Велешанец на 51-годишна возраст почина утрово во велешката болница, како последица од ковид-19. На инфективното одделение тој се лекувал од 19 ноември. Починатиот велешанец е 66 жртва на коронавирусот во Велес од почетокот на пандемијата.

Во истовреме, продолжува трендот на намалување на бројот на хоспитализирани пациенти со ковид-19 во велешката болница. Денеска таму има 62 пациенти или еден помалку од вчера. Од нив, 57 се со потврден позитивен тест, двајца се сомнителни на вирусот, а тројца пациенти имаат негативни тестови на коронавирус. 22 пациенти имаат потешки симптоми на вирусот и добиваат кислородна поддршка.

На инфективното одделение се лекуваат 50 пациенти, на одделението за физикална терапија има деветмина и на интерното одделение се хоспитализирани тројца пациенти поради ковид-19.

Од почетокот на пандемијата 1962 велешани се заразија со вирусот, од кои 1179 се излекувани, а 718 се се уште активни случаи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.