Завршена е првата фаза од реконструкцијата на одделенијата во Специјалната болница по хируршки болести „Св. Наум Охридски“ во Скопје (стара градска болница). Реновирањето се одвива во неколку етапи. Министерот за здравство доц. д-р Венко Филипче, утрово ја посети болницата и оствари средба со директорот на болницата д-р Иван Спировски, соопштија од Министерството за здравство.

Третиот кат е целосно реновиран, каде се сместени одделенијата за детска хирургија и пластична хирургија.

Во моментов, се реновираат првиот и вториот кат. На првиот кат сместено е одделението за урологија, додека пак на вториот кат сместен е одделот за дигестивна хирургија. Поставен е и нов лифт, за да се одвива непречено работата во болницата.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.