Нашиот внатрешен часовник регулира многу аспекти во организмот, вклучувајќи го и одговорот на вакцината. Нова студија објавена во списанието „Biological Rhythms“ покажува дека нивото на антитела може да биде повисоко кога луѓето ќе ја примат вакцината попладне отколку наутро.

Студијата нуди груб одговор за тоа како времето во денот влијае на имунолошкиот одговор на вакцината против Ковид – објаснува една од авторките на студијата, д-р Елизабет Клерман и професорка на Универзитетот Харвард.

Истото се случува и со многу лекови, луѓето кои имаат белодробни заболувања ќе почувствуваат силни симптоми во одредени периоди од денот. Студијата покажала дека луѓето кои примаат вакцина против грип имаат повеќе антитела ако го направат тоа наутро отколку попладне.

Се покажа дека хемотерапијата, доколку се дава во одредени периоди од денот, исто така подобро ќе ги таргетира клетките на ракот и ќе ја ограничи токсичноста на другите – додава таа.

Затоа, авторите предлагаат да се испита колку внатрешниот часовник влијае на имунолошкиот одговор на вакцината против Ковид.

Студијата ги мерела нивоата на антитела по примањето на оваа вакцина кај 2.190 здравствени работници во Англија. Во моментот на вакцинацијата биле собрани примероци од крв од асимптоматски лица. Направен е модел според кој може да го проверат ефектот на антителата, во зависност од времето на вакцинација и вакцината што ја примиле, годините, полот и бројот на денови по вакцинацијата.

Се испоставило дека одговорот на антителата бил многу посилен кај секоја личност која примила вакцина во попладневните часови. Покрај овој факт, одговорот на антителата е подобар кај жените и младите луѓе – кои ја примиле вакцината mRNA. Оваа студија не се совпаѓа со старите информации дека постарите мажи покажале подобар одговор во однос на антителата по вакцината против грип и дали биле вакцинирани наутро.

Вакцината против САРС-КоВ-2 и вакцината против грип имаат различни механизми на дејствување, така што одговорот на антителата може да зависи од тоа дали телото ги препознава патогените од претходната вакцина или се соочува со нов вирус – вели д-р Клерман.

Ограничување на студијата е недостигот на податоци за учесниците, лековите и медицинската историја, навиките за спиење и работното време, што може да влијае на одговорот на вакцината.

Треба да продолжиме со истражување и прегледување на податоците за подобро да ги разбереме ефектите од вакцината и одговорот на телото на вакцината пред да им препорачаме на луѓето во кој период да ја примат дополнителната вакцина, ако тоа го сакаат.

 

Ако прелиминарните податоци покажат разлика во влијанието на внесот на вакцини во зависност од времето во денот, тоа може да предизвика промени во начинот на примање вакцини во одредени периоди од денот – додава таа.

Д-р Клерман и нејзините колеги моментално ги анализираат податоците за несаканите ефекти од вакцината кај луѓето кои биле вакцинирани во болницата во Масачусетс Бригам.

Ако нивото на антитела е повисоко кај луѓето кои ги примиле попладне, може да видиме и промени во несаканите ефекти – додава д-р Клерман.

Таа, исто така, се надева дека ќе има можност да добие податоци од контролни студии поврзани со оваа вакцина и одговорот на антителата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.