Коста К., малолетникот кој на 3 мај 2023 го изврши масовното убиство во основното училиште Владислав Рибникар во Белград убивајќи девет врсници и чувар, од денес има статус на оштетен во судската постапка против своите родители, пренесуваат српските медиуми.

Како што изјави Ирина Боровиќ, бранителката на родителите на Коста К., обвинети се за кривично дело занемарување и злоставување малолетно лице. „Тој доби статус на оштетен бидејќи делата за кои се товарат неговите родители се однесуваат на него и штетата која со тоа му е нанесена“, објасни Боровиќ.

Владимир К., таткото на момчето убиец, ги негираше обвинувањата за злоставување и занемарување дете поради кои тој и сопругата се обвинети од Високото јавно обвинителство во Белград. Покрај тоа, тој одбил да одговара на прашања на обвинителот и адвокатот, пренесува Танјуг. Следното рочиште е закажано за 9 декември.

Обвинителството, според српските медиуми, го проширило обвинението, со кое Владимир К. се обвинува за тешко кривично дело против општата безбедност, додека Милијана К., мајката на малолетниот Коста К., е обвинета за кривично дело недозволено чување и носење оружје.

Таа се брани од слобода, додека нејзиниот сопруг е во притвор од апсењето на 3 мај минатата година. Проширеното обвинение следеше по испрашувањето на малолетниот Коста К.

Како што јавуваат српските медиуми, во овој процес им се суди на родителите на момчето, како и на инструкторот на стрелиште Немања М., кој е обвинет за кривично дело давање лажен исказ.

The post Момчето убиец од Србија денес доби статус на „оштетен“, неговите родители се обвинети за занемарување appeared first on Република.

Безбедносната ситуација во Србија е стабилна, но оптоварена со бројни надворешни и внатрешни предизвици, изјави министерот за внатрешни работи Ивица Дачиќ по денешната седница на Советот за национална безбедност со која претседаваше претседателот Александар Вучиќ, јави дописникот на МИА од Белград.

Дачиќ рече дека на седницата се разговарало за геополитичките предизвици со кои се соочува Србија, како и за безбедносната состојба во регионот.

„Ситуацијата во светот, и покрај тоа што е нестабилна, сè повеќе води кон тоа дека треба да се подготвиме за секакви случувања на ситуацијата. Тоа значи дека треба да обезбедиме доволно резерви и капацитети за да може Србија да да опстанеме во смисла на функционирање на животот, но и да водиме успешна надворешна политика која ќе ни овозможи да не трпиме последици од конфликти на геополитички план, рече Дачиќ.

Тој рече и дека на седницата се разговарало и за безбедносната состојба на Косово, која, според Националниот совет за безбедност, е оптоварена со екстремистичката политика на властите во Приштина со цел да ги протераат Србите од таа област.

Говорејќи за последните протести во Србија, Дачиќ рече дека Уставот и законите дозволуваат мирни јавни собири, но дека нема да се толерира нарушување на јавниот ред и мир и загрозување на функционирањето на државните институции, особено напади врз полицијата.

-Ова нема врска со политички ставови, туку со насилство, ќе бидат поднесени кривични и прекршочни пријави за секој кој ќе употреби насилство, ќе уништи државен и општествен имот и ќе ги загрози животите на полицијата, односно функционерите. Државата ќе биде посилна од сите предизвици, додаде Дачиќ.

Претседателот на Србија, Александар Вучиќ, денеска по седницата на Советот за национална безбедност изјави дека Владата ќе направи се за да ја зачува безбедноста на граѓаните на Србија во сложени геополитички околности.

-Со членовите на Советот за национална безбедност разменив информации за безбедносната состојба во Србија, а разговаравме и за актуелните настани, како кај нас така и во светот. Во овие сложени и не лесни геополитички превирања ќе дадеме се од себе да ја зачуваме безбедноста и сигурноста на нашите граѓани и нашата Србија, напиша Вучиќ на социјалната мрежа Инстаграм.

The post Дачиќ по седницата на Советот за национална безбедност: Протестите немаат врска со политика, туку со насилство appeared first on Република.

Јелена Танасковиќ, в. д. директорка на Железничката инфраструктура на Србија, поднесе оставка поради трагедијата на железничката станица во Нови Сад во која загинаа 15 лица, а уште две беа тешко повредени, јави дописникот на МИА од Белград.

Од мај 2024 година, Јелена Танасковиќ ја извршува функцијата в.д директор на Железничката инфраструктура на Србија.

Во претходниот мандат на Владата на Србија, Танасковиќ ја извршуваше функцијата министер за земјоделство, шумарство и водостопанство.

Пред тоа, од 2020 до 2022 година, таа беше државен секретар во Министерството за заштита на животната средина, додека во периодот од 2018 до 2020 година беше државен секретар во Министерството за финансии.

Таа беше и градски секретар за финансии на Град Белград од 2017 година.

Да потсетиме, претходно денеска оставка поднесе и министерот за внатрешна и надворешна трговија Томислав Момировиќ.

Претседателот на Србија, Александар Вучиќ вчера изјави дека поради трагедијата во Нови Сад очекува оставки во Владата и на други места и мерки од обвинителството што е можно поскоро.

На 5 ноември, четири дена по падот на настрешницата на железничката станица „Нови Сад“, оставка поднесе и поранешниот министер за градежништво, транспорт и инфраструктура, Горан Весиќ.

The post Падна уште една оставка: Директорката на Железничката инфраструктура на Србија понесе одговорност appeared first on Република.

На Светскиот ден на детето - 20 ноември, на северот на Косово се појавија фотографии од деца жртви на тортура од Албанци.

На фотографиите се прикажани деца кои доживеале тортура и малтретирање од страна на Албанци.

На секоја од нив е испишан денешниот датум, со потсетување дека денеска е Светски ден на детето, додека на дното на фотографиите се напишани имињата на повредените со датуми и опис на она што се им случило на тој ден.

The post На Косово се појавија фотографии од српски деца-жртви на албанска тортура appeared first on Република.

Во Нови Сад од утрово се во сила силни безбедносни мерки по вчерашните протести кои продолжија и денеска.

Пред судот се претставници и советници на опозицијата Мариника Тепиќ, Борислав Новаковиќ, Павле Грбовиќ, Борко Стефановиќ, Александар Јовановиќ Ќута, Радивоје Јововиќ, Миран Погачар, Младин Цвијетиќ и други.

Тие во еден момент го развиориле знамето на Србија и направиле човечки синџир пред судот.
Претставникот на Еколошкото востание Александар Јовановиќ Ќута за ТВ Нова од Нови Сад изјави дека „ова е воена состојба што ја објави Вучиќ“, алудирајќи на полицискиот кордон лоциран на Стариот Савски мост во Белград.

Неговиот колега од опозицијата Срѓан Миливојевиќ им се обрати на полицајците и рече дека „во четврток ќе почнат да ги читаат имињата на инспекторите кои незаконски апселе граѓани со пиштоли фантомки“.

„Ќе им ги дадеме имињата на партнерите од цивилизираниот свет, не заборавајте дека таквите мерки имаа ефект. Порака за обвинителството – нека си одат сите“, рече тој.

Срѓан Миливојевиќ и другите влегле во судот преку излезната врата и сега се внатре со полиција, пишува порталот 021.

The post Утрово блокиран и новосадскиот суд, пратеници влегоа во институцијата appeared first on Република.

Албанскиот парламент вечерва само со гласовите на владејачкото мнозинство го донесе буџетот за следната година.

По 23 -часовна расправа буџетот беше донесен  со 75 гласови "за". Против гласаа 40 пратеници од опозицијата, кои во текот на целата расправа обвинуваа дека буџетот е анти-социјален и оти државата ја "втурнува во се подлабока криза".

Опозицијата, која организираше и протест пред парламентот, на Еди Рама  му порача дека ова е негов последен буџет, зашто " албанските граѓани ќе му пресудат на пролетните парламентарни избори".

Буџетот  проектиран на 822,7 милијарди лека или 8,2 милијарди евра, што е за 600 милиони евра повисок во однос на оваа календарска година и е историски највисок.

Владата со буџетот предвидува да продолжи со финансирање, во значителен обем, на јавни инвестиции во просек од 6,1 отсто од Бруто домашниот производ, кои ќе бидат насочени кон финансирање на проекти од стратешко значење и поврзани со планот за раст на ЕУ.

Планираните расходи се однесуваат на дигитализацијата, транспортот, националната безбедност, здравството, образованието и земјоделството и руралниот развој.

Буџетските приходи за 2025 година се предвидени на 7,5 милијарди евра или 28,8 отсто од БДП.

Се предвидува задолжување на странскиот пазар со еврообврзница во износ од 600 милиони евра.

Се предвидува и значително намалување на нивото на јавниот долг на околу 55,8 отсто во 2025 година.

За следната година е предвиден фонд за индексирање на пензиите во износ од 1,6 милијарди лека, додека за новогодишен бонус за пензионерите планирани се 3,75 милијарди лека.

Економијата на земјата се очекува да се зајакне во среднорочниот период 2025-2027 година, во просек на ниво од 3,9 отсто, главно под влијание на инвестициите во градежништвото, како и на туризмот, како стратешки сектор.

The post Албанскиот Парламент го изгласа буџетот за 2025 година, тежи 8,2 милијарди евра appeared first on Република.

Специјалниот апалециски суд против организиран криминал и корупција во Тирана, го отфрли барањето за поблаги мерки, со што поранешниот албански претседател и лидер на опозициската Партија на слободата, Илир Мета, останува во затворски притвор.

Судот исто така ја потврди и мерката " обврска за јавување" за неговата сопруга, со која се во процес на развод, и пратеничка, Моника Круемади.

По налог на Специјалното обвинителство против организиран криминал и корупцијата (СПАК), Мета беше уапсен на 21 минатиот месец. Два дена подоцна му беше изречена мерка затворски притвор, која ја издржува во затворот "313" во Тирана, кој се смета за затвор со висока безбедност.

Мета беше претседател на Албанија од 2017 до 2022 година, а ја извршуваше и функцијата премиер, претседател на парламент, министер за надворешни работи.

Мета и Круемади се обвинети од СПАК дека при вршење на должноста во минатото биле вмешани во корупција, перење пари и непријавување имот.

Специјалните обвинители тврдат дека истрагите покажале дека тие ја искористиле својата моќ за да го фаворизираат свои луѓе и од нив добивале парична средства и недвижен имот.

По излегувањето од  судот, каде расправата траеше неколку часа, Круемади изјави дека аргументите на обвинителите на СПАК се засновани на фалсификат.

Адвокатот на Мета,  Генц Ѓокутај пред новинарите изјави дека сега ќе се жалат и до Врховниот суд, а доколку има потреба и до меѓународните судови.

The post Илир Мета останува во затворски притвор, најави жалба до Врховниот суд appeared first on Република.

Претседателот на Србија, Александар Вучиќ, вечерва изјави дека „уште утре“ се очекуваат нови оставки во врска со несреќата во Нови Сад, кога при пад на бетонска настрешница на Железничката станица загинаа 15 лица.

„Утре очекувам нови оставки во владата и на други места и сигурен сум дека надлежното обвинителство во најбрз можен рок ќе преземе мерки“, нагласи Вучиќ.

Вучиќ изрази сочувство до семејствата на жртвите и рече дека „државата ќе помогне максимално“.

„Сакам да им порачам на луѓето во Србија дека одговорноста не може да се избегне. Некогаш носиш политичка одговорност и кога си целосно невин и кога се ти се случува случајно, но мора да има значителна одговорност во кривичното право, затоа што 15 луѓе не загинале по своја вина, туку затоа што некој не си ја завршил работата доволно добро“, рече тој.

Вучиќ изјави дека новата стратешка цел на Владата е да ги исполни сите критериуми за членство во ЕУ до крајот на 2026 година.

Во обраќањето до јавноста тој додаде дека тоа е „амбициозна задача“, исто како и проектот Експо 2027.

„Целта е да ги исполниме сите критериуми за членство во ЕУ до крајот на 2026 година. Не велам дека ќе влеземе во ЕУ во 2026 или 2027 година, тоа не зависи од нас туку од Европејците, ние да ги исполниме сите критериуми тоа е неверојатно амбициозна задача, амбициозна како Експо, и не мислам само на градилиштето на Експо, туку на сето она што ќе го претставам денес“, рече Вучиќ.

The post Вучиќ најави „уште утре“ оставки во Владата и на други места appeared first on Република.

Канцеларијата на Европската унија во Косово реагираше на односот кон Уставниот суд на Косово од страна на премиерот Албин Курти, кој минатата недела изјави дека Судот со доцнењето во постапувањето со законите и нивното уривање „ги блокира позитивните и прогресивни реформи“ на неговата Влада, јави дописникот на МИА од Приштина.

Во изјава за телевизијата РТВ21, Мисијата на ЕУ во Приштина нагласува дека „Уставниот суд има фундаментална улога да обезбеди владеење на Уставот и да ги заштити основните права и принципи во него“ и дека „независноста на судството е камен-темелник на владеењето на правото и суштински критериум за секое демократско општество“.

„Уставниот суд служи како највисок орган во разгледувањето на законите поднесени на ревизија. Неговите одлуки мора да бидат почитувани од сите за да се обезбеди ефективно функционирање на поделбата на власта и да се зајакне системот на проверки и рамнотежи. Додека е признаено дека Уставниот Судот мора да биде независен и ослободен од политички притисок, исто така неопходно е да се нагласи дека судството не е имуно на толкувања или отворена дискусија, под услов да е конструктивно, избалансирано и добро засновано“, велат од Канцеларијата на ЕУ.

Курти минатата недела изјави дека Уставникот суд е под влијание на одредени опозициски субјекти и носи политички одлуки.

The post Канцеларијата на ЕУ во Косово бара од Курти да не врши политички притисок врз Уставниот суд appeared first on Република.

Сметам дека ротациите се здрави, колку што знам Демократската унија за интеграција беше на власт веќе 22 години, изјави косовскиот премеир Албин Курти и му пушти студен туш на Али Ахмети кој никако да се помири со позицијата во опозиција. Изјавата, зачинета со онаа дека Македонија нема закон за албанскиот јазик, туку закон за јазици, предизвика лавина реакции кај врхушката на интегративците кои никако да се помират со вистината која косовскиот премиер, народски кажано „им ја плесна во фаца“.

Сметам дека ротациите се здрави, колку што знам Демократската унија за интеграција беше на власт веќе 22 години. Од основањето како субјект некаде околу година и половина беше во опозиција. Ротацијата е здрава. Од друга страна јас бев 20 години во опозиција. Сега сум во влада, 4 години ќе навршат следната пролет, но првин ќе имаме нови избори. Мора да се бориме со идеи за граѓаните и за Албанците. Мислам дека не треба да се бориме за власт. Нека победат идеите, посветеноста, патриотизмот, чесноста. Ова треба да биде победата. Но, ротациите се неизбежни. Ние сме една нација, Албанците каде и да се, имаме еден идентитет и еден јазик, но не можеме да имаме една политичка партија, додаде Курти.

The post Курти до Ахмети: Сметам дека ротациите се здрави, колку што знам Демократската унија за интеграција беше на власт веќе 22 години appeared first on Република.

Милорад Улемек Легија (56), поранешен командант на Единицата за специјални операции  кој беше осуден за убиство на српскиот премиер Зоран Ѓинѓиќ, прави погребна опрема и се занимава со градинарство во затвор.

Милорад Улемек работи со некои други осуденици во  погребално претпријатие од Пожаревац, а за таа работа е платен.

- Легија активно се занимава со монтажа на венци за тоа погребално претпријатие, со кое раководството на затворот „Забела“ склучило договор. Оваа работа му е лесна бидејќи се занимава и со сликарство. За време на престојот зад решетки завршил и обука за примена на основни уметнички техники, а може секојдневно да присуствува и на ликовната секција. Покрај семејството, на гости кај него доаѓа и професорот по сликарство. Поранешниот легионер станал и градинар, па така заедно со другите затвореници од „Алкатраз“ во просторот на строго чуваниот затвор средува трева, цвеќиња и садници - открива „Информер“ .

The post Легија во затвор прави погребална опрема! appeared first on Република.

Српскиот Завод за заштита на спомениците на културата подготвил допис до Владата на Србија и Министерството за култура во кој велат дека Владата грубо го прекршила Законот за културно наследство со своите одлуки за бришење на Згради на Генералштабот од регистарот на недвижни културни добра, јави Н1 кои имале увид во писмото.
Бараат Владата без одлагање да ја повлече одлуката „за да не бидеме единствената земја во цивилизираниот свет што не го почитува сопствениот закон“, „не ја почитува службата за заштита на недвижните културни добра“ и „уништува и уништува нејзините културни добра“.
Документот го состави Стручната служба на Републичкиот завод за заштита на спомениците на културата на Србија.

Владата на Србија донесе одлука да ги избрише од регистарот зградите на Генералштабот на Војската на Србија и Црна Гора и Министерството за одбрана, а одлуката беше објавена во Службен весник во петокот на 15 ноември и ќе стапи во сила осмиот ден од објавувањето.

Во дописот се наведува дека стручната служба на Републичкиот завод не изготвила елаборат или предлог за одлука за престанок на својствата на недвижен културен имот. Додаваат дека не би можеле ниту да дадат таков предлог за одлука бидејќи „нема ниту еден факт што укажува дека недвижниот културен имот“ на тие објекти „ги загубил монументалните својства“, поради што добиле таков статус. .

Во дописот се наведува дека не постои разумна, ниту законски пропишана основа оваа недвижна културна вредност да го изгуби статусот, јави

The post Српскиот Завод за заштита на споменици против зградата на Генералшабот да се даде на зетот на Трамп appeared first on Република.

Албанскиот премиер Еди Рама денеска, објави,  како што ја нарече, одлична вест за пензионерите, кои ќе добијат новогодишен бонус во износ од 100 до 150 евра во зависност од висината на пензиите.

За таа цел, додаде, владата во наредните денови ќе издвои фонд од 100 милиони евра.

-Овој бонус ќе биде на две нивоа: Сите пензионери кои имаат пензија до 20 илјади лека или 200 евра ќе добијат по 150 евра, што е трипати поголем износ од претходниот бонус. Пензионерите кои имаат пензија поголема од 20 илјади лека ќе добијат двојно поголем бонус од претходните години, односно по 100 евра, рече Рама.

Оваа разлика меѓу првата и втората група, според него,  не се прави за да се даде "помалку на оние кои имаат повисока пензија, туку за да се даде повеќе на оние кои имаат помала пензија“

-Бонус од по 150 евра ќе добијат повеќе од половина милион пензионери. Точно, 511 илјади, каде покрај 400 илјади 500 баби и дедовци, опфатени се и 65.800  трудови инвалиди и 44.600 корисници на пензија како мајки или деца без родители. По 100 евра ќе добијат други околу 210 илјади пензионери  нагласи премиерот Рама.

Тој вети дека владата планира исплата на бонус за пензионерите и во месец март

The post Рама чести новогодишен бонус за пензионерите appeared first on Република.

Тежок инцидент попладнево го потресе главниот град на Албанија, каде 14-годишно момче почина од убод со нож, по расправија во која се повредени две а едно е приведено во полиција.

-Инцидентот се случил во близина на 9-годишното училиште „Фан Ноли“, при што учениците кои се врсници, се степале по завршување на наставата. Првичните информации говорат дека до конфликт дошло поради недоразбирања на социјалните мрежи, објави Топ чанел.

Според полицијата починатото момче М.Ц. имало убод директно во срцето,  другото момче кое има убод во пределот на градниот кош, е во стабилна здравствена состојба, а третото момче се лекува во приватна болница и е вон животна опасност.

The post 14 годишен Албанец почина од убод со нож appeared first on Република.

Двата најголеми синдикати во Грција – во приватниот (ГСЕЕ) и во јавниот сектор (АДЕДИ) на 20 ноември ќе стапат во 24-часовен генерален штрајк.

Досега своето учество во штрајкот го најавија синдикатот на вработените во приватното образование, во градежништвото, во државните болници и во банкарскиот сектор. Синдикатот на грчките морнари најави дека в среда сите бродови ќе останат во пристаништата.

Еден ден претходно ќе штрајкуваат медиумите. Тие ќе ја прекинат работата од 19 ноември од пет часот до пет часот на 20 ноември.

Општите барања на синдикатите се однесуваат на мерките за справување со зголемените трошоци за живот и зголемените трошоци за домување, враќањето на законските одредби за колективни договори, борбата против картелите на пазарот. Синдикатите на државните службеници бараат враќање на 13-та и 14-та плата и реално зголемување на платите.

Меѓутоа, во различни сектори, штрајкувачите поставуваат и конкретни барања.

The post Грција на 20 ноември ќе биде блокирана од штрајкот на вработените во приватниот и јавниот сектор appeared first on Република.

По повод трагичната смрт на Ања Радоњиќ, општина Параќин прогласи тридневна жалост. Ања Радоњиќ беше тешко повредена во несреќата по паѓањето на повеќетонската настрешница на железничката станица во Нови Сад, јави дописникот на МИА од Белград.

Дваесет и четиригодишната Радоњиќ почина вчера во Клиничкиот центар во Војводина (КЦВ), и таа е петнаесеттата жртва во несреќата во Нови Сад.

Лекарите од Клиничкиот центар во Војводина продолжуваат со комплексно интензивен третман со континуирано следење на виталните функции на останатите двајцата пациенти кои се примени со тешки политрауматски повреди.

-Пациентите Ц. В, роден 2006 година и М. Т, родена 2000 година се наоѓаат во многу тешка здравствена состојба. Мултидисциплинарен конзилијарен тим од лекари секојдневно донесува одлука за понатамошно лекување, изјавија од Службата за односи со јавноста на КЦВ.

Новосадската опозиција поднесе барање за разрешување на градоначалникот на Нови Сад, Милан Ѓуриќ.

Во уривањето на настрешницата на железничката станица во Нови Сад на 1 ноември загинаа 15 лица, додека двајца се борат за живот.

Оставката на Ѓуриќ е едно од барањата од серијата протести кои беа покренати по трагедијата.

The post Тридневна жалост во Параќин поради смртта на петнаесеттата жртва од несреќата во Нови Сад appeared first on Република.

Девојката која беше тешко повредена при падот на настрешницата на железничката станица во Нови Сад почина во Клиничкиот центар во Војводина, изјави директорката на Клиничкиот центар во Војводина (КЦВ), Весна Туркулов, јавува Н1.

Се работи за пациентката со најтешки повреди. Петнаесеттата жртва во несреќата што се случи на 1 ноември во Нови Сад. И покрај борбата и напорите на лекарите, дојде до смртен исход, изјави Туркулов.

Таа додаде дека повредите биле опасни по живот од самиот почеток и дека лекарите сè уште се борат за животот на две сериозно повредени лица.

Во име на сите вработени во КЦВ сакам уште еднаш да изразам длабоко сочувство до семејството и благодарност до лекарите кои дадоа сè од себе“, рече Туркулов.

Младата кошаркарка и ученичка на кинески јазик, Ања Радоњиќ од Параќин, почина 17 дена борба. Таа се здобила со сериозни повреди при падот на настрешницата на железничката станица во Нови Сад, од која не можела да се опорави. Имала внатрешно крварење, раката и била ампутирана и била приклучена на дијализа.

Семејството и нејзиното момче деноноќно биле во болница и се молеле за нејзино опоравување, но за жал, Ања не можела да се справи со нејзините страшни повреди.

Дечкото, кој бдееше покрај болничкиот кревет, беше и последниот со кој Ања разговарала пред да се случи несреќата на железничката станица. Имено, двајцата разговарале на телефон додека таа излегувала од станицата во Нови Сад каде тој ја чекал, а потоа на само неколку метри од него се случила трагедија.

На сите им е тешко, а тој, како што рече, бил на неколку метри од неа. Ја чекаше да излезе од железничката станица. Во моментот кога се случила несреќата, кога паднала настрешницата, двајцата разговарале на телефон... Видел се, секој момент - изјавил за Информер роднина на починатото девојче.

Настрешницата на железничката станица во Нови Сад се урна на 1 ноември, кога 14 лица загинаа на лице место, а три беа тешко повредени.

The post Неколку чекори ги делеле од прегратка на железничката станица, остана со неа до крај: Почина 15 жртва од настрешницата во Нови Сад appeared first on Република.

Земјотрес со јачина од 2,2 степени според Рихтеровата скала се случи утрово во Грција во близина на Солун.

Според информациите, земјотресот се случил околу пет часот наутро, на длабочина од 10 километри.

За потсетување, во претходниот период во Грција беа забележани неколку земјотреси и тоа во околината на Солун.

Уште еден земјотрес во Грција се случил утрово во близината на Патра со јачина од 2,9 степени.

The post Утрово тресеше во близина на Солун appeared first on Република.

Началникот на одделот за општ криминал на секторот за криминалистичка полиција на полициската управа на Собош во Словенија, Роберт Роуди, вечерва изјави дека најмалку три лица загинале, а неколку се повредени кога мал авион се урнал нешто пред 12 часот во околината. од селото Ганчани на северо-источниот дел на Словенија.

„Сè уште не можеме да зборуваме за нивниот идентитет“, рече Роуди.

Според него, истрагата е во тек, во која учествуваат воздухопловниот инспектор и специјалист по судска медицина, а полицијата продолжува да собира информации за околностите на несреќата.

„Според првите извештаи, утврдено е дека мал авион полетал од аеродромот во Марибор и дека се урнал во областа Ганчана непосредно пред пладне“, изјави Роуди.

Според полицијата, авионот полетал од Марибор околу 11.20 часот, а наводно изгубил контакт со контролата на летање нешто пред 12.00 часот.

Порталот 24UR наведува дека летот бил наменет како роденденски подарок за едно од лицата во авионот, а за летот биле пријавени два млади парови.

The post Најмалку три лица загинаа во авионска несреќа – летот бил роденденски подарок appeared first on Република.

Една од тројцата пациенти тешко повредени поради уривање на настрешницата на железничката станица во Нови Сад почина на 17.11. во 15 часот во Клиничкиот центар на Војводина, соопшти в.д. директор на Клиничкиот центар на Војводина, д-р Весна Туркулов.

„Се работи за пациентка со најтешки повреди. Таа е петнаесеттата жртва во несреќата што се случи во Нови Сад на 1 ноември. И покрај сите напори на лекарите, таа почина“, рече Туркулов.

Таа додаде дека повредите биле опасни по живот од самиот почеток и дека лекарите продолжуваат да се борат за животот на уште две тешко повредени лица.

„Во името на сите вработени во КЦВ сакам уште еднаш да изразам најдлабоко сочувство до семејството и благодарност до лекарите кои дадоа се од себе“, подвлече Туркулов.

Настрешницата на железничката станица во Нови Сад се урна на 1 ноември, кога 14 лица загинаа на лице место, а тројца беа тешко повредени.

The post Почина една од повредените во несреќата на железничката станица во Нови Сад appeared first on Република.