Утре (петок) во 12 часот во Друштвото на писателите на Македонија ќе се одржи предавање-промоција на делото „Авторските неологизми во поезијата на Весна Мундишевска-Велјановска“ од М-р Елизабета Јончиќ.

Настанот е замислен како промоција-предавање, но и како мало одбележување на јубилејот 90 години од раѓањето на Гане Тодоровски. За книгата на Јончиќ свои излагања ќе имаат и писателката и издавач Гордана Јовиќ-Стојковска и М-р Марија Стојановска, асистентка на Педагошкиот факултет во Битола.

Кога ќе се спомнат неологизми или кованици, најчесто првото нешто што ни паѓа напамет е нашиот класик Гане Тодоровски и неговите раскошни стихови со примери на зборотворење. Но, делото „Авторските неологизми во поезијата на Весна Мундишевска-Велјановска“ е вистински новитет на ова поле, затоа што претставува првата студија кај нас за неологизмите во творештвото на една поетеса. За тоа на кој начин се конструирани новите зборови во поезијата на Мундишевска-Велјановска и кои се нивните одлики ќе зборува М-р Елизабета Јончиќ, членка на Друштвото на писателите на Македонија. Преку паралели со зборотворењето на Гане Тодоровски, Јончиќ ќе се обиде да одговори и на прашањето како новите зборови во современата македонска литература го отсликуваат духот на нашето време.

The post Промоција на книга за зборотворење во ДПМ appeared first on Република.

Премиерите на Шведска и Данска соопштија дека не ја исклучуваат можноста саботажа да е причината за оштетените два кабли во Балтичкото Море, посочувајќи на зголемениот ризик од хибридни напади.

Откриено е дека кабел што ги поврзува Финска и Германија бил пресечен во шведски територијални води, јужно од островот Еланд, на околу 700 километри од Хелсинки. Дополнително, телекомуникациски кабел кој го поврзува шведскиот остров Готланд со Литванија е оштетен пред четири дена.

Германскиот министер за одбрана Борис Писториус вчера изјави дека дефинитивно се работи за саботажа.

Ги следиме внимателно информациите од надлежните органи и нема да се изненадам ако саботажата е извршена од надворешен фактор, изјави данската премиерка Мете Фредериксен.

Воедно, таа посочи дека поради зголемените тензии околу Балтичкото Море, постои „ризик од хибридни напади, кибер-напади и напади врз критичната инфраструктура“.

Сведоци сме на сè повеќе проблеми на повеќе фронтови, додаде таа.

Нејзиниот шведски колега Улф Кристерсон, исто така, рече дека постои можност прекинатите кабли „да се резултат на намерна саботажа“.

Ова сè уште не е потврдено, не сакам да шпекулирам. Живееме во време кога сите ризици мора да се сфаќаат многу сериозно. Веќе сме виделе акти на саботажа, изјави Кристерсон.

Откако беа оштетени два кабли во Балтичкото Море, а Шведска и Финска објавија дека почнуваат истрага за можна саботажа, данските одбранбени сили денеска соопштија дека го следат кинескиот брод Ји Пен 3.

Ние сме во област во близина на кинескиот брод, соопшти данското Министерство за одбрана.

Товарниот брод кој е во сопственост на кинеска компанија поминал вчера вечерта во теснецот Категат, кој се наоѓа помеѓу Данска и западниот брег на Шведска, објави специјализираната веб-страница „Marinetraffic“.

Бродот се наоѓал во близина на областа каде што кабелот што ја поврзува Финска со Германија бил оштетен пред два дена, иако немало докази кои директно го инкриминираат, според веб-страницата „Marinetraffic“. Пред четири дена беше оштетен и уште еден телекомуникациски кабел што ја поврзува Шведска со Литванија.

Германскиот министер за одбрана Борис Писториус веќе изјави дека причината за штетата секако била саботажа. „Никој не верува дека овие кабли се исечени случајно“, рече тој.

Шведскиот министер за цивилна одбрана Карл-Оскар Болин вчера изјави дека вооружените сили и крајбрежната стража на земјата откриле движења на бродови што одговараат на прекин на два телекомуникациски кабли во Балтичкото Море.

The post Шведска и Данска не ја исклучуваат можноста саботажа да е причината за оштетувањата на каблите во Балтичкото Море appeared first on Република.

Биткоинот за прв пат ја премина границата од 95.000 долари, сè уште поттикнат од „ефектот на Трамп“, бидејќи пазарот очекува пофлексибилно законодавство и економски политики кои би биле поволни за него под новата американска влада.

Криптовалутата со најголема пазарна капитализација го премина тој праг околу 01:24 часот по Гринич, поставувајќи ново рекордно високо ниво од 95.004,50 долари пред да се тргува за 94.907 долари малку подоцна.

По победата на Доналд Трамп на 5 ноември, вредноста на биткоинот се зголеми за околу 35 проценти.

Откако го надмина својот рекорд од март, на 10 ноември, дигиталната валута ја зголеми вредноста над 80.000 долари, а на 13 ноември надмина 90.000 долари

The post Биткоинот урива рекорди appeared first on Република.

Јавниот превоз и утрово е редуциран поради недостиг на гориво за автобусите на ЈСП Скопје.

Во Скопје од вчера попладне сообраќаат само 25 автобуси, а останатите се паркирани во автобазите на ЈСП „Скопје“ во Автокоманда и Ѓорче Петров поради недостиг на гориво.

Африм Муча, претседател на Независниот синдикат на возачите во ЈСП „Скопје“ за МИА синоќа изјави дека состојбата е многу сериозна, дури и алармантна бидејќи, како што рече, речиси 70 проценти од возилата се паркирани.

– Одговорот е едноставен, нема нафта. Возачите беа повикани да дојдат на работа, но тие се во базите во Автокоманда и во Ѓорче Петров заедно со автобусите бидејќи нема нафта и ТНГ. Во моментов мислам дека околу 70 проценти од автобусите на ЈСП се паркирани во базите. Низ градот сообраќаат мал број двосменски автобуси кои имаат наточено нафта пред два дена, како и возилата со ТНГ. За нормално функционирање на ЈСП на дневна основа се потребни 25 тони нафта, што не ја добиваме. Нафтата вообичаено ни ја доставува „Пуцко Петрол“ во базите на ЈСП „Скопје“, но бидејќи должиме поголема сума на пари, деновиве не ни доставуваат нафта. Во ЈСП „Скопје“ работат 1.200 луѓе и нема да дозволиме некој да си поигрува со нивните судбини, рече Муча.

Најави дека е можно денеска воопшто да не сообраќаат автобусите доколку не им се достави гориво. Посочи дека Независниот синдикат на возачите во ЈСП „Скопје“ од петок ќе одлучи какви натамошни постапки ќе преземе доколку не се среди состојбата во јавното градско претпријатие.

И Миќо Стојановски од ССМ ЈСП Скопје потврди дека проблемот со јавниот градски превоз во Скопје и малиот број на автобуси кои сообраќаат низ градот е поради недостигот на гориво. Нема дистрибуција на нафта од „Пуцко Петрол“ за ЈСП „Скопје“ поради голем долг.

-Причина за тоа е меѓусебниот однос меѓу градоначалничката Данела Арсовска, претседателот на Советот на Град Скопје Трајко Славески и Советот на Град Скопје и одлуките кои ги носат. Имаше најава од Град Скопје дека ќе се нормализира дотурот на нафта за ЈСП, но тоа не се случува. Проблеми со нафта има и ЈП „Комунална хигиена“ Скопје поради што само дел од камионите собираат смет. Затоа сите синдикати на јавните градски претпријатија планираме од понеделник да одржиме заеднички состанок на кој ќе одлучиме какви мерки ќе преземеме, изјави Стојановски за МИА.

Приватните превозници во Град Скопје „Јофи Бус“, „Вестор Транс“, „Радос Компани“ вчера преку соопштение апелираа до надлежните веднаш да се направи проширен состанок со цел решавање на проблемот со јавниот градски превоз.

- Сведоци сме на состојбата со јавниот градски превоз во Градот Скопје која се влошува од ден на ден. Повторно упатуваме јавен апел до надлежните веднаш да се направи проширен состанок со цел решавање на проблемот со јавниот градски превоз. Приватните превозници располагаат со 200 автобуса кои не се максимално искористени и со кои можеме да го надополниме недостатокот на автобуси на ЈСП, се вели во соопштението.

Според приватните превозници, за да биде во целост исполнет зимскиот возен ред по одлука на Совет за линиски превоз на патници во Град Скопје потребни се 352 автобуса или со резервни вкупно 444 автобуси. Наведуваат дека во моментов на дневно ниво недостасуваат од 160 до 200 автобуси.

https://republika.mk/vesti/skopje/nema-javen-prevoz-niz-tselo-skopje/

- Приватните превозници не можат да одговорат на зададениот возен ред поради следниве причини: неподмирен долг од јуни, немаме верификувани извештаи за месеците јули, август, септември и октомври, ниска цена за изминат километар, со која не можеме да ги покриеме основните трошоци, стои во соопштението.

The post За цело Скопје само 25 автобуси, другите стојат паркирани appeared first on Република.

Украинскиот претседател Володимир Зеленски изјави дека Крим, полуостровот кој Русија го анектираше во 2014 година, ќе мора да и биде вратен на Украина преку дипломатски канали, а не преку воена сила.

Во интервју за „Фокс њуз“, снимено во Украина додека бил во воз, Зеленски нагласи дека Украина не може да си дозволи да изгуби толку многу животи што би биле потребни за воена опсада на Крим.

- Веќе спомнав дека сме подготвени дипломатски да го вратиме Крим, рече Зеленски и додаде дека Украина „не може законски да признае кој било окупиран дел од Украина како руски“.

Тој рече дека не е сигурно дека Крим може „да се врати со оружје“.

Од почетокот на војната во Украина во февруари 2022 година, руските трупи окупираа околу една петтина од територијата на Украина и прогласија анексија на четири украински провинции, иако Москва целосно не контролира ниту една од нив.

Зеленски предложи формула за мир и предлог за неговиот „план за победа“ врз основа на повлекување на руските трупи од Украина

The post Зеленски бара Крим да се врати на Украина appeared first on Република.

Собранието на Република Македонија денеска ќе ја одржи новата 19.седница.

Пред пратениците како точка од дневниот ред на оваа седница е и Предлог на закон за изменување и дополнување на Законот за минимална плата во Република Македонија, поднесен по скратена постапка од пратениците на СДСМ. Со законското решение се очекува висината на минималната плата во Република Македонија да изнесува 27.700 денари во нето износ. Како што се посочува во законското решение објавено на собраниската веб страна, примената се очекува да започне да се применува со исплатата на плата за месец ноември 2024 година која ќе се исплати во месец декември 2024 година. Спроведувањето на овој закон ќе предизвика финансиски импликации врз Буџетот на Република Македонија во висина од 93.000.000 денари.

На дневен ред е Предлог на законот за изменување и дополнување на Законот за данокот на додадена вредност, поднесен од пратениците на СДСМ по скратена постапка. Со Предлог-законот се зголемува стандардот на граѓаните, им се овозможува поголема потрошувачка кошничка на најранливата категорија на граѓани. Со законските измени се очекува основните производи за човечка исхрана да се ослободуваат од повластена даночна постапка од 5 проценти. - Со членот 2 се воведува нов член 30-г со кој се уредува дека основните производи за човечка исхрана се ослободуваат од плаќање на данок на додадена вредност врз прометот и увозот и дека Владата ги определува поблиските добра и услуги кои спаѓаат во оваа категорија.

Во прво читање на ова седница се - Предлог на законоѕ за изменување и дополнување на Законот за акцизите, Предлог на законот за изменување и дополнување на Законот за Посебен регистар за лица осудени со правосилна пресуда за кривични дела за сексуална злоупотреба на малолетни лица и педофилија, Предлог на законот за изменување и дополнување на Законот за културата, Предлог на законот за изменување и дополнување на Законот за матичната евиденција, Предлог на закон за изменување и дополнување на Законот за јавна чистота, Предлог на законот за изменување и дополнување на Законот за гробишта и погребални услуги, Предлог на законот за изменување и дополнување на Законот за комуналните дејности. Во второ читање - Предлог на законот за дополнување на Законот за концесии и јавно приватно партнерство и Предлог на законот за изменување на Законот за меѓуопштинска соработка и Предлог на законот за изменување и дополнување на Законот за рамномерен регионален развој, по скратена постапка.

Исто така, пред пратениците се и Годишниот извештај за работата на Државниот совет за превенција на детско престапништво и за состојбите во областа на правата на детето и детското престапништво за 2023 година и Финансискиот план на Јавно радиодифузно претпријатие Македонска радио телевизија за 2025 година

The post Предлог-законот за за минимална плата пред пратениците appeared first on Република.

Денеска цело Скопје остана без јавен превоз и вистинска умешност е да се стигне на работа за тие што немаат автомобил. Доцнат и учениците за на училиште.

Бесот се искажува на социјалните мрежи а се најавуваат и протести.

Недостигот на нафта веќе неколку недели го попречува нормалното функционирање на ЈСП и предизвика сериозен проблем на транспортот на учениците и на вработените во главниот град.

Од ССМ ЈСП Скопје за МИА рекоа дека нема дистрибуција на нафта од „Пуцко Петрол“ за ЈСП „Скопје“ поради голем долг.

Африм Муча, претседател на Независниот синдикат на возачите во ЈСП, вели дека состојбата е многу сериозна, дури и алармантна, бидејќи речиси 70 проценти од возилата се паркирани.

Град Скопје ја префрла топката кон ЈСП, нагласувајќи дека се работи за смислено сценарио од страна на ВМРО-ДПМНЕ со цел пропаѓање на претпријатието.

The post Нема јавен превоз низ цело Скопје appeared first on Република.

Украина за првпат истрела проектили „Сторм шедоу“ доставени од Велика Британија кон Русија, објавија денеска британските медиуми. Потегот на украинските сили е откако Киев доби зелено светло од Лондон за употреба на тој вид оружје.

Неколку проектили биле лансирани против најмалку една руска воена цел, објави Фајненшл тајмс, цитирајќи неименуван западен претставник.

Тајмс соопшти дека владини извори ја потврдиле употребата на ракетите со голем дострел за првпат. Во извештајот, цитирајќи руски канали, се вели дека 12 од проектилите биле истрелани во Курск, пограничен регион делумно под контрола на украинските сили, денеска попладне.

Гардијан објави дека Велика Британија и дала дозвола на Украина да ги користи ракетите во Русија како одговор на распоредувањето на севернокорејските трупи на границата.

Радиодифузерите Скај Њуз и Би-Би-Си, исто така, јавија за употреба на ракетите.

Кабинетот на премиерот Кир Стармер во Даунинг стрит и Министерството за одбрана одбија да ги потврдат извештаите кога беа контактирани од локални и странски медиуми.

Запрашан денеска во парламентот за извештаите, секретарот за одбрана Џон Хили рече дека „не може да навлегува во други оперативни детали“.

Тој развој на настаните се случува откако Украина почна да користи ракети со голем дострел ATACMS што ги доби од САД, а за чие користење неодамна доби дозвола од американскиот претседател во заминување Џозеф Бајден, да гаѓа цели во Русија.

Во меѓувреме, Бајден одобри САД да испратат нагазни мини во Украина, за што известуваат и светските медиуми.

САД го засилија испраќањето воена помош за Украина за да го забават постојаниот напредок на руските сили на бојното поле.

Војната во Украина започна во февруари 2022 година, со инвазијата на таа земја од страна на руските трупи.

Русија сега контролира околу 17 отсто од територијата на Украина.

The post Британски медиуми: Украина истрела британски проектили со голем дострел врз цели во Русија appeared first on Република.

Вршителот на должноста лидер на Хамас, Калил ал Хаја, во интервју за ТВ Ал Акса изјави дека нема да има договор за размена на заложници за затвореници со Израел додека не заврши војната во Појасот Газа.

„Зошто е до отпорот, а поконкретно на Хамас, да ги врати затворениците (заложниците) ако агресијата не престане“, праша Хаја. „Како може разумен или луд човек да ја изгуби силната карта што ја има додека трае војната“, додаде тој.

„Не може да има размена на заробеници додека не заврши војната“, нагласи Хаја, кој го предводи тимот на Хамас вклучен во разговорите со посредство на Катар и Египет. Тој го обвини израелскиот премиер Бенјамин Нетанјаху за недостатокот на напредок во напорите за постигнување договор.

„Во моментов се остваруваат контакти со некои земји и посредници со цел да се обноват преговорите. Подготвени сме да продолжиме со тие напори, но поважно е да се види вистинска волја од страна на окупацијата да се стави крај на агресијата“, рече Хаја..

„Реалноста докажува дека Нетанјаху е тој што го поткопува процесот“, додаде лидерот на Хамас.

The post „Хамас“: Нема договор за размена на заложници додека Израел не стави крај на војната во Газа appeared first on Република.

Дозволете, да Ве информирам дека утрово беше остварен телефонски разговор со госпоѓата Радмила Шекеринска-Јанковска. Во разговорот ѝ е упатена покана за средба со цел да ѝ го честитам изборот за заменик-генерална секретарка на НАТО.
На предлог на госпоѓата Шекеринска, средбата ќе се одржи во петок, во 10 часот.
Сметам дека е најдобро лично да ѝ изразам честитки за престижната функција, која е од големо значење, не само за неа, туку и за државата, објави Претседателката Гордана Сиљановска Давкова.

The post Престижната функција е од големо значење за целата држава: Сиљановска Давкова лично ќе и честита на Шекеринска appeared first on Република.

Напишано рачно на кирилично писмо на бел лист А4 формат. Испратена преку затворот, а не преку неговиот бранител, Влатко Кекишев во писмо напиша дека се кае што посочил лажен убиец на Вања и Панче, но пишува дека тогаш се плашел. Во изјавата напишана пред два дена, а доставена до судечкиот совет вели дека извршител на убиствата е Велибор Манев. На крајот од писмото стои неговиот потпис.

Исто и јас како и вие денес за прв пат се запознав со дадената изјава која беше доставена и до нас како бранители преку судот. Истиот има напишано некаква изјава но не би сакал да ја коментирам содржината, имајќи предвид дека ниту потписот е негов дали истиот своеволно ја има пишано или не сакам да помислам дека некоја присилба или закана имало за таква изјава. Во однос на содржината ќе разговарам со него па ќе ве известам и вас - рече Дејан Ефремов, адвокат на Влатко Кешишев.

На крајот на процесот секако ќе има соочување помеѓу сите нив. Значи како би ја коментирал…би ја коментирал едноставно во ваков предмет не е совесно еднаш да се изјавува едно, друг пат да се изјавува друго, вели Марјан Витанов, адвокат на Палчо.

Во изјавата Кешишев пишува дека за време на убиствата, Палчо спиел во штабот на „Десна“ и не бил со нив.

Инаку Кешишев и Манев се тие што првично го посочија Палевски како извршител на убиствата. Кешишев ја однесе полицијата до местото каде е закопано девојчето, а Манев до местото каде бил убиен Жежовски.

The post Пресврт во случајот за убиствата на Вања и Панче: Кешишев со писмо обелодени дека Велибор Манев е убиецот, а не Палчо appeared first on Република.

Претседателот на Република Српска Милорад Додик рече со одлуката на американскиот претседател во заминување Џо Бајден и неговата администрација да и дозволат на Украина да ја нападне Русија со американски ракети АТАКМС му го загорчил животот на Доналд Трамп.

Додик истакна дека по одлуката на Бајден секој нормален човек сега е позагрижен од порано.

Секој нормален човек сега е повеќе загрижен за можната ескалација, обемот и карактерот на војната отколку пред неколку дена. Пред неколку дена мислам дека имаше општо очекување дека ќе има прекин на непријателствата и дека новата американска администрација ќе може да направи нешто околу тоа, но сега гледаме дека сегашната и администрацијата во заминување и дадоа дозвола на Украина да цел на руските територии со ракети со долг дострел. Јас лично можам да кажам дека Русија има право да се брани и јасно кажа како ќе се справи со овие прашања. Не сум среќен што некој донел одлука да го направи тоа, не сум среќен што тие ракети се истрелани, но Русија има суверено право да ја брани својата територија и таа ќе одреди како ќе го направи тоа - рече Додик.

Тој ја коментираше и можната нуклеарна ескалација.

Претпоставувам дека во краен случај може да дојде до нуклеарна ескалација. Не верувам дека е можно во моментов, но исто така мислам дека се зависи од тоа како ќе се користи. Очигледно, сегашната американска администрација сакаше да му го отежне животот на новиот претседател Доналд Трамп и неговите најави дека може да има брзо решение на прашањето. Ова е сериозен товар за евентуален договор за такво прашање - рече Додик.

The post Додик: Бајден му го загорчи животот на Трамп со одлуката за Украина, сега секој човек треба да биде позагрижен appeared first on Република.

Денеска јавниот превоз во Скопје, колабираше. Поради недостиг на гориво, повеќето автобуси останаа во гаража, а граѓаните ги опслужуваа само 25 автобуси, што беше причина на постојките да се чека и повеќе од час. Граѓаните револтирани, измрзнати, нервозни незнаеја како да стасаат на училиште, на работа или дома. И овој проблем не е актуелен само денеска. Напротив, утре најверојатно Скопје ќе остане без ниту еден автобус на терен, доколку автобусите не добијат нафта до вечер или утре изутрина, најавуваат од Независниот синдикат на возачи.

Револтирани се сите, па и студентите.

Универзитетско студентско собрание при Универзитетот ,,Св. Кирил и Методиј’’ во Скопје попладнево испрати соопштение во кое има голем број поплаки од состојбата во која се наоѓаат студентите поради нередовниот превоз. Претседателот на Универзитетското студентско собрание (УСС) на УКИМ, Александар Николоски бара итно воспоставување на редовните линии и враќање во нормала на функцијата на јавниот превоз и воведување на нови и ефикасни транспортни решенија. Нивните барања се упатени на адреса на градоначалничката Данела Арсовска и на Јавното сообраќајно претпријатие Скопје. Ако не се најде решение за јавниот превоз и над 28.000 студенти ќе излезат на протест и ќе им се приклучат на граѓаните кои веќе најавија дека во петок излегуваат на улица.

Данела Арсовска и и Јавно сообраќајно претпријатие Скопје, по спроведената анкета на која

одговорија над 3.150 студенти, 84% од нив во последните денови чекаат автобус повеќе од 15 минути, а 65,9% од нив, чекаат автобус над 20 минути. Дополнително, 93,4% од студентите не се задоволни од квалитетот на јавен градски превоз во градот, а 65,9% од истите воопшто не се задоволни од истиот. Затоа, по добиените бројни интерни поплаки од страна на студентите за време на одржување на колоквиумска недела и предавања при Универзитетот ,,Св. Кирил и Методиј’’ – Скопје и спроведената анкета за евидентната катастрофална положба во која што се наоѓа градскиот превоз, нередовност на линии, неисправност на автобуси, долго чекање на постојки, која секојдневно го нарушува студенскиот стандард“, се вели во реакцијата на УСС на УКИМ.

Оттаму го доставија следниот ултиматум кој ви го пренесуваме во целост:

Јавното Сообраќајно Претпријатие Скопје и градоначаlni;kata на град Скопје, Данела Арсовска до крајот на утрешниот ден 21.11.2024 да воспостават итна и неодложна редовност на автобуските линии и враќање во нормална функција на јавниот градски превоз во град Скопје со цел зачувување на интегритетот на студентите и студентскиот стандард. Доколку не се добие повратен одговор на ова барање и не се регулира сообраќајниот режим, како легитимно тело кое претставува над 28.000 студенти при Универзитетот ,,Св. Кирил и Методиј’’ во Скопје, Универзитетското студентско собрание ќе се приклучи масовно на организираниот протест во петок 22.11.2024 со цел изразување на огромното незадоволството од менаџирањето на Јавното Сообраќајно Претпријатие Скопје- Скопје.

Дополнително, испраќаме силен апел за воспоставување на нови и ефикасни транспортни решенија и конечно отпочнување на предвидените инфраструктурни проекти најавени од ваша страна и вашиот тим во градоначалничката предизборна програма, но и од страна на претходните градоначалници.

Конкретно, барањата се следните: продолжување и финализирање на проектот за Bus Rapid Transit, воведување на градска железница со искористување на постоечките капацитети и изградба на пруга до Аеродромот Скопје, отпочнување и финализирање на предвидените инфраструктурни проекти (Јужен Булевар, бул. Хрватска, бул. Србија, мостот кај Хотел Русија, продолжување на бул. Климент Охридски преку Вардар, под Кале до бул. Никола Карев, продолжување на бул. Илинден, Источна обиколница), набавка на нови автобуси и отворање на нови автобуски линии, надградба на велосипедската инфраструктура и промоција и поддршка на алтернативни видови на транспорт.

Доколку не можете да ги исполните ветувањата дадени во програмата, но и силните барања на граѓаните на вашиот Град, оставката секогаш е отворена опција“.

Градоначалникот на Општина Шуто Оризари, Курто Дудуш денеска преку соопштение упати поддршка до своите сограѓани за организација на голем сенароден протест пред просториите на Град Скопје, со цел изразување на незадоволството од нефункционирањето на јавниот сообраќаен превоз.

The post Доколку до изутрина нема нафта за автобусите, Скопје утре ќе остане без градски превоз appeared first on Република.

Украина за првпат лансираше британски ракети „Сторм сенка“ со долг дострел на руска територија, објавуваат западните медиуми, повикувајќи се на неименуван западен претставник.

Портпаролот на британскиот премиер Кир Стармер рече дека неговата канцеларија нема да коментира за извештаи или оперативни прашања.

Велика Британија претходно му порача на Киев дека може да користи крстосувачки ракети „Сторм шедоу“ на украинска територија, но владата веќе неколку месеци врши притисок врз Соединетите држави да дозволат нивна употреба против цели во Русија.

Американскиот претседател Џо Бајден оваа недела и дозволи на Украина да користи оружје со долг дострел за напади во Русија.

The post Украина за првпат лансираше британски ракети со долг дострел на руска територија appeared first on Република.

Силна подршка за капиталните проекти и унапредување на инфраструктрурата, беа теми на средбата меѓу заменик претседателот на Владата и министер за транспорт Александар Николоски и делегацијата од Европската банка за обнова и развој предводена од Матео Колањели, регионален директор на Банката за Западен Балкан.

На средбата се разговараше за финансиската подршка за реализација на капиталните проекти со посебен фокус на изградба на автопатот Скопје – Блаце, изградба на брза пруга на коридор 10 како и доизградба на пругата на коридор 8.

Вицепремиерот и министер за транспорт Николоски ја потенцираше решителноста на Владата за реализација на овие проекти и нагласи дека од големо значење е вклученоста на ЕБОР во подобрување и рационализација на проектите на ниво на изводливост се со цел утврдување на најсоодветните варијанти за нивна изградба.

На средбата, исто така се разговараше и за динамиката за изградба на проектите, при што министерот Николоски истакна дека во перидот што следи, Владата ќе ги забрза постапките за реализација.

Денешната средба со ЕБОР беше конструктивна и во насока на изнаоѓање заеднички решенија се со цел да изградиме квалитетен автопат, притоа тој да биде со реални цени, а не како што претходно било планирано и секако да нема штета по буџетот и граѓаните. Работната група работи на изнаоѓање на нова траса и очекувам во скоро време да имаме нова траса поевтина од претходно понудената- истакна министерот Николоски по средбата.

Министерот Николоски додаде дека Македонија е силно посветена на регионалното поврзување и економскиот развој и во таа насока има силна волја во завршување на крупните инфраструктурни проекти.

The post Вицепремиерот Николоски на средбa со претставници од ЕБОР: Владата е решителна да ги заврши проектите во патната и железничката инфраструктура appeared first on Република.

Коста К., малолетникот кој на 3 мај 2023 го изврши масовното убиство во основното училиште Владислав Рибникар во Белград убивајќи девет врсници и чувар, од денес има статус на оштетен во судската постапка против своите родители, пренесуваат српските медиуми.

Како што изјави Ирина Боровиќ, бранителката на родителите на Коста К., обвинети се за кривично дело занемарување и злоставување малолетно лице. „Тој доби статус на оштетен бидејќи делата за кои се товарат неговите родители се однесуваат на него и штетата која со тоа му е нанесена“, објасни Боровиќ.

Владимир К., таткото на момчето убиец, ги негираше обвинувањата за злоставување и занемарување дете поради кои тој и сопругата се обвинети од Високото јавно обвинителство во Белград. Покрај тоа, тој одбил да одговара на прашања на обвинителот и адвокатот, пренесува Танјуг. Следното рочиште е закажано за 9 декември.

Обвинителството, според српските медиуми, го проширило обвинението, со кое Владимир К. се обвинува за тешко кривично дело против општата безбедност, додека Милијана К., мајката на малолетниот Коста К., е обвинета за кривично дело недозволено чување и носење оружје.

Таа се брани од слобода, додека нејзиниот сопруг е во притвор од апсењето на 3 мај минатата година. Проширеното обвинение следеше по испрашувањето на малолетниот Коста К.

Како што јавуваат српските медиуми, во овој процес им се суди на родителите на момчето, како и на инструкторот на стрелиште Немања М., кој е обвинет за кривично дело давање лажен исказ.

The post Момчето убиец од Србија денес доби статус на „оштетен“, неговите родители се обвинети за занемарување appeared first on Република.

Европскиот парламент се согласи да ги одобри сите седум кандидати за комесари, кои не добија зелено светло за извршување на тие функции по сослушувањата пред надлежните комисии, пренесува Политико, повикувајќи се на четворица претставници на ЕП и политички функционери.

Со тоа ќе се стави крај на ќорсокакот во процесот на одобрување кандидати за еврокомесари, што настана меѓу политичките фракции во однос на составот на новата Европска комисија.

Политичката групација на социјалистите и демократите не беше задоволна од одлуката на извршниот потпретседател на италијанската Комисија за кохезија и реформи Рафаела Фито да и се даде толку висока функција, додека Европската народна партија ја доведе во прашање соодветноста на шпанскиот кандидат за извршен потпретседател за фер и конкурентна транзиција Тереза ​​Рибера за таа позиција.
Претходно, вршителот на должноста портпаролка на ЕП, Делфин Колард, најави дека вечерва во 19 часот ќе се сретнат претседателите и координаторите на политичките групи на надлежните комисии за да продолжат со оценувањето на кандидатурите на Оливер Вархеји, Рафаел Фит, Каја Калас, Роксана Минзата, Стефан Сежурн, Хена Виркунен и Тереза ​​Рибера.

Во Европскиот парламент од 4 до 12 ноември се одржаа сослушувања на кандидатите за комесари, на кои 19 од 26 кандидати добија зелено светло од надлежните комисии на ЕП за својата работа, меѓу кои и кандидатката за еврокомесарка за проширување Марта Кос од Словенија.

На одобрување и понатаму чекаат унгарскиот кандидат за комесар за здравје и благосостојба на животните Оливер Вархеји и сите шест кандидати за извршни потпретседатели Тереза ​​Рибера, Рафаела Фито, Стефан Сежурне, Хена Виркунен, Роксана Минзату и Каја Калас, која исто така е назначена за висок претставник на ЕУ за надворешни работи политика и безбедност.

Европскиот парламент треба да гласа за целиот состав на Европската комисија за време на пленарната сесија, што ќе се одржи од 25 до 28 ноември во Стразбур.

Новата ЕК би можела да почне со работа на 1 декември.

The post Политико: ЕП ги одобри преостанатите седум кандидати за комесари, вклучувајќи ја и Каја Калас appeared first on Република.

Последните податоци на Вашингтонскиот институт за проучување на војната покажуваат дека Русија оваа година освоила речиси шест пати повеќе територии отколку во 2023 година. Руската армија прави „сериозни чекори“ кон заземање на клучните украински логистички центри во источниот регион Донбас, јавува британски Би-Би-Си.

Украинците во Курск не напредуваат доволно, откако летово тие го нападнаа овој регион, а руските трупи по првичниот шок и губење на територијата ја свртија ситуацијата.

Би-Би-Си известува дека многу аналитичари се сомневаат во успехот на офанзивата, а еден ја нарече „стратешка катастрофа“ со оглед на недостигот на „работна сила“, односно војници, со кој се соочува Украина.

За Украинците, времето на оваа акција е исто така контроверзно. Со приближувањето на Доналд Трамп до Белата куќа, имаше се поголема неизвесност за исходот на војната започната во 2022 година. Трамп вети дека ќе стави крај на војната кога ќе ја преземе функцијата во јануари, што некои стравуваат дека ќе значи намалување или прекинување на идната воена помош за Украина.

Во првите неколку месеци од војната, линијата на фронтот се движеше брзо, а Русија брзо освои територии пред украинската контраофанзива. Минатата година ниту една страна не постигна значителен успех, а завојуваните страни, исто како Французите и Германците во Првата светска војна, беа закопани во ровови и во ќор-сокак.

Сепак, новите податоци од Институтот за проучување на војната покажуваат промена во текот на 2024 година кога Русите тргнаа напред.

Досега оваа година руските сили окупираа околу 2.700 квадратни километри територија на истокот на Украина, во цела 2023 година освоија само 465, односно шест пати помалку.

Постои реална можност источниот фронт на Украина „навистина да се сруши“, вели д-р Марина Мирон, соработник на Кралскиот колеџ во Лондон, пренесе Би-Би-Си.

Руските сили окупираа повеќе од 1.000 квадратни километри меѓу 1 септември и 3 ноември, што покажува дека воениот притисок на руските сили е зголемен. Позициите на Украинците се загрозени, особено околу Купјанск и Покровско.

Во неодамнешното ажурирање на разузнавачките служби, британското Министерство за одбрана соопшти дека руските сили се обидуваат да го заземат градот Купјанск и да протуркаат во североисточните предградија.

По заземањето на Угледар на јужниот Донецки фронт, Русите тргнале кон Курахово. Украинските сили кои го бранат градот досега одбиваа напади од југ и исток. Но, линијата на фронтот е се поблиску до градот. Руските сили се приближија и кон Курахово од север и северозапад. На Украинците им станува сè потешко да ги задржат првите редови.

The post Русија оваа година освоила речиси шест пати повеќе територии отколку во 2023 година appeared first on Република.

САД ќе обезбедат нов пакет воена помош за Украина во вредност од 275 милиони долари, соопшти американското Министерство за одбрана.

Пакетот вклучува муниција за систем за ракетни фрлачи (ХИМАРС), кој има дострел од околу 80 километри. Во пакетот се вклучени и дронови, противтенковско оружје, артилериска муниција од 105 и 155 милиметри, соопшти Пентагон.

САД се најголемиот снабдувач на оружје за Украина. Според податоците на Пентагон, од февруари 2022 година во Украина испратена е воена помош со вкупна вредност од над 60,4 милијарди долари.

The post САД со нова воена помош за Украина во висина од 275 милиони долари appeared first on Република.

Дозволата од американскиот претседател Џо Бајден, Киев да гаѓа длабоко во руска територија со американски ракети со долг дострел, ги става во опасност животите на сите Американци, вели американскиот новинар Такер Карлсон.

Претседателот во заминување, Џо Бајден, штотуку започна војна со најопасната земја во светот. Сите сме многу блиску до смртта. Сепак, некако републиканскиот претседател на Претставничкиот дом не го ни спомна, на јавни или на лидерски средби. Што се случува? – праша тој на Икс.

A lame duck president just started a hot war with the world’s most dangerous country. All of us are very close to being killed. Yet somehow the Republican Speaker of the House hasn’t even mentioned it, in public or in leadership meetings. What is going on? https://t.co/91Hx4wohVt

— Tucker Carlson (@TuckerCarlson) November 20, 2024

Ако САД престанат да го поддржуваат Киев, Украина ќе ја загуби војната против Русија, изјави украинскиот претседател Владимир Зеленски.

Во интервју за Фокс њуз, тој рече дека, иако Украина има сопствено производство на оружје, тоа не е доволно и дека Киев ќе продолжи да се бори без оглед на одлуката на САД.

The post Сите сме многу блиску до смртта: Карлсон ги предупреди Американците appeared first on Република.