Центарот за јавно здравје Тетово информира дека седум новозаболени од Ковид-19 се регистрирани во текот на изминатото деноноќие во тетовско.

Од вкупно седум, пет случаи се жители на општина Тетово, додека по еден случај има во местата од општините Теарце и Брвеница, информираше д-р Зорица Зафироска, специјализант по епидемиологија при Центарот за јавно здравје во Тетово.

Од тетовската полиција информираат дека во тетовско до седум часот утринава се бележат 29 нови решенија за изолација од Државниот санитарен и здравствен инспекторат.

Извршени им биле контроли на 587 лица со вакви решенија и не биле констатирани неправилности околу почитувањето на решенијата, информираат од СВР Тетово.

Во текот на изминатото деноноќие, за неносење заштитни маски на вкупно 30 лицa изготвени им се прекршочни платни налози, согласно член 6 од соодветната владина Уредба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.