот до универзитетските студии во Франција (процедури за упис, трошоци, стипендии) по што ќе следи презентација на специјализираните школи за инженери: Centrale Lyon - ENISE – Висока школа за инженери во Лион (https://www.ec-lyon.fr/centrale-lyon/gouvernanceorganisation/ecole-interne-enise), Centrale Nantes – Висока школа за инженери во Нант (https://www.ec-nantes.fr/?l=0), INSA de Rouen – Државен институт за применети науки (https://www.insa-rouen.fr/).

На саемот ќе се претстават и универзитетите во Поатје (https://www.univ-poitiers.fr/), во Лимож (https://www.unilim.fr/), во Каен Нормандија (https://www.unicaen.fr/), универзитетит Клод Бернар Лион 1 (https://www.univ-lyon1.fr/), Универзитетот за политички науки (https://www.sciencespo.fr/college/fr/vie-campus/campus/dijon).

Заинтересираните за студии во Франција ќе може да се запознаат и со Франкофонскиот центар за вработливост (CEF) при Филолошкиот факултет « Блаже Конески », Скопје (https://flf.ukim.mk/), а ќе може да ги проследат и презентациите на високите школи за менаџмент ISC Paris – Висока школа за надворешна трговија (https://www.iscparis.com/) и Y SCHOOLS – Висока школа за менаџмент, дизајн и туризам (https://yschools.fr/). соопштуваат од Францускиот институт во Скопје.

The post Саем за студии во Франција во НУБ „Св. Климент Охридски“ -Скопје appeared first on Република.

Ворен Бафет, еден од најуспешните инвеститори во светот, е познат по тоа што дава едноставни финансиски совети.

Според него, има 10 работи на кои сиромашните луѓе трошат пари, а објаснил што би направил доколку е во нивна кожа.

Инвестиции со мала вредност

- Најважната инвестиција е да инвестирате во себе. Така се стекнува знаењето, како каматата за штедењето,смета Бафет.

Еден од најпознатите совети на Бафет, познат како Бафет Формула, е секој ден да си легнувате попаметни.

Бафет препорачува читање. Тој троши околу 80% од својот ден читајќи и предлага секој што се надева на успех да чита 500 страници дневно.

Бафет е исто така голем противник на долговите со кредитни картички. Тој претпочита да се потпира на готовина наместо на пластика.

- Имам картичка што ја добив во 1964 година. Но, јас плаќам во готово 98% од времето - рече еднаш.

На Бафет не му е грижа за најновата технологија или престижните брендови. Со години користел стар телефон на преклоп од 20 долари, пред да купи паметен телефон пред четири години.

Неговиот совет? „Не штедете го она што останува по трошењето, туку трошете го она што останува откако ќе заштедите“.

Нови автомобили

Наместо да купи нов автомобил, Бафет претпочита да купува половни возила по намалени цени.

- Вистината е дека возам само околу 3.500 милји годишно, па затоа многу ретко ќе купам нов автомобил

Бафет јаде едноставно и не сака многу да излегува. Во нејзината биографија „Грутка: Ворен Бафет и работата на еден живот“, авторката Алис Шредер го цитираше:

- Сакам да јадам истото одново и одново. Можам да јадам сендвич со шунка секој ден педесет дена  за појадок

The post Ворен Бафет дели бесплатни совети за успех: Mногу читајте и никогаш не купувајте нов автомобил appeared first on Република.

Во петок и сабота (18 и 19 октомври), во Интернационалното училиште НОВА, ќе се одржи третата конференција „Наука за деца“ под мотото „Надгради ја твојата реалност“.

Свеченото отворање на конференцијата е во петок (18 октомври) во 18:30 часот и целото ќе може да се следи онлајн, на Фејсбук страницата на „Наука за деца“ . Во програмата влегуваат пет предавања на деца кои минатата година од Фондација КАНТАРОТ добија стипендии за извонреден научен потенцијал. Децата беа менторирани од наши научници кои работат низ целиот свет. Главен говорник е Бас Рокерс, професор на Универзитетот Њујорк во Абу Даби, кој е своевидна рок ѕвезда во светот на виртуелната реалност.

Во рамки на свеченото отворање ќе бидат доделени и нововостановената награда „Колега Стиков“ за најдобар млад презентер, во чест на доајенот на нашето спортско новинарство, Александар Стиков, и наградата за извонреден научен потенцијал „Иван Ќостаров“, која оваа година се доделува по вторпат.

Вториот ден (19 октомври) ќе се одржат шест работилници за деца, на следниве теми: Капиларна активност + VR демонстрација, Електромотори + VR демонстрација и Француска наука со виртуелна реалност. Во текот на денот ќе биде поставена изложба на постери што НАУКА ЗА ДЕЦА ја подготви во соработка со Француски институт во Скопје. Изложбата произлегува од конкурсот за изработка на плакати на тема „Parlez-vous fran-sci?“, а за време на конференцијата ќе бидат доделени и наградите за шесте победнички постери.

„Многу сме среќни што оваа година, за првпат во Македонија, на нашата конференција НАУКА ЗА ДЕЦА сите деца ќе можат да ја почувствуваат моќта на виртуелната реалност за учење нови работи. Исто така, ќе ги видиме како говорници најталентираните деца кои минатата година добија стипендии, а ќе ги наградиме за талентот и креативноста и децата кои оваа година најмногу се истакнаа на нашите конкурси и натпревари“, вели Директорката на Фондација КАНТАРОТ, Драгана Стикова.

Целта на фондацијата КАНТАРОТ со организацијата на конференцијата НАУКА ЗА ДЕЦА, како и со сите други активности, е популаризација на науката кај децата. Фондацијата континуирано работи на негување на талентот кај децата и поттикнување на љубовта кон науката, како и на културата на донирање од заедницата за заедницата – начин на кој е финансиран и овој настан.

The post „Надгради ја твојата реалност“ е мотото на третата конференција „Наука за деца“ која почнува денеска во Скопје appeared first on Република.

Проф. д-р Никола Јанкуловски, дигестивен хирург, редовен професор на Медицинскиот факултет и поранешен ректор на Универзитетот „Св. Кирил и Методиј“ во Скопје во два мандатни периода, е добитник на високото признание – Медал на честа на IASC. Овој медал се доделува како знак на признание за личности кои придонесуваат за развојот на етичката наука и мирот. Инаку и секретарот на државата Ватикан, Светиот Отец Баба Монди е добитник на оваа престижно признание.

Признанието Медал на честа на IASC, на проф. Никола Јанкуловски му беше доделено на 12 октомври о.г., во просториите на Националната филхармонија во рамките на одржувањето на Балканскиот самит на World Changers Summits од страна на г. Габриеле Андреоли, основач и директор на World Changers Summits, кој претставува собир и место на безгранична инспирација за визионерски умови.

Прославен во Папската академија на науките во Ватикан, овој меѓународен самит еволуираше во глобална мрежа што обединува институции, брилијантни интелекти, научници, претприемачи и експерти, сите посветени на унапредување на етичките и социјалните иновации, поттикнување вредности и економски напредок за подобрување на нашиот свет. World Changers Summits опфаќа разновидна низа форуми, секој навлегува во различни теми, служејќи не само како платформи за размена на знаење и проширување на свеста, туку и како порти за надминување на границите.

The post Високо признание за проф. д-р Никола Јанкуловски – Медал на честа на IASC appeared first on Република.

Притискањето на тастерот на компјутерот Ве воведува во светот на Интернетот, но и на електронската трговија или во виртуелните продавници. Каде е Македонија во поглед на искуството со Интернет трговијата? Европа и светот се со огромно искуство, додека Македонија и државите во Регионот со интернет трговијата заостануваат.

Според Државниот завод за статистика (ДЗС), во првото тромесечје од 2023 година 85,3 проценти од вкупното население на возраст од 15 до 74 години во Македонија користело интернет, што е понизок процент од ЕУ-просекот од над 90 насто. Македонскиот просек е повисок или идентичен со другите држави од Западен Балкан. Во поглед на онлајн купувањето, во последните 12 месеци според истиот извештај од ДЗС, околу 53 проценти од тие што користат Интернет во земјава нарачале или купиле производ или услуга преку Интернет. Најмногу купувале и порачувале облека, обувки или спортска опрема, а најмалку музика, филм и храна. Најголемиот број е-купувачи направиле нарачка од продавачи од државава.

- И покрај тоа што ваквите бројки од над 50 проценти можеби навидум изгледаат големи, за жал, фрекфенцијата на купување е исклучително мала бидејќи повеќе од 2/3 тоа го направиле еднаш до два пати во последните три месеци што ги става речиси сите држави од регионот на дното на листата на користење на Интернетот за онлајн трговија. Слични се статистиките за државите од Регионот, особено тие од Западен Балкан. За споредба, во државите како Норвешка, Данска, Шведска, Холандија, ваквиот удел е над 95 проценти, смета Марјан Ангелески, професор по е- трговија на прилепскиот Економски факултет.

Имаме соодветна законска регулатива за е- трговија

Универзитетскиот професор Ангелески констатира дека имаме солидна законска рамка за е-трговијата. Со тоа се согласуваат и од Државниот пазарен инспекторат, од Асоцијацијата на е-трговци, од Здружението на потрошувачи на Македонија. Но, станува збор за овластени, регистрирани он-лајн трговци.

-Постои солидна законска рамка како: Закон за електронска трговија донесен уште во 2007 година со одредени измени и дополнувања, потоа Законот за заштита на потрошувачите, Законот за електронски комуникации, Законот за заштита на лични податоци, одредени делови во Кривичниот законик и слично, вели Ангелески.

Сета регулатива е функционална за овластени, регистрирани он-лајн трговци.

- Во моментов, е-трговијата кај нас е регулирана. Има и закон, а и законот за потрошувачи дополнително ја регулира со договор на далечина кој ги регулира договорните односи помеѓу трговецот кој продава на далечина и потрошувачот. Станува збор за трговци кои се регуларно регистрирани во Централниот регистер, вели Маријана Лончар Велкова, претседателка на Организација на потрошувачи на Македонија.

Според Асоцијацијата на е-трговци податоците покажуваат дека во земјава се 906 активни е-трговци.

- Асоцијацијата, регистерот за прв пат го објави во 2021 година како дел од платформата ecommerce4all.mk во соработка со 5-те банки кои нудат е-трговија во државава (Комерцијална Банка АД Скопје, Уни Банка АД Скопје, НЛБ Банка АД Скопје, Стопанска Банка АД Скопје и Халк Банка АД Скопје). Ги содржи активните е-трговци кои имаат имплементирано виртуелен ПОС терминал, односно нудат е-плаќање преку една од наведените банки. Според направените проверки по утврдена методологија беа издвоени 906 како активни е-трговци, односно е-трговци кои имале трансакција во периодот од први јануари 2022 до 30 април 2023 година и имале функционална (активна) веб-страница во периодот на проверките кои се извршени во октомври 2023 година, објаснува Нина Ангеловска Станков, претседателка на Асоцијацијата на е-трговци на Македонија.

Социјалните мрежи не може да се контролираат и се извор на нелојална конкуренција и сива економија

При електронската трговија, или купувањето преку Интернет најбитно е: да се купува преку регистрирани е-трговци и платформи, но никако преку социјалните мрежи, главно, не преку Фејсбук. На ова предупредуваат сите надлежни во државава кои постојано имаат искуство од незадоволни, излажани или изманипулирани потрошувачи.

Проблемот се појавува бидејќи потрошувачите не разликуваат он-лајн продажба која е на фејсбук, од легалната он-лајн продажба. На фејсбук, продажбата не е регулирана. На социјалните мрежи не се плаќаат даноци, нема фискална сметка, нема гарантен лист, не даваат придружна документација за производот. Дури испорачателот нема никакви сознанија за оној од кој е нарачан производот. А тој што сака да го врати производот, не може на фејсбук да го најде продавачот, ниту контактот до него. Тоа е сива економија. Таа продажба преку социјалните мрежи е комплетно нелегална, велат од Здружението на потрошувачи на Македонија.

- Најчесто имаме проблем со тие видови трговци. Во меморандумот за соработка со Асоцијацијата на е- трговци го наведуваме истото. Потрошувачите треба да бидат посвесни дека кога купуваат на фејсбук или на други портали кои повеќе се за комуникација, би рекла, не се сигурни што купуваат и потоа никој не може да го најде тој т.н. трговец. Сега-засега, останува на свесноста на потрошувачите. Таквиот „трговец“ создава и нелојална конкуренција. И ние, и Пазарниот инспекторат апелираме да не купуваат на фејсбук и на социјалните мрежи, оти, при проблеми, никој не може да им помогне. Граѓаните да купуваат преку регуларни он-лајн продавници или платформи регистрирани за е-продажба. Дневно нѝ се јавуваат по два-тројца купувачи, па им објаснуваме за е-трговијата, вели Маријана Лончар Велкова, претседателка на Организација на потрошувачи на Македонија.

Во Државниот пазарен инспекторат потврдуват дека социјалните мрежи  не се опфатени со законски регулативи и не може да се контролираат. А граѓаните, воопшто, при електронското тргување имаат поплаки и пријави.

- Граѓаните најчесто се жалаат на лоши искуства за квалитетот на производите, неможноста за вршење замена на производите, достава надвор од утврдениот рок, неможност да се оствари повторен контакт со продавачот. најчесто поради недостапност или блокирање на страницата од која се продавале производите. Пазарниот инспекторат може да постапи само доколку пријавата е поднесена за трговец кој е регистриран и издава фискална сметка, бидејќи фискалната сметка служи како доказ при постапувањето од наша страна. Доколку трговецот за кој се однесува пријавата не е регистриран, претставките ги препраќаме во МВР – Сектор за компјутерски криминал, вели Милена Цветановска, портпарол на ДПИ.

Според податоците од Инспекторатот, во првото полугодие на 2024 година се извршени над 1103 надзори и се издадени 10 прекршочни платни налози во вредност од над 770.000 денари. За споредба, ланим се  извршени 2600 надзори и се издадени 130 прекршочни платни налози во вредност од над 9,500,000 денари.

Во е- трговијата има нелојална конкуренција, недостига кадар, но и дигитална писменост на населението

Катерина Шукулоска од Прилеп е он-лајн регистриран трговец. Вели дека е добра, во моментов, довербата на купувачите, се зголемува е-трговијата поради 24-часовната достапност на е-продавниците. Сепак се жали на нелојална конкуренција.

-Довербата кај купувачите моментално е добра. Имаме сѐ повеќе интернет продавници кои се достапни и лојални. Но, би рекла дека постои и нелојална конкуренција каде се нудат производи по многу ниски цени. Таму најчесто купувачите се измамени и оттаму доаѓа одредена недоверба кај купувачите. Недостасува едукација со ракувањето со платежните картички. Потребни се одредени советувалишта како луѓето да ги користат тие платежни картички, како да се заштитат од измами, вели Шукулоска.

Електронските трговци бараат законски измени. Сметаат дека не само што има нелојална конкуренција, туку недостигаат кадар и дигитална писменост.

- Најголеми предизвици кои се провлекуваат повеќе години се наоѓањето соодветен кадар, нелојалната конкуренција и сивата економија и дигиталната писменост на населението. Потребни се законски измени во повеќе закони. Неопходна е и јасна распределба на надлежностите на институциите. Така на пример, воведувањето на дигитална фискална сметка е значајно за е-трговијата и моментално тоа што сѐ уште немаме претставува проблем за непречно работење на е-трговците. Нашата законска регулатива не препознава маркетплејс платформи како бизнис модел, кои се во подем во Македонија од пред неколку години, а на светско ниво повеќе од декада. Во дигиталниот свет и во дејност која станува сè поголема како што е е-трговијата каде работите секојдневно и брзо се менуваат, потребни се брзи и ефикасни законски измени за да се подобри начинот на кој што сите засегнати страни во екосистемот на е-трговијата работат, да се подобри довербата која купувачите ја имаат во онлајн трговијата и да се намали сивата економија, смета Нина Ангеловска Станков, претседателка на Асоцијацијата на е-трговци на Македонија.

Професорот Марјан Ангелески од прилепскиот Економски факултет анализира дека културолошките навики на населението играат голема улога во електронската трговија. Така е во земјите од Западен Балкан и затоа параметрите во електронската трговија се слични. Се согласува дека недостига дигитална писменост и едукација на населението, а за тоа се задолжени институциите.

- Едукацијата е главниот чекор кој, од една страна, ќе ги намали ваквите ризици, а од друга страна ќе ја зацврсти довербата кај граѓаните да се впуштат во купување одредени производи и користење е-услуги и, особено од верификувани, сигурни трговци, кои зад себе имаат одреден кредибилитет за купувачите да бидат сигурни дека ќе го добијат она што го виделе на веб-страницата на која го виделе, зашто во виртуелниот свет е поразлично доживувањето во споредба со „физичките“ продавници, смета Ангелески.

The post Предупредување: Купувањето преку интернет е сигурно, но не преку социјалните мрежи appeared first on Република.

Кавадаречката фирма за челични цевки Стил-М АБЦ ДООЕЛ во ноември стартува со производство во нова фабрика во Општината Градско.

Станува збор за инвестиција од 10 милиони евра, а во истата се планира да се вработат околу 100 лица од Градско и Тиквешијата.

Како што објави градоначалникот Киро Нацков, се бараат работници од неколку профили:

The post Нова фабрика во Градско ќе донесе над 100 вработувања appeared first on Република.

СКСЗМ, како партнер на проектот на УСАИД „Партнерства за Донирање“, организира Бизнис форумот и промоција на второто издание на Белата книга за добри филантропски и практики за општествено одговорни претпријатија.

Настанот е предвиден да трае 2 часа, вклучувајќи говорите, панел дискусијата, признанијата за компаниите дел од Белата книга и коктелот.

Датум: 8 октомври, 2024 година

Локација: Хотел Актор, Скопје

Време: 11:00 часот

The post Бизнис Форум и промоција на второто издание на Белата Книга appeared first on Република.

Во Скопје, октомври 2024 година, на маргините на министерската конференција, Универзитетот „Св. Кирил и Методиј“ во Скопје стана член на престижната Science|Business мрежа на универзитети, компании и истражувачки организации и беше домаќин на конференција организирана од страна на Science|Business, на тема: „Улогата на Југоисточна Европа во одржување, градење и меѓусебно поврзување на истражувачките и иновативните инфраструктури во Европа“. Конференцијата беше наменета за дискусии од областа на истражувањата, науката и иновациите, со фокус на можностите за зајакнување на европската истражувачка област и интеграција на истражувачката инфраструктура на локално и европско ниво.
На конференцијата се обединија истражувачи, иноватори и претставници од академскиот и бизнис-секторот, кои заеднички може да придонесат за зголемување на истражувањата и иновациите и водат кон зајакнување на европската истражувачка област.
Ректорката на УКИМ, проф. д-р Биљана Ангелова, во својот поздравен говор истакна дека денес истражувањето и иновациите се поважни од кога било бидејќи тие се тесно испреплетени и поттикнуваат унапредување на различни полиња, придонесувајќи за општествениот напредок.
„Заедничките истражувачки иницијативи, усогласувањето на политиките, вмрежувањето и комуникацијата, пристапот до програмите за финансирање и поддршка, како и размената, може значително да ги подобрат истражувачките способности и да ги поттикнат иновациите“ – нагласи ректорката Ангелова.
Исто така, на присутните им порача дека заедничката работа е од витално значење за лесно надминување на предизвиците насочени кон зелена и дигитална транзиција, како и за создавање поотпорна средина.
„Треба да поттикнеме активна соработка помеѓу високообразовните институции, научните центри и приватниот сектор за да промовираме заеднички применети истражувања и иновации“ – потенцираше ректорката.
Во своите заклучни зборови, таа истакна дека идните цели на УКИМ се насочени кон градење повеќе стратешки партнерства меѓу локалната и европската истражувачка инфраструктура и дека тие заеднички можат позитивно да придонесат кон процесот.
Покрај организаторот Science|Business и домаќинот УКИМ, партнери на конференцијата беа: EIT Community на Европскиот институт за иновации и технологии, Платформата на земјите од Западен Балкан за истражувања, технологии и иновации (WBC-RTI) преку Policy Answers и ELI ERIC – Европскиот конзорциум за истражувачка инфраструктура за ласерски технологии за пан-европска интеграција на истражувачите и индустријата.
Поддржувачи на конференцијата беа: Директоратот за истражувања и иновации на Европската комисија, ERA – Европскиот истражувачки простор, UNICA – Мрежата на универзитети од главните градови во Европа, COST – Асоцијацијата за наука и технологија на Европската комисија и RCC – Регионалниот совет за соработка на Западен Балкан.
Во воведниот дел на конференцијата, покрај ректорката, говореа и: Елке Дал, проектен менаџер при Центарот за социјални иновации; Едит Херцог, претседавач на групата за проширување во рамките на Science|Business мрежата; Димитрис Коуреас, директор на Центарот за биодиверзитет, Андрас Инотаи од Генералниот директорат за истражување и иновации при Европската комисија и проф. д-р Сорин Кострие, претседател на Мрежата на универзитети на главните градови на Европа.
На панел-дискусиите учествуваа и претставници на УКИМ: проф. д-р Валентина Гечевска, проректор за наука, и проф. д-р Анастас Мишев од Факултетот за информатички науки и компјутерско инженерство, како и претставници од Европскиот институт за технологии, Советот за регионална соработка, COST – Асоцијацијата и повеќе регионални и европски претставници од бизнис-секторот, истражувањата и иновациите.
„Постојат одлични примери за регионална соработка, од кои повеќето се видливо поддржани од Европската комисија, но сигурен сум дека има многу истражувачки заедници кои сè уште треба да се разбудат и да се приклучат кон оваа европска истражувачка и инфраструктурна област за да ги покажат своите капацитети и способности. Ние имаме талент тука, го знаеме тоа, но треба да најдеме начин како да ги задржиме.“ – истакна проф. д-р Анастас Мишев.
Синиша Марчиќ од Регионалниот совет за соработка додаде дека клучниот предизвик за регионот е прашањето: ако се инвестираат стотици милиони евра во врвната истражувачка инфраструктура, дали ќе има доволно научници за да ја опслужуваат таа инфраструктура?!
„Сè уште сме исправени пред предизвиците кои ги имаме за одредена запоставеност на регионот. Затоа, напорите за инклузија претставуваат процес во две насоки. Затоа треба да дадеме одговор на многу прашања, за истражувачите, како на пример: Зошто не се искористуваат? Каде се капацитетите? Кој инвестира за тие не само да бидат подобни туку и да имаат доволно знаење и ресурси? Што ќе се случи со нивното работно место кога ќе аплицираат за некоја програма? Што се случува кога заминуваат и дали некогаш ќе се вратат?“ – додаде Ненад Челаревиќ (Helvetas).
Каталин Алфолди од COST Association потенцираше дека треба да се фокусираат на тоа што може програмата да придонесе во регионот и како тоа ќе овозможува раст и вклученост на сите страни. Воедно, Сорин Кострие од UNICA повика на зголемена акција од институции и бизнис-сектор.
„Не можеме да зборуваме за Европа или да очекуваме да испорачаме резултати ако пристапот на ЕУ не е сеопфатен и не ги вклучува сите европски земји, особено оние од Југоисточна Европа. Стремежот на нашата земја е да ги исполниме истите стандарди и ресурси кои важат од запад кон исток и од север кон југ низ Европа. Само тогаш можеме вистински да испорачаме“ – поентираше проректорката за наука, проф. д-р Гечевска.
Таа наведе дека мисијата на УКИМ е да инвестира и да ги едуцира своите студенти да станат извонредни професионалци, без разлика дали се дома или во странство, но со надеж дека ќе се вратат.
„Нашиот стремеж е тие да останат овде и да учествуваат во развојот на земјата, како дел од Европа. Затоа е толку важно проширувањето на ЕУ и започнувањето на процесот на претпристапни преговори, паралелно со решавањето на политичките прашања. Така, нашите студенти не би размислувале веднаш за да одат надвор, туку ќе сфатат дека можат да дадат вредни придонеси за својата земја, а со тоа и за Европа. Некои ќе станат истражувачи, други ќе бидат иноватори или инженери кои работат во компании со deep-tech технологии, а сите ќе придонесат во општествениот развој и образованието на идните генерации“ – истакна проф. Гечевска во своите заклучни зборови за настанот.
Учесниците на конференцијата разменија мислења и идеи, што води до меѓусебно зајакнување на соработката во оваа област.

The post Science|Business на УКИМ – конференцијата со порака: Време е можностите за зајакнување на европската истражувачка област да станат реалност appeared first on Република.

Со цел запознавање на учениците со 3Д печатењето како иновативен начин за рециклирање, Центарот за истражување и информирање за животната средина „Еко-свест“, во основното училиште „Страшо Пинџур“ во Вевчани одржа едукативна работилница, на која младите од осмо и деветто одделение имаа можност да се запознаат со целиот процес за подготовка на материјали, како и за функционалноста на 3Д печатачите, со што тие се обучени во иднина истите да ги користат.

На работилницата, што се спроведе во рамки на проектот „Собери, рециклирај, креирај – Од рециклирана пластика до иновација“, што е поддржан од Програмата за мали грантови на Глобалниот еколошки фонд во Македонија (ГЕФ ПМГ), учесниците беа запознаени со важноста и придобивките од рециклирањето на отпадните пластични шишиња, како и со начините на подготовка на материјал за 3Д печатење од ПЕТ пластични шишиња.

Учесниците истакнаа дека за нив најголемо задоволство од работилницата било тоа што добиле можност самите да изготват предмет на 3Д печатачот.

Леонора Велкоска, проектниот координатор, посочи дека со работилницата ја истакнуваат важноста за рециклирањето на пластичниот отпад и ги едуцираат младите за користењето на оваа технологија.

„Учениците од 8-мо и 9-то одделение имаа можност да видат како од ПЕТ пластични шишиња може да се произведе материјал за 3Д печатење и да изработат свои производи. Со донацијата на 3Д печатач, компјутер, екструдер и додатна опрема им овозможуваме на учениците во Вевчани да продолжат со оваа практика, која не само што ќе го подигне нивото на свесност за рециклирањето, туку и ќе ги мотивира младите да бидат креативни и иновативни во решавањето на еколошките предизвици“, нагласи Велкоска.

Имено, во рамки на проектот, „Еко-свест“ донираше опрема која е составена од екструдер за филамент, 3Д печатач, компјутер и додатни алатки за 3Д печатење, а со неа училиштето е обезбедено со целата потребна технологија и материјали за спроведување на процесот.

Дополнително обучени се и наставниците за работа со опремата, со што учениците од ОУ „Страшо Пинџур“ постојано ќе ја употребуваат, а со тоа ќе се покренува и свеста кај младите за потребата од редуцирање, рециклирање и реупотреба на отпадот, со што ќе се заштити животната средина.

На ОУ „Единство“ во Октиси ќе му биде донирана опрема за 3Д печатење и дека ќе биде спроведена едукативна работилница за начинот на функционирање.

Во рамки на истиот проект, е подготвена и брошурата „Добивање на филамент за печатач од пет шише“, која ги информира граѓаните за правилно користење на 3Д печатачите и подготовка на филамент од ПЕТ пластични шишиња.

Користењето на оваа технологија целосно ќе го промени начинот на рециклирање и реупотреба на пластичните шишиња.

The post Ученици од Вевчани се запознаа со 3Д печатењето како иновативен начин за рециклирање appeared first on Република.