Истражувањето во аргентинскиот државен совет за научни и технолошки прашања покажа дека 90 отсто од луѓето развиваат долгорочен имунитет откако биле вакцинирани со „Спутник“, објави рускиот фонд за директни инвестиции (РДИФ), повикувајќи се на извештај објавен во „Ла насион“.

Новата аргентинска студија покажува дека клеточниот имунитет, кој обезбедува долгорочна заштита од ковид-19, се формира во 90 проценти од вакцинираните по имунизацијата со Спутник, соопштија од РДИФ.

Даниел Голан за „Ла Насион“ изјави дека кога Т-клетките повторно ќе се сретнат со вирусот, тие брзо произведуваат антитела и „клетки убијци“ кои го уништуваат вирусот.

Значаен одговор на Т-клетките покажува дека заштитата останува долго време, рече тој.

До денес, Спутник е одобрен за употреба во 67 земји, каде живеат 3,5 милијарди луѓе. ТАСС заклучува дека податоците собрани од повеќе земји, вклучувајќи ги Србија, Бахреин, Унгарија, Мексико и други, покажуваат дека Спутник е една од најбезбедните и најефикасните вакцини против коронавирус.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.