Есента во земјава и на северната хемисфера почнува вечерва во 21:21 часот. Во исто време на јужната полутопка на Земјата ќе настапи пролет.

Првиот есенски ден е 265-иот ден во годината во годината и ќе трае 12 часа и 14 минути. Сонцето изгреа во 6 часот и 19 минути, а ќе зајде во 18 часот и 33 минути.

Есента ќе трае 89 дена, до 21 декември во 20 часот и 38 минути, кога календарски почнува зимата.

Синоптичарите на првиот ден од есента најавуваат променливо облачно и свежо време со повремен локален дожд. Ќе дува умерен, а вдолж Повардарието, засилен ветер од северен и северозападен правец. Утринската температура е во интервал од 8 до 16, а максималната ќе достигне од 16 до 25 степени Целзиусови.

Во Скопје слично време со услови за повремен слаб дожд. Утринската температура се спушти до 11, а максималната ќе достигне до 19 степени Целзиусови.

Облачното и посвежо време со умерен до засилен ветер од северен и северозападен правец ќе преовладува до четврток. Од четврток до сабота утринските температури ќе бидат многу ниски и на некои повисоки места ќе се спуштат и до 0 степени.

Во петок и за време на викендот ќе преовладува стабилно и потопло време со пониски утрински, а повисоки дневни температури. Зголемување на облачноста се очекува во понеделник попладне.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.