Министерството за здравство распиша тендер за набавка на 80.000 лубриканти
согласно програмата за заштита на населението од ХИВ инфекција. Јавниот оглас е распишан денеска во Бирото за јавни набавки, каде се дадени техничките спецификации.

Се работи за подмачкувачи изработени 100% на база на вода, без мирис, без вкус и без боја, без алкохол и без силикон,не петрохемиски производ. Пакување од 3мл до 5 мл, лесни за отворање и погодни за патување и секојдневна употреба. Рок на употреба најмалку од две години, сметано од денот на испораката.

Економскиот оператор да има обезбедено одобрение за запишување во Регистарот  на медицински средства издадено од Агенцијата за лекови и медицински средства -МАЛМЕД.

Како што стои во објавениот тендер главен критериум за доделување на договорот е најниската цена. Јавното отворање на понудите ќе се одржи на денот и во часот определен како краен рок за доставување на понудите.

Краен рок за доставување на понуди е 4.септември 2019 година во 12:00 часот во Министерството за здравство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.