Министерството за внатрешни работи соопшти дека утре со почеток во 16:30 часот, во организација на Атлетска федерација на РСМ, ќе се одржи атлетска трка со траса од Порта Македонија.

Трката почнува од Порта Македонија, плоштад Македонија, ул.„Никола Вапцаров“, десно по ул.„Димитрие Чуповски“ до крстосница со ул.“Даме Груев“ каде се врти полукружно назад по ул.“Димитрие Чуповски“, десно по ул.“11-ти Октомври“ до крстосница со бул.“Кочо Рацин“, каде се врти полукружно и се движат назад по ул.“11-ти Октомври“, десно по ул.“Филип Втори Македонски“, лево по пристапната улица на ГТЦ и десно до целта кај Порта Македонија.

Од тие причини СВР Скопје ќе преземе мерки за посебен режим на сообраќајот по сообраќајниците на поширокото централно подрачје на Скопје.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.