Телото губи повеќе течности во текот на летото, па затоа е многу важно во текот на топлите летни денови да пиете доволно вода.

Нутриционистката Лорен Минчен наведува дека количеството вода што му е потребно на организмот зависи од телесната тежина и од самото тело, пишува „Н1“.

Точната количина на вода потребна зависи од личноста, но за активни возрасни лица се препорачува внесување помеѓу два и четири литри на ден. Потребите може да варираат во тој опсег со промена на надворешната температура – истакна Минчен.

Таа додава дека на телото веројатно ќе му треба повеќе вода доколку редовно вежбате. Нутриционистката Ејми Шапиро истакнува дека е важно да се надополни течноста што човекот ја губи преку потење.

 

View this post on Instagram

 

A post shared by H20 reminder (@drinkwater.reminders)

Клиниката „Мајо“ препорачува пиење 2,7 литри вода дневно за жени и 3,7 литри за мажи.

Бојата на урината може да ви каже дали треба да пиете повеќе вода. Шапиро и Минчен наведуваат дека урината треба да има светла боја, а ако е темна, тоа е знак дека ви треба поголем внес на вода дневно. Замор, сува кожа, грчеви во мускулите, запек и вртоглавица се исто така индикатори за дехидрираност.

Покрај пиење чаша вода, може да јадете и храна што содржи големи количини вода. Шапиро истакнува дека лубеницата е одличен избор во текот на летото бидејќи содржи голема содржина на вода. Таа додава дека покрај лубеница, може да јадете и краставици, целер, брокула и спанаќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.