Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер.

И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вечерашниот митинг во Кочани.
Мицкоски укажа дека од СДСМ и ДУИ се подготвени на се за да ги задржат фотелјите и привилегиите.

„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие“, кажа Мицкоски.

https://republika.mk/vesti/makedonija/mitskoski-gi-prasha-dui-i-kovachevski-dali-e-evropski-koga-ahmeti-vikashe-uchk-vo-skopje/

Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени.

„Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај“, изјави Мицкоски.
Мицкоски се обрати и до неопределените, како и оние кои гласаа за кандидатите кои не се дел од вториот круг.

„Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата“, кажа Мицкоски.

Мицкoски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите“.

The post Мицкоски: СДСМ и ДУИ ни ја одземаа државата appeared first on Република.

Коментирајќи го процесот со екстрадицијата на Љупчо Палевски - Палчо, осомничен за убиствата на 14-годишната Вања Ѓорчевска и на велешанецот Панче Жежов, адвокатот Јанаки Митровски вели дека довчерашниот министер за внатрешни работи Оливер Спасовски му наместил пенал на Палчо, бидејќи тој може да тврди дека во земјава го чека политички монтирано судење.

Министерот Оливер Спасовски, намерно или не, му намести пенал на Палчо да аргументира пред турските судови дека во Македонија го чека политички монтирано судење, вели Митровски.

Ми остава дума, вели тој, дали на сите во Македонија им одговара тој човек да се врати и да почне да зборува.

The post Митревски: Спасовски, намерно или не, му намести пенал на Палчо appeared first on Република.

Победата во првиот круг е огромна. Победата е ваша на сите граѓани. Затоа што вие одлучувате во каква Македонија ќе живеете. Сакам да ви честитам на сите кои се обединивте и се приклучивте на промените. Но имаме уште работа. Пред нас е вториот круг за избор на претседател на Македонија и избор за нова влада. Во вас е силата за конечна промена на Македонија и враќање назад на државата, во вашите раце, вели Драган Ковачки, носител на изборната единица 3 на денешниои митинг во Виница во рамки на парламентарната и претседателска кампања.

Ковачи, посочи дека по победата на ВМРО-ДПМНЕ следи одговорност за власта на СДС и ДУИ за криминалот и сите штетни политики кои ја потонаа Македонија.

Има уште два удари кои треба да ги зададеме на оваа криминална влада на СДС и ДУИ. Едниот на 8 мај. А потоа по победата на ВМРО-ДПМНЕ следува и третиот удар за секој еден кој се огрешил пред законот. Тоа се вика одговорност. Одговорност за сите штетни политики кои ја потонаа Македонија. И одговорност за целиот криминал кој го правеше ДУИ и измеќарите од СДС, дециден е тој.

Ковачки истакна дека народот е силата и одговорот на сите порази и скандали на Ковачевски и Ахмети.

Вие покажавте што значи кога некој си игра со вашите судбини. Вие сте силата и одговорот против сите порази, скандали и афери на Димитар Ковачевски и Али Ахмети, рече тој и додаде дека порано СДС поразот го славел како победа, а денеска се тешат со истиот тој пораз, укажувајќи дека 360 илјади граѓани им порачаа дека се готови.

Деновиве после поразот ги слушам како велат ја примивме пораката од народот. Ќе се промениме. Но лажат. И тогаш ви кажав и сега ви кажувам, лажат сушат. Лажат за да продолжат да крадат, малку им е што ве покрадоа. Сакаат уште. Денеска ги слушам како велат резултатот е нула. Се сеќавате порано поразот го славеа како победа, како триумф, денеска се тешат со поразот. Но, не сфаќаат дека 360 илјади граѓани му дадоа црвен картон на СДС, Ковачевски, Пендаровски, Али, Груби. 360 илјади граѓани им порачаа ГОТОВИ СТЕ! Затоа ајде да го тродуплораме овој резултат овде и секаде низ општините во Македонија, порача Ковачки.

Ковачки, додаде дека СДС не е противник само на ВМРО-ДПМНЕ, туку и противник на народот.

Затоа што СДС не е противник само на ВМРО-ДПМНЕ, туку и противник на народот, противник на Македонија, затоа што изминатите 7 години од политичка партија се претвори во обичен измеќар на ДУИ. Ковачевски прифаќаше секаква наредба од Али само за да опстои на власт, Стево пак не го видовме воопшто да се спротивстави на криминалот и корупцијата на СДС и ДУИ, напротив коленичи пред ДУИ. се фасцинира од Али и Груби. Епа не ни треба таков човек кој е нем посматрач додека Македонија ја распродаваат. Не ни треба Ковачевски кој за секој скандал на ДУИ и Али има оправдување, затоа што и тој е вмешан. За пусти пари го брани и она неодбранливото. Епа доста е!Нашата визија е Македонија повторно ваша. Во вашите раце. Затоа што вие сте сила на една држава.

Во однос на проектите, Ковачки кажа дека Платформата 1198 за Виница се обврзува на реализација на:

Изградба на Булевар Илинденска на влез во Виница, изградба на кружен тек, ул. Браќа Миладинови, изградба на локален пат до туристичка и викенд населба на Плачковица, село Градец – Маринково, Блатец – Детлово (2 фаза), регулација и партерно уредување на Виничка река, регулација на Градечка река – Виница, партерно уредување на кеј на Градечка река во Виница, изградба на локален пат Трсино – Голак (1 фаза), изградба на спортска сала во ООУ Гоце Делчев – Виница, изградба на спортски терени во село Градец и село Трсино, изградба на канализациона мрежа во село Липец, изградба на пречистителна станица за отпадни води во село Блатец, регулација на речно корито на Кајанечки дол село Истибања, изградба на водоводна мрежа во Големчево – село Истибања, изградба и реконструкција на улици во Виница и други населени места. И уште многу други проекти за кои се обврзуваме да ги реализираме во 4 годишниот мандат.

На крај, Ковачки побара поддршка од граѓаните на 8 мај за ВМРО-ДПМНЕ за идна влада и Гордана Силјановска Давкова за нов претседател на Македонија.

Ни треба вашата поддршка и масовна излезност на 8 мај за бројот 2, за двојна победа. 2 за ВМРО-ДПМНЕ за идна влада, и 2 Силјановска Давкова за претседател на Македонија. За Макаедонија да ја трансформираме напред кон нови победи, проекти и реформи. Ни треба поддршка сплотеност и обединетост за да создадеме иднина овде во сопствената Македонија.Ни треба вашата поддршка за да си ја вратиме изгубената држава, за институциите да бидат во ваша служба, а не во служба на криминалците од СДС и ДУИ. Ние ја сакаме Македонија повторно твоја. Македонија на земјоделците, на здравствените работници. Македонија повторно твоја на просветните работници, Македонија на пензионерите. Македонија на младите. Македонија на успешни компании и странски инвестиции. Македонија земја на горди граѓани, порача Ковачки.

На 24 април го делегитимиравме Ковачевскии Ахмети и бандитите. А на 8 мај да ги срозиме. И да го победиме ова зло поради кое Македонија и вие граѓаните тонете, изјави тој.

The post Koвачки од Виница: Ковачки: Се обврзуваме на изградба и реконструкција на улици, спортска сала и спортски терен, пречистителна станица за отпадни води appeared first on Република.

Додека се колнат во ЕУ, ја купуваат Соравија, додека зборат за правда делат шамари во контролата на летање во Скопје. Додека народот гладува тие си слават родендени во државни институции. Додека зборат за стандарди, на онкологија ги крадат болните од рак. И треба да знаете дека ниту една лекција не ја научија. СДСМ не се огради од криминаот на ДУИ, ниту пак има намера. А од ДУИ го употребуваат истиот наратив дека биле европска партија, во исто време кога џебовите им се полни со Европски пари, кажа претседателот на ВМРО-ДПМНЕ, Христијан Мицкоски на вечерашниот митинг во Виница.

Претседателот упати и прашање до ДУИ, а и Ковачевски, кој продолжува да молчи, дали кога Али Ахмети викаше среде Скопје УЧК, УЧК е европски чин? Дали тоа доликува на европскиот фронт на ДУИ СДСМ праша тој.

Исто како што купувањето на Соравија што е европски чин, од страна на голобрадо момче, случајно кој е внук на Ахмети исто како што Мерко е европски градоначалник, море светски… како Артан што возеше ауди со полициски флешери на име на фирмата што зела тендер на Шапка? Е сето ова е многу европски, директно не носи во ЕУ, кажа претседателот.

Тој потенцира дека однесувањето на ДУИ и СДСМ ја подрива европската идеја во Македонија. Тие стануваат минери на европската идеја затоа што народот нив не ги идентификува со Европа и има европски функционери кои се срамат што ликови како Артан, Мерко и Талат овде зборуваат за ЕУ. Затоа што ЕУ не е олицетворение на корупција како што се Артан, Мерко и Талат.

И затоа резултатот е таков во првиот круг. Овде во Виница победивме со 4571 на 1764 гласови за СДСМ. Народот е определен, и јас искажувам длабока благодарност и почит до секој еден од вас. Но работата не е завршена. Ова беше само првиот круг, и жолтиот картон, мора да стане црвен на изборите на 8 мај. Народот да го зададе финалниот удар против корупцијата, криминалот и сиромаштијата. Повикувам на масовна излезност, затоа што излегувањето на овие избори меѓудругото е и патриотска должност и обврска кога Македонија е толку силно разградена со криминал и корупција. Да одиме напред, и да ги победиме сите сценарија кои ги разработува дуото СДСМ и ДУИ, заклучи претседателот

The post Мицкоски ги праша ДУИ и Ковачевски: Дали е европски кога Ахмети викаше УЧК во Скопје? appeared first on Република.

Претседателот на Алијансата за Албанците, Арбен Таравари, денеска од Тетово порача дека изборната програма „План 2030“ на Коалицијата „Вреди“, вреди за луѓето, и дека единствената албанска опција за изборите на 8 мај е Коалицијата „Вреди“.

На презентацијата на програмата во Тетово, Таравари истакна дека сегашниот Устав има недостатоци и не ја претставува реалноста во државата.

- Убедени сме дека сегашниот Устав има недостатоци, ограничен е и во многу делови не ја претставува денешната политичка, социјална и етничка реалност во државата, рече Таравари.

Таравари потенцира дека промената е неопходна, додека, заедно со промената мора да се смени и Уставот за да почнат преговорите со ЕУ.

- Ќе започнеме голема дебата и ќе изградиме консензус за нов, подемократски и модерен Устав, кој ќе ја редефинира државата како рамноправна држава на две мнозински заедници, рече Таравари.

Помеѓу десетте точки од програмата на „Вреди“ која беше презентирана денеска се нов Устав со Албанците како второ мнозинство во државата, прекугранична економска зона со Албанија и Косово, инвестиции од 500 милиони евра за инфраструктура во албанските општини и 800 евра минимална плата.

Со неа се предвидува и забрана за коцкање и брзи заеми, ослободување на затвореници од монтирани случаи и нивно обесштетување, слободни економски зони за печалбари и за млади, зголемување на пензии, социјална помош и субвенции, како и капитални инвестиции да достигнат до 150 евра по глава на жител

The post Таравари сака промена на Уставот со Албанците како второ мнозинство appeared first on Република.

Кандидатот за пратеник од редовите на ВЛЕН, Халил Снопче денеска ги претстави 6-те важни точки од платформата на коалицијата ВЛЕН во процесот на дигитализација, според кои се причините да се гласа за коалицијата ВЛЕН.

Го имаме бројот 6, математички се смета за прв совршен број, затоа би презентирал 6 точки  зошто треба да се гласа за бројот 6 - нагласува Халил Снопче.

Првата точка е борбата против корупцијата, продолжување со модернизацијата на образованието и зголемувањето на економската конкуренција. Како почетна точка, Снопче става акцент на зголемување на транспарентноста и намалување на корупцијата во јавната администрација. Платформата ВЛЕН, според Снопче, ќе го поддржи образовниот процес да се дигитализира, што ќе биде тесно поврзано со другата точка за зголемување на економските инвестиции преку дигитализација.

„Еден од главните приоритети на изборната програма на коалицијата ВЛЕН е бескомпромисната борба против корупцијата. Дигитализацијата на државата ќе ги реорганизира процесите, ќе ја зголеми транспарентноста и ќе ги намали можностите за корупција во јавната администрација, промовирајќи ја довербата и одговорноста кај граѓаните. Преку дигитализацијата на услугите ќе се минимизираат директните контакти на граѓаните со луѓето, а со тоа ќе се минимизираат и можностите за корупција. Дигитализацијата во образованието гарантира дека нашите студенти се опремени со потребните вештини за дигитална економија, усогласување на нашиот образовен систем со европските стандарди и зголемување на можностите за нашите млади луѓе. Со искористување на дигитализацијата, можеме да ја придвижиме нашата економија напред, правејќи ја поагилна, иновативна и конкурентна во регионот, привлекувајќи инвестиции и поттикнувајќи одржлив раст“. – нагласува Халил Снопче.

Како други важни точки, во областа на дигитализацијата ВЛЕН предвидува почиста животна средина, подобрување на услугите за граѓаните и промоција на иновациите и вработувањето на младите.

„Дигитализацијата нуди решенија за подобрување на одржливоста на животната средина преку промовирање на процеси без хартија, намалување на отпадот и имплементирање на паметни технологии за поефикасно следење и управување со ресурсите. Дигитално вештите граѓани ќе имаат корист од лесниот пристап до владините услуги, намалувањето на бирократијата и зголемувањето на практичноста, што на крајот ќе го подобри нивното севкупно задоволство од владините услуги. Затоа, ќе инвестираме во бесплатни обуки за граѓаните за да можат да добиваат административни услуги од дома, без да одат на шалтери. Инвестициите во дигитализација и поддршка на стартапи ќе создадат плодна почва за иновации, претприемништво и отворање нови работни места, особено во корист на младите придонесувајќи за енергична и динамична работна сила во нашата земја“

The post Снопче: Еден од главните приоритети на ВЛЕН е бескомпромисната борба против корупцијата appeared first on Република.

Драги сограѓани, видовте како помина првиот круг од изборите. Првиот чекор веќе го направивме, а сега следува вториот и најважен чекор, а тоа е голема победа за Гордана Силјановска Давкова и за коалицијата на ВМРО-ДПМНЕ. Кога велиме голема победа тука мислиме на 61 се со цел да не бидеме доведени во ситуација утре да бидеме уценувани од оваа или од онаа политичка партија, истакна на денешниот митинг во општина Чешиново-Облешево носителот на пратеничката листа на ВМРО-ДПМНЕ во ИЕ 3, Драган Ковачки.

Тој додаде дека сите негативни работи кои се случуваа во изминативе години од СДСМ и ДУИ добија соодветен одговор од граѓаните.

До сега се што се случуваше наиде на широк одговор од широките народни маси на 24 април. СДС беше целосно потчинета на нивните газди од ДУИ. Али Ахмети и Артан Груби командуваа, а СДС не смееше ниту „а“ да каже. За сметка на тоа заеднички го крадеа нашиот народ. Криминалот не познава граници, ниту национална, ниту етничка припадност. Со ваква криминална банда сите граѓани губеа, затоа што искрадените пари се пари на сите и тие се пари за болните, пари за патишта, пари за лекови, за учебници, за плати и за пензии за земјоделците, за здравствените работници, за војската за полицијата, за културата. Затоа велиме, со СДСМ и со ДУИ губеше цела Македонија. Постојано се немаше пари за тоа што треба, а буџетот се трошеше, рече Ковачки.

Тој истакна и дека во изминативе неколку години општина Чешиново-Облешево нема добиено ниту денар од централната власт, а ВМРО-ДПМНЕ и во минатото, но и во иднина придонесува за оваа општина.

Нашата општина има добиено 0 денари. Целосна блокада од страна на централната власт. Ниту еден проект не беше поддржан од централната власт. Сето тоа народот веќе го препозна и промените неминовно се случуваат ВМРО-ДПМНЕ отсекогаш било со народот и тоа многу добро го знаеме. Во минатото тука во Чешиново-Облешево, ВМРО-ДПМНЕ ја изгради спортската сала „Никола Карев“, беше изградено големото фудбалско игралиште како и повеќенаменското спортско игралиште во Чешиново, потенцираше Ковачки.

Тој наброја некои од многуте проекти кои се предвидени во програмата на ВМРО-ДПМНЕ за општина Чешиново-Облешево.

Конкретно за Чешиново-Облешево предвидуваме реконструкција на улица „Сремска“ и реконструкција на ул. Бр 6 во Облешево. Реконструкција на локален пат Спанчево-Чешиново, реконструкција на локален пат Спанчево-Облешево. Реконструкција на локалниот пат Чешиново-Соколарци, реконструкција на ул. „Маршал Тито“ со атмосферска канализација во Чешиново, реконструкција на ул. „Прохор Пчињски“ во чифлик, реконструкција на ул. „1 Мај“ во Спанчево. Изградба на водоводна мрежа во Чешиново. Изграднаба на пречиститечлна станица како и втора фаза од фекалната канализација во Соколарци, нагласи Ковачки.

На крај Ковачки упати повик до граѓаните за во вториот круг од претседателските и парламентарните избори да се излезе што помасовно за, како што рече, да не дозволиме други да ни ја кројат судбината.

Остануваат уште неколку денови до изборите. Да ги искористиме и да поразговараме со нашите пријатели, со нашите комшии, со нашите познаници. Личниот контакт и авторитетот кој го има секој од вас знае да одигра клучна улога во овој период кога граѓаните се веќе заморени од политиката. Да не дозволуваме да ни ја кројат судбината во Зајаз или во Форино. Да излеземе масовно и во голем број. Тој што не гласал во првиот круг, нека гласа во вториот круг. Нека гласа по лично убедување и нека не острава други да му ја кројат судбината затоа што се работи за Македонија. Да се обединиме околу ВМРО-ДПМНЕ и околу нашата победничка коалиција, подвлече Ковачки.

The post Ковачки: Масовно да излеземе на гласање на 8 мај, да не дозволиме некој друг да ни ја крои судбината appeared first on Република.

Претседателот Стево Пендаровски, кандидатот за претседател на владејачкиот СДСМ во рамки на кампањата пред вториот круг од претседателските избори имаше средба со граѓани на Охрид, пред кои зборуваше за концептот за кој се залага и ја бара нивната доверба, за европската иднина на земјата, наспроти регресивната политика на опозицијата што, според него, ќе ја однесе земјата во изолација.

Тој ја искористи можноста да потсети на годишината од случувањата во македонскиот Парламент, и упадот пред седум години во кој, како што рече, бевме нападнати од истите луѓе што претендираат да ја водат државата,...

Три века наназад во ниту еден европски парламент не е забележано да се направи насилен упад да се спречи мирен трансфер на власта на оние кои ја добиле довербата на граѓаните,...Тоа е една од главните работи по што оваа гарнитура се разликува од нив, дека откако ќе се изгубат изборите еден ден, да организираме насилници кои ќе тепаат колеги за да спречиме заминување од власта. Тоа е нивна карактеристика, особено што седум години од тој чин не најдоа сила не беа доблесни да се извинат, рече Пендаровски.

Напротив, како што рече, нивната кандидатка за претседател сега најавува амнестија за тие луѓе, дека тоа биле луѓе кои го бранеле Уставот и државата и највисоката државна институција, а останатите биле насилници.

Пендаровски рече дека овие луѓе од опозицијата кои бараат мандат, се истите луѓе со истите идеи, кои мислат да владеат на ист начин како до пред седум години.

По првиот круг резултатите се тие, според мое скромно убедување, нема основа за малодушност, разочараност, анемичност,... За првпат имаше седум кандидати за претседател, од кои само јас бев претендент да добијам гласови од сите етнички заедници. Сите останати претендираа да добијат гласови само од нинвата етничка заедница. Оние што отпаднаа имаа вкупно околу 330 илјади гласови,...Не велам дека по автоматизам ќе дојдат кај мене, но верувам дека огромна бројка од нив е многу блиска и го поддржува концептот за кој се залагам, рече меѓу другото тој.

Потсети дека неговиот концепт е за Македонија во која сите се рамноправни, без намерно и вештачки продуцирани делби.

Само изборот за бројот 1 е рецептот за успех на државата, се друго е рецепт за продолжена агонија, за враќање на режимот кога еден човек, една фамилија, една партија решаваа за судбината за 1,8 милиони луѓе, рече Пендаровски

The post Толку собра: Пендаровски зборуваше пред дваесетина охриѓани appeared first on Република.

“Никогаш нема да се откажеме од нашите социјал- демократски вредности за слобода, правда, еднаквост и просперитет за сите граѓани, без поделби и раздор, без крвави сценарија. Ние веруваме во заедничка, подобра, европска иднина за сите граѓани. И на 8 мај, и по 8 мај, ќе покажеме и докажеме дека СДСМ има луѓе кои никогаш нема да отстапат од нашите вредности,  ги браневме и ќе продолжиме со истата посветеност, за нас нема друг пат. Да продолжиме заедно, да покажеме одлучност, можеме, како и пред седум години, заедно со сите прогресивни граѓани за сигурна и безбедна иднина”.

The post Лукаревска: И на oсми мај, и по него ќе покажеме и докажеме дека СДСМ има луѓе кои никогаш нема да отстапат од социјалдемократските вредности за слобода, правда, еднаквост и просперитет appeared first on Република.

Христијан Мицкоски, претседател на ВМРО-ДПМНЕ на денешниот митинг во Чешиново-Облешево во рамките на претседателската и парламентарата кампања побара на изборите на 8 мај сите граѓани да излезат да гласаат за ВМРО-ДПМНЕ и за професорката Гордана Силајновска Давкова.

Тој објасни дека ако граѓаните останат дома и не го остварат своето право на глас овозможуваат Али Ахмети, Артан Груби, Бујар Османи и Крешник Бектеши да продолжат да го понижуваат целиот народ во Македонија.

Има и такви кои седејќи одма пркосат на политичарите велејќи дека сите политичари се исти, дека се ќе биде како порано и наоѓаат некакво образложение зошто останале дома за изборите. Во суштина не разбираат дека и во тој случај гласаат, но гласаат за лошите политичари, за они кои ја ограбија, понижија и засрамија Македонија. Гласаат за Али Ахмети да продолжи да живее како блискоисточен шеик во својата хациенда во Зајас направена од ваши пари, да продолжат голобради момчиња да купуваат трговски центри во центарот на Скопје со вредност од неколку десетици милиони евра само затоа што се дел од семејството на Али Ахмети. Да продолжат луѓето кои што се дел од семејството на првенците на ДУИ преку своите фирми да имаат бизниси од неколку десетици милиони евра на грбот на граѓаните. Да продолжат Артан, Бујар, Крешник и останатите да ве понижуваат, да продолжат лагите, да продолжи раскошот во кои уживаат функицонерите на ДУИ, за нив гласаат. Тие кои останаа дома, гласаа за нив, рече Мицкоски

Затоа, додаде, од овде од Чешиново-Облешево ги молам сите кои на 8 мај ќе бидат тука рано наутро да гласаат.Јас би сакал да гласат за ВМРО-ДПМНЕ и коалицијата „Твоја Македонија“ и за кандидатот професорката Гордана Силајновска Давкова.

Мицкоски во текот на своето обраќање се осврна и на програмата „Платформа 1198“ каде наброја дел од проектите со кои ќе се овозможи трансформација на Македонија.

Трансформацијата содржана во нашата Платформа 1198 вклучуваме до 800 милиони евра за земјоделците, реконструкција и ревитализација на сите водоснабдителни системи за земјоделците, потоа имаме 5000 денари линеарно за сите пензионери во првата година и уште многу други ветувања. Затоа е многу важно да се избере оваа наша програма за да можеме да ја трансформираме оваа наша Македонија, рече Мицкоски.

На крај, Мицкоски се заблагодари пред граѓаните за големиот резултат постигнат на 24 Април за ВМРО-ДПМНЕ и за професорката Гордана Силјановска Давкова.

Од Чешиново-Облешево и вие кои сте овде направивте исклучително голем резултат, благодарение на вас Македонија денес се чувствува повторно горда, а јас сум посебно горд што сум дел од овој процес. Посебно сум горд денеска од устата на 50 нови припадници на министертвото за внатрешни работи слушнавме една прекрасна песна „Бисер Балкански“ која за нас има едно посебно значање како народ, како држава, додаде Мицкоски.

The post Мицкоски: Ако останете дома на 8 мај овозможувате Ахмети, Груби и Османи да продолжат да нè понижуваат сите во Македонија appeared first on Република.

Кандидатката за претседател Гордана Силјановска-Давкова попладнево беше во посета на Дебар и Ростуше, каде што имаше средби со граѓани, на кои им се заблагодари за поддршката и порача дека на 8 мај вечерта заедно ќе ја слават победата.

Ја заслуживте мојата благодарност за поддршката во првиот круг, без вашите гласови сигурно дека немаше да биде ваков резултатот каков што е многу инспиративен, не само за мене, не само за ВМРО-ДПМНЕ, туку за сите граѓани. Ние не агитираме, не ви велиме дека мора да гласате за нас, ама знаеме за кого ќе гласате. Ќе гласате за подобрите, ќе гласате за оние кои носат промени, а не оние кои велат дека грешеле ама сега ќе се обидат тоа што го згрешиле да го поправат, бидејќи тоа е невозможно, изјави Давкова во Дебар.

Не е точно, додаде, дека стартуваме од нула, нагласувајќи дека „ние не шутираме пенали, а тие ги промашија на празен гол“.

Продолжувам онаму каде што застанавме таму каде што вие ни рековте дека треба да застанеме зашто гласовите се ваши, гласовите се на граѓаните и ние тоа нема да го заборавиме. Ако реков дека во првиот круг очекувам политички земјотрес, тој се случи, дури и со поголема разорна сила, која го допре СДСМ ама на 8 мај очекувам политички вулкан, бидејќи некои процеси можат да се насетат и не можат да се избегнат. Неминовен е поразот на СДСМ, на ДУИ, на коалицијата и неминовна е победата на ВМРО-ДПМНЕ и коалицијата. Неминовен е поразот на господинот Пендаровски и се насетува мојата победа. Тоа е јасно. Ова власт мора да си оди, рече меѓу другото таа.

Испочитувајќи го езанот на дебарските имами таа за кусо ја прекина изјавата, породлжувајќи со ветување дека ќе биде претседателка на сите.

Можеби ова е добар момент да кажам дека ќе бидам претседателка на сите, ќе се однесувам натпартиски, ќе се однесувам со почит кон граѓаните без оглед на етничката, верска или било каква друга припадност, бидејќи претседателите, а особено претседателките треба да обединуваат, а не да разединуваат. Ќе функционирам посветено одговорно како дома, бидејќи Македонија е мојата многубројна фамилија. Само така ќе си ја вратиме гордоста ,а Македонија ќе има на што да биде горда, порача Давкова од Дебар.

На средбите што ги имаше во Ростуше искажа убеденост дека победата на 8 мај ќе биде уште поголема.

Шанса за опоравување кај нив нема, ама кај нас еве потсетете ме, на 9 или на 8 мај вечерта, има шанса за уште поголема победа, заедно со парламентарните избори и ВМРО-ДПМНЕ бидејќи претседателот и премиерот се две глави на извршната власт мислам дека уште посилни ќе бидеме, рече меѓу другото кандидатката за претседател во Ростуше.

The post Силјановска Давкова: Не е точно дека стартуваме од нула, не шутираме пенали, а тие ги промашија на празен гол appeared first on Република.

Нов устав со Албанците како второ мнозинство во државата, прекугранична економска зона со Албанија и Косово, инвестиции од 500 милиони евра за инфраструктура во албанските општини и 800 евра минимална плата се дел од десетте точки на изборната програма „План 2030“ на Коалицијата „Вреди“.

Коалицијата денеска во Тетово ја презентираше изборната програма со која се предвидува и забрана за коцкање и брзи заеми, ослободување на затвореници од монтирани случаи и нивно обесштетување, слободни економски зони за печалбари и за млади, зголемување на пензии, социјална помош и субвенции, како и капитални инвестиции да достигнат до 150 евра по глава на жител.

Десетте точки од „План 2030“ ги презентираа носителите на листите во изборните единици.

Ние сме сигурни дека ја имаме најдобрата листа, имаме листа која ќе ги направи промените. Исто така, нашата програма се однесува на економскиот развој, интегрирање на државата во Европската Унија, како и на подобрување на меѓуетничките односи, подобрување на правата на албанците кои ги претставуваме. Сигурни сме дека на 8 мај оваа листа, и оваа програма ќе биде победничка и после 8 мај ќе биде дел од владината коалиција, истакна Биљал Касами, носител на листата во ИЕ6 и претседател на Движење Беса.

На новинарско прашање кој кандидат ќе се поддржи во вториот круг од изборот за претседател, Арбен Таравари, истакна дека нема дефинитивна одлука и таа ќе биде донесена во текот на наредните денови.

За можното коалицирање со ВМРО ДПМНЕ за состав на Влада, Биљал Касами рече дека се подготвени за разговор.

Кажуваме дека сме подготвени да седнеме да разговараме за составување на идната влада со тоа што цениме дека сме единствени претставници на Албанците затоа што сме единствена коалиција која ги претставува Албанците, рече Касами.

The post Коалицијата „Вреди“ во Тетово ја презентираше програмата „План 2030“, ветуваат минимална плата од 800 евра appeared first on Република.

За наша Македонија денеска промовираше неколку конкретни мерки, економски приоритети, од Програмата на Движењето за парламентарните избори „Прогласот за достоинствена Македонија“.

Мерките на прес конференција ги претстави магистер Борче Серафимовски.

Тој рече дека за да се подигне и помогне претприемачкиот дух кај младите, а воедно и да се охрабрат да отворат сопствени бизниси, како и да го искористат својот интелектуален и професионален капацитет и да ја создаваат својата и иднината на своите семејства во сопствената земја, се предвидува давање на долгорочни кредити за новоформираните компании од страна на млади, чии камати ќе ги субвенционира државата.

Исто така се предвидува и финансиска поддршка за отворање бизниси во руралните средини. Ова, како што рече Серафимовски, со цел да се задржат луѓето во малите места и руралите средини, во кои има недостиг на работна сила поради заминувањааето во поголемите градови или во странство. Со оваа мерка, додаде тој, ќе даваме можност и мотив за повторно рестартирање на потенцијалите и капацитетите на руралните средини во форма на бизниси, а пред се за производство на храна и суровини.

Движењето ЗНАМ, потенцира Серафимовски, ќе го укине данокот за купување на стан во кој живее сопственикот.

Со оваа мерка ќе се намалат трошоците во постапката на купување на станови и ќе се мотивираатграѓаните за купување на истите се со цел сите граѓани да имаат свој дом, рече Серафимовски.

Тој додаде дека во делот на социјалната политика ги издвојуваат пензионерите и ранливите и маргинализираните групи на граѓани за што се предвидуваат следните мерки: Усогласување на минималната пензија со минималната плата, потоа тринаесета пензија на крајот на годината, усогласена со ребалансот на Буџетот,како и усогласување и зголемување на земјоделските и социјалните пензии.

Првата мерка ќе овоможи оваа категорија на граѓани, со најниски пензии, да има достоинствен и спокоен живот, финансиска стабилност и егзистенцијална независност. Дополнителната пензија за пензионерите ќе биде во форма на субвенција со која истите покрај редовните две квартални зголемување на пензиите ќе добијат и трето годишно зголемување од дополнителни 8.3 проценти, кое ќе произлезе од ребалансот на Буџетот на државата на крајот од годината и пренаменување на средствата дефинирани со закон, наместо како до сега, трошење на истите како непродуктивни трошоци. Со третата мерка се предвидува зголемување на земјоделските и социјалните пензии од 30 проценти, со цел обезбедување на подостоинствен на земјодлеците и подигнување на општиот животен стандард на овие граѓаните и нивните семејства, рече Серафимовски.

Тој исто така, рече дека со овие мерки Движењето ЗНАМ – За наша Македонија има за цел, враќање на достоинството на народот, економска стабилност на поединецот, семејствата и правните субјекти.

Ќе го дадеме својот максимум за да ја направиме Македонија подобро место за живеење за сегашните и идни генерации и да ги задржиме младите на своите родни огништа, да бидеме свои на своето, рече на крајот од прес конференцијата м-р Борче Серафимовски.

The post Серафимовски: ЗНАМ ќе ги поддржи младите во отворањето на сопствени бизниси appeared first on Република.

Носителот на листата на СДСМ и коалицијата во изборната единица 4, Венко Филипче, денес беше во Прилеп каде, како што сооштуваат од прес-центарот на СДСМ, на низа средби со граѓани ја образложи програмата на СДСМ и начинот на кој тој и пратениците од оваа изборна единица ќе работат. Филипче рече дека „од стотиците средби кои ги имал до сега, граѓаните јасно бараат полесен пристап до пратениците и слух за нивните барања, кои потоа ќе се преточат во конректни политики“.

Многу луѓе велат дека политичарите ги бараат само кога им е потребен нивниот глас, а потоа никаде ги нема. Граѓаните бараат да бидат слушнати, но и конректни механизми да влијаат врз пратениците кои ги бираат. Јас и пратениците од листата на СДСМ кои ќе бидеме во Собранието ова ќе го овозможиме. Како поранешен министер, сите политики ги носев во блиска координација со здруженијата на пациенти и колегите здравствени работници. Како пратеник тоа ќе го правам со граѓаните кои ќе ни ја дадат довербата на избори. Оние кои ги претставуваме треба да бидат директно вклучени и слушнати во процесот на креирање на политики, истакнал Филипче.

Тој планира да ја смени целосно „перцепцијата за пратеникот и улогата кој тој ја има преку сосема нов начин на работа и комуникација со луѓето кои ќе ги претставува“. Филипче најави отворање на канцеларии во секоја поголема општина, во прва фаза Прилеп, Кавадарци и Струмица.

Ако денес сум ви ветил дека ќе останам вака достапен како во камапњата и после изборите, тоа ќе го исполнам, а тоа ќе го исполнат и другите пратеници од оваа листа. Ќе отвориме канцеларии во сите поголеми градови каде редовно јас, но и другите пратеници ќе имаме средби со вас и ќе подготовуваме решенија за вашите барања. СДСМ е партија на граѓаните, а не салонско здружение и како таква ќе се однесува, рече Филипче.

The post Филипче: СДСМ е партија на граѓаните, а не салонско здружение appeared first on Република.

Резултатот е нула-нула, сè уште немаме победник или поразен. Нашата битка за европска Македонија не е завршена. Нашата држава е мала земја, но влогот на 8-ми мај е голем, порача на денешните средби со жителите на скопската општина Бутел, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.

Според Битиќи, опасен е патот по кој ВМРО-ДПМНЕ сака да ја води државата, а тоа е „кон изолација, кон унгарско сценарио, кон национализми кои разделуваат“.

СДСМ одбива да се движи кон овој правец. Ние имаме програма и визија за европска држава во која владеат дијалогот, инклузивноста, меѓусебното другарство и социјалната правда. Слободата која ја добивме по крвавиот 27 април пред седум години, не е луксуз, тоа е можност која ни даде сила да се движиме напред, да стане полноправни членки на НАТО, да ги отвориме портите на Европската Унија. Сега не смееме да дозволиме на 8-ми мај таа да биде украдена, однесена од виорот на национализмот и поделбите. Мораме да продолжиме да го чуваме овој скапоцен подарок кој го добивме во борбата против режимот на ВМРО-ДПМНЕ, бидејќи тој е темелот врз кој се гради праведно и правично општество, вели Битиќи.

The post Битиќи: Резултатот е 0:0, сè уште немаме победник или поразен appeared first on Република.

Имавте златна, историска шанса да исправите работа, да понудите алтернатива, да поставите правна држава и да потепате криминал и корупција, им порача Ивор Мицковски на СДСМ.

Џабе ви се сите овие пискотници и плачипичкарски муабети, национализам било, режим ќе се врател, народот е крив, олигарсите биле десница и остали приказни и успаванки за вашата клиентела.
Имавте златна, историска шанса да исправите работа, да понудите алтернатива, да поставите правна држава и да потепате криминал и корупција.
Не бе брате, вие дамбетер, вашите газови само и препиши ја режимската матрица низ лажна прогресивна обланда.
Едноставно, вистинските промени ниту ви беа важни, ниту имавте капацитет да ги спроведете.
Никој не сака мивки, лажни демократи и квази-европејци, просто кажано, никој не ве есапи и од тоа нема бегање.
Откажете се од самозалажувачкиот наратив и оваа пасив-агресив хистерија, пишува тој.

The post Мицковски: Имавте златна шанса ама не бе брате, вие дамбетер! appeared first on Република.

На изборите на 8 мај се одлучува дали оваа криминална влада ќе биде поразена и истата банда ќе се соочи со одговорност, или ќе продолжи да кради и распродава. А кога веќе Спасовски се одлучи давенички да прави капитал со настаните 27 април, тогаш нека одговори на едноставното прашање: Кој најмногу искористи со настаните на 27 април?, реагираат денеска од ВМРО-ДПМНЕ, по изјавата на носителот на листа на СДСМ Оливер Спасовски, кој ги нарече уставобранителите насилници.

https://republika.mk/vesti/makedonija/spasovski-toa-ne-se-ustavobraniteli-tuku-nasilnitsi/

Кој направи влада после овие настани?

Дали за монтираниот судски процес не беше наградена Русковска и Кацарска?

Како Русковска пред време ги знаела пресудите за 27 ми април според јавните сведоштва изнесени во јавноста?

Дали мирно спие Спасовски со сознанието дека има драконски казни за дела кои не ги направиле?

Луѓето од 27 април не бараат милостина, ниту пак амнестија, туку правда, да не одговараат за делата кои не ги направиле, а им ги товарија и препишаа, реагираат од ВМРО-ДПМНЕ.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

The post Спасовски, а кој искористи најмногу од 27 април? appeared first on Република.

Носителот во Втората изборна единица на СДСМ Оливер Спасовски денеска пред Собранието во изјава за медиумите истакна дека „не смееме да се заборавиме и да се дозволиме да се повтори 27-ми април, најцрниот датум во историјата на македонската демократија“.

Сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ. Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок, рече Спасовски.

Според него, најавите за помилување на лицата што упаднаа во Собранието „се скандалозни и недозволиви и покажува дека ништо не е променето во ДПМНЕ“.

27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност. СДСМ не се откажа на 27 април, нема да се откаже ниту на 8 мај, рече Спасовски барајќи поддршка за неговата партија и коалиција на парламентарните избори.

The post Спасовски: Тоа не се уставобранители, туку насилници appeared first on Република.

Кандидатот за претседател на ВМРО-ДПМНЕ Гордана Силјановска-Давкова денеска во рамките на кампањата за вториот изборен круг од претседателските избори беше во Mаврово каде што оствари средба со граѓани.

Маврово има посебна вредност за Македонија и затоа и државата и граѓаните мора да се грижат за оваа природна и човечка убавина. Мора да запре систематското уништување на животната средина и да запре урбанистичкиот хаос во Националниот парк Маврово. Невидено е во една ваква природна убавина заштитена со закон во 21 век да се градат дивоградби во заштитени зони, да се дозволува во езерото да се влеваат фекалии, не смееме да го уништуваме тоа што ни го дала природата затоа што на тој начин сами се уништуваме - истакна во своето обраќање Силјановска Давкова.

Посочи дека уште пострашно е кога и пратеници кои се претставуваат како екологисти, а учествуваат во уништувањето на животната средина и заштитени национални богатства.

По цунамито во средата сега не’ очекува вулкан кој ќе создаде услови да се решат проблемите и да се тргне напред во градење на општество каде ќе се почитуваат законите и ќе се регулира животната средина но и правото на граѓаните да живеат достоинствено во секој поглед - нагласи Давкова.

The post Силјановска Давкова од Маврово: Да запре систематското уништување, еколошкиот и урбанистички хаос appeared first on Република.

Денеска сме тука во Ѓорче Петров во Стопански Двор каде што позади мене ова место набрзо ќе започне изградба на градинка и навистина ми е драго и со огромна чест и задоволство можам да најавам јас заедно со Бојан дека за кратко започнува новата градинка во Ѓорче Петров. Онаа градинка каде што јас и Бојан како пратеници во Собранието поднесовме амандмани и ни беа прифатени од владата и Александар Стојкоски како градоначалник ги започна сите постапки и веќе наскоро ќе потпише договор за да се гради таа градинка во Ѓорче Петров, изјави денеска Владо Мисајловски, потпретседател на ВМРО-ДПМНЕ и носител на изборна единица 2.

Тој посочи дека како нова влада ветуваат дека сите дечиња ќе ги запишат во градинките, дека сите дечиња ќе добијат учебник.

И затоа ова ветување ни е многу важно за да се започнат сите градинки со изградба. И навистина во Ѓорче Петров имаше голем проблем изминативе години со запишување на дечиња, со нови градинки и така натаму.

Но со одличната работа на Александар и неговиот тим може да видиме дека листата е намалена, со отворање на нови градинки, со нови реконструкции, со нови можности и адаптација дека многу дечиња се згрижија. Но со оваа градинка тука во Стопански Двор навистина е полн погодок и уште еднаш ми е драго што јас и Бојан навистина поднесувавме стотици и стотици амандмани, но овој беше прифатен и околу 60 милиони денари токму тука во Стопански Двор за брзо ќе започне нова градинка во Ѓорче Петров.

Аирлија нека се сите овие проекти. Може да видиме дека во Ѓорче Петров насекаде е раздвижено, се градат нови улици и тука во Стопански Двор, се градат нови улици во Кисела Јабука, се гради во урбаниот дел, се градат нови спортски терени. Вака се сака Ѓорче Петров, вака се сака Македонија. Но за да има уште повеќе проекти и за победува Македонија сите масовно на 8 ми мај да ставиме печат, да ставиме печат на победата на ВМРО-ДПМНЕ и Коалицијата Твоја Македонија и после тоа владата да ги засука ракавите и уште повеќе проекти да има за сите луѓе во Македонија, нагласи Мисајловски.

The post Мисајловски: За брзо започнува изградба на нова детска градинка во Стопански Двор, проект вреден 60 милиони денари appeared first on Република.