Во пунктот на Центарот за јавно здравје-Штип досега на шест граѓани им се земени брисеви за тестирање за коронавирус.

Директорката на Центарот за јавно здравје-Штип, Марија Димитрова истакна дека во овој пункт се земаат брисеви со упат од матичен лекар од граѓаните од општините, Штип, Карбинци, Радовиш и Пробиштип.

Таа посочи дека пунктот за земање на брисеви за коронавирус се наоѓа на паркинг просторот на задната страна на зградата на Здравствениот дом „Панче Караѓозов”-Штип. Граѓаните треба да ги следат само насоките и многу лесно можат да пристигнат до пунктот.

Паркингот на задниот влез на Здравствениот дом во Штип е затворен во период од 8 до 14 часот поради функционирање на пунктот.

-Уште еднаш информираме дека тестирањето се врши исклучиво со упат на матичен лекар, вели Димитрова.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.